Classifica

Tagliare Menetti?

Ma no. Ma no su tutta la linea proprio. Qua nessun ga fatto scampar nessun. Questo xe un topic ostico, molto ostico e ga retto 50 pagg senza grossi scossoni, nè diatribe, offese etc. Molto de più e molto meio de vari altri, vista l'incredibile delicatezza del tema trattado !! Le robe più "piccanti" xe stade le pizzigade tue, de Cip, Ndcojo e un po' de Rudy, con Stefano (che fossi argomento ampio per un altro post). Ndcojo xe per distacco el maggior contributor de questa discussion, una presenza costante, massiva in termini de post. Me sembra sia chiaramente un appassionato e quindi da subito se ga butado a piè pari sull'argomento. Ma xe anche schierado senza ipocrisie, su un tipo de ideologia. E "schierado" in questo conflitto. E talune volte non ghe xe andado tanto leggero, soprattutto con le reprimende varie, alludendo a ignoranze e disinformazioni varie. Ma questo non xe un forum a tema ! No se pol pretender o aspettarse che tutti o molti, sia altrettanto appassionati de certi argomenti, come lo xe ndcojo de questo. Però secondo mi, proprio perchè el xe stado "senza veli", no se ga scatenado la bagarre in questo topic. Credo ghe sia stado riconosciudo el rispetto de idee ed opinioni magari poco popolari, ma portade avanti senza nasconderse. Ma credo anche che per tali motivi, no se possi poi però aspettarse de no gaver qualche polemica, o de esser un po' più sotto la lente d'ingrandimento. Nè che se possi star a guardar el capello, su mezze parole in più o in meno de qualche altro utente. Xe un foruuuuum ! Xe 4 chiacchere che nessun ne obbliga a far tra l'altro, in teoria quindi l'approccio (de tutti) dovessi esser improntado al piacere de far 4 chiacchere virtuali. Per dar un parere che nessun me ga chiesto, go avudo l'impression che sia scattada un attimo de sindrome da generale Custer, da accerchiamento. Che ndcojo se gabi sentido un po' in trincea. Delle frecciate magari xe rivade, ma nelle pagg precedenti ghe ne xe diverse anche de sue. Ma insomma el tutto se ga svolto senza che la benzina ciapi fogo, visti appunto gli argomenti. Ricordo el topic sulle implicazioni extra-sanitarie del covid...chiuso poi da Stefano ed allora leggendo questo, go l'impression che se gabi enfatizzado troppo qualche situazion che non lo meritava. Mi comunque confido che Ndcojo rifiati un giorno, se rassereni un attimo, provi a pensar de ciaparse e ciapar le robe qua sul forum un po' meno sul serio (che no vol dir affatto metterse a parlar a capocchia, o tanto per) e continui a partecipar. Se gaverà voia lo farà, se no ghe andrà più, non lo farà. Ma de certo non sarà perchè rincorso ed aggredido dai "dittatori della democrazia" del forum. Frase bona solo per dar un po' de color e farte supporr de gaver dito una roba furba.

Complimenti! Coi vostri metodi da dittatori della democrazia gavè fatto scampar l'unico utente (o un dei unici) che affrontava gli argomenti per quel che i xe. Per ogni Euskal che dixi robe sensade che rispetto anche se son de idee diverse, xe 4/5 utenti che ripeti come pappagalli le scemenze dei vari Parenzo e Telese. E questo xe un pecà, perché per el mio modo de veder no xe roba più bella del confrontarse con un de idee opposte per arrivar a una sintesi. A patto che la controparte sappi de cosa se parla, e francamente xe poco spazio de confronto con gente che fa ragionamenti da sussidiario delle medie Per una decina de giorni go avudò - ahimè - altre robe a cui pensar, e me iero dimenticado de quanto fossi incommentabili un paio de utenti talebani occidentali che scrivi qua dentro.