postajkja

In teoria, si, perchè xe la parona dela infrastrutura. Però se el progeto xe dela provincia insieme a tuti quei che ga firmado el protocolo poco tempo fa, saria de pensar che i soldi li meti un poco tuti. Ma chi? E quanti? E in che percentual? Unica certeza: bisogna che el progeto esecutivo sia aprovado, l' eventual valutazion de impato ambiental rilasada da chi de dover, i lavori finanziadi e apaltadi prima dele prosime elezioni. Se camvia el color del sindaco e/o del presidente dela provincia e/o de quel dela region va tuto in cavaleria. NdStarlite: go modificado per render chiara la citazion de un post precedente. Quando te citi un toco de un altro post inserisi sempre la citazion tra i tag appositi (quote) se no no se capisi cos te citi e cos te scrivi ti

A ocio e crose ghe vol una setimana. Ma bisogna veder se ghe xe l' intenzion de farlo. Una roba che me son dimenticà nel mesagio precedente: al momento la galeria de circonvalazion xe interdeta al transito dei treni viagiatori. Tanto xe vero che i treni dei camion de Trieste a Salisburgo e viceversa, che i gà una caroza a cucete per i camionisti, circola nela galeria in deroga a quele disposizioni. Ma no penso che un treno ogni 15 o 30 minuti tuti i giorni tuto l' ano poderia far lo steso. E tuto questo perchè la galeria xe longa più de zinque chilometri, no la gà impianto antincendio e no la gà vie de fuga. NdStarlite: go modificado per render chiara la citazion de un post precedente. Quando te citi un toco de un altro post inserisi sempre la citazion tra i tag appositi (quote) se no no se capisi cos te citi e cos te scrivi ti

Vardè ben el percorso de questa linea: la fermata Mioni xe in galeria de circonvalazion giusto soto el park de piaza Perugino; la fermata Svevo xe de fronte ale Tori sul viadoto. Quindi i treni venieria fora dala galeria da quel tunel a binario unico unico che passa a rente dele Tori. Ma sul viadoto el scambio che colegava le due linee se stà cava za da qualche ano; el scambio soto largo Mioni idem. E sembreria che sia intenzion de RFI de smantelar anca el binario nela galeria. Ala facia dela metropolitana legera. NdStarlite: go modificado per render chiara la citazion de un post precedente. Quando te citi un toco de un altro post inserisi sempre la citazion tra i tag appositi (quote) se no no se capisi cos te citi e cos te scrivi ti

Piccolo problema: fin a Aquilinia i binari xe de proprietà de RFI. Se RFI no ga firmà quel protocolo, el medesimo xe carta straza. No se pol dir e e far "slarghemo el coridoio, de do camere femo un salon", senza ciamar in causa el paron dela casa. NdStarlite: go modificado per render chiara la citazion de un post precedente. Quando te citi un toco de un altro post inserisi sempre la citazion tra i tag appositi (quote) se no no se capisi cos te citi e cos te scrivi ti

Vedemo de far un poco de ciaro: esempio: SCOZIA se no vado erato semo a Londra: DLR Docklands Light Railway KIEV(tram veloce) niente da dir MONACO questa xe una metropolitana vera e propria, cioè "pesante" A BRESCIA i sta za costruindo una metropolitana veloce, ma più centrale (e articolada) de un eventual tragito ts-muja.. e la xe automatica (niente autista), una roba che trovo piutosto inquietante... quela in foto xe de Torino: se vedi la sigla GTT - Gruppo Torinese Trasporti I vol farghene in Italia anche a Latina, " ... se i lo farà sarà come quel de Padova, cioè TransLohr ... " Palermo - no se ga più savudo niente dopo la presentazion uficiale; però a Palermo ghe xe za la metropolitana fata coi treni de Trenitalia; Cagliari - i sta za colaudando i tram; xe sei complessi (za rivadi tuti) più tre in opzion; i xe stadi costruiti a Praga da Skoda; xe tram a più casse da zirca 35 o 40 metri longhi; da Cagliari a Monserrato i caminerà sul binario delle FdS - Ferrovie della Sardegna - el cui servizio vignirà sopreso. e Avellino - per el momento solo ciacole.

Xe un Mercedes O520 Cito ibrido (ovvero diesel assistido elettrico) e xe un due foto visibili qua. Xe dei diesl-eletrici a tuti i efeti. El motor diesel movi un generator (vulgo = dinamo), questo produsi corente eletrica, che a sua volta fa girar el motor (eletrico) meso sul asse de drio. Ma la più comica xe che al momento de presentarlo ani indrio, la Mercedes lo reclamizava come "autobus eletrico con motor che gira a regime costante". Pensèghe ben: quando el xe fermo el motor eletrico xe anca lui fermo e no 'l ciucia corente, ma 'l motor diesel xe al minimo; quando te aceleri, 'l motor eletrico ghe servi corente e quindi el diesel acelera; più te vol farlo corer e più el diesel devi acelerar.

cucu'cu' i 18 metri van hool non ci sono piu' i ultimi 2 sono andati a brescia...........anzi uno solo il 775 ga fuso per strada Da quel che so mi i xe andadi in Portogalo. Cioè in un altro posto dove a guidàr la baraca xe i inglesi de Arriva.

Ieri sul Piccolo go leto una notizia che me ga fato cascar......i brazi andè a legerla quà http://trieste.forumer.it/trieste-post-20424.html#20424 Probabilmente sto inverno se doverà star a casa anche se un gaverà rafredor, perchè se el stranuda col guida ...se staca el parabrezza Che po' tuto el problema sta nel fato che el ga roto el sentàl del posto de lavor. Mi conosso sia lui che un suo colega, forsi più pesante de lu; ma 'sto altro xe ancora al suo posto. Feghe caso qualche volta se vedè sula 44 o 42 un alto sul 1 e 85, grosso come la poltrona de Fantozi (quela che no 'l rivava mai a star sentado e 'l cascava in tera) e S E M P R E vestido de nero. Vardèlo ben e po' diseme quanto che 'l pesa.

Son Marino, 45ene triestin patoco: son nato qua ma po' gò visudo a Milàn (anca se son interista!), Gorizia, Torino (dove go fato el militàr) e po' son tornado al ovil (ma no quel de la cavra istriana!). Ex ferovièr, ora lavorador (in tuti i sensi, anca i sensi unici e i dopi sensi!) in una coperativa social (ma no xe le Coop). Me piasi far fotografie, me intereso de trasporti (specie dei bus de Trieste e del Tran de Opcina), me piasi le bele babe (ghe mancherìa altro!). Son single (purtropo per scelta dele sunominade babe!). Bon, pel momento penso che basti. Casomai me venierà in mente qualcossa altro lo zonterò più in là.