Mulotriestin

Ve dirò..gnanche mi no gò sai simpatia per lori...però me rendo conto che dovemo imparar a conviverghe e a rispettarli..senonaltro perchè ghe ne gavemo davvero tanti e se no imparemo a star con lori sarà sempre più dura!!! Eppoi in effetti xe vero, Trieste gà sempre avù questa vocazion de città cosmopolita, multietnica e quindi anche multireligiosa! Quindi..che i fazi pur!!Basta che no i ne domandi soldi e che i se rangi!!! CIAUUU

Ogni tanto i xe un pò insempiai ma go visto 'sai de pezo in giro...pò dipendi da chi che te capita..... CIAUUU

Macchè recintar!I xe fora co la testa? Son dacordo che bisogna far in modo che chi che faseva troppo scagaz sia limitado..ma serar proprio no! Primo perchè xe bruto de veder, sia le transenne che una ringhiera fissa, secondo perchè no me par giusto che per quatro mone devi pagar tutti, con l'impossibilità de acceder a un spazio "pubblico"! CIAUUU

I gà blocca el traffico perchè a un certo punto se gà sentì forte odor de gas e petrolio...iera i tubi che se gaveva rotto e perdeva gas alla grande...iera el ris'cio che s'ciopi tutto per aria per quel i gà blocà tutto!! CIAUUUU

Dalla foto del tetto crollà che go visto sul Piccolo gò notà un particolare inquietante...se vedi sai pochi feri dentro el cemento armato!!Me vien el dubbio che cò i gaveva costruì el tetto i iera andai in economia. .ga guantà fin che gà guantà e ieri...PATAPUNFETE!! Vederemo cossa che i ne conta nei prossini giorni sul giornal... CIAUUUUUUUUUUU

Tornavo dal friul dopo una pasquetta passada e smagnazar e bever...passo daventi al befed e vedo tre volanti della polizia, tre mezzi dei vigili del fogo e un casin de gente intorno ..gavevimo capì che iera successo qualcossa de grave ma no se capiva cossa.. pò son rivà a casa e gò sentì el tg...l'unica roba che me vien de pensar xe che meno mal no ghe iera nissun dentro senno iera la vera strage!! Mi no me intendo de ingegneria ma me vien el dubbio che co i gà ristrutturà i gà tirà via con troppa leggerezza qualche colonna poi la piova de 'sti giorni e tanti mesi de vibrazioni della musica gà fato el resto..cmq per fortuna xe andada ben!!! CIAUUU

Mah, devo dir che el hippo no me fa impazir, specialmente me fa rider (o mejo de pianzer)el fatto che el doveva esser fato de bronzo..dopo i se ga scorto che no i gaveva i soldi e allora i la ga comprada in plastica...che tristezza!! La piscina all'inizio no me piaseva proprio...adesso no la me dispiasi, la xe ssai strana ma la salva el fatto che la xe inserida in un contesto 'bastanza particolare dove convivi stili ssai diversi a volte anche antitetici...quindi la ghe pol star. Cmq..stavo pensando, no podessimo tirar fora qualche idea per i prossimi monumenti e opere d'arte de piazar in giro per Trieste?Cussì, tanto per capir cossa che volemo...mi la buto là dopo vedè voi se gavè voià de spremer le meningi..mi comincio da adesso e vederemo quel che vien fora! CIAUUUUUUUUUUUUUUUU

Dato che me son appena affacià al sito no volessi subito far la figura del contraston però no xe proprio come te disi ti.... Ti giustamente te disi che i la voleva tirar zo dopo la esposizion..e in effetti i parigini no vedeva l'ora che rivi quel momento perchè no i la guantava!! La gà salvada no i consensi ottenudi ma el fatto che la ghe serviva allo stato per far esperimenti de radiotrasmissioni...dopo che xe passà diversi anni la gente gà incomincia a affezionarse e col tempo la xe diventada el simbolo de Parigi!!

Ciau a tutti e grazie del benvenuto! Cenerentola..te son stada ssai cocola a farme 'sto bel regalo..quasi quasi, visto che son un poco triestin e un poco mujesan me ciogo la fontana e la cazo in piazza a muja..magari ai mujesani la ghe piasi..va ti saver!! Cmq son d'accordo che le robe devi piaser e devi aver un senso..ma el senso te lo scostruissi ti nel tempo vardando la cosa. Te fazo un esempio per farte capir quel che vojo dir: co' i ga costruì la torre eifel a Parigi ai parigini la ghe faseva cagar e anzi i gaveva chiesto che i la tirassi zo al più presto..in fin dei conti cossa iera, quattro feri incrosai che coi anni saria anche 'ndia ruzini!!Eppur oggi migliaia de persone ogni giorno va a parigi a veder la torre eifel e i se fa fotografar soto de ela! No vojo dir con questo che i mascheroni tra diese o vebti anni sarà come la torre eifel ma iera per far capir cossa che intendo cò parlo de abituarse. E pò la nostra fontana rispetto alla torre ga el vantaggio cje no la pol andar ruzine..la xe in inox o cromada!! Ciauuuuuuuuuuuuuuuuuuuu

Anderò controcoorente ma a mi no la me dispiasi...xe una roba particolare, pena vista pol no piaser ma dopo se pol apprezzarla. Un pò come co' vien fora una machina nova, quante volte appena uscida te senti qualchedun dir "ciò, la me fa cagar", e dopo qualche mese te lo vedi in giro proprio con quela macchina che tanto ghe faseva cagar!! Xe una roba origianale, in giro per l'europa xe pien de 'sta arte moderna...vederè che ve abituerè!! Ciauuuuuuu