Frencie

Anche io sono appassionatissima di bici, bici da corsa...i giretti che faccio di solito sono sull'altipiano, perchè preferisco quella zona a Barcola o alla Costiera... i giri che faccio di solito sono: -Salita di Opicina e da là diverse varianti: o vado fino Prosecco e scendo per strada del Friuli (circa 35 km totali), o vado fin Sgonico per allungare, o fino a Monte Grisa, oppure, come ho fatto l'ultima volta, vado per Rupingrande, Zolla, torno Opicina, Padriciano, Gropada, Basovizza, e casa (ossia San Giusto) per una 50ina di km totali, ma massacranti alquanto. -Salita di Prosecco e da là verso Opicina, Basovizza, a seconda del tempo che ho che non è mai molto purtroppo. -Un'unica volta ho sconfinato in Slovenia da Samatorza, fino Komen...bellissimo giretto, si prende anche tanto sole! -Alcune volte mi lancio per la salita del Boschetto fino via Revoltella, ma lo faccio solo quando ho poco tempo, e mi piace cronometrare il tempo di salita, tutto qua. Giuli, il Campolongo è meraviglioso, anche io voglio farlo quest'anno! Qualche passetto lo farò sicuramente. Magari qualche volta ci siamo visti in giro...io ho sempre la divisa del sito Cicloweb bianca-rossa-blu e gialla e una vecchia bici Zanella rossa. Se non sei una specie di mostro potremmo anche fare qualche giretto insieme io vado piano! Ciao!

Go letto tutti i vostri commenti, e ghe tegno a dar delle risposte perchè penso de saverghene parecchio sulla faccenda, visto che go letto molti dossier in merito e go anche avù occasion de intervistar la sua manager e alcuni suoi compagni. (tra l'altro, mi no so se posso, ma ve volessi dar el link dell'intervista che go fatto alla sua manager, Manuela Ronchi, nonchè autrice del libro "Un uomo in fuga", spero de no crear un danno diplomatico ma cmq lo go scritto mi: www.cicloweb.it, la xè lunghissima e so che solo i coraggiosi riverà in fondo, ma almeno provo ) Solo per risponder ad alcune robe che me ga fatto inorridir: 1)Pantani no xè MAI sta trovà positivo, a nessun controllo. Quando i ghe ga trovà l'ematocrito sora 50, iera un periodo in cui i test antidoping no permetteva ancora de trovar l'epo nel sangue, e quindi i ciclisti e la Federazion gaveva firmà un accordo che se ciamava "Io non rischio la salute" in base al quale chi vigniva trovà con l'ematocrito sora 50 vigniva fermà dalle corse come cautela della sua salute visto che quel livel xè pericoloso. Però gaver l'ematocrito sora 50 non xè necessariamente prova de usar doping: el valor pol sballarse con poco, come star in pie o sentadi, esser stressadi, esser a stomigo pien o meno, usar el laccio emostatico o meno, inoltre alcuni sostien che nella siringa non ghe saria sta l'anticoagulante. Per Pantani, che naturalmente gaveva un ematocrito attorno ai 47-48, capirè che ghe basta poco per alzarse de un punto. Per non parlar delle anomalie riscontrade durante quel prelievo: iera tutti scazzadi, lo ga trattà de schifo, i ghe ga prelevà solo una provetta e no due (quindi iera impossibile far controanalisi, per le quali servi una seconda provetta), inoltre Marco se iera provà l'ematocrito con una macchinetta che ga tutte le squadre, e sia subito prima che subito dopo el controllo el gaveva 48. Strano, no? 2)Per chi ga parlà de "potenti": mai parola fu più adatta. Marco iera nel mirin de tanti: dei altri partecipanti al Giro che no podeva più de lui (per invidia), de altre squadre più grosse che vedeva i propri sponsor milionari incazzadi perchè no i vinzeva mai niente, mentre Marco con la sua squadretta de poche lire el vinzeva tutto, addirittura alcuni sostien della Fiat perchè el gaveva prestà l'immagine alla Citroen, molti parla del dio-calcio messo in parte da uno sport come il ciclismo, che fa girar pochi soldi e a cui se pol assister gratis, messo improvvisamente alle luci della ribalta grazie a un corridor bravissimo e fora delle righe. Infine, roba anche peggiore, tal Vallanzasca, boss de no so cossa, immischià nelle scommesse clandestine, ga dichiarà che nell'ambiente delle scommesse clandestine appunto girava voci già una settimana prima che Marco saria sta fermà, perchè ovviamente una sua uscita dal Giro gavessi buttà per aria tutti i pronostici... 3)Marco no iera un dopà, nol se ga MAI dopà, o perlomeno no i lo ga mai dimostrà. In compenso sì, el iera tossicodipendente: una personalità fragile, sconvolta da sette ingiuste procure alle spalle, da titoloni de giornali che lo dava per drogà quando no iera vero, un mulo che ga da la vita per la bici e se ga trovà a vergognarse INGIUSTAMENTE al punto da no poder più uscir de casa. No voio giustificar chi che se droga: ma in questo caso, posso capir. E la droga sicuro no lo fazeva andar più forte i bici, anzi, lo debilitava a tal punto che nol stava gnanche in pie. Perchè nol ga vinto più dopo Campiglio? perchè tra i processi, e, soprattutto, la coca, nol rivava più allenarse. Ma nonostante questo, el ne ga ancora regalà tantissime emozioni e delle bellissime vittorie. Podessi dir ancora tantissime robe, ma me fermo qua. Spero de gaver chiarido le idee...come podè capir, Marco Pantani per mi xè tantissimo. Saluti

Replico solo a chi dice che Pantani fosse un dopato: nessun test ha mai dimostrato che lo fosse. L'autopsia sul midollo osseo dopo la morte ha evidenziato che non c'erano tracce di uso di epo o di altre sostanze dopanti nel corso della vita. Ricordo che è stato fermato perchè il valore dell'EMATOCRITO era oltre la media: ciò non è affatto sintomo dell'assuzione di sostanze dopanti, ma l'allontanamento dalle corse era ("era" perchè ora i regolamenti sono cambiati) solo un metodo preventivo per la salute, visto che l'ematocrito alto è pericoloso. E' un valore del sangue che può essere sballato anche dall'altitudine, dal fatto di stare seduti troppe ore, o dall'aver fame o meno. Pensate un po', su cosa si sono basati per distruggerlo. Poi ci hanno pensato le false amicizie, i potenti a cui stava sulle scatole e la sua debolezza a completare l'opera. Ma non ti dimentico, Marco, no: saremo in molti a non dimenticarti, mai.

Henry Coronica, direttore del villaggio vacanze del cane "Gilros" di Opicina, e affermato atleta di sleddog, parteciperà alle dimostrazioni di questa disciplina che si terranno a Moncenisio il 17-18-19 febbraio. L'anno prossimo lo sleddog dovrebbe diventare disciplina olimpica, speriamo! (per chi no sa, el sleddog xè le slitte trainade dai cani! )

Se volemo aggiunger una (alle tante, purtroppo), oggi go portà le carte per dichiarar che go fini el stage obbligatorio, dopo gaver speso centinaia de euri per un stage figon a bergamo....e dopo che i me ga mandà cento volte indrio perchè mancava sempre qualcossa in ste carte (cioè, no i te disi tutto in una volta cos che manca, no, un toco alla settimana)....e OGGI (el stage xè finì a ottobre, e xè durà 5 mesi), el tutor me fa: "Ma guarda che il tuo stage doveva durare sei mesi, non cinque....quindi o torni a bergamo un mese o ti trovi qualcos'altro qui a trieste" ......cioè, no savevo se sciopar a pianzer o darghe lignade...MA NON TE ME LO PODEVI DIR PRIMA??? Cusì, speravo de gaver finì invece devo ricominciar da capo con tutte le carte e robe varie...

caspita, no me lo aspettavo, davvero....no so come dirve grazie.... anche se no scrivo mai, ve tegno de ocio spesso, ma questa davvero me iera sfuggida! Grazie a tutti @ trert: te son proprio un imbraghella....

Te cito appieno...mi son al terzo anno de comunicazion, e so za che se no anderò via de Trieste sai poco farò. Per fortuna che la voia de spostarme xè tanta...

Te ga ragion Maurice, el ciclismo xè troppo vessado, xè un capro espiatorio comodo perchè gira troppo pochi soldi rispetto altri mostri sacri come el balon. Un ciclista dopado finissi in prima pagina e sconta anni de squalifica, un'intera squadra de sponti finissi al tg per qualche ora, poi tutto come prima...

Purtroppo vedo che l'ignoranza su certi argomenti cusì scottanti, e che ghe sta tanto a cuor della gente, xè ancora molto diffusa, e per ignoranza no intendo insultar nissun, intendo solo che molti "ignora" i fatti e le robe cussì come che le sta, e i disi cavolade. Dir che Pantani iera un dopado xè la più grande bufala del secolo. Test effettuadi sul suo midollo spinale dopo la sua morte ga dimostrà che nol ga mai e poi mai assunto EPO, l'eritropoieina sintetica, nonchè sostanza dopante che nei anni Novanta assumeva el 99% dei ciclisti (e molti la assumi tuttora). El fatto che i ghe gabbi trovà la cocaina sul comodin dell'albergo vol sì dir che el iera drogà , ma no che el iera dopado. Xè una differenza abissale. La cocaina no lo fazeva andar più forte in bici, tantopiù che la ga iniziada a cior dopo che el ga smesso de correr, o cmq nella parte finale della sua carriera, ben dopo i suoi trionfi a Tour e Giro (per chi no credi, leggeve la biografia curada da Manuela Ronchi, "Un uomo in fuga", xè molto illuminante). Pantani ga veramente pagà per tutti, perchè se se andassi a vardar le analisi de altri corridori, de quei anni come de adesso (cosa che nissun fa perchè xe scomodo), se vederia che TUTTI ciodeva qualcossa, ma no i iera scomodi come Marco, per un'infinità de motivi che no sto qua a spiegar. Quindi per favor, no stemo dir che Pantani iera dopà perchè i ghe ga trovà la cocaina, visto che xè due robe totalmente diverse, e visto che el ga tacà drogarse DOPO le vicende de Madonna de Campiglio che lo gà distrutto come omo. Cmq la discussion iera incentrada su Armstrong. Beh, xè appurado che lui, come tutti, ciol qualcossa (basta saver che el suo medico, tale Ferrari, xè arcinoto nell'ambiente), però anche qua xè de ribadir che nol xè l'unico, e che l'Equipe ga tirà fora sta storia solo per darghe addosso ora che nol ghe servi più, perchè el se ga ritirà dalle corse e no ghe servi più l'american a farghe pubblicità al Tour de France. Basta pensar che le analisi "incriminade" de Lance xè collegade a delle provette del 1999 conservade fino ad oggi e analizzade solo ultimamente, sì ok, ma analizzade insieme anche a altre de altri corridori, anche quelle trovade positive all'EPO, ma dei quali no xè sta reso noto el nome. El tutto perchè no iera comodo, mentre darghe addosso all'american fazeva notizia. Quindi mi son del parer che xè vere tutte e due le robe: sia che el gabbi ciolto qualcossa (la sua trasformazion dopo la malattia xè stada assurda), sia che l'Equipe gabbi deciso de darghe contro perchè fa notizia e perchè ormai Lance no iera più intoccabile visto che nol gaveva più intenzion de correr el Tour, e quindi nol ghe fazeva più pubblicità ai francesi.

Val anche la bici da strada? O fè sentieri o robe simili?

Ciò all'inizio pensavo che te intendessi che te fa 700 km al giorno, e che per mi iera troppi per starte drio..e go pensà , "che fenomeno!!" Invece poi me xè sta spiegà che no te vivi proprio a San Giacomo...quindi, peccà !! Ciao!

Nooo....niente de più triste de una bici lassada in cantina... ma d'altra parte i problemi alla schena xè terribili...me dispiasi!

Ehi che bel! No me par vero de gaver trovà un altro appassionado de ciclismo in questo mondo de calciofili....incredibile! Son sai sai contenta. Se e quando te ga voia de farse una sgambada insieme, contattime pur! Me faria piazer pedalar in compagnia. E...complimenti per l'avatar

Forsi ve pol interessar...cerco una persona disposta a dividerse con mi el lavor de dog sitter. Spiego meio. Ogni giorno mi porto un can mattina e sera a far pipì pupù, mezza ora de mattina e mezza ora de sera, solo che ovviamente no rivo esser disponibile ogni giorno. Per adesso me iuta mia cugina quando no ghe son, ma da ottobre la comincia lavorar, quindi me servissi un'altra persona disponibile almeno tre-quattro giorni per settimana. Paga: 4 euri a uscita (8 al giorno praticamente). Poi se se xè in tre xè anca meio, perchè per dir se mi vado in vacanza due settimane, almeno resta due persone a dividerse el lavor. Se ve interessa contatteme pur! ciao ciao fioi!

El nome xè legado a una storia molto triste....Frencie iera una cagnetta abbandonada al rifugio Astad (lo conossè?? el rifugio per cani e gati abandonadi a Opicina), mi fazevo là la volontaria e sto can me se ga tanto affezionà , praticamente ierimo inseparabili, gavevo deciso de adottarla, ma visto che la iera aggressiva coi altri la veterinaria (nonchè direttrice del rifugio, tale sig. strnz ******) la ga deciso de coparla, contro el parer de tutti, una mattina che al rifugio la iera sola senza nissun che possi bloccarla. Da quel giorno no vado più là , anche perchè go savù che là dentro succedi dei orrori alle bestie che neanche immaginè. El nick xè un modo per ricordar per sempre un essere vivente che per quei pochi mesi che ga fatto parte della mia vita, me ga savù dar davvero tanto...e la me manca davvero immensamente.

Go anche la mtb, ma preferisso de gran lunga la bici da strada, xè con quella che me alleno. Anche ti te pedali? Cmq grazie del benvenuto

Salve a tutti, son nova e go deciso de iniziar a scriver su sto forum a partir da questo post, che me interessa tantissimo.... mi da circa due mesi go inizià a allenarme in bici da corsa, fazo ancora poca roba, 35-50 km ad andatura blanda, circa tre-quattro volte a settimana, ma poi dipendi dai periodi. Me piasessi tanto saver se qualchidun de voi gira ognitanto in bici, magari per trovarse e farse una sgambada insieme...da sola xè noioso a volte. Spero de trovar qualche appassionado delle due ruote come mi (xè una passion enorme per mi). Ciao a tutti e spero de trovarme ben in sto forum...