diego

Per quei che no capisi parlo de una potenziale chiusura della Ferriera. Perchè , per la cronaca, l'area a caldo no xe solo che el forno , xe tutta la ferriera. Xe un stabilimento unico

Forsi che certi personaggi ga la memoria sai curta. I ga zigado "al lupo, al lupo" per mesi,per anni. Adesso che el xe rivado xe tutti in allarme? Poca coerenza e poca dignità. I dovesi far capriole de gioia e contentezza. Ma che pesi i 450 operai con rispettive famiglie sulla coscienza?

Giusto . La storia insegna. Un vecchio saggio del sindacato me ga illuminado tanti anni fa con questa piccola/grande verità .Esisti due tipologie de governanti : el politico che guarda (solo) alle prossime elezioni ed esisti lo statista che guarda (anche) alle prossime generazioni. Cosa che in italia negli ultimi 40 anni nissun ga mai cercado o tentado de far . E parlo de TUTTI i partiti. El risultato lo stemo vivendo oggi

Salvini? L'apoteosi dell'assurdo.

Devo avvisar el democratico ed imparziale presidente della Regione Autonoma Friuli Venezia Giulia , On. Fedriga del striscion che i ga messo fora del palazzo della region Piemonte. Da togliere subito!!!!!!!

Me lasa senza parole questa aria de “neo verginità” sbalordida che ziga al fascismo …però. Me lasa vecio saver che se partisi dall’inizio della storia, doverìa cominciar dalle parole de “Gesù Cristo ma fate sue da Salvini. L’editto salviniano ” …chi no xe con mi xe … ecc.ecc e me fa paura immaginar le boche spalancade e le espresioni cretine de chi se domanderia: “Eh? Cosa? Che?”In sostanza, e per farla curta, i cretini del governo noi xe altro che i fioi de quel edito , che ne piasi o no. Un’insegnante che insegna xe stada sospesa perché ghe ga insegnado ai ragazzi a pensar, e go letto la preocupazion de chi riesi a guardar oltre el gesto de acuto zelo, che se inchina al cretinismo de governo. I poliziotti maltrata una mula lesbica, i ghe meti le manete, i la buta in terra, ghe posa un anfibio su un fianco e i la porta in questura, rea de schiamazi (la sbarufava con sua morosa). La Digos scheda chi manifesta contro un cretin che el se inalza a paron dello stato, scavalcando la democrazia, ignorando le regole dello Stato de dirito, ridicolizando le istituzioni. Xe fascismo, lo savemo…però. Atti de gueriglia fascista sedadi dalla polizia a Roma, prima de una partida de balon passa quasi inoservado .Ma l’editto , che xe scritto nella storia, non se lo ricorda nisun, e quindi anziché perder tempo a riunir i fili della storia, se preferisi lo sbalordimento che rendi tutti vergini e pulidi. El fenomeno leghista continua a dir “prima gli italiani” allora mi ghe domando: dove xe quei 49 milioni che xe leteralmente sparidi . Quei si che iera dei italiani …mi compreso.Sul profilo Facebook de salvini xe stado vietado el numero 49 e la parola “Siri”. Dimostrazion lampante de cosa intendi per democrazia el fascioleghista. Altra anomalia, la presion fiscale xe aumentada con questo governo, tutto pasado in silenzio assordante. El fascioleghista del nord ga fatto sgombrar case ocupade abusivamente da povera gente. Ma perché nol ga fato altretanto per le sedi abusive de Casa pound? Forsi perché quei personaggi ga minaciado che saria stado versado sangue o perché ghe va ben al fascioleghista che quei personagi resti ed esisti? Si, xe tornadi i fascisti!!! Nei anni 70-80 anni zercavo spesso de parlar de politica, zercando de spiegar quanto fosi una roba seria, quanto doveva esser doveroso occuparsene perché quel giorno de ieri butava le fondamenta della costruzione dell’oggi.. Ma la mia vose, come tante altre, no xe stada che una flebile e inutile domanda portada via dal vento. L’edito faseva rider, come el “celodurismo”, come el porcon leghista che andava a cercar de darghe fogo ai sedili del treno dove dormiva i “baluba”, mentre l’altro reucio prometeva richeze e figa per tutti, e se insegnava alle nove generazioni che el futuro saria stado dei furbi e dei parasiti, che con la mafia bisognava conviver, che iera giusto no pagar le tasse, che el sindacato no gaveva senso de esister perché i lavoratori no gaveria più dovudo scioperar. El fascismo induriva el suo cemento mentre noi stavimo a guardar, restavimo in attesa, e soprattutto restavimo orfani dei valori del passato, senza più casa, senza un progetto per un futuro comune. E la roba grave xe che no lo digo mi, ma le statistiche, ossia quel studio che servi ai fascisti per ciapar meio la mira per colpire el cervel dell’elettore mediamente cretino. Deso spetemo solo la novità del fil spinado. Me vien spontaneo el ricordo dei anni della zona a e zona b. Quando i graniciari fazeva le ronde sui “finti e inutili” confini. Altra dimostrazion da parte de questi fascioleghisti contro l’union Europea. Se fosimo restadi davero umani e antifascisti gavesimo dovudo fermar questo Paese con un sciopero generale…. ma che ca**o go scritto? Sciopero generale? Scuseme … xe stado un rigurgito de anzianità. Pecà. Ma finalmente el leghista duro e puro ga scoperto la grandezza dell’immensa e rossa madre russia . Ma che ca**o go scritto ancora? Scuseme…. xe stado un rigurgito de passato comunista. Buone vacanze a tutti.

CALANO FATTURATO E PIL MA AUMENTANO I GAY Difronte a una roba come questa le reazioni xe tante: “bestemmie, parolaze a scelta, incredulità, ridade a crepapelle, indignazion”, dopo se te ga voia de fermarte un momento a pensar realmente te capisi che no solo xe normale, ma xe quasi geniale. “Calano fatturato e pil, ma aumentano i gay” xe uno de quei titoli de rivista da parrucchiera, sul tipo: “INCREDIBILE! Nissun gaveria mai sospettado che…”Insomma, xe normale che un giornal che se rivolgi a una platea de imbecilli post berlusconisti neo fascisti eternamente cretini, se presenti appetibile al suo lettor. Xe el logorante periodo preistorico che stemo vivendo. Gavemo scialacquado tutto el ben ricevudo in eredità dalla storia, dal progresso e dalla civiltà. Regredemo a testa bassa ma lancia in resta. Pense a un Eco, un Sartori, ma anche , per no esser troppo de parte, a un Ostellino che se ritrovasi oggi davanti alla sua tastiera per scriver un articolo sulla politica. “Il ministro dell’Interno, dopo aver fatto il suo primo selfie della giornata davanti a una fetta biscottata farcita con la crema alla nocciola, ha scritto “gnam gnam io pane e nutella e voi?” ai sui follower, dopo messa la divisa della polizia locale di Vergate sul Membro el xe andado sul logo del disastro, dove, dopo gaver fatto un selfie con le macerie alle spalle ga dichiarado: Go visto una trattoria lungo la strada, magnerò le tagliatelle a pranzo e voi? I negri no magnera mai le tagliatelle de nonna Pina! Le tagliatelle ai taliani. Osannado dal popolo ga rutado el cinghiale magnado la sera prima e xe andado via osanado dalla folla festante. ”Provè a pensare a “un storico ” che questi tempi doverà raccontarli. Pareva difficile proiettar nel futuro l’epopea berlusconista, fatta de patonze e cene eleganti, de nani e de ballerine, ma questa? Un cusì bravo pensa devi ancora naser. Ma me stago perdendo. Tornemo al punto: “Calano fatturato e pil, ma aumentano i gay”. Che altro i gaveria dovudo scriver? “Tagliati i fondi per i sussidi alle famiglie con disabili gravi, si arrangi chi può.” “Lino Banfi all’UNESCO: la figa pelosa di Edwige patrimonio dell’umanità”, ecco, una roba cusì gaveria avudo senso perché el lettor de questi foglietti illustradi questo vol, questo xe, e magari cosa sia l’UNESCO sicuramente no lo sa, perché la storia purtroppo la ga imparada a memoria ma no la ga capida, e quel che ga capido xe che “con la cultura no se magna”. Insomma, l’oggi vien da ieri, e oggi dovesimo iniziare a curar el domani. Ma go paura che dovemo ancora spetar ancora attendere. Xe presto

Fenomeno Patentado le tue stupide e inutili batudine fasciste tienle per ti . Te posso dir che si, go anche ospitado gente che gaveva bisogno. E lo digo con orgoglio e soddisfazion. E purtroppo stago leggendo nei vari post un tipo de ragionamento che invece de condannar el gesto infame e inumano del "democratico" polidori servi più che altro a cercarghe un alibi . Alibi che no pol esister. In compenso qualcosa de "bon e utile" xe vignudo . Trieste xe sulla bocca de tutta l'Italia. Forsi non nel modo che la se meritera. Quel che lasa l'amaro in bocca xe che la maggioranza dei taliani che conosi questa città la descrivi come democratica e multiculturale . Questo signor nessuno in poche righe la ga sputtanada. E come sempre el nostro amato e simpatico Sindaco ga fatto la parte de Ponzio Pilato. Bona settimana a tutti.

“Son passado in via Carducci, go visto un gropo de straze butade per terra …”el resto lo savè. Cusì, el picio idiota leghista scriveva credendo de diventar un eroe, de metterse in mostra per el suo führetto dell'ultima ora, magari con l’idea de far carriera in questo paese ormai umiliado.“Son passado in via Carducci, go visto un gropo de straze butade per terra … go spetado el ritorno del proprietario, lo go aiutado a ingrumarle e lo go accompagnado al sicuro, in un posto caldo. Ghe go dado ristoro e salvezza.” Saria bastado questo piccolo e doveroso gesto per far diventar un sconosudo vicesindaco nazista, non un eroe, ma una persona. Una persona umana.Lo so, troppo difficile da spiegar a chi no ga nissuna intenzion de capir, perfin inutile oramai. I ga insegnado a una bona parte del popolo che se te resti quel che te son , un essere umano , te diventi un buonista del ca**o o a volte pezo, un contaminado “dal morbo comunista”..Per qualsiasi obiezion, per ogni invito alla riflession xe pronta una risposta che lasa spiazzadi e vinti. Xe impossibile, lo save anche voi , combatter un cretin con le sue stesse armi. Soprattutto quando se xe disarmai. L’unico vacin possibile per debellar el razzismo xe la cultura, ma oramai no se pol nianche più parlare de vaccini, e bisogna anche cominciar a far dei distinguo su cosa xe la cultura, visti i libri de testo che gira per le scole, o i siti “d’informazione” che forma le menti dei giovani e demolisi quelle dei più veci. Ma xe storia vecia, anche questa za scritta e ridetta fin allo sfinimento. “Sono passado in via Carducci, go visto un gropo de straze butade per terra … e me se ga stretto el cuor pensando che xe dei esseri umani costretti dalla povertà, dal disagio psichico, da una vita che xe stada un calvario, dai sbagli de gioventù che se paga per una vita intera, randagi in un mondo che vivi oramai sdraiado sul nulla, pronto a difender con l’arma del cretinismo quelle picie certezze che ga paura de perder. Orgoglioso de saver che mi, in via Carducci, no gaveria mai visto strase butade per terra, ma tochi de una vita che ga diritto de viver, de migliorar, de tornar alla vita. Felice anno novo a tutti i esseri umani, e che per i altri sia nefasto tanto da portarli a viver per terra, in via Carducci.

Mi go molado el colpo da tempo.. Ma xe altri, molto ma molto più fora de mi. E no me riferiso agli utenti del forum. A buon intenditor..... un meledetto assurdo governo de paraculadi.

De novo gavè ragion. MA BASTAAAAA!!!!!

Gavè ragion. Tignive stretta questa maggioranza (sic) che mi gavevo scommesso che ghe saria bastadi 2 anni per mandarne nella me**a. Ritiro tutto, sbagliatissimo, , sta sa succedendo. Questi fenomeni (in negativo) xe insieme per pura convenienza politica visto che in comune noi ga niente. El governo dell'orrore e dell'errore.

fp17. Veramente a mi ed altri amici nissun ne ga mai imposto el terlis. Quel che invese xe successo nel periodo buio del fascismo .Rimembri o te ga sentido parlar dei i piccoli balilla e le marce obbligatorie? Ma come go dito in tempi non sospetti, l'Italia ga conosudo e provado ( con tanto dolor e rovine) el regime fascista. No me risulta che el comunismo gabi mai governado questo Paese. Anzi, l'unica volta che ga cercado de far un compromesso con la DC lo ga pagado caro in termini de voti. Storia insegna.

Guiz . Per mi te lo fa solo per provocar, perchè te sa benissimo che el 90% de quei te legi non la vedi come ti Guarda che so da sempre de essere fora dal coro.La mia diversità politica e la mia pessimistica vision sul lavor de questo pseudo governicchio ( vedi def ) de impedidi xe pugni in tei oci per qualchedun. Mi no lo digo , ma lo penso : come diria qualchedun de vostra conoscenza : tanti nem....ecc.ecc.

fp17 cio ma se pol saver perché ciclicamente te vien qua a far una propaganda non richiesta? No xe un perchè , el fatto che no capiso xe che te se in....i per vere verità e molto evidenti.Comunque semo ancora in democrazia dove xe libertà de pensier e de scrittura. Per adesso .

Guiz ....... la verità fa mal.Ma fa anche tanti danni nel caso de Salvini.

Lupo Cecoslovacco ma siamo un popolo che nei fatti ( sagaciamente manipolato) ha completamente dimenticato o forse non hai mai avuto, un senso civico e un sentimento di appartenza, si cita l'amore per la Patria quasi unicamente contro qualcuno, ma ci si dimentica che amare la propria Patria significa anche denunciare chi chiede e da tangenti, chi banalmente butta una carta a terra.... etc. Posso permetterme de dissentir sul fattor senso civico e manipolazione per quanto me riguarda. Son d' accordo sulla parte dell'appartenenza ed il seguito. Una delle cause delle grandi malattie de questo Paese , per esperienza, xe proprio dovudo al fatto che moltissimi 'italiani no vota per convinzion politica ma per convenienza personale. Es: Vedi Reddito e Fornero. Con tutte le conseguenze del caso

Meditate gente....meditate. Da Repubblica di oggi. Ci sono cose su cui dovrebbeessere difficile dividersi, su cuilibertari e uomini d’ordine, garantisti e giustizialisti dovrebbero pensarla allo stesso modo: un ministro dell’Interno non può permettersi di andare sottobraccio a un condannato (appena uscito di prigione dopo aver patteggiato un anno e mezzo per traffico di droga),noto per le sue violenze e le frequentazioni con ambienti malavitosi. Nemmeno nascondendosi dietro la comune fede calcistica, quasi ad accreditare l’idea che il tifo ultrà non debba sottostare alle leggi. Dovrebbe capire che è incompatibile con la sua permanenza sulla poltrona del Viminale. E se quel ministro, responsabile dell’ordine pubblico e della sicurezza italiana, si giustifica dicendo «sono un indagato tra gli indagati» dovrebbe davvero vergognarsi.Sarebbe troppo facile ricordare cosa dice degli spacciatori nordafricani,dei violenti stranieri, (così come degli stranieri che non delinquono ma cercano una vita migliore), ma se sono italiani allora sono «dei nostri» e vanno benissimo anche se spacciano e sono violenti e pregiudicati.Dietro una condanna come quella del capo ultrà del Milan, c’è il lavorodi poliziotti e magistrati che cercano di fare le cose bene, di difendere la collettività, gente che rischia la vita e che la divisa o il giubbotto con la scritta polizia li mette tutti i giorni e non solo quando si tratta di fare un selfie o una pagliacciata di fronte alle telecamere. Ma Matteo Salvini non si tira indietro e delle cattive frequentazioni ne fa un vanto,servono a dare un’idea di forza, come fanno certi leader politici dei Balcani e dell’Est Europa. Quella forza che si evoca per passare con la ruspa sopra ai diritti e ai nuovi nemici.Peccato che alla fine le macerie siano quelle delle Istituzioni, delle regole e del buon senso.

I consigli se accetta sempre....ma no de tutti

Risposta che no pol gaver risposta. Dovesi far rider? ?

Go una forte nostalgia dei tempi in cui se parlava per diverse ore della “nostra” Costituzion . Costituzione che xe stada fatta su e con el sangue de moltissima gente. Spedida in guerra per un “ideale” de onnipotenza. In realtà go anche molta nostalgia dei tempi in cui a nissun saria mai vignudo in mente che un giorno, gavesimo dovudo protegger la nostra Costituzione, ma questo xe .Go visto e seguido poco dell’adunata per el saluto al duce dell’8 Dicembre a Roma, el mio stomigo no gaveria tignudo, la mia coscienza me lo impediva; ma quel poco me ga fatto pensar che “noi” no esistemo più, Veramente .Ghe semo ancora , esistemo ancora, per carità, a volte se trovemo, se riunimo , pensemo e ragionemo, se parlemo ma semo isoladi e trinceradi nella nostra solitudine nostalgica e nella nostra disarmante certezza de saver za come anderà a finir questo film dell’orror, dove le immagini scorri ogni giorno davanti ai oci de tutti. Anche de quei che preferisi ignorarle.El problema xe che di fronte a certe immagini, grottesche e ridicole, la domanda che nasi spontanea xe: “Dove xe lo Stato?” e la risposta lasa sgomenti. Lo stato xe lori. Quei con l’elmetto cornuto, col presepio in una man el sangue de chi mori in mar nell’altra. Quei che porta orgogliosi la foto de un tale morto copado e impicado a testa in zo alla fine de un periodo nero della storia che no ga insegnado niente, che una simile barbaria no gaveria mai dovuda succeder , e invese sta succedendo de novo, in questo preciso momento mentre mi lo scrivo e qualchedun leggi. “Ma i pullman che andava a Roma xe stadi fermadi in autostrada dalla Polizia?” La go letta questa domanda e go letto anche le risposte, sarcastiche, irridenti. Senza la roba pezo che xe da sottolinear: “no, perché la Polizia xe in man al “selfista”, xe lui che la comanda, che la deridi. Ma che i xe al suo servizio, nazista del terzo millennio che sostituirà i manganei con i teaser, che per far sentir ogni italian primo e sicuro xe disposto a far un genocidio, a butar per strada migliaia de persone, negandoghe qualunque forma de futuro. Che fine ga fatto la nostra Costituzion? Xe da tempo che me lo domando, zercando una risposta che me sodisfi, ma che fin deso no go trovado. Se la gavè voi una risposta, demela, perché ne go bisogno. Go bisogno de credere che no sia davvero tutto perso. Auguri de Bone Feste a tutti quanti.

i se e i ma no ga mai fatto storia. Una domanda che no pol gaver risposta. No rabiarte ma posso dir che i tui amici xe tristi e anacronostici?

Me meraviglio molto legger qiesta domanda. Per estremizzar e senza polemizzar : "sicuramente dalla parte giusta".

Caschemo spesso tutti nel “e allora?” a volte per necessità, a volte perché el cretin vinzi sempre, perché xe impossibile e inutile combatterlo e spiegarghe con le parole. Probabilmente perchè ne manca quelle giuste e insensade per ribaltar le sue esternazioni.

De tutte le robe che no sopporto più, in questa deriva idiota, ignorante e nazista, la pezo xe quella che sburta obbligatoriamente, anche i esseri restadi umani e civili, a dover ricorrer al: “e allora?”El danno portado dal pensier razzista xe gravissimo da qualunque parte se lo guardi, nauseabondo e avvilente. Caschemo spesso tutti nel “e allora?” a volte per necessità, a volte perché el cretin vinzi sempre, perché xe impossibile e inutile combatterlo e spiegarghe con le parole. Probabilmente perchè ne manca quelle giuste e insensade per ribaltar le sue esternazioni. Cusì di fronte a un atto de barbarie che fa inorridir tutti, no resta altro de far se non l’elenco più completo possibile de tutte le altre barbarie che nel tempo breve ga fatto inorridir solo le persone ancora dotade de umanità Xe morta una ragazza de sedici anni, i ga arestado due neri. El web se infiamma e se passa dal pacifico: “ciapemoli tutti e li rispedimo a casa” al più deciso e indignado “impichemoli e pena de morte”. Qua subentra la necessità della risposta facilitada per cretini: “E allora …?” Una, due, tre, quattro … mille donne stuprade, copade, contagiade volutamente con l’AIDS. Mogli, fie, nipoti, fioi, ragazze, ragazzi devastadi dal mostro bianco e italian, marì o papà, zio o fradel, amico de famiglia, poliziotto, carabinier, dottor o pediatra. Ma xe inutile, come inutile xe far numeri e statistiche. No servi perché xe più rassicurante pensar e anche creder che el mostro sia sempre l’omo nero. Xe normale e comodo veder nero, quando xe el bianco a farne paura, perché i bianchi semo noi, e gavemo fioi e volesimo viver sereni. Solo che non se pol più, perché questo mondo lo gavemo copado copando l’umanità e gavemo paura ogni volta che i nostri fioi esci da casa, da qualunque parte, e che noi torni più, perché i amici de nostro fio per un pochi de Euro lo copi e lo fazi a tochi butandolo a caso in mezzo a una campagna. La barbarie xe barbarie. La barbarie non ga color.