Fabio

El problema xè che nele metropolitane (cussì come nele ferrovie in genere) la distanza necessaria per frenar un treno che cori a velocità normale xè molto più granda dela visuale libera del machinista. Per questo lungo la linea i meti dei "segnali", che xè in pratica come semafori e i disi al machinista cos che sucedi nela parte de linea avanti de lui che lui no riva ancora a veder. El "rosso permissivo" xè un tipo de segnal che se pol superar lo stesso con autorizazion dala centrale ma solo procedendo a marcia "a vista", che significa tener una velocità tale (nele metropolitane xè 15 Km/h) che te permeti de aver una distanza de frenatura inferiore ala visuale libera del machinista, cussì che se el machinista vedi un ostacolo el riva a fermarse in tempo. El diretor de Met.Ro ga dito che xè prassi comune autorizar la marcia a vista col rosso per no far fermar i treni in galeria creando cussì panico tra i passeggeri.

Te ga rason, la galeria de cintura la xè a dopio binario, ma no dimentichemose tuti i merci che ghe passa ogni giorno, e el za citado problema da Trieste a Ronchi. Cmq el problema xè sempre quel, no se pol basarse su ipotesi (se el tren gaverà successo) ma andassi fati studi aprofonditi sula domanda prima de spender soldi cussì (e i soldi de spender xè tanti, concordo perfettamente con tommy) Ricordemose che la linea ga curve strente (quindi xè anche impossibile meterghe el scartamento normale) e pendenze al limite del'aderenza: o te costruissi una linea completamente nova o i 15 minuti resta un sogno (figuremose i 10). L'unica roba ragionevole che se podeva far iera sostituir la funicolare con una moderna cremagliera per aumentar la velocità sul quel tratto, roba che se non sbaglio iera stada suggerida dai stessi tranvieri, ma no i li ga 'scoltai.

Orca ciò! Torno ieri dale ferie e varda cos' cha sucedi quando che no son. Comunque, me son leto i 2 articoli del Piccolo e sn abastanza perplesso: 1) Quela de cui i sta parlando NO XE' una metropolitana leggera (la quale xè caratterizzada da un'alta frequenza e un'alta capacità) ma una semplice linea ferroviaria, per altro a semplice binario, con frequenze che (i disi lori) sarà de 60 minuti (!)... sula Trieste-Udine xè più treni..... 2) L'interscambio: ora, nele metropolitane i interscambi funzione perchè le xè frequenti, se te perdi una 2 minuti dopo ghe ne xè un'altra. Se le frequenze xè quele che i disi i treni ga de fermarse ala Pam e spetar i passeggeri de quel altra linea che ga de far come minimo qualche rampa de scale, ala faccia dela velocità. L'alternativa saria che i passeggeri che cambia speti el treno meza ora in media, perchè se te fa funzionar l'intersambio su una direzion (metemo 5 minuti de attesa) no funzioneria sull'altra (55 minuti)... 3) Le linee de cui stemo parlando le xè tute a binario unico, che significa vincoli enormi sui orari e sule frequenze: se un treno xè in ritardo va in tilt el sistema intiero. 4) La "metropolitana", a quanto i disi, dovessi utilizzar da Ronchi a Trieste i binari FS, che in quel tratto de linea i xè più intasai che mai: cavarghe fora le tracce per un servizio orario saria za difficile, figuremose se poi i vol aumentar la frequenza. 5) Qualchidun dei "esperti" se ga ciapà la briga de far uno studio sull'utilizzazion che gaveria sta metropolitana sulla base magari dei dati sull'origine-destinazione dei spostamenti dei Triestini del 2002 (i più recenti)? Piuttosto che su considerazioni empiriche saria bel basarse su metodi scientifici. 6) Me fa rider l'idea che el tram de opcina diventi la "terza metropolitana": voio dir, ga una velocità commerciale de poco più de 10 Km/h! E ogni Opicinese sa che se fa prima a 'ndar in cità col bus che col tram. In conclusion, ste due linee ferroviarie (ciamemole col suo nome) podessi anche esser una bela idea, ma va sicuramente ancora simulado l'esercizio e fato uno studio come che se devi sula domanda effettiva prima de lanciarse in progetti bei de dir a parole che però podessi crear parecchi problemi una volta in esercizio.

In realtà xè proprio quel che i vol far. Tra le modifiche previste dal progetto de Camus ghe xè l'union de la 15 con la 17 con frequenza de la 17, quindi 10-11 minuti, anche perchè i ga intenzion de cambiar el percorso de la 16 che passeria per le gallerie, Campi Elisi, capolinea in Piazzale Resistenza.

Grazie ancora!

Son l'unico che ga messo Autobus? No me stupisso, ma per andar in città xè ottimo (e saria ancora meio se i servizi fossi progettadi come che se devi); ciaro che quando che te cominci a 'ndar in periferia xè meio l'auto.

Ogni tanto i combina qualche casin, ma almeno i xè cocoli e i te iuta. In generale no me lamento , go visto 'sai de pezo (tipo quela del conservatorio).

Grazie!

Beh, in realtà xè anche un'altra soluzion: - Linea A con partenza da Campi Elisi ore 22.15 - Cambio in Piazza Goldoni con la C direzione Barcola ore 22.30 (i garantissi la coincidenza) - Arrivo in Stazion ore 22.35 alla grande

Xè che prima lo scambio iera manovrà manualmente dal conduttor del carro scudo, che smontava e fracava el botton . Ora che i carri scudo xè impresenziadi dovessi esser automatico... e là sarà el problema. Per quanto riguarda i semafori xè scandaloso. Va ben che secondo el codice dela strada noi servi perchè no xè ferrovia e la precedenza al tram va dada comunque, ma cussì i tranvieri xè costretti a 'ndar pian e fisciar de continuo, accumulando ritardi su ritardi (in una settimana no go ancora visto una corsa puntuale).

Sì, cinque anni fa quando go comincià l'università la tessera gaveva la foto, poi co xè rivada la Sodexo xè cambià tutto... e adesso i torna indrio. Comunque se adesso vado con la tessera senza foto i me fa magnar lo stesso, e da quando la go fatta due anni fa no la go mai rinnovada....

Neanche a mi (da utente) no me piasi sto tipo de bus, no se riva mai a capir che numero che xè.

Bon, vedemo de presentarse. Me ciamo Fabio, opicinese de 24 anni, studio ingegneria al'università (come molti altri qua dentro, me par de capir, solo che mi fazo civile-trasporti). Go conossù 'sto sito grazie a Laura che me ga da l'indirizzo, e me par sai bel.