Ciau muli!
Son iscritta da pochissimo su sto forum che me par davero cocolo.
Posto anche qua la mia proposta chissà che no risolvo qua la mia situazion.
Mi e mia mama semo proprietarie de una granda edicola in centro, belissima, nova, avviada, che xè sempre stada affittada.
Purtroppo el nostro gerente no sta ben e a malincuor devi molar. Volessimo affittar o meio ancora vender e domandemo davvero poco perchè no volemo asfissiar nissun in tempi de crisi come xè questi!
Noi no podemo lavorarghe perchè gavemo 2 posti fissi e lavoremo dalle 9 alle 7 de sera e come podè capir no ghe la femo.
L'edicola gà anche licenza cartoleria, no la gà un debito un e la xè stada fatta nova 3 anni fa ( più de 40000€ de lavori!!! ). Se vendemo, vendemo anche i muri.
Xè l'ideale per chi gà voia de lavorar in proprio.
L'annuncio xè anche sul mercatino, ma visto che el gerente povero sta pezo, volessimo concluder in furia.
Gavemo parlado con diversa gente, ma la stragrande maggioranza iera dei veri sempi, robe assurde tipo "te la ciogo mi, e te dago l'affitto de quanto che voio quando che posso" pensè??? No xè un scherzo!!!
Dai deme una man che poi femo una festa x festeggiar se vendo e ve invito tutti!