chompo

Si, la tua. Visto che Boscia Shack no lo gavessi mai ciolto. E visto che dopo una grande costruzion (peraltro da mi sottolineada), ghe vol però anche completar l'opera. E no xe che quando iera Boscia el commendador Maggiò no gavessi i soldini per ciorghe un Shack. Ahahaha si si Poli, l'importante che te sia convinto ti. Per mi non preoccuparte son contento, soprattutto quando un tipo de utente quale te son ti, me regala qualche sorriso e momento de ilarità. Per dirla alla Boscia "utenti come Poli sono male necessario di forums Dio bono". Penso da anni che con uno come ti, no me interessa interagir, per quanto quando te parli solo de campo, te posso trovar anche una buona lettura. Errore mio. Che non ripeterò.

Antipatico Boscia a mi ?!?!? Dai GMarco leggi i post però, no butarla là, tanto per. Boscia gaveva una marcia in più in tante robe, ma xe anche chi pensa che gavessi anche qualche "difetto de fabbrica". Certo che per crear ed insegnar basket, per quanto gavemo visto qua, almeno a livello over 50, no ga eguali e xe imparagonabile. Fazo un nome però, spostandome da quel che te intendevi ti, a una mera ipotesi de praticità e concretezza. Luca Banchi. Ecco, un Luca Banchi con alle spalle Stefanel, con el toscano che pol decider in toto come spender i soldi del patròn per la squadra (ovvero la possibilità che gaveva Boscia), credo non ne gavessi ditto sai mal.

Bon Mangia ma no stame stravolger el senso dei post, quel lassighelo far ad altri utenti, "professionali in questo". El dogmatico, assolutista, iera chiaramente riferido alla sua, non volontà? incapacità? de non spostarse de un millimetro. Mai. Per nessun motivo. Che per mi in quei contesti a volte pol diventar un handicap. La natura insegna che l'albero che non se piega mai, prima o poi se spezza. Un innovatore anche a suo modo, si. E te dirò, teletrasportado nel basket odierno, ma soprattutto nel mondo della comunicazione social odierna, credo ghe gavessi podudo aver una visibilità incredibile. El suo istrionico modo de far, quel suo moverse a scatti, le sue dichiarazioni poche volte scontade, ma soprattutto la sua dialettica...!! Della pittoresca dialettica de Boscia all'epoca gavemo beneficiado solo noi qua a TS ed in forma decisamente minore, alcuni altri baskettari in giro per l'Italia. Ma certe sue uscite, certe frasette, tipo "zona è male necessario", o "lui contento come piccolo bambino", anzichè i suoi ripetuti "Dio bono" e mille altre, dette con quel suo modo, la sua mimica facciale e corporale, al giorno d'oggi penso che fossi de una viralità incontenibile. E gavessi sfondado i social, sconfinando dal perimetro del mondo del basket. Proprio in virtù delle indubbie qualità de Boscia, iera però nata a TS all'epoca (o poco dopo), anche una riflession critica nei suoi confronti. Boscia gaveva indubbiamente alcuni talenti sora la media, ma secondo mi (qua in questo baretto sarò el solo magari, ma al di fuori de questo perimetro decisamente no), non riusciva a fruttarne appieno. Ga anche vinto si certo, (ne gaveva anche la possibilità non ga mai allenado mi e ti eh), ma l'impression xe quela che sia stado poco (secondo mi addirittura troppo poco), rispetto a quanto gavessi podudo. In un certo senso, metaforicamente parlando, gaveva dei "superpoteri" ma non riusciva a gestirli/utilizzarli nel modo migliore, più funzionale. Secondo mi a "tradirlo" (in questa ottica de ragionamento), iera proprio una vision troppo assolutistica. Troppo rigido, troppo fermo nelle sue convinzioni, per cior anche solo in considerazion che forse...no gaveva sempre ragion lui. E soprattutto molto grande istruttore, grande insegnante, grande motivatore, grande "padre", ma meno "allenatore". L'allenador per mi xe sempre stado e sempre resterà, quel che xe bravo ad allenar quel che ga ! (se poi a volte alcuni allenatori riesci a far in modo de allenar solo e unicamente le squadre che vol lori, ben venga per lori). E l'allenador xe quel che a volte la partida la sgraffigna anche...con una mossa tattica improvvisa, o improvvisata. Che quando non ga la squadra in ordine, cerca de parar i colpi, trovando qualche escamotage (temporaneo, senza poi una volta tornade le robe a posto, rinunciar, o scalfir la propria filosofia o identità) che permetti de portar comunque a casa risultati, o qualche risultato. Senza dilungarme oltre, già questi 2, per mi xe motivi sufficienti per non far del grande Boscia, un dei grandi della panchina in senso assoluto. E non una leggenda. Posso invece convenir sul termine leggenda, come personaggio e omo de basket.

Va' dormir dai Poli...sempre con 'ste tue inutili e stupide pilloline, quasi sempre a commento de commenti de altri utenti. Capisso che i vizi xe una roba dificile de cavarse, ma no xe meio se te parli de pallacanestro.

Spiacente . Anche mi . Se fossi stado almeno un poco meno dogmatico, lo gavessi amado ancora de più. Anche se forse, in un certo senso no fossi stado Boscia.

Beh ma se te conti anche quei de MI, ma quanti minkia de anni ghe ga messo ? Un po' tantini per mi se pensemo agli investimenti fatti ed ai soldi spesi, soprattutto i primi anni per razziari i migliori (non sempre) giovani in circolazion a livello nazionale. E comunque con quei soldi no. Una volta sbarcado a MI ga continuado a unger, ricordo che per vinzer 'sto dannato scudetto (visto che el centro no serviva...) iera andadi a pescar uno che la nba la gaveva vissuda da protagonista. Assolutamente! Via Locchi per l'epoca iera come te disi, un gioiellino. Ma questa xe un'aggravante nei confronti della pochezza de risultadi ottenudi. Gavevimo mezzi, strutture, tante possibilità, ma non se "quagliava" mai. Che strano...come me xe strano per non dir incomprensibile, che non se cioghi neanche in considerazion che podessi dipender dal manico. Troppo forte, solida, l'aurea de intoccabilità verso il mitico Boscia. Ricordo che squadre anche molto meno forti, economicamente e tecnicamente, portava casa qualche risultato, come la Glaxo VR ad es. che de giovani talenti ne gaveva "solo" 2 (Bonora e Frosini), ma con cum grano salis (in panca Bucci me par) gaveva costruido una squadra concreta, vinzendo ad es. le final four de coppa Italia. Dove noi per qualche anno semo andadi per farse eliminar regolarmente al primo match, anzi nei primi tempi, che solitamente finiva tanto a poco per i altri. Casualmente in quei periodi ierimo sempre sovracarichi de lavoro e la squadra no stava in piedi, perchè se approfittava de far pesanti richiami atletici per esser in grande forma per le finali scudetto...quele che non gavemo mai fatto. Figuraze alle final four invece diverse (eh ma no contava...). I altri spendeva de più ? I spendeva meio, più focalizzadi su qualcosa da ottener e non solo sulle costruzioni e sui "sogni" de un domani che non arrivava mai. Kukoc, Danilovic e qualche altro fuoriclasse costava sai più dei nostri? Probabile, quasi certo diria. Ma bisogna valutar le spese complessive...quele Benetton, quele Virtus gaveva speso un fraco de bori anche a monte come Stefanel ? O spendeva un sacco de bori per assemblar una squadra forte e completa (roba che noi non semo mai stadi) e gaveva una miglior vision pratica sulla costruzion de un roster vincente ??? E ricordo che ancor prima, un certo Franco Marcelletti, se ga costruido una carriera da capo allenatore (non particolarmente lunga nè performante per carità), sfruttando el lavoro de Boscia, ma guarda caso...incompleto. O' professore promosso head coach, con una mossa riuscì a portar Caserta allo scudetto. Ovvero dotando una squadra già piena de tiratori, talento ed estro (e con un solido Dell'Agnello in ala) de quel che ghe mancava, un centrone vero (Shackleford o come se scriveva) ! Invece delle scelte "pittoresche" preferide da Boscia, che allora, come anche dopo qua a TS e poi a MI, un vero bel centro, no lo ga mai voludo. E forse non sarà un caso che ga vinto l'unico scudetto e dopo un percorso un po'...lungo. Troppo morbido casomai... Per mi Boscia xe un grande omo de basket, con una grande vision dello stesso. No xe minimamente mia intenzion sminuirlo a un cistòn, o niente che ghe somigli.Nè tantomeno minimizzar alcune doti e talenti straordinari che ghe riconosso assolutamente. MA questa mitizzazion come allenador, la trovo totalmente incomprensibile anche a distanza de molti anni. Troppo accentratore, troppo dogmatico, troppo voglioso de voler ottener risultati solo a modo suo. Gaveva una vision unica del basket (che non iera discutibile, nè contestabile). E un grande allenador per mi, ga giustamente la sua vision e la sua filosofia (tra l'altro anche mi adoravo quela de Boscia), ma devi esser un po' più duttile, del niente o quasi che iera Boscia. Ga fatto sai sognar, con la sua accattivante personalità ed a mio parer questo "innamoramento" nei suoi confronti, continua a darghe un credito a tutt'oggi, che analizzando le robe in modo più distaccado e concreto, i fatti non certifica. Anzi.

Poco de discuter. Anche perchè Alma no ga dovudo riempir de denaro un visionario, grande omo de basket, come Boscia, oltre a spender vagonate de denaro per accontentarlo in quasi ogni suo capriccio...desiderio disemo. Boscia tanto grande in alcuni aspetti cestistici, però nella conduzion de una squadra anche un ottuso, assolutista e non concreto come sai sai pochi. Con i soldi spesi in quei anni...altro che una semifinale scudetto...

Pur non comprendendone le ragioni (giri, meccanismi ed incastri de soldi, affari, finanza & vari, fuori portata senza gaverne un quadro dettagliado), anche mi lo go odiado (forse più corretto detestado) come poche volte me xe capitado.

E usando il forse, probabilmente te son stado anche troppo aperturista. Mediobanca & affini, la parolina magica che ne gaveva fottudo all'epoca.

Punto. E punto esclamativo! Se non xe successo e se Davis non xe in malafede o ga fatto lui el mona, allora qualche errore qualchedun in società doverà pur gaverlo fatto. Questa macchietta riguardo el ritardo de Davis (straniero confermado, che firma in giugno, che riva per ultimo) la trovo ridicola e veramente triste, visto che parlemo de ambiti professionali. Poi se sbaglia per carità, noi umani lo femo de continuo, ma: - nei ultimi la società xe recidiva a riguardo - perché non dir 4 parole pall. TS e far un poca de chiarezza ?!? Anzichè lassar il gentile (o meno) pubblico in man alle turbade ipotesi elucubrative del Baldini de turno ?

Anche per mi commenti troppo severi con Marcius. Che iera un discreto giogador, un centro che saveva zogar a basket. Uso "iera", perché za anni fa nella stagion della finale con Casale, gaveva minutaggi controlladi, per via de problematiche fisiche de cui non go memoria. Dall'epoca xe passadi anni...e l'ultimo anno in più fermo, quindi me sembra l'identikit de un ex zogador. O comunque de uno che chiedi de aggregarse, prova ad allenarse e veder se riva ancora strappar qualche contrattuccio da qualche parte, magari in qualche campionato minore ? Ma el Marcius sano de anni fa, xe un tipo de centro che personalmente me piasi, che capissi el zogo e sa zogar. Ovviamente anche sano ed in forma no gavessi niente a che spartir con el progetto attuale, essendo un centro più "old style", molto più statico, meno dinamico etc etc un zogador totalmente diverso rispetto al profilo voludo dal coach.

El tipo de tipo de centro, dinamico e con piedi veloci, xe quel che "in teoria", o da quanto sembrava de gaver capido, auspicava el coach (se iera vero che gavemo cercado dei Marcus Lee e l'altro saltator filiforme). Rispetto alla "qualità" in proporzion al tipo de caratteristiche, lo scopriremo vedendolo zogar. Essendo un "light", non muscolarmente pesante, non dovessi gaver bisogno de molto tempo per entrar in una forma fisica accettabile. Speremo che Lego gabi studiado ben come compensar alla leggerezza e relativa poca stazza dei lunghi. L'identikit sulla carta, sembrassi quel de una squadra d'assalto. Vedremo come Lego cercherà de assemblar questo gruppo per aggredir le azioni de gioco fin dai primi secondi de possesso, come el diseva nella prima conferenza stampa.

Due pensierini. Uno de puro gusto cestistico personale, che me porta grosso modo a "detestar" el tipo de zogadori come Frank Gaines . Che molto spesso vedi solo el canestro, che passa poco la bala e che se no fa un tot de tiri a partida, anche sparacchiando senza senso, par che no sia contenti. Magari rivar ad "addomesticarlo" e gaver el Gaines versione Virtus! Ma credo che Stefanuzzo gabi spiegado ben cosa lo rendeva meno anarcoide in quel contesto. Qua de noi suppongo anche mi sarà dificile veder quela version, ma mai dire mai, parlerà el campo. Qualora la version nostrana sarà quela de "croce e delizia", spero almeno de no dover far troppo spesso ricorso alla blasfemia e/o ad un lessico da peggiori bar de Caracas . La seconda xe de grande, grandissima curiosità, rispetto al tipo de squadra che sta tentando de costruir e successivamente plasmar, coach Lego. Posto che stazzado fisicamente o meno, Bartley per mi xe una guardia e Gaines decisamente anche, son dunque curiosissimo de veder cossa ga in mente Lego, riguardo a questo torbido ménage a quatre negli spot 2 e 3, tra i due Usa, Campo e Deangeli. Per mia idea/impostazion forse un po' classica, o magari antica, gavessi preferido ricoprir più saldamente lo spot 3 (dove za l'anno scorso gavemo sofferto bastanza), con un 3 vero. Dato però che par una scelta ben precisa questa fatta (altrimenti non te va a cior un Gaines credo) non vedo l'ora de veder cossa ga in mente el coach. Sperando che se la gabi pensada ben.

Già...quesito che me son posto con curiosità anche mi. Ma...e se cercassimo un 3 con qualche chance piuttosto da 3/4, invece che da 2/3 ? Nello spot 3 gavemo comunque le alternative Campogrande e Deangeli (con Campo forse...spendibile anche qualche minuto da guardia). Un 3 più rivolto verso el 4 che verso el 2, podessi eventualmente, far spostar per alcuni minuti Lever e/o Pacher da 5. Quando riposa el centro titolare e/o pensando ad alcuni minuti de una "squadra d'assalto". A ocio me sembra che dassi più soluzuoni e verstilità rispetto all'opzion de un 3, con minuti da 2. Ma sta tornando el caldo , xe una mia "fantasia erotico-cestistica , che ovviamente senza saver l'idea del coach, xe una suggestion da chiacchericcio estivo in forum.

Penso anche mi sarà decisamente così. Anche perchè se volessimo farghe far el 3 e/o el 2/3, gavessimo praticamente el nulla nello spot 2 a livello de titolarità. Scenari che me sembra improbabili a dir poco. Che poi, o per scelte tattiche, o per necessità, poderà far anche minuti da 3, magari si, se vedrà. Ma diria che sia stado ciolto per far la guardia titolare.

Mah, mi go feed piuttosto negativi da utenti Elevensports. Se in virtù de tale ampliamento del loro parco eventi, no i provvederà ad un grosso irrobustimento della loro struttura sul lato immagini, prevedo intenso e ripetuto uso de blasfemia. Nel calcio magari alcuni freeze o frame che salta, il più delle volte pol esser anche "innocui" (giro palla, azioni prolungate, gioco spesso fermo), nel basket perder alcuni frame per strada xe sufficienti a no capir una mazza de cosa xe successo nella tal azion de giogo. Eurosport cestisticamente offriva un buon servizio/prodotto, speremo ben ah.

Gaveva rassicurado anche a fine stagion. Fazendo anzi trasparir una certa tranquillità e fiducia, sulla stagion a venir, come se pressochè tutte le pedine fossi già, o quasi, al loro posto. Lassando sottointender un futuro piuttosto positivo. Poi ne ga contado che il buon Lego xe un progetto fortemente voludo, salvo però metter in man ad un coach giovanissimo, esordiente e senza alcuna esperienza (che poi tutti speremo che Lego divento el novo Ettore Messina, o anche meio, xe un altro discorso), Vildera, Bossi, la speranza che sbocci Deangeli e quela della trasformazion de Campogrande. Quel saria stado el momento de rassicurar per mi. E fatte salve eventuali problematiche de salute, mai e poi mai gavessi dovudo lassar andar in conferenza stampa, quella strana coppia (troppo evidente, abissale, in ambito basket speeching, la differenza tra lui e la strana coppia). Resta poi sempre l'alone de totale mistero inerente le questioni societarie. Problematiche? Disponibilità? Aperture o meno a nuove entrate? Nuove sponsorizzazioni? Tutto avvolto da una cortina de segretezza come se parlassi non de pallacanestro, ma de chissà quale intrigo internazionale. A mi Marione ed il modo de portar avanti la società, in questa estate, continua a non piaserme. Spero per inizio autunno de gaver motivi per poder cambiar idea.

E podessi andar benissimo dal mio punto de vista. PERO', pur gavendo sempre "difeso" Ghiacci, o comunque gavendo sempre pensado/sperado che el sa quel che el fa e soprattutto che comunque el vol el ben della Pall. Trieste e della pallacanestro a Trieste, stavolta (da fine stagione in poi) fadigo a comprender (ed a digerir) el modo de far che el ga scelto ! Me riallaccio ad un concetto già postado qualche tempo addietro ed al simil concetto espresso da GMarco pochi post fa. Ovvero perchè non sceglier la linea della chiarezza ?! Della trasparenza ?! Dell'onestà ?! Non xe soldi...xe difficoltà a reperirli...ok ! Miga xe una vergogna. E miga per forza te dovevi rivar trovarli. Perchè non dir, ne aspetta una stagion da lacrime e sangue, dove tutti (pubblico compreso) dovremo cercar de lottar con le unghie per mantener la categoria (o concetti similari a seconda dell'esposizion preferita) ? Anzichè lassar trasparir tutta quella tranquillità, sicurezza (nei ultimi Caffè dello Sport)... E poi perchè sempre tutti questi aloni come de mistero, de segretezza da alto livello militare intorno a tutto quel che riguarda le robe societarie ? Che mi son el primo a concordar no vadi sbandierade continuamente in piazza, ma quando te esageri in senso contrario, poi te finissi solo per alimentar dubbi, perplessità ed anche congetture de vario tipo. Anche le più nefaste e/o fantasiose (e molto probabilmente anche per niente reali ). E questo xe successo, sta succedendo secondo mi, da fine stagion ad oggi. Mio voto a Marione Ghiacci nel trimestre maggio-luglio = 2 ! (de affeziòn) Beh speremo de no, perchè el contorno me par bastanza cambiado rispetto agli esempi che te citi. No xe più una sola retrocession ed in particolare 'sto anno squadre economicamente disastrade al via, me par che non ghe sia. Squadre particolarmente povere de budget neanche. Squadre palesemente ciste nemmeno. Cussì a ocio e tenindo conto che le "valutazioni" attuali, oltre che personali, non pol che esser parziali, essendo i vari roster ancora in via de definizion. Ad oggi mi me par che semo parecchio cisti. Vedremo al completo. Qualora le illazioni, riguardanti l'eventuale budget de 250k per completar le 3 caselle mancanti fossi vere, no ne vedo niente ben. Ghe volessi una sorta de pesca miracolosa.

mi me par che semo sai cisti (de pila)... Che Lego gabi accettado questo, gavendolo chiaro fin dall'inizio e staghi cercando de cucirse addosso il famoso vestito (conferenza stampa de presentazion), nel modo più pragmatico possibile, con i 4 spicci che gira al momento

Secondo mi, con il il roster che gavemo ad oggi e segnatamente con i 4 ita che gavemo, o rivemo a piazzar un buon colpo con il 5° ita, oppur nelle 3 caselle dei stranieri che manca gavessimo bisogno de 3 star, o poco meno ! Altro che Doyle e tantomeno Dequan Jones. Se poi non gavemo i mezzi economici, ok va ben, però se podessi esser forse un po' chiari, onesti e dir senza patemi che lotteremo per un torneo da lacrime e sangue (che non xe una vergogna, nè un'onta). Però giustamente senza gaver i vari tasselli al loro posto e veder più chiaramente quale xe/sarà la strategia per completar el resto della squadra, xe parole al vento. Quindi vedremo, certo al momento, propendo per una certa preoccupazion.

Molto contento anche mi de ritrovar Davis, che tra l'altro sembra incarnar ben el tipo de idea de basket brevemente descritta da Lego, che parlava de aggressività e dinamicità, fin dall'inizio del possesso. Ricordemose però anche che pur fazendolo più che degnamente, lui no xe proprio un play vero, puro. Nè come sicurezza e confidenza nel palleggio, nè come capacità de gaver sempre la squadra sotto controllo. Vedremo se l'idea sulla guardia titolare sarà su uno che magari se la cava anche in palleggio o meno. Quel tipo de incastro secondo mi podessi poi far propender per una scelta de più "basso profilo", come secondo play ita o meno. Cior invece, eventalemente, un play de riserva de "basso profilo", nel caso te scegliessi una guardia alla Banks disemo cussì, per mi fossi una mezza follia.

Xe difficile però riuscirghe, zogando da jolly, tappabusi, omo de grinta ed intensità per qualche minuto. Se ghe la fa, xe un grande. Ed a quel punto diventar un bel zogador, però me par sai dura, a queste condizioni. Mi resto dell'idea che dovessi scender de un piano ed andar a zogar un anno con continuità. Per acquisir fiducia, confidenza con minutagi maggiori e veder-capir che tipo de zogador pol esser-diventar. El Deangeli che continua qua a spizzichi e bocconi, per mi corri un discreto rischio de diventar un eterno incompiuto, o un zogador da qualche minuto de grinta, ma che podessi finir per no gaver una sua identità.

Beh certo, effettivamente SE le ristrettezze economiche del momento dovessi continuar a palesarse, parlar de Bossi anzichè Imbrò o Schina, podessi gaver poco senso, perchè quei te podessi cior e amen. E tutto venissi rinviado alla "roulette americana". Dove bisognassi poi sperar che esci i numeri giusti. E tutti giusti.

A precisa domanda, Ghiacci ga dito che sicuramente ne interessa ! Quindi se tanto me da tanto rispetto al suo modo de far, dovessi esser poco probabile che el rivi

A titolo personale, la mia "contrarietà cestistica" a Bossi, non xe dovuda ad alcun tipo de pregiudizio, nè rispetto alle cifre (importanti nel basket senza dubbio, ma de cui non son un amante tout court), nè tantomeno rispetto alla persona, che anzi essendo triestìn beata l'ora. Xe il giogador Bossi, segnatamente il play Bossi che non me piasi e de cui ricordo nell'anno passado qua, soprattutto le cazziatone che ghe riservava ED, oltre che per la difesa, soprattutto per le scelte e le letture del gioco. Situazioni in cui el iera stado considerado decisamente carente (anche a mio insignificante parer giustamente) ed a fine anno le strade se gaveva subito diviso. Continuo a sperar che non lo firmemo. E dopo le parole del coach sentide ieri sulla sua idea de squadra, el me sembra ancora più inadatto.