Vai al contenuto

atleticoiero

Utente semplice
  • Numero contenuti

    5.340
  • Iscritto

  • Ultima visita

  • Giorni Vinti

    17

Tutti i contenuti di atleticoiero

  1. comunque perfetta organizzazion difensiva de Mourinho = Catenaccio! E battemose anche el petto vantandose de aver zogado tutti indrio con percentuali de possesso palla inferiori al 30%, che genio calcistico! Fazendo zogar Eto'o, probabilmente el zogador più forte del mondo e che xe devastante in attacco, terzin! Mi son sicuro che se Et'oo non iera impeigado in quella ridicola posizion l'Inter gavessi vinto veramente tutto dandoghe 3-4 balini a tutti! Po ricordo st'estate ai mondiali la Corea del Nord che per un tempo gaveva annullado completamente el Brasil o la Grecia ai Europei del 2004...E pensar che el povero Paron Rocco col suo Padova raccoglieva fisci ovunque andava a zogar e anche le sue squadre iera perfettamente organizzade in fase difensiva... boh! No capisso perché sempre 2 pesi e 2 misure. Ritornando al bon Cestaro xe indubbio che l'ami sperperari suoi averi, ma quest'anno el ga avudo anche parecchia sfiga (vedi infortunio Succi e partide tipo Padova - Triestina), proporreria una bella sfida tra Cestaro e Cairo: chi dei due butta più soldi nel cesso?
  2. Per mi xe un cialtron e un allenador sopravvalutado, una macchietta Mediterranean-style che solo chi tifa Inter apprezza, xe un Helenio Herrera dei anni 2000. Volessi ricordar che el Porto del post - Mourinho xe stado condannado per corruzion de arbitro, i fatti risaliva alla stagion 2003-04, quella della vittoria della Champions, a proposito ricordo due arbitraggi scandalosi pro-Porto una a Manchester (anullado gol regolarissimo del Manchester) e una a La Coruna (rigor molto dubbio per i lusitani). Te me dirà: ga vinto la Champions col Porto! Sì, ma le semifinaliste iera el Monaco de Dechamps, el Chelsea de Ranieri e el Deportivo La Coruna... insomma, più che una Champions iera una coppa UEFA! Dopo, consapevole che occasioni come queste le capita una volta nella vita, el bon José se la ga svignada lassando la sua ex squadra con una penalizzazion de circa 10 punti in campionato e se ga incomincià ad attaccar ai miliardari, prima Abramovich, dopo Moratti e adesso Perez, della serie ti piace vincere facile! Volemo parlar delle sue interviste odiose dove el critica tutti e tutto (Ferguson? Xe fortunado ga dito!) inoltre anche tutta sta bravura nel gestir i zogadori devi esser contestualizzada. Sia al Chelsea che all'Inter, due società che prima de lui no vinzeva un klinz da decenni, Mourinho iera abituado a farla da padre padrone e padrino, troneggiando sora tutti e tutto, tirando la baracca praticamente da solo vista la pochezza dei dirigenti che lo circondava. Adesso al Real te vedi che el ga metà società e metà spogliatoio contro, te vedi che el vien sempre salvado dai gol de Benzemà, zogador che lui odia, e come non dimenticar el fatto che lui no voleva ne Snejder ne Lucio ma... Quaresma, Deco e Carvalho!
  3. Anderà forse un poco off-topic ma tutta sto gran zogo del fenomenod ella panca Mou non lo ricordo... el schema della sua Inter iera "tutti indrio e bala a Snejder che la da in profondità a Milito", se lo gavessi fatto el bon vecio Trap i lo gavessi fisciado e massacrado dalle critiche. Dopo che Mourinho sia una persona sgaia, un bravo comunicator, un bravo omo spogliatoio no lo metto in dubbio. Ma anche la, te devi aver l'ambiente ideale dove nissun te rema contro e ve assicuro che all'Inter con Mou non se moveva foia che lui non voleva, da quel che me ga contà un osservator che bazzica per Appiano ghe iera scene degne del miglior Fantozzi, con tutti i magazinieri, giornalisti, bubez, zogadori e addetti ai lavori che letteralmente se prostrava ai pie del portoghese con un servilismo allucinante, roba da paesi come la Corea del Nord o la Cina, ghe mancava solo i zogadori che marciassi col passo dell'oca e ierimo apposto! Del resto noi italiani semo fatti cussì, spetemo sempre el Deus ex Machina, l'omo forte o el figon de turno pronto a risolver i nostri problemi atavici e irrisolvibili... Comunque ritornando al discorso allenadori, mi son convinto che l'allenador in una società gabbi un'importanza secondaria rispetto ad altri fattori anche apparentemente insignificanti. Mi son convinto che a panchine invertide Del Nevi fossi primo col Milan e Allegri fossi in Coppa Uefa (forse) con la Juve... se i zogadori, i fuoriclasse che fa grandi un alenador no viceversa! Noi ne savemo qualcossa, dall'anno scorso gavemo cambiado Gotti, Somma, Arrigoni, Iaconi Salvioni (i ultimi 3 adirittura finisi in rima, varda la!), el risultato no xe mai cambiado: avvio convincente e dopo progressivo calo fino allo sfascio completo (vedi partide tipo riestina - Padova o Cittadella - padova de sto ano)...
  4. In effetti el Padova no se ga più ripreso dopo quell'incredibile partida, con quel gollonzo de Marchi all'87' dopo che lori se gaveva divorado l'impossibile. Comunque el vecio Cestaro xe proprio sfigà, el spendi e spandi bori a tutta birra ma i risultati xe de poco superiori all'Unione fantinelliana improntada sull'austerity: l'anno scorso se ga salvà ai play-out (controd e chi lo savemo ben!) dopo un bon giron de andata, sto anno el Padova sembrava aver trovà la quadratura del cercio con el bomber Succi ma a gennaio succedi el patatrac: Succi se spaca e el Padova no sa più vincer. No xe che anche el bon Cestaro (che gaveva za avudo alterchi con vantaggiato l'annos corso) ghe tocherà andar a Barbana come la Triestina della promozion in C1? (bei tempi!)
  5. Foscarini xe veramente un grande, za el cognome de chiara origine veneziana e per giunta nobiliare xe un bel biglietto da visita... po per la sua flemma, per l'aria sempre seria e per la faccia de contadin scarpa grossa e zervel fin, mee ricorda un certo Osvaldo Bagnoli, altro genio della panchina italiana, un che ga rivà a far vinzer un scudetto col Verona e ga rivado a portar el Genoa in semifinale de Coppa Uefa.
  6. No xe esser pessimisti, xe esser realisti, xe una roba diversa, anche perché la classifica purtroppo parla ciaro
  7. Concordo su ogni singola tua parola, caro pinot, go visto anche mi la partida de ieri e devo dir che el Citta la ga interpretada con el piglio della grande squadra, della serie "attacché pur, come i useleti che beca i semi, che ve infilzo in contropiede": el Padova cercava de attaccar scoverzendose e quei del Citta, ben messi in campo, una volta recuperada la bala i partiva come missili in contropiede, aprofittando dell'inguardabile difesa padovana (dove spicca per cistaggine el povero Trevisan, figlio d'arte, chissà come xe finì in B visto che su pare xe responsabile del settore giovanile dell'Udinese...). Tra el Cittadella e noi purtroppo ghe xe un abisso: lori xe una squadra organizzada, che zoga in un ambiente seren e senza particolari pressioni (della serie se te vinzi xe un miracolo se te perdi no xe un dramma), guidada da un allenador veramente bravo che conossi come le sue tasche i suoi zogadori e l'ambiente, mettemoghe dentro anche una dirigenza competente ed un presidente oculado ma intelligenze e el quadro se completa. Adesso provemo a ruotar de 360° quanto dito prima e otterremo come risultato la...Triestina. Purtroppo nel calcio queste piccole differenze conta! No xe solo i nomi che manda avanti una squadra ma un'infinita teoria de fattori anche apparentemente stupidi. P.S.: son sicuro che se fazemo uno scambio Piovaccri-Della Rocca otterremo un solo risultato: Gigi bomber al Cittadella e Piovaccari riserva de Marchi alla Triestina!
  8. Cittadella 3 - Padova 1, se fa sempre più complicado per noi raggiunger el sestultimo posto, doveremo per forza cercar de grampar i playout sperando che ne vadi ben
  9. Adesso dir che Marchi xe sta bravo sul gol me fa un poco rider, perché se Adejo no fazeva quel colpo da kung-fu assurdo verso la sua porta e se Puggioni no gaveva el savon sui guanti el bon Etore no saria mai arrivado sulla bala. Disemo la verità: el nostro gol xe sta un colpo de cul e Marchi se ga fatto trovar al posto giusto al momento giusto, che xe el suo mestier, anche se al suo posto iera Giaccherini el spediva el balon in curva...
  10. Mi diria bicier mezzo pien perché pareggiar a Reggio Calabria xe sempre un bon risultato. Va ben la sculada sul gol (scuseme el francesismo), ma cmunque nel computo delle azioni el pareggio xe assolutamente meritado e l'attacco della Reggina no se ga magnado kili de gol come quel del Padova. Prestazion onesta e ordinada, squadra curta e agressiva come gos entì per radio, prestazion da 6 e mezzo. Dunque questo punto non pol che dar morale, anche se son dell'idea che continuemo a restar quasi spacciai: quel che servi xe un filotto de 1-2 vittorie consecutive che ne podessi permetter de inganzar la quart'ultima. Per mu questa squadra non la vedo in grado de vinzer due partide consecutive...
  11. Un pareggin che no servi a nissuna delle due squadre, pecà perché sta Reggina no me xe sembrada irresistibile e in fondo podevimo aprofittar della distuazion per portarse in posizioni più sicura.
  12. Personalmente da quando seguo l'Unione (cioé dalla stagion 97-98, capime xe gente molto più anziana de mi in sto forum) xe la prima volta che la squadra xe in questa situazion de classifica cussì disastrosa, ultima staccada e con pochissime speranze de risalir la china. Ve confesso che no iero abituado a veder l'Unione ultima in graduatoria, mi cheson cresù coi sfigai play-off in C2 e con la cavalcada in B, con le eroiche partide de Mestre e soprattutto de Lucca... Secondo mi xe fondamentale non arrivar spacciadi prima delle sfide con Sassuolo, Cittadella e Ascoli, e dunque xe fondamentale far almeno 4 punti contro squadre del calibro de Reggina, Atalanta e Varese, roba non facile. Se se riva a rubarghe punti a queste formazioni dopo forse battendo el Porto e rubandoghe qualche punto a Sassuolo, Citta e Ascoli poderemo pensar de agguantar i fatidici play-out. El problema xe che secondo mi questa squadra (lo ripeto da agosto) no ga i numeri per agguantar la slavezza, semo carenti in tutto, dalla difesa distratta, al centrocampo de fabbri all'attacco inesistente. Ricordo l'annata 2004/05, quela del spareggio de Vicenza, ebben, la squadra fazeva abbastanza schifo, ma gavevimo un certo Godeas la davanti, lontano parente de quel che gavemo adesso. Me ricordo l'annata 2006/07, quela col fenomeno Varrella in panchina, ma anche la gavevimo un Alegretti che fazeva la differenza (ve ricordé la famosa punizion a Piacenza?), tutte robe che questa squadra dall'encefalogramma piatto no ga...
  13. Qualchedun in settimana ga dito che se punta ai play-out, più ciaro de cussì! Secondo mi gavemo probabilità de salvarse pari al 10%, son sicuro che dalla partida col Cittadella in avanti la squadra gaverà za tirà i remi in barca, gaveremo messo i tochi boni fora rosa per poderli vender intieri e farà zogar i vari Bariti, Lionetti e company per poder valorizzarli. Preparemose ad un triste finale de stagion in stile Treviso de do anni fa o in stile Gallipoli (che gaveva vinto nel 2010 solo contro de noi!!), dovemo salvarse e lottar su altri campi ben più ardui!
  14. Per la prima volta verzo mi la discussion alla vigilia della partida, sulla carta proibitiva, contro la Reggina. Innanzitutto mi digo che quella de domani sarà la sfida tra una società che sto anno ga operado ben, optando per scelte lungimiranti e razionali (Reggina) e un'altra che inveze ga pastrociado a più non posso (Triestina). Inutile dir che la Reggina xe quinta, in piena zona play-off e che noi semo l'ultimo vagon della cadetteria, quel con impiccà el cartel 3a classe... La Reggina de questo anno xe lontana parente da quel cimitero de elefanti che iera l'anno scorso. La società, presieduda dal baffuto Lillo Foti, ga fatto quel che gavessi dovù far la Triestina fantinelliana: acquisti miradi e non dal nome altisonante, puntar su giovani de qualità e liberarse de tutti quei elementi cotti, stracotti o che i se distingueva più per le baruffe in spogliatoio che per l'impegno in campo (Brienza, Cacia, Volpi ...). Xe bastà assumer un direttor sportivo che mastiga de calcio (Simone Giacchetta, ex difensor del Genoa) per far cambiar la musica in casa calabrese. Gran merito va però anche al giovane allenador Atzori, che ga savudo dar un'impronta de zogo alla squadra, schierada in campo con el 3-5-2 (o 5-3-2 in certi casi), un modulo che sembra esser tornado de moda nelle tattiche dei allenadori difensivisti italiani. I elementi de spicco de questa Reggina xe el portier Puggioni, uno dei migliori della categoria, el difensor Acerbi, vera e propria sorpresa del campionato. A centrocampo ocio a tal De Rose, da qualchedun soprannominado come novo Gattuso. Davanti Bonazzoli fa reparto da solo ma attenzion anche al suo partner Alessio Viola, un sbisighin che ne creerà sicuramente qualche patema alla nostra retroguardia usualmente sistemada "a presepe". El confronto sulla carta xe impari, però essendo la Reggina una squadra abituada a zogar de rimessa, affidandose molto sulle ripartenze sui esterni (sfruttando anche un Colombo che se sta disintossicando dopo le annate difficili con Toro e Triestina). Ecco, se noi riveremo a crear densità sulle fasse, se Longhi fa el compitin, se D'ambrosio improvvisamente scopri come se zoga a calcio, se Miramontes e Antonelli se fa un cul come una casa in fase de ripiego, e se in mezzo no combinemo cavolade, visto che el zogo della Reggina convergi tutto su Bonazzoli, ecco, mi digo che poderemo anche strappar un pareggin, inutile comunque per raddrizzar le nostre sorti quasi compromesse ma che dal punto de vista del moral xe oro. Chi vivrà vedrà... Convocati: Antonelli, Bariti, Brosco, Colombo, Cottafava, D'Aiello, D'Ambrosio, Dettori, Filkor, Gerbo, Gissi, Godeas, Longhi, Longoni, Malagò, Marchi, Miramontes, Taddei, Testini, Viotti Probabili formazioni: TRIESTINA (4-4-2): Colombo; D'Ambrosio, Cottafava, Malagò, Longhi; Antonelli, Dettori, Gissi, Miramontes; Matchi, Godeas. All. Salvioni REGGINA (3-5-2): Puggioni; Adejo, Cosenza, Acerbi; Colombo, Tedesco, De Rose, Rizzo, Rizzato; Bonazzoli, Viola A. All. Atzori
  15. Apprezzo molto i complimenti, ma mi no volevo far de avvocato. Volevo solo smorzar i toni, tutto qua. Mi dispiasi ma quella dei Su e Zo xe una butada, no poderia arrogarme del diritto de farli perché xe dalla partida col Torino che no metto più (volutamente in segno de protesta) pie in stadio. Per cui quel poco che rivo a capir sulla Triestina lo scolto in radio, vardo in internet e me fazo dir tutto da mio pare che xe abbonato (e che militava nella Triestina dei anni bui della Serie D collezionando due panchine in prima squadra)... Per cui mi no podessi proprio far i Su e Zo, magari un giorno co varderò su Sky una trasferta sì. Comunque l'importante xe che no ghe sia più istigazioni da una parte e offese dall'altra, ripeto, fazemo un passo indrio come diseva Paolo Bonolis... E dopo poderemo ridiscuter sull'Unione Per quanto concerne i fondi libici me dispiasi ma no so niente, purtroppo no go nissuna parentela con Pecorelli o con qualche improbabile 007, quel che mi so xe che i conti del panzon no xe poi cussì limpidi come i ne vol far creder e che anche a Reggio Emilia i Fanty i ga fatto i loro sporchi affaruncoli con el riamodernamento del Giglio. Solo questo so!
  16. Volevo intervenir solo per cercar de calmar i animi, xe vero che un forum xe un luogo de libertà dove ognun pol esprimer le proprie opinioni ma come me ga insegnado i miei la mia libertà finissi quando inizia quella dei altri, per cui veder certe offese, certe polemiche che continua per pagine, veder minacce de abbandono del forum me sembra veramente stucchevole. Per quanto riguarda la mancanza de obbiettività posso offrirme mi per verzer i Su e Zo, ma son sicuro che tanti me taccierà comunque de esser partigian... per cui ognidun ga le proprie opinioni, ognidun ga le proprie ragioni, ma non bisogna darse zo in sta maniera in pien stile Hutu e Tutsi, bisogna solo rispettarse e non zigar "demoghe zo all'untor!". Me auguro che entrambe le parti fazi un passettin indrio ceh no fa mai mal...
  17. Ringrazio per i complimenti, comunque no xe mai bel insultar apertamente e cussì platealmente le altre persone , anche se provocadi (posso capir el fastidio da per una provocazion, capita ance a mi), comunque questo forum rispetto ad altri che sbisigo (Inter, Juve ma ve raccomando quei de Cesena e Torino, xe solo insulti!!) xe improntado sulla discussion civile e sul rispetto dei altri. So che no xe in premio nissuna medaia o riconoscimento ma perché dovemo sempre allinearse alla massa?
  18. Mi go sempre apprezzado i tuoi interventi ma questo me sembra assolutamente fora logo, non bisogna mai insultar gratuitamente i altri solo perché i xe de un'altra opinion. Mi son sempre sta contrario a certe prese de posizion de alcuni utenti (e te assicuro che go innescado spesso discussioni calde) ma non per questo devo becarli ad insulti (anche piuttosto offensivi e pesanti)! Spero che sia solo un incidente de percorso e che el tutto rientri al più presto... Mi son vignù qua per parlar de balon non sentir baruffe de condominio. Ve consiglio tutti e due de far un passo indrio... Francesco
  19. Nel calcio conta tante robe e tanti fattori apparentemente stupidi, in primis la condizion dei zogadori, sia fisica che mentale, quell'anno Princivalli gaveva disputado un campionato stratosferico e questo ga facilità molto l'operato de Maran, che gaveva sempre a disposizion un centrocampo veramente in palla (Allegretti anche se mezzo imbriago valeva tutto el nostro centrocampo attuale, Princivalli e Gorgone in stato de grazia, el cugn de Antonelli e soldatino Tabbiani), una difesa ben assestada (Minelli e Cottafava una coppia ben assortida), e un attaccoc he de rifa o de rafa la butava dentro (Granoche e un Della Rocca non ancora con la mona per traverso), el resto contava poco o niente iera solo contorno. Xe chiaro che in B se te ga una squadra ben assortida, che cori e che xe in forma, anche se scarsa te rivi abbastanza lontan. La sciagura xe stada sbagazzar l'intera spina dorsale attorno a cui iera strutturada l'intera squadra senza rimpiazzar adeguatamente, secondo mi Gotti no conta una sega, sbaglio o da quella fatidica estate gavemo cambià ben 5 alenadori.. risultato?
  20. A mi i me ga sempre insegnado che per far una bona squadra te devi aver una bona spina dorsale formada da un bon portier, un bon libero (adesso centrale difensivo) un bon centrocampista ed un bon attaccante. Ecco, quella squadra de Maran gaveva tutti e sti 4 elementi (Agazzi-Minelli-Allegretti-Granoche), e bene, el genio calcistico targado Fatinel-Ferrari ga deciso de smantellar i tochi meio (son sicuro che Granoche e Allegretti te li gavessi tignui offrindoghe un aumento de ingaggio...) per incassar el più possibile non rimpiazzandoli adeguatamente e ciolendo zogadori che no valeva un beco. Granoche gaveva fatto solo 7 gol? Ma in 20 partide xe una bona media... Magari averlo adesso! Allegretti caminava per el campo? Ma come meteva bale lui e soprattutto come calciava lui le punizioni ghe ne iera pochi in categoria... I addetti ai lavori disi tante cazzade, ma come te pol sperar che con Pani-Princivalli-Gorgone te pol arrivar ai play-off? E dove xe el regista? Come podeva Godeas integrarse con della Rocca? e chi sostuiva el monumentale Minelli dell'anno prima? Nef? Ma perfavor! La squadra dell'anno scorso iera scarsa, ma oggettivamente ghe ne iera de pezzo (Gallipoli, Salernitana), solo no iera gruppo e tutti remava contro. Anche qua una società con i controcoioni gavessi eliminado i rami secchi, inveze no xe sta fatto niente! Sto anno inveze la squadra xe de un cistume cosmico, no ne salva manco el Padreterno!
  21. Grazie per l'epiteto, mi de solito cerco de esser obbiettivo el più possibile. Mi fin a due anni fa non gavevo nulla da recriminar contro questa proprietà (gavevo una lieve antipatia per Maran, te me perdoni questo sì?), ma da due anni a questa parte xe stadi fatti dei errori macroscopici e mi non posso tollerar certi obbrobri... L'origine de tutto questo scempio xe stada l'estate de due anni fa: purtroppo Fantinel, forse per voia de incassar, forse per incompetenza, gaveva deciso de smantellar una squadra che funzionava distruggendo la spina dorsale che iera formada da Minelli-Allegretti e Granoche e da la xe stadi cavoli amari, da la no se semo più ripresi. Non ghe xe alibi a cui aggrapparse, non esisti scusanti del tipo "Ma l'arbitro podeva fisciar cussì", "Ma Godeas doveva segnar de più", "El portier dveva parar de più", "La squadra doveva risponderde più sul piano atletico", ma CHE GIUSTIFICAZIONI XE QUESTE?? In questi casi bisogna assumerse le proprie colpe perché te son ti, caro Fantinel, presidente della società e dunque te se devi assumer le colpe in quanto poresidente, no ghe xe scusanti...
  22. A mi me sembra che tutta questa sollevazion contro la classe arbitrale sia solo una mossa per butar fumo nei oci, go sentì parlar de dossier, de paragoni con Nucini. andemo pian, queld e Nucini iera stado un killeraggio scientifico e spietado, (ricordo come oggi quela partida) l'arbitrod e sabato iera solo un pivellin alle prime armi che su alcuni episodi dubbi se la ga fatta addosso e no ga optado per nissuna decision che podeva cambiar i esiti dell'incontro. Me sembra he tanti sia pervasi dalla sindrome de Mazzarri, bisogna a tutti i costi urlar e strepitar contro la classe arbitrale per nasconder sotto el tappedin i nostri miserabili limiti tecnico-tattici. I errorid ell'arbitro ghe sta, ma fa parte del zogo, sbaglia i zogadori in campo e pol sbagliar anche l'arbitro fora, no xe niente de scandaloso. Ciò non togli comuqnue chel'arbitraggiod e sabato e quel de martedì i sia stadi pessimi, ma come la mettemo sul fattoc he col Siena no gavemo superado la linea de metacampo? Colpa dell'arbitro? Come la mettemo sul fatto che contro el Piacenza gavemo regalado un tempo ai avversari? Colpa del'arbitro? A mi me ga molto piasso Salvioni, a fine partida inveze che strepitar contro la classe arbitrale el se ga limità a far un bel mea culpa. Se retrocedemo per la seconda annata de seguito come xe probabile, mi dispiasi ma no ghe xe attenuanti, la colpa xe de chi xe al comando e cioé de Fantinel e della sua cricca, tutto el resto xe fumo e contorno
  23. Mi no go niente de rimproverarghe invece all'atteggiamento adottado da Salvioni. L'idea iera de partir prudenti e dopo vignir fora pian pianin cercando de schiacciar el Piacenza nella loro metacampo col passar dei minuti consci che se iniziavimo a spron battudo risciavimo seriamente de becar un balin in contropiede per via della solita difesa alta che gavessi compromesso tutto. El gol più che da un error de impostazion della squadra (difesa troppo alta) xe dovudo alla scarsezza dei due zogadori ciamadi in causa (Gerbo e Malagò), credo che el 90% dei zogadori che xe in Serie B al loro posto i gavessi fatto un banale retropassaggetto che no gavessi causado nissun problema, purtroppo i nostri zpgadori xe cisti e anche un banale retropassaggio pol trasformarse in una pericolosa azion per i avversari. Go za dito che la coverta xe curta: te provi a zogar in maniera più accorta (alla Iaconi) e comunque no te rivi a far un azion de gol e el classico pero te lo bechi comunque (me vien in mente la partida contro l'Atalanta all'andata), te provi a zogar in maniera più spregiudicada (alla Salvioni) e el risultato xe sempre quel: poco incisività sotto porta e difesa perforabile come el groviera...
  24. Rivardando l'azion al rallenty el fallo sembrava meno netto de quel che se pensava, xe de dir che a velocità normale l'arbitro podeva esser indotto a fisciar el rigor, ma conossendo come xe fatto Godeas, un zogador de mestier che cerca no so quante volte a partida de farse calar in area, el ga optà per no fisciar niente. Son convinto che se al posto de Denis iera Marchi, zogador poco conossudo in categoria, l'arbitro gavessi fiscià un rigor o una punizion comunque generosa... mi la vedo cussì. Per quanto riguarda l'espulsion de Cacia son convinto che no gavessimo rivà a segnar neanche se gavevimo davanti el solo Cassano, non a caso l'unico sussulto xe stada la traversa de Taddei da calcio piazzato.
  25. Odio parlar dei arbitri, a Siena semo stai derubadi in maniera vergognosa, ma meritavimo d eperder, oggi el gol del Piacenza non lo ga segnado l'arbitro, se lo gavemo segnado noi da soli...
×
×
  • Crea Nuovo...
×
Il Forum di Elsitodesandro
Indice
Attività
Accedi

Accedi



Cerca
Altro
×