Vai al contenuto

cosa boi in pignata ?


dido76

Messaggi raccomandati

  • Risposte 397
  • Creato
  • Ultima Risposta

Miglior contributo in questa discussione

Miglior contributo in questa discussione

ogi me go fatoi un risottin de vanzumi che iera propio bon!

un poca de zivola tazada e salvada surgelada in freezer, la go messa in mezzo cuciar de oio do oliva, po go zontado un poco de radiciorosso che gavevo fatto un risotto alcuni gironi fa, e se remenava sto vanzume nel cassettin del frigorifero. Co se ga molado tutto, go zontado un fondo de scatola de risi Carnaroli per risotto, giusti i due pugni che i me insegnava d eputela, lo go rosolato, e co ga comincaido a assorbir el grasso go zontado un mezo bicer.. de un vanzume de una botiglia de un Lambrusco, vreto de mesi, ormai svampido! fogo forte, fin che ga asoorbido, e go continuado per un quarto de ora a fogo bastzanza basso, missiando e zontando mestolade de acqua calda che gavevo squaiado dentro una punte de dado per brodo. Co me ga parso che el fussi quasi cotto, aremengo la dieta! un fiochetto de burro, una grattada de formaio, go studado el fogo, go coverto col covercio, go lassado un per de minuti, go missiado! a via in tavola!

Link al commento
Condividi su altri siti

Oggi due e digo 2 peveroni uno rosso e uno giallo fati tipo peperonata con la zivola stufai in tecia!!!

Per 2 persone 5 ovetti strapazzai con la panzetta pepada!!!!

Pan carasau condido con oio bon e sal!!!!

Mezzo de bianco con l'aranciata!!!

Stasera capuzzi in tecia ben consumadi con vienna e luganiga fresca..........leggerin insomma........ :p

che dopo ghe xe' l'Inter!!! Birra de bever............. :wacko:

Pesantuzzi i capuzzi, ma so che dopo la partida li digeriso ben...................

Da tifoso in Champions (comunque per le squadre italiane) se li magnavo ieri sera i me restava sul stomigo!! :D

Link al commento
Condividi su altri siti

Oggi legero: un poco de zivola tazzada, un poco de oio, un per de patate e mezzo porro, prima rosolado, po zontado acqua e un dado, pentola a pression e po frullado col frullator a immersion: una ottima minestra de patate e porri, assai meo de quela che se compra in bustina!

ieri sera petto de pollo ( e un tocheto con acqua al microonde ga becado el gato) per mi rosolado in un cuciarin de oio e ala fin go slongado el sughetto con un per de cuciari de kefir che gavevo provado e un poco de limon de bottiglietta: squisito, no ga ocorso nè slal nè pevere! e el sughetto ga domandado una fetta de pan.. po clementine e i primi manderini

Link al commento
Condividi su altri siti

stasera pizza :D

una con la zonta de salame ungherese

una normale margherita

bevanda: aranciata

bonazena :D

ps: le pize iera surgelade...mi go solo zontado el salame ungherese, la corrente per el microonde e la bibita :p

Modificato da dido76
Link al commento
Condividi su altri siti

ps: le pize iera surgelade...mi go solo zontado el salame ungherese, la corrente per el microonde e la bibita :p

francamente, va ben la furia ma scaldar le pizze al microonde mi go provado e me par che le deventi plociose: 10 minuti, e scaldade in forno ( mi go a gas, che el forno se scalda presto) e le xe perfette!

satsera anche mi microonde, che son tornada più tardi dopo una conferenza su un libro sulla Val Rosandra: pollo e toco de merluzzo, iniseme in microonde, un tochetin go diviso con Birillo ( el gato). Po salata, vanzumi de cavolo lesso ripassai con poco burro e pangrattado, un yogurt..

Link al commento
Condividi su altri siti

eco quà

Il wok è una sorta di padella usata nella cucina cinese, di forma semisferica fonda, originariamente senza fondo, generalmente forgiata in ferro o in ghisa. Risulta piuttosto pesante e consente, perciò, di mantenere a lungo il calore, mentre la sua forma svasata permette, inoltre, di friggere in immersione pur utilizzando scarse dosi di olio, considerando che il punto terminale è a diretto contatto con la fiamma.

fonte wikipedia

http://it.wikipedia.org/wiki/Wok

ma no me par che la servi per el ragù....bravo basketteam, chef con inventiva :D

Modificato da dido76
Link al commento
Condividi su altri siti

ehmmmm semo in attesa de commenti sulla cena de ieri sera....

mah...

atmosfera molto bella, saletta al primo pian, grandi guarnizioni e decorazioni sulle tavole, camerieri in guanti bianchi, e po...

antipasti:

cubetti de persuto col cren, liptauer e sardonzini in savor, fomraio i disi Montasio con .. pareva marmellade, ma no go provado, ecco i tochi, curiosi i contenitori de plastica, soprattutto a forma de cuciar per el persutin

i443415_P1040755.jpg

el tutto con un vin spumante Glera de Sancin, locale

i443416_P1040756.jpg

salmone affumicato "della rosandra" no c he i salmoni nudi nella Rosandra, diria, ma ch i vien dela azienda ittiche che xe de quele parti, per fra scena guarnido con radicetto, salada rizza e chicchi de melagrana, assai bon e stava propio ben

i443417_P1040761.jpg

po iera una "crema di ceci e seppe" presentada in bicer!!!

i443418_P1040765.jpg

no mal, ma qualchedun ga insinuado che le seppe iera quele surgelade...

po un risottin de pesce

i443419_P1040766.jpg

normale,a nche se anche el pesce del risottin pol esser ciolto in pescheria o podeva anche esser stado ciolto surgelado.. no so!

e po un misterioso "pesce" al cartoccio con zucca e pinoli e nocciole, mi no so cossa che i se inventa, ma gaveva assai poco gusto, forsi mi iero za sazia, ma per mi e anche per qualchedun altro, iera quei tranci de merluzzo Findus... e difatti no i scriveva sul menu che pesce.

i443421_P1040769.jpg

el tutto, sempre coi camerieri n guanti bianchi che stava drio, no iera la bottiglia de vin in tavola, iera lori che passava e imigniva i biceri co iera svodo el bicer, un bianco del Collio, bon...

e po ala fin una torta dobos che ve fazzo veder e che cole vere dobos poco gaveva de far, e forsi troppa crema de buro ala ciocolata.

i443422_P1040771.jpg

Vin dolze e caffè..

insomma, assai presentazion, ma come cusina, per quei prezzi, preferiria una zena al Bigatto!

per restar più legera oggi, go fatto un rodolo de tacchino, version casalinga del Bon Roll in variante light

un gran toco de dindio (offerta speciale Coop) una parte masinada e el resto appiattido come una larga fetta, nel mixer. el dindio taiado a parte, spinazze scottade ( altra offerta speciale alla grande Mela) , rosmarin fresco, un ovo, un poco de formaio, ghe andassi speck o simili ma per tegnir legero no go messo, spalmado sula fetta , rodolado, ligado con spago, messo in forno con un poco de oio ( gnente fiochetti de burro!) e un poco de zivola tazzada, dopo un poco bagnado con vin rosso, che gavevo verto, se no andava anche ben bianco.. un'ora 180 gradi... e ga anche vanzado per doman!

i443423_P1040776.jpg

Link al commento
Condividi su altri siti

eri con ospiti pranzo a tutto pesce!

solo visto che sabato, pur essendo le pescherie verte, me gaveva anda che la notte prima no i gavessi sai pescado, gio ciolto i ingredienti surgelai;

misto pesce per pasta e risotti Pana e rombo surgelado.

Go scongelado metà dela busta del preparato per risotto, lo go cusinado 5 minuti in oio con un spigo de aio che po go cavado, go cominciado el risotto con poco oio, poca zivola, risi Carnaroli, un mezzo bicer de vin bianco e brodo de dado de pesce, a metà cottura go zontado el condimento de pesce , iera sepe e molluschi , che xe meo che no se cusini tropo che se no deventa gomosi, go finido,( circa 20 minuti de cottura) zontado un fiochetto de burro, un poco de prezzemolo liofilizzado, e in tavola!

intanto in forno iera el rombo in pirofila, sal pevere, tocheti de aio, foie de rosmarin dela terrazza, anche là dopo un poco go bagnado con vin bianco, 20 minuti a 200 gradi... perfetto! e resta un legero sughetto de butar suso.. dolci per una volta de pasticceria, pastine, ma no son soddisfatta: le Rigojanci dela Bomboniera gaveva grasso cativo, e le pastine de Pirona no iera la ricetta che volevo mi.. la prosima volta farò una torta al arancia che fazeva mia mama e che oltre 20 anni che no fazo più!

Link al commento
Condividi su altri siti

torta ale naranze che fazeva mama, per domani:

i445912_P1040862.jpg

Pan de spagna ( fato in casa, no comprado, peramordidio!!") zumbado ben de un sciroppo de sugo de naranza, fattocon sugo de naranze, zucchero ( gavevo a casa de canna) e un cuciar de rum, lassado boir pian una mezzoretta: la torta devi tirarlo tuto suso..

Modificato da babatriestina
Link al commento
Condividi su altri siti

I me disi che son mato però i magna sempre tuto. Me piasi le "Contaminazioni Gastronomiche". Presempio: Per scaldarse le rece luganighe de cragno e capuzi garbi aio oio e peperoncino. Le cragno se le fa solito modo boìde. Per i capuzi (mi dopero quei in busta de aluminio che ciogo de Hofer a Sesana, austriaci, boni e a bon prezo) meter in tecia a fredo aio strucà, oio bon e peperoncino. Lasar che ciapi gusto per almeno una mezaora, impizar el fogo e co' taca frizer butar i capuzi, rosolar un minuto, zontar due biceri de acqua e far consumar pian pian fino a cusinarli al dente. Se servi zontar acqua poco ala volta. La quantità de peperoncino dipendi da quanto che se vol scaldar le rece. A mio aviso se compagana 'sai ben con un vin stagno tipo Teran.

Link al commento
Condividi su altri siti

ma no me par che la servi per el ragù....bravo basketteam, chef con inventiva

Sicuramente el wok nol nasi per el ragù ma se pol cusinarghe dentro de tuto, dale verdure ai spiedini tarocài fino ala polenta o i capuzi. El distribuisi 'sai ben el calor che basta fiama basa e no te brusi gnente. Ieri sera go butà strambo e dopo tanto tempo go fato radicio col gambo condì con le frize fate in casa!

Modificato da LUCIO
Link al commento
Condividi su altri siti

Partecipa alla conversazione

Puoi pubblicare ora e registrarti più tardi. Se hai un account, accedi ora per pubblicarlo con il tuo account.

Ospite
Rispondi a questa discussione...

×   Hai incollato il contenuto con la formattazione.   Rimuovere la formattazione

  Sono consentiti solo 75 emoticon max.

×   Il tuo collegamento è stato incorporato automaticamente.   Mostra come un collegamento

×   Il tuo contenuto precedente è stato ripristinato.   Pulisci editor

×   Non puoi incollare le immagini direttamente. Carica o inserisci immagini dall'URL.

Caricamento...
  • Chi sta navigando   0 utenti

    Nessun utente registrato visualizza questa pagina.


×
×
  • Crea Nuovo...
×
Il Forum di Elsitodesandro
Indice
Attività
Accedi

Accedi



Cerca
Altro
×