cosa boi in pignata ?

[dido76]

riecchime quà, go latitado un poco da questa discusion

cmq ogi go fato

pastina in brodo

come quela già postada solo con l'aggiunta, co l'acqua ga tacado boir, de un poco de burro.

bibita: ogi niente

Modificato 12 Ottobre 2009 da dido76

[babatriestina]

stasera sul legero: nela piadinella de plastica per far a vapor in microonde go messo; cimette de cavolfior, una patata spelada e taiada in quattro, una carota netada e taiada in quattro: 7 minuti de microonde, condido con limon e un cuciar d oio extravergine de oliva. Po un raspetto de uva bianca e come lusso un yogurt al chantilly... acqua. 'Riverò a smaltir sti do chili de troppo?

Modificato 12 Ottobre 2009 da babatriestina

[fra_fre]

oggi go fatto un ragù coi contro!!!

voi che spezie mettè dentro x farlo? mi son come mata x la noce moscata....mmmmmh

[dido76]

stasera:

Piadina doppia con sottilette e speck

[dido76]

oggi me go cusinado/magnado:

pasta con panna e parsuto coto

ingredienti per una persona: 200gr de pasta (lumaconi/cagoie), sal qb, circa 150gr de parsuto coto, una scatoleta de panna de cusina, acqua

preparazion: scaldar l'acqua in pignata fin che la boi, nel fratempo scaldar la pignatela per la panna ( una antiaderente xè ottima), taiar el parsuto a tochetini.

butar la pasta in te l'acqua co la boi e salar anche l'acqua, nel'altra padela scaldar la panna de cusina, co la xè un poco che la se scalda (o co la boi) butar dentro el parsuto coto e scaldar un poco insieme (mi go fato al minimo dela fiama)...

co xè pronta la pasta,studar i foghi, scolarla, e misciarla ben con la panna e el prosciuto.

zontarghe se se vol un poco de formaggio gratado e...

magnar

bibita: aranciata oggi

al prossimo spuntin

[babatriestina]

ogi sul complicato, coi vanzumi de cavolo de ieri: soufflé de cavolo:

se fa una besciamel, mettendo una grossa nose de burro in padella a squaiar, co la xe squaiada un cuciar de farin che se brustoli un poco, e po pian pianin se zonta latte, zontando solo co el precedente xe assorbido. Lassarla piuttosto fissa, sal e pevere. Se lessa el cavolo , intiero o a cimette, se se lo butta nela besciamel, ormai fora del fogo, missiando, po se zonta do o tre rossi de ovo e ala fin le ciare a neve ( frullin elettrico, ovviamente!). Se missia el tutto, volendo se pol metter un poco de formaio grattado, se metti in pirofila in forno a temperatura sui 180 gradi, e se lassa far venti minuti e mezzora, el se alza e el xe cotto co scassandolo nol trema troppo.

invece de cavolo, se pol metter altro: formai e persuto, polpa de granzo, vanzumi de pesce, funghi trifolai.. ottimo per mamme e nonne con la dentiera!

stasera sarà pesce surgelado , merluzzo in trancio, a vapor..

[Nona Picia]

Ieri a pranzo panin de persuto coto e crudo, gavevimo de ricoverar le piante che no pol star fora d'inverno, per zena bistecca insalata frutto fave....

[Puntina]

Oggi fora xe' freddo!!!!

Cosa meio de un bon minestron de verdure FRESCHE!!!!

Anche se ormai le xe' aumentade al supermercato!!!!

Minestron con la pasta dentro!!!!!! De secondo scaloppine de maiale coi funghetti champignon!!!

Vin rosso e salute a tutti!!!!!

[babatriestina]

champignon anche mi, ma per un risotto ai funghi! per adeguarse al autunno.

Frutti: uva Italia bonissima, de stagion, locale, dolcissima e pomi Gala anche nostrani e tirai drio de prezzo. Xe in giro clementine e manderini bon prezzo, ma i vien del Uruguay, de l'Argentina, de l'Australia e i più vizini (garbi!) dela Spagna. No ghe pago el viaggio; fra poco vegnerà i nostri.

Per l'uva fragola, ormai go quasi finido de magnar quela dela mia terrazza, sto anno ga fatto tanti grappoli..

[trixie]

oggi pasta co le zuchette........

me iutè miei coghi e coghe provette?

me dè una ricetta per far spezzatin?

[Puntina]

oggi pasta co le zuchette........

me iutè miei coghi e coghe provette?

me dè una ricetta per far spezzatin?

Per una roba cocola!!!!!

Sedano e carote a cubettini con una cipolla taiada a fettine sottili!!!!!(cipolla abbondante 1 carota 1 gambo sedano)

Soffrigger con oio extra e metter la carne a cubetti (muscolo de stinco de videllon).

una foia de alloro e rosolar la carne a fogo medio!!!Pepata e Salata!!!!!

Co la carne ga ciapa' poco color coverzer tutto de vin rosso.

Far cusinar a fogo basso col covercio. (se se suga tropo aggiunger acqua)!!

Sponzer la carne con un stecchin!!!!!!Quando la xe' cota no la resta impirada e la resta in tecia!!!

El sughetto dovessi vegnir bel denso senza farina fecola o altro!!!

Se ala fine manca de savor giunger un tochetin picio de dado Knorr!!!!

[babatriestina]

me dè una ricetta per far spezzatin?

manzo o videl?

nel dubbio, te metti un tazzadin de zivola , tanta se te vol tipo gulasch, e, se te ga, mal no fa un poco de sedano e carota, ma se no xe no xe una tragedia, in un per de cuciari de oio, anche un solo se te vol far leggero. Te spetti a fogo basso che la zivola sia trasparente, te alzi el fogo e te metti la carne a cubetti, che spesso i la vendi za cussì, volendo un fià infarinada e te rosoli missiando a fogo più forte che ciapi un fil de color tuti i tochi de tute le parti, te pol zontar un mezzo bicer de vin, bianco per el videl e rosso per el manzo, se occori un poco de acqua, te coverzi, te sbassi el fogo al minimo e te va tranquillamente a postar sul sito de Sandro, salvo ogni tanto butar el ocio che no se tachi, al caso se zonta acqua. Per el videl ghe vol un'oretta, che sia tenero, per el manzo anche de più. Sal e pevere se ocori se zonta in fondo, se pol metter anche una puntina de dado per brodo.. mi fazzo più o meno cussì.

Se pol scurtar cola pentola a pression ( l'atomica!) , ma se se ga tempo, mi me piasi de più cussì.

I vanzumi xe boni per condir la pasta el giorno dopo.

[babatriestina]

ara ti, insieme gavemo dado ricete quasi istesse, solo che mi no ghe metto la foia de làverno ( =alloro)

[Puntina]

ara ti, insieme gavemo dado ricete quasi istesse, solo che mi no ghe metto la foia de làverno ( =alloro)

Pensavo se diseva slaverno!!!!

Comunque lo meto solo nella carne rossa!!!

Semo in sintonia culinaria!!

[babatriestina]

ara ti, insieme gavemo dado ricete quasi istesse, solo che mi no ghe metto la foia de làverno ( =alloro)

Pensavo se diseva slaverno!!!!

cussì disi i siti internet, ma mi no go mai sentido a casa mia..

[trixie]

confermo a casa mia solo làverno

mamma mia fioi se svelti come un fulmine

grazie

[babatriestina]

Co iero picia, un dei piatti dela domenica iera sguazzetto de videl coi risi:

sguazzetto fatto appunto cola ricetta de sto spezzatin, e me sa che ala fin i slongava bastanza el sugo con acqua, po i lessava risi in bianco, una volta cotti me sa che i ghe metteva un poco de burro fuso per tegnir insieme e i metteva nel stampo a ciambella, i ribaltava sul piatto de portata e dentro el giro de risi i metteva el sguazzetto.. booonn...

sempre co iero picia ala domenica a volte iera videl rosto , in toco, e la sera se lo magnava freddo a fettine con salsa de ovi..

[Nona Picia]

Amche dele mie parti se diseva "laverno"!

[Nona Picia]

A proposito, mi nel spezatin ghe meto anche un poco de passata de pomodoro e una goccia de asedo.

[dido76]

stasera roba facileeee:

4pizete pronte e via:

scongelarle, scaldarle un x de minuti nel micro e: magnarle

aranciata de bever

bona zena

[babatriestina]

4pizete pronte e via:

scongelarle, scaldarle un x de minuti nel micro e: magnarle

aranciata de bever

bona zena

devo dir una roba, la pizza surgelata la ciogo anche mi ogni tanto, ma se se la scongela e scalda in microonde la vien un poco troppo mola, quasi plociosa: val la pena de perder 10 minuti invece che 3 e scaldarle in forno vero alla massima temperatura: una raffinatezza de bongustaia

( per mi stasera: fetina de videl in padella, resti de salata, resti del soufflé de cavolo de ieri scaldado sempre nella medesima padella, pomi uva e yogurt) Sempre acqua filtrada..

[Stefano79]

Proprio stasera go magna pizza Ovviamente in forno, 10 minuti e via

Modificato 14 Ottobre 2009 da Stefano79

[Nona Picia]

Noi inveze una bona minestra de verdure......

[babatriestina]

ieri po coi funghi go condido la pasta, el risotto coi funghi xe per oggi coi funghi vanzai ( champignons freschi)

Stasera sarà pesce, merluzzo surgelado in trancio a vapor... va ogni giorno zo un etto.. e xe tre chili de smaltir, no xe estetica ma questioni mediche.

[trixie]

allora ieri sera fettine apanade e radicio rucola e ovi duri

ben insomma se ciol le fettine

se le tocia nella farina. se le passa nell'ovo (sbattu' con un fià de sal) e dopo nel pangrattà,

se spetta che l'oio sia caldo e se le frizzi

e po pronti!

devo dir che esisti anche un prodotto impanatura pronta

che basta passar la carne in sto impasto....boh(i disi che xe bon)

oggi a pranzo solita pasta con verdure, (butta Nadal che smetto la dieta )