McDonald's al Tergesteo, Burger King in Viale

[arska]

No xe l'americanismo in sè el problema.

Per dir, meti che:

(e con la grande distribuzion sta nassendo proprio questo)

1. doman McDonalds vendi parmigian in tuto el mondo

2. McDonalds diventa el più grande comprator de parmigian del mondo

3. diventa efetivamente conveniente per chi lo produci aumentar la produzion per sodisfarli

4. el consorzio comincia a diventar Mc-dipendente, economicamente

5. McDonalds associa el suo brand a quel del parmigian

6. McDonald's decidi che el suo brand xe più forte de quel del parmigian

7. I proponi ai più grandi del consorzio de fornirghe privatamente "parmigian senza marchio", solo legermente più scadente per costar de meno

8. end of the parmigiano as we know it

Xe fantapolitica, ma del tutto verosimile anche perchè sucedi de continuo.

El mio punto? Darghe spazio a aziende za abnormi no porta niente de bon, se no porta de mal (v. topic precedenti).

Questo val in tantissimi campi, ma sopratuto in quel de alimentari e ristorazion.

[dido76]

x mi no gaver/voler un mcd in una cità che vol eser anche turistica xè un pecà...el prosimo anno torna le msc e i turisti sà che nelle grandi città in giro un mac te lo trovi praticamente sempre...anche + de uno.

no volerlo solo xkè nel tergesteo xè bruto (senza gaver idea de come podeva eser el progeto) e preferir che rivi negozi de vestiti (per chi ga pila) xè assurdo.

e ve lo disi un che al mac no magna quasi niente

[stephanos]

A me l'idea che passo di piazza - piazza della borsa diventasse un'affollatissima passeggiata piena di tavolini con turisti e bambini che giocano e (magari) mangiano un happy meal piaceva proprio tanto! rimarremo quella specie de città turistica VOJO MA NO POSSO, ricca de potenzialità ma povera de decisioni coraggiose

Un es: tempo fa con i miei jero a san giusto e se semo fermadi nei baracchini a magnar un panin. gavemo dovudo magnar sui scalini perché no jera tavolini e ghe go chiesto ai muli del baracchin (cocoli) come mai no i se organizzava mejo. risposta: gavemo chiesto le concessioni al comun e no le gavemo ottenude!!!

Altro es: sempre a S. Giusto dentro il campanil i fa pubblicità de un locale sotto via capitolina che fa assaggini de pesse e aperitivi, ecc. bon, jera serà (pecà) però anche lori no i ga tavolini, no i gà indicazioni e insegne, niente, tutto rimesso alla bona volontà de chi li zerca...

Mettemo un turista americano o inglese o francese o tedesco che sbarca dalle navi o passa x il centro andando in HR... magari il se ferma sulle rive perchè disi: ciò, bel qua. speta che trovemo un Mac, femo due passi e po ripartimo.... ecco, vage ti a spiegar che xè mejo se i se meti a zercar su e zo pepi s'ciavo, siora rosa e i altri... i perdi tempo e magari i finissi in un bar che ghe servi panini ranzidi. quando per sta gente de passaggio un punto de ritrovo tipo davanti il tergesteo (dove oggi se trova l'affollatissima gelateria) saria quel che i vol... SSAI STRATEGICO!

Insomma, dopo l'ennesima vacanza de pochi giorni a Barcellona son sempre più convinto che bastassi copiar (SOLO copiar) el decimo de quel che i ga fatto là per esser turisticamente più appetibili!... Basta vedere la Rambla che xè una sempice srada pedonale senza niente de cussì particolar (x dir che fra tergesteo, piazza unità. teatro verdi e palazzo della borsa a Ts xè più palazzi scenografici in quell'area) xè diventada la passeggiata preferita d'Europa!

Son tornà e son più depresso de prima....

[erlobo]

No xe l'americanismo in sè el problema.

Per dir, meti che:

(e con la grande distribuzion sta nassendo proprio questo)

1. doman McDonalds vendi parmigian in tuto el mondo

2. McDonalds diventa el più grande comprator de parmigian del mondo

3. diventa efetivamente conveniente per chi lo produci aumentar la produzion per sodisfarli

4. el consorzio comincia a diventar Mc-dipendente, economicamente

5. McDonalds associa el suo brand a quel del parmigian

6. McDonald's decidi che el suo brand xe più forte de quel del parmigian

7. I proponi ai più grandi del consorzio de fornirghe privatamente "parmigian senza marchio", solo legermente più scadente per costar de meno

8. end of the parmigiano as we know it

Xe fantapolitica, ma del tutto verosimile anche perchè sucedi de continuo.

El mio punto? Darghe spazio a aziende za abnormi no porta niente de bon, se no porta de mal (v. topic precedenti).

Questo val in tantissimi campi, ma sopratuto in quel de alimentari e ristorazion.

Benissimo. Condivisibile.

Ma ti te sa che:

1. El consorzio Parmigiano Reggiano xè in fortissima crisi e i rischia de chiuder la maggior parte delle aziende che lo produci (http://parma.repubblica.it/dettaglio/crisi-parmigiano-il-piano-zaia-via-dal-mercato-100mila-forme/1527148)? Ghe xè un motivo: costa tanto produrlo (quel DOP) e no i lo vendi tanto perchè el xè (giustamente) caro. Benvenga, quindi, l'affair McDonald's. In questo caso (credime) i ghe sta salvando abbastanza le culatte. El McScovaze, come che te lo ciami ti, a un prodotto DOP italian. Continuemo a criticarlo?

2. El Mc ga tutto l'interesse a vignirghe in soccorso: in Italia la carne che magnemo (e quella del McCossachetevolti) la vien per el 75% dal macello de Cremonini, la Inalca. E gavemo ottima carne nazionale. Te sa perchè? Perchè in Italia allevemo le mucche per far el Parmigiano e el Grana, per cui i le tien come bomboni fin che le fa latte, e dopo le vien macellade.

3. El cerchio se chiudi: ti te me iuti mi, mi te iuto ti. Cussì va avanti le robe. Se no ghe xè un interesse, credime, le robe no va vanti. Nell'economia come che nella vita per la maggior parte delle robe.

Ghe xè una roba che me colpissi molto: chi critica o chi sostien i fast-food tendi, nella maggior parte dei casi, a scriver nelle prime righe "premetto che non ghe vado mai", quasi che saria una vergogna.

Leggevo el post su Marrazzo, ma, parallelamente, chi a favor o chi contro, nissun anticipava "premetto che mi no lo ciapo in quel posto"....

Quindi: xè molto più vergognoso andar al fast food che andar a trans...

Va a capir el mondo...

[Ikeya]

Altro es: sempre a S. Giusto dentro il campanil i fa pubblicità de un locale sotto via capitolina che fa assaggini de pesse e aperitivi, ecc. bon, jera serà (pecà) però anche lori no i ga tavolini, no i gà indicazioni e insegne, niente, tutto rimesso alla bona volontà de chi li zerca...

forsi se saremo anche incrosadi perché de sera in estate vivo la (conosso praticamente tutta la famiglia de quei che lavora la e dei proprietari )

i problemi principali xè due:

1°) per tegnir i tavolini ghe vol un bagno... anni fa i gaveva un bagno chimico de drio, solo che, oltre che costar tanto, i doveva anche curarsene lori... in pratica i doveva pagar e in più lavorar per mantegnirlo decente... ricordo a tutti che subito sotto, la della scalinada che va verso i giardini de via San Michele davanti alla Cattedrale, ghe xè i bagni pubblici, ma i sera alle 18:30 e no i xè nianca proprio lustri

2°) ovviamente, in Italia, ghe xè tasse e concessioni anche se te vol scoresar in mezzo al piazzal de monte grisa alle 3 de mattina... e, quindi, ghe vol gaver le concessioni per el suolo pubblico e pagar le relative tasse... se non te le ga, ti non te pol tegnir niente al de fora del tuo raggio de competenza, che, nel caso del baracchin de San Giusto, comprendi el spazio occupà dal stesso chiosco con le ante verte!

quindi, senza gaver le concessioni, l'unico modo in cui i poderia tegnir dei tavolini, saria pagar un bagno chimico (che però no xè adibì ai disabili e quindi podessi vegnir fora storie anche la), e fracagnar la gente su un tavolin spiaccicà contro la parete del baracchin...

difficilmente i riverà a gaver qualsiasi tipo de licenza per far qualsiasi tipo de roba, visto che Di Piazza se ga messo in testa de toglier qualsiasi chiosco da qualsiasi piazza triestina... quindi ogni anno no i sa se la stagion successiva i verzerà e no ghe vegnerà smantellà tutto... che poi volemo esser una città turistica e a San Giusto, senza i due chioschi, no ghe saria nissun posto dove magnar né bever (a parte una fontanella zozza dispersa in mezzo ai cespugli la della Basilica).. questa xè la nostra bellissima situazion

PS: i se iera anche informadi per metter un chiosco novo tipo quei che xè a Barcola, ma iera prezzi allucinanti (cifre a cinque zeri!)

Modificato 22 Gennaio 2010 da Ikeya

[stephanos]

Ma allora, Ikeya, perché la gente da sto lato del mondo no se da una BELA SVEIADA?!.... cioè semo il paese che ga più risorse artistiche e meno idee per valorizzarle! Ricordo che tempo fa gavevo preso a cuor la situazion de Tuscania, in Lazio, prv de Vt. Gavevo scritto una lettera al corriere, pubblicada, i me ga scritto pvt ringraziandome, po son tornà e la situazion iera identica: basiliche e catacombe etrusche bellissime lassande in completo abbandono o alla volontà de signore che tien le ciave e le verzi su richiesta o in determinate ore, chiedendo in pratica la carità (un custode de ste opere NOTEVOLI, andè pur a vederle qua ricevi ben 300 euri al mese! e devi occuparse anche dei cessi). Lori almeno i gaveva messo su una raccolta de firme, una petizion.

No me par de gaver visto petizioni a San Giusto. La situazion là xè scandalosa, secondo mi. Là il comun dovessi obbligar a metter tavolini, altro che toglier attività de ristoro! Ma come le pensa?

Ti che te pol (mi son troppo lontan, peò ve supporto e se te vol raccolgo un per de firme dei miei amici) scrivi una petizion e mettila a firmar qua sul web e là sulla strada. com migliaia de gente che chiedi tavolini in un sito storico cussì importante, forsi qualcossa se poderà mover, o no?

Modificato 22 Gennaio 2010 da stephanos

[Ikeya]

qua i xe ben più impegnadi a far veder che xe tutto de oro piuttosto che permetterse de dir "ma forsi gavemo sbaià" e rimediar... perché se te rimedi te rischi de evidenziar l'error, mentre se non te lo fa veder, ll'opinion pubblica se ne sbatti... d'altra parte non xè tantissimi i triestini che passa per san giusto, ma xè sempre pien de pullman de turisti de tutte quante le età, dalle scolaresche ai anziani, italiani e stranieri... però l'anno scorso i se ga sveià subito quando, in una notte, i ga trasformà i parcheggi gratuiti in parcheggi a pagamento, oppur cò ghe xe eventi importanti nel castel i fa subito a metter i divieti de sosta in tutto el piazzal per usarlo come parcheggio personale e adibir 3-4 pattuglie dei vigili urbani a parcheggiatori

inoltre l'asfalto fa schifo, una cabina telefonica che non funzionava i la ga "riparada" eliminandola del tutto, mentre nell'altra no funziona le monede, e spesso i turisti più anzianotti chiedi se ghe xè qualche modo per telefonar... inoltre, la roba più assurda, xè che xè un luogo turistico in cui se vendi anche cartoline, ma, ironicamente, la cassetta della posta più vicina xè zo in città!

i se lamenta che la gente pissa in giro ma i servizi igienici pubblici i sera alle 18:30, i se lamenta che xè scovazze ma i ga tolto i scovazoni... certo la gente non xè assolutamente civile, ma anche lori i ghe metti del suo

la bastassi lassar i servizi igienici pubblici verti anche de notte (le turche e i lavandini xè de acciaio quindi no i le pol nianca spaccar), lassarghe metter almeno un per de tavolini ai due chioschi, riparar la cabina telefonica e metter una cassetta della posta per render tutto molto più umano... no me par che sia tutta sta fadiga!

invece i ga speso un bel po' de soldi piazzando un per de telecamere...

Modificato 22 Gennaio 2010 da Ikeya

[stephanos]

Bon, ma visto che te son cussì espeto perché no te provi ti a far qualcossa? Chieder firme ai turisti no credo sia un reato! Fè una sorta de guestalbum, magari anche cocolo con una bela alabarda rossa che ciapi l'atenzion, se zerca magari de parlar coi scout o qualche associazion interessada a far robe a san giusto de sera e se zerca de convinzer con firme e volontari de slongar l'apertura dei cessi e permetter cussì de posizionar i tavolini. Ma insomma, no me sembra una roba ufo, no? Se te vol posso colaborar a distanza. Bastassi davvero esser convinti che qualcossa SE POL far, e no lassarse vinzer dalla depression!

[arska]

difficilmente i riverà a gaver qualsiasi tipo de licenza per far qualsiasi tipo de roba, visto che Di Piazza se ga messo in testa de toglier qualsiasi chiosco da qualsiasi piazza triestina...

Questa po'! Se cussì fossi, saria veramente grave, visto che i chioschi in giro per una cità xe un dei segni de vitalità migliori che se posi dar.

[Ikeya]

Questa po'! Se cussì fossi, saria veramente grave, visto che i chioschi in giro per una cità xe un dei segni de vitalità migliori che se posi dar.

i chioschi e i flyer dei locali!

una città dove te trovi flyer sparsi per el centro, significa che ga movimento, che ghe xè vita...

ovviamente, qua per distribuir i flyer a man, bisogna pagar una tassa de 14 euro al giorno, per ogni nominativo che te ghe da! quindi se mi voio mandar in giro 3 persone un pomeriggio, devo pagar 42 euro

inoltre, se te vol solamente appoggiar i flyer in giro per i locali, xè 81 euro ogni 21 giorni!

la mentalità de sta amministrazion xè: no spender per mantegnir neto, far pagar le tasse che comunque no le te autorizza a sporcar, e metter multe per evitar che i sporchi...

se i te sgama senza gaver pagà la tassa, la multa consisti in 1.000 euro per ogni flyer che i trova! cosa che no sta né in ciel né in terra, visto che ghe xè dei massimali (definidi dalla legge italiana) che xè ben al di sotto de sta cifra

Modificato 23 Gennaio 2010 da Ikeya

[Stefano79]

Ma cosa te intendi per flyer?

[dido76]

Ma cosa te intendi per flyer?

penso i volantini

[Ikeya]

principalmente xè i volantini delle discoteche

ma se intendi anche i vari volantini pubblicitari... e se vado a visitar una città senza volantini pubblicitari, e quindi senza pubblicità, capisso subito che xè una città completamente smorta

per farve capir, basta andar a Koper che te trovi la pubblicità anche sui lampioni...

[Stefano79]

Ma cosa te intendi per flyer?

penso i volantini

Aiuto, altro inglesismo inutile che me mancava

Boh, resto dell'idea che Trieste dal punto de vista tusistico me va ben come la xe. Città ormai conosuda ma non preda de invasioni de massa tipo Venezia&co.

[dido76]

Boh, resto dell'idea che Trieste dal punto de vista tusistico me va ben come la xe. Città ormai conosuda ma non preda de invasioni de massa tipo Venezia&co.

si e no...nel senso che semo conosudi (non tantisimo in realtà) ma turisticamente parlando semo zero per quanto riguarda le informazioni ai turisti (indicazioni), e locai e negozi no commento...gavemo ma no "sfrutemo"

[Ikeya]

nel turismo, desso come desso, non semo assolutamente autosufficienti...

xè veramente rari i casi de gente che vien fin qua solo per visitar Trieste... el 99,9% se ferma qua perché ga come meta località in Slovenia/Croazia, e, visto che Trieste xè de strada, i se ferma qua in giornata... ma nissun disi "andemo in viaggio a Trieste", perché lo fa solamente le scolaresche de terza media, perché i studia le guerre mondiali e quindi i se fa Trieste e Redipuglia

ma xè raro trovar gente che vegni a Trieste per visitar tutti i musei e farse un tour approfondido della città o della cusina tipica triestina, mentre el turismo balneare xè più concentrà a Sistiana e a Muggia...

eppur se podessi far eventi de un certo tipo in piazza Unità, ma no i fa più de tanto perché la gente brontola e bisogna serar a mezzanotte... ma no ve ricordè che figada che iera l'Isle of MTV con 50.000 persone?

gavemo un stadio piuttosto recente, decente e grande, eppur tutti i concerti più importanti i li fa a Udine, mentre qua, se va ben, i fa qualcosa de più piccolo al PalaTrieste, e comunque con artisti che non ga l'attrattiva de Madonna, Bruce Springsteen o AC/DC (solo per citar i ultimi)... e magari se te fa una roba in grande stile, con 20-30.000 persone che vien de fora città, tante de queste riverà za de mattina e andarà a magnar de qualche parte, o i riverà in treno (si, semo messi ben) e i ciaperà l'autobus, o i se beverà un caffè in piazza Unità, e xè sempre soldi che vien "importadi"!

altra roba, cò sbarcava le crociere de lunedi, no ghe iera nianca un ristorante verto sulle rive... ok, qua no c'entra el comun, ma xè sicuramente una roba che fa capir subito ai turisti che Trieste xè una città morta

e queste xè solo alcune delle robe che non rivemo a sfruttar...

me ricordo cò iero zo a Roma (quasi 10 anni fa)... in piazza Navona gavevo trovà le bancarelle, vicin i musei vaticani ghe iera una piazza con delle bancarelle... qua invece le piazze, tipo Ponterosso, ga de esser svodade, perché xè brutto veder le bancarelle dei abusivi, e piuttosto che darghe un'opportunità per regolarizzarse, xè meio veder una distesa de asfalto, con in mezzo una fontana (spenta), quasi la fossi una specie de oasi nel deserto (ma rigorosamente senza nianca un alberel o un'aiuola vicin, perché mantegnir el verde costa, e quindi butemo piere o asfalto)

volè una Trieste asburgica? ve ricordo che sotto l'Austria la zona de cavana iera disseminada de case chiuse, che el canal grande iera "infestà" da velieri, in piazza Goldoni (p.zza Legna) ghe iera el mercato, piazza Unità (p.zza Grande) gaveva i giardini, la Pescheria iera una pescheria, e non un "salone degli incanti"... tutte le piazze, dall'antica Roma a oggi, xè stade creade come centro de aggregazion per la gente, e non, come oggi, per lassarghe spazio alla Bora (nel nostro caso)... d'altra parte, se za Joyce xè scampà via nel '18 quando Trieste xè diventada italiana e i ga chiuso tutti i bordei de Cavana, vol dir che la Trieste asburgica no iera un ospizio gigante come semo abituadi a vederla oggi... altri, invece, appena xè andadi via i americani nel '54, sparido el stile de vita dell' "oltreoceano" (iera vegnù a sonar qua anche un certo Louis Armstrong), anche se i iera triestinissimi, no i ga esità a scampar in USA...

Modificato 24 Gennaio 2010 da Ikeya

[arska]

volè una Trieste asburgica? ve ricordo che sotto l'Austria la zona de cavana iera disseminada de case chiuse, che el canal grande iera "infestà" da velieri, in piazza Goldoni (p.zza Legna) ghe iera el mercato, piazza Unità (p.zza Grande) gaveva i giardini, la Pescheria iera una pescheria, e non un "salone degli incanti"... tutte le piazze, dall'antica Roma a oggi, xè stade creade come centro de aggregazion per la gente, e non, come oggi, per lassarghe spazio alla Bora (nel nostro caso)... d'altra parte, se za Joyce xè scampà via nel '18 quando Trieste xè diventada italiana e i ga chiuso tutti i bordei de Cavana, vol dir che la Trieste asburgica no iera un ospizio gigante come semo abituadi a vederla oggi... altri, invece, appena xè andadi via i americani nel '54, sparido el stile de vita dell' "oltreoceano" (iera vegnù a sonar qua anche un certo Louis Armstrong), anche se i iera triestinissimi, no i ga esità a scampar in USA...

Queste xe parole che tanti dovessi far proprie, per darse una simpatica (quanto opportuna) sveiada.

[dido76]

eppur se podessi far eventi de un certo tipo in piazza Unità, ma no i fa più de tanto perché la gente brontola e bisogna serar a mezzanotte... ma no ve ricordè che figada che iera l'Isle of MTV con 50.000 persone?

gavemo un stadio piuttosto recente, decente e grande, eppur tutti i concerti più importanti i li fa a Udine, mentre qua, se va ben, i fa qualcosa de più piccolo al PalaTrieste, e comunque con artisti che non ga l'attrattiva de Madonna, Bruce Springsteen o AC/DC (solo per citar i ultimi)... e magari se te fa una roba in grande stile, con 20-30.000 persone che vien de fora città, tante de queste riverà za de mattina e andarà a magnar de qualche parte, o i riverà in treno (si, semo messi ben) e i ciaperà l'autobus, o i se beverà un caffè in piazza Unità, e xè sempre soldi che vien "importadi"!

un x de giorni fa iera un articolo sul giornal proprio sui concerti grandi che snobba trieste e che vien fati a udine,padova,venezia,koper, lubiana,zagabria ecc...

la risposta del comun xè che a trieste el stadio xè picio, no ga la pista de atletica x cui certi palchi no ghe stà e che cmq no se otien mai el pienon...:doh;

no me par che el stadio de padova sia + grande epur là go visto sia i Metallica, sia i Bon Jovi...e no iera tuto esaurido.

scuse,scuse,scuse e ancora scuse...

l'isle of mtv dimostra che trieste pol far ste robe...vasco e ligabue el stadio lo ga riempido sempre....el palazeto iera sempre pien co i fazeva concerti...noi ste robe se le ricordemo e basta...x vederle xè de masinar km

ma son tropo ot scuseme

[Malto]

A Trieste ghe xe ancora le tredici casade. Questo xe el problema.

[erlobo]

Tanto per ritornar nel tema..

Pareria che i ve ga scoltado...

http://www.ansa.it/web/notizie/rubriche/in...1677608423.html

http://www.agi.it/research-e-sviluppo/noti...panino_italiano

Calcolè che, poi, Zaia xè eletto con la Lega Nord...El messaggio me par forte...

[Starlite]

Ma el BK vien o no in viale? No go miga capido

[dido76]

Ma el BK vien o no in viale? No go miga capido

si si

[arska]

Tanto per ritornar nel tema..

Pareria che i ve ga scoltado...

http://www.ansa.it/web/notizie/rubriche/in...1677608423.html

http://www.agi.it/research-e-sviluppo/noti...panino_italiano

Calcolè che, poi, Zaia xè eletto con la Lega Nord...El messaggio me par forte...

beh, almeno i va in una direzion de miglioramento piutosto che no. No risolvi tuti i problemi, ma almeno no va tuto in pezo

ot: Zaia xe forsi l'unico ministro decente de sto governo, per mi.

[Ikeya]

ot: Zaia xe forsi l'unico ministro decente de sto governo, per mi.

me diseva el boss del Mirò che Zaia se diverti sai a inaugurar rotonde nel trevigian