Il sindaco che verrà - Elezioni Comunali 2011

[Ikeya]

i problemi principali xè:

- porto

- ferriera

- troppe ciacole poche fritole

due su tre xè i stessi del pre-Dipiazza... un lo ga introdotto la sua giunta...

Modificato 9 Febbraio 2011 da Ikeya

[Stefano79]

Ma che indotto scusa? 5 pullmann de tifosi avversari che bevi in baretto?

:ave:

Soprattutto certi sport ga costi proibitivi e no porta per niente soldi alla città, almeno no in proporzion a quel che i costa.

Dovesimo doprar soldi pubblici per darghe 10 mila euro al mese a un baloner, rimandando magari el rifacimento delle strade?

[Mex]

Ma che indotto scusa? 5 pullmann de tifosi avversari che bevi in baretto?

Lo sport xe una roba seria, infatti sport giovanile e dilettantistico ga bisogno de fondi (e i ga la loro bella utilità sociale). Una squadra professionistica devi esser un ente che va avanti senza soldi pubblici. Alla fine i costi sono gli stipendi dei giocatori e delle trasferete, e le percentuali ai procuratori.

Cerchiamo di essere obiettivi al di là della passione.

Avevo pure sentito dire che l'Endesa se avesse costruito il rigassificatore nel golfo avrebbe investito nella Triestina... da tifosissimo dell'Unione io preferisco tenermi il mare così com'è (già non pulitissimo in verità) e la Triestina in serie D. Che tanto poi allo stadio io ci vado lo stesso...

[arska]

Bene, visto che più o meno semo d'acordo che porto e dintorni devi eser el cuor de Trieste,

deso diseme voi chi fra i candidati ga mai dito qualcossa de serio e propositivo su sto argomento.

No conta (perchè no seri e/o propositivi):

• progeti de superporti inesistenti

• ciacole sui sloveni che favorisi KP (xe legittimo e normal, agevolar i propri porti)

• el porto vecio regalado ai speculatori (7€ al mese a mq, i lo paga!!!)

A pensarghe ben, la magior parte de quei che se candida/grarvita intorno a quei che se candida no pol dar soluzioni,

SEMPLICEMENTE PERCHÈ I XE STADI PARTE DEL PROBLEMA.

El che me deprimi, no poco.

--

No stemose dimenticar de tantissimo teren, coi investimenti pronti, che xe inquinado e che i enti publici no vol disinquinar, in zona industrial. Xe ligado al porto perchè qualsiasi azienda volesi lavorar a 10m da un porto che funziona... solo che ghe vien chiesto a lore de bonificar dopo che gaveva inquinado l'aquila per 50 anni.. e i se rifiuta (comprensibilmente). A gestirla ben, sta roba, e finalmente bonificar, volesi dir migliaia de posti de lavor, istantanei.

E el terapien de barcola, con diossima e mercurio in piena? Tuto fermo.

E, vardando un poco più in là, la costa da P.to San Rocco fin punta sotil, inquinada de proposito? Tuto fermo.

--

Chiedemose inveze perchè che no i parla de:

• la lege internazional in vigor sul porto, mai aplicada

• chi che tien fermo el molo VII

• el governo che fa megapiani per venezia (1,3MILIARDI per un terminal offshore a Venezia, follia) e no investi do nosele a TS (per aplicar l'otimo piano regolator de Boniciolli che triplicassi i container basta, se no sbaio, meno de 200MLN, che no xe sai per sto tipo de infrastruture)

• perchè Trenitalia continua a taiar fora la cità, consciamente e per scelta

• perchè le linee locali de cintura + austriache no xe in piena funzion, sia per merci che per trasporto metropolitan (anche là, costi minimi rispeto ai benefici)

• perché che i ghe ga regalado, in maniera probabilmente ilegal, el porto vecio a speculatori edilizi

e, in definitiva:

• perchè lori (e tanta gente con lori) no se rendi conto che xe proprio queste le cause pratiche del spopolamento, dela chiusura dei negozi, dela poca vitalità e imprenditorialità de sta cità?

Son disgustado. E NISUN tocca sti argomenti, mai, in modo serio... con tanto de quotidiano local che ne propina de continuo disquisizioni sul NULLA.

--

A pensarghe ben, l'unica roba che me auguro?

Che la gente no voti per i partiti "grandi" del establishment.

Questi prima de darse una sveiada ga de perder legitimità popolar, go paura.

--

Ricordemose solo de una roba: un porto in piena funzion porta sai, sai bori.

Come mai italia e FVG (quei che concretamente pol farlo) no spendi 1€ a riguardo, che ghe tornassi coi interessi?

Perchè el comun no ghe fa presente questo a la popolazion, un giorno sì e l'altro anche, visto che dipendi la storia e el futuro de la cità, da una scelta de sto genere?

A tute ste domande, ve lasso a voi de farve le risposte

Modificato 9 Febbraio 2011 da arlon

[Starlite]

El novo sindaco gaverà anche in eredità el piano del traffico che in due mandati, due!, Dipiazza no xe stado capace de concretizzar...

[arska]

Storia sai strana, quela dei PRG, e Trieste ga fondamental bisogno de un che (opinioni mie) disi che:

– va ben alta o altissima densità in zone centrali o semicentrali, semo una cità fra monti e mar e no pol eser che per far case de 2 piani in più in centro sia problemi, IMHO

– de conseguenza però no se cava più nianche un m2 de Carso a quel che devi eser: natura

– la metro leggera va prevista e integrada

– nei quartieri periferici va ricreadi dei "mini-centri" per poderli ravivar

In sostanza: tute le città come Trieste al mondo punta sul alta densità.

Quindi no xe de costruir più una casa su teren novo, ma de sistemar e impinir quel che xe!

[Cazzaballe]

- MAGGIORE Renzo ("Trieste Giovane") -> sito web: http://sindaco.renzomaggiore.it/

E una volta i me gaveva dito "Non semo assolutamente un partito politico, ma semo solo un gruppo de muli che vol far qualche proposta al comun"..

- MENIS Paolo (Lista civica Trieste 5 stelle – Beppegrillo.it) -> sito web: http://www.trieste5stelle.it/

E una volta Beppe Grillo diseva che lui e il suo gruppo non se occuperà MAI de politica..

Comunque al sondaggio ghe voterò dopo che me son informado un poco su tutti, no me piasi meter "son ancora indeciso"

Modificato 10 Febbraio 2011 da Cazzaballe

[Cazzaballe]

A pensarghe ben, l'unica roba che me auguro?

Che la gente no voti per i partiti "grandi" del establishment.

Questi prima de darse una sveiada ga de perder legitimità popolar, go paura.

Saria bel ma impossibile. Purtroppo tanti vota leggendo PD o PDL e non sa niente de altro.. Bisognasi meterse sulle porte dei seggi dove se vota e darghe do s'ciafe a tutti prima che i entri

[cucciolina]

Se questi xe i candidati, credo proprio che no voterò :'derci:

[Maximilian]

- MAGGIORE Renzo ("Trieste Giovane") -> sito web: http://sindaco.renzomaggiore.it/

E una volta i me gaveva dito "Non semo assolutamente un partito politico, ma semo solo un gruppo de muli che vol far qualche proposta al comun"..

- MENIS Paolo (Lista civica Trieste 5 stelle – Beppegrillo.it) -> sito web: http://www.trieste5stelle.it/

E una volta Beppe Grillo diseva che lui e il suo gruppo non se occuperà MAI de politica..

Comunque al sondaggio ghe voterò dopo che me son informado un poco su tutti, no me piasi meter "son ancora indeciso"

In verità per quanto riguarda Beppe Grillo el gaveva ditt oche LUI non sareb esceso mai direttamente in politica candidandosi. Non son un grilliano, ma tanto per correttezza.

[Cazzaballe]

In verità per quanto riguarda Beppe Grillo el gaveva ditt oche LUI non sareb esceso mai direttamente in politica candidandosi. Non son un grilliano, ma tanto per correttezza.

In effetti te ga ragion Però me fa comunque strano veder un "partito de Beppe Grillo" candidarse alle elezioni. Lui non scendi in politica ma il suo nome ghe xe, ecco...

[basketteam]

Saria bel ma impossibile. Purtroppo tanti vota leggendo PD o PDL e non sa niente de altro.. Bisognasi meterse sulle porte dei seggi dove se vota e darghe do s'ciafe a tutti prima che i entri

fa pur 3...

[arska]

Se questi xe i candidati, credo proprio che no voterò :'derci:

Ocio però che cussì no te fa niente per cambiar le robe, e anzi te avvalli le scelte dei altri.

Ripeto, secondo mi xe sai più efficace darghe forza a minipartiti (anche se no i te piasi pienamente, xe indiferente), e rosigarghe percentual ai soliti, piutosto che no votar.

Far in modo che esisti tante minoranze rumorose, inveze che una forte minoranza.. silenziosa.

[Stefano79]

– va ben alta o altissima densità in zone centrali o semicentrali, semo una cità fra monti e mar e no pol eser che per far case de 2 piani in più in centro sia problemi, IMHO

In sostanza: tute le città come Trieste al mondo punta sul alta densità.

Quindi no xe de costruir più una casa su teren novo, ma de sistemar e impinir quel che xe!

Quindi te saria favorevole a tirar su palazzine de cemento a 8 piani al posto de ogni palazzo austriaco antico de 4 piani che ogni tanto vien butà zo?

Andasimo a crear dei mostri che stropa tutto quel che xe intorno.

Piuttosto me chiedo che bisogno ga una città come la nostra, che da 50 anni xe in costante calo de abitanti, de aver sempre più case? Su questo son favorevole a mantenir lo stauts quo, sia in città che (ovviamente) in carso.

Modificato 10 Febbraio 2011 da Stefano79

[bronza coverta]

...........questi saria quei che gavemo????

Ben messi, ara..........

No voto!

[arska]

Quindi te saria favorevole a tirar su palazzine de cemento a 8 piani al posto de ogni palazzo austriaco antico de 4 piani che ogni tanto vien butà zo?

Andasimo a crear dei mostri che stropa tutto quel che xe intorno.

Oviamente no xe ovio che le zone vecie no se tocca. Ma tute le zone dai anni 40/50 in avanti sì che se le pol modificar.

Anzi, se devi, che le xe stade tirade su mal e in furia, in un periodo che iera bisogno de case come el pan.

Per far un esempio: pensa a quanto più bel fosi v.l D'anunzio se ghe fosi, inveze che casermoni de 6 piani nastro, 3/4 grataciei de 20, tignui ben, con giardinetti e parchi intorno. Stasio la stesa quantità de gente (forsi un pochi de meno, ma come te disi ti no xe necesariamente un problema), con una qualità de la vita e de la abitazion decisamente migliorada.

In Europa sto tipo de robe se fa ampiamente.. a Milan i lo ga iniziado a far (ma i lo fa mal).. disemo che saria un sistema per meter d'acordo i speculatori imobiliari – che xe e sarà una lobby fortissima – e le necesità de la città, cioè de diventar più contemporanea, piacevole e vivibile.

La controparte ga de eser lasar star el Carso o el porto vecio, se intendi..

Piuttosto me chiedo che bisogno ga una città come la nostra, che da 50 anni xe in costante calo de abitanti, de aver sempre più case? Su questo son favorevole a mantenir lo stauts quo, sia in città che (ovviamente) in carso.

El status quo, cultural prima che tuto, xe quel che ga contribuido a far de trieste quela che xe, in ben (= el centro xe tignudo discretamente ben e xe piacevole) ma sopratuto in mal (mobilità de pensiero = ZERO).

Mi penso inveze che dal status quo a la triestina sia utilissimo moverse, e ben presto!

Questo no vol dir tirar zo el centro, ma semplicemente cominciar a far piani a longo termine che sia in grado de dar una sveiada a una cità bela, ma saaai indormenzada.

[Contea di Trieste]

Sì, per carità, asfalto, porto, feriiera... Ma a livello de sociale??? L'unico che ghe ne sta parlando e sta fazendo politica in strada (direttamente o i suoi "muli") xe Bandelli e FN, per el momento. Che poi el personaggio a un risulti fastidioso per una multa, no digo niente. Ma quel che sta fazendo lui, xe da tempo che no se vedeva a Trieste. Vedremo come andrà anche la mozion per el Mutuo Sociale.

[dido76]

Sì, per carità, asfalto, porto, feriiera... Ma a livello de sociale??? L'unico che ghe ne sta parlando e sta fazendo politica in strada (direttamente o i suoi "muli") xe Bandelli e FN, per el momento. Che poi el personaggio a un risulti fastidioso per una multa, no digo niente. Ma quel che sta fazendo lui, xe da tempo che no se vedeva a Trieste. Vedremo come andrà anche la mozion per el Mutuo Sociale.

beh un che per "el sociale" ga fato in modo che a trieste no ghe sia + panche dove pozar el cul no me convinzi sai

sul sociale come argomento in generale poco de dir: xè esenziale

[arska]

Se el porto funziona, te generi soldi (tasse, etc) per el social.

Se no funziona, te son sempre a gratar sul fondo dela musina...

(rendemose conto de quanto da una sola question pol svilupar in tuti i sensi, la cità)

Modificato 10 Febbraio 2011 da arlon

[Maximilian]

Sì, per carità, asfalto, porto, feriiera... Ma a livello de sociale??? L'unico che ghe ne sta parlando e sta fazendo politica in strada (direttamente o i suoi "muli") xe Bandelli e FN, per el momento. Che poi el personaggio a un risulti fastidioso per una multa, no digo niente. Ma quel che sta fazendo lui, xe da tempo che no se vedeva a Trieste. Vedremo come andrà anche la mozion per el Mutuo Sociale.

A parlar xe boni tutti, se da 15 anni che qualchedun fa la campagna elettorale sulle tasse e invece de calar aumenta.

Gli argomenti xe sempre quei...lavoro per tutti , trieste città turistica...., el porto ecc.ecc

Basta non cascarghe, a quei ghe interessa far el sindaco per far favori ai propri "amici" nessuno escluso tanto meno uno che ga le mani impastade nell'edilizia .

[Renzo Maggiore]

Non so da dove sia uscita questa curiosa notizia per cui l'altr'anno avremmo detto di non essere intenzionati a candidarci. Ci siamo evidentemente spiegati male: TriesteGiovane è registrato come "partito" e quindi nasce con uno Statuto che prevede proprio la partecipazione attiva alla vita politica (elezioni comprese). Ci scusiamo se in passato qualche nostra parola si fosse prestata ad interpretazione.

Renzo

[SandroWeb]

Non so da dove sia uscita questa curiosa notizia per cui l'altr'anno avremmo detto di non essere intenzionati a candidarci. Ci siamo evidentemente spiegati male: TriesteGiovane è registrato come "partito" e quindi nasce con uno Statuto che prevede proprio la partecipazione attiva alla vita politica (elezioni comprese). Ci scusiamo se in passato qualche nostra parola si fosse prestata ad interpretazione.

Renzo

Buongiorno Renzo, è un piacere accogliere un candidato sindaco nel forum Buon lavoro e buona campagna elettorale

[Ikeya]

xe ovio che le zone vecie no se tocca. Ma tute le zone dai anni 40/50 in avanti sì che se le pol modificar.

Anzi, se devi, che le xe stade tirade su mal e in furia, in un periodo che iera bisogno de case come el pan.

me domando perché all'inizio de via Flavia (davanti al PalaTrieste per intenderse) i ga tirà zo quelle case popolari (a mio parer orrende) e al suo posto i ghe ga costruì altre nove brutte più o meno al stesso livel... anche se piazzar la un grattaciel te finissi per farlo "vista ferriera"

[Cazzaballe]

a quei ghe interessa far el sindaco per far favori ai propri "amici" nessuno escluso tanto meno uno che ga le mani impastade nell'edilizia .

Iera impossibile non quotarte.

Per risponder alla domanda de Ike... Xe un bel quesito Chissà che magar non ghe iera problemi de sicurezza o boh...

Intanto devo dire che è buona cosa avere un candidato sindaco partecipe di un forum, benvenuto Renzo

Modificato 11 Febbraio 2011 da Cazzaballe

[arska]

xe ovio che le zone vecie no se tocca. Ma tute le zone dai anni 40/50 in avanti sì che se le pol modificar.

Anzi, se devi, che le xe stade tirade su mal e in furia, in un periodo che iera bisogno de case come el pan.

me domando perché all'inizio de via Flavia (davanti al PalaTrieste per intenderse) i ga tirà zo quelle case popolari (a mio parer orrende) e al suo posto i ghe ga costruì altre nove brutte più o meno al stesso livel... anche se piazzar la un grattaciel te finissi per farlo "vista ferriera"

Per el stesso motivo: perchè no ghe frega niente de la qualità dela vita.

E no solo: quanto tempo i ghe sta metendo per farle? Quanti soldi i sta BUTANDO via in sti anni, fra affitti e altro che vien a mancar? Par che no ghe interessi.

Cmq là xe un classico caso dove due torri alte e tignude ben ghe stava de dio (meio vista golfo + ferriera – cmq no tacada – o vista carso del altro lato.. che vista via flavia + traffico, no?);

la miopia e la anzianità (anagrafica e mental) de chi che ga el poter decisional su tute ste robe sta diventando imbarazante...

Sempre nel steso tema: gavè visto anche le case popolari là del ippodromo?

Ma c****, te ga tuta europa che riva a far klimahaus e compagnia RISPARMIANDO rispeto al cementaz classico, e questi cossa fa?

Cubi de cemento.

E no solo, i li pitura anche de grigio, giusto per no sbagliarse! No go più parole..

A Lubiana i ga fato dele case popolari (economicissime e sai cocole) che ga vinto premi in tutta Europa, per quel che riguarda la qualità.

Xe drio el canton: bastava ciamar quei che lo ga fato, e chieder una consulenza, no xe dificile.

Certo, go qualche dubbio a sto punto che sempre quei che ciol ste decisioni no sia sai agiornai sul argomento, visti i cubi grigi che i sta tirando su.