Trst je nas...su Playboy

[arska]

Eh bon, ciapo atto che esisti una passion diffusa per la cacia a le streghe.

No me coinvolzi nè appasiona, ma el mondo xe bel perchè xe vario.

[dido76]

[ot]e come diria Cettolaqualunque: più pilu per tutti [/ot]

ala fine sta gavendo ragion playboy: se ghe ne parla,nel ben o nel mal,ma se ghe ne parla.

[mio]

scuseme l'invasion ma non go resistido: a trieste de oltre 60 anni vivemo sta ansia delle foibe de sciavi e dei rossi e dei fasisti, de 60 anni portemo corone a destra e a manca, da 60 anni parlemo dei beni abbandonati così qualchedun ga ciapado i voti. Solo che a trieste no se trova lavor, sera i negozi, sera i centri commerciali, no riva navi in porto, el porto vecio xe fermo come 60 anni fa.El futuro triestin xè solo che nero e triste. Ma noi ricordemo e ricordemo e parlemo e parlemo, po addesso gavemo zontado alle foibe amche due pei de f.... e semo completi. Forsi mio nonno gaveva ragion quando xè rivadi i taliani a trieste el ga dito:xè riva solo problemi

[romanowar]

A mi me par che qua ghe sia tanta gente brava a dir quel che xe giusto far, quel che xe sbaià pensar e come bisogna rapportarse al passato, ma queste stesse persone non riva a immaginar che le proprie reazioni ad una certa frase pol esser diverse?

Eh bon, ciapo atto che esisti una passion diffusa per la cacia a le streghe.

No me coinvolzi nè appasiona, ma el mondo xe bel perchè xe vario.

El fatto che a tuo modo de veder le streghe non esisti, non vol necessariamente dir che non le esisti veramente. L'argomento non urta la tua sensibilità, ma evidentemente urta quella de altre persone che, per la cronaca, ga esattamente i tuoi stesi diritti de sentirse turbade da certe esternazioni. Te vol farghene una colpa? Non te rivi a immaginar come se pol ragionar in questo modo? Prova a far un sforzin ... picio picio e tutti ciaperà atto che te ghe ga almeno provado.

Se un me disi "sciavo de merd@" a mi non me fa ne caldo ne freddo, ma non xe un motivo sufficiente per permetterme de usar la stessa espression con altre persone che probabilmente se sentiria turbade (per usar un eufemismo) da questa espression. E non me permetteria mai de esprimer ironicamente la mia perplessità se uno, dopo esser stado malamente apostrofado nel modo che go descritto in precedenza, se incazasi.

Nisun vol viver nel passato, per la carità! Semplicemente ghe xe argomenti che va trattadi con un minimo de attenzion per rispetto de chi la pensa in modo diverso dal nostro. Ecco el succo del discorso, caro Arlon: rispetto per chi la pensa in modo diverso dal tuo, senza "ciapar atto" e senza parlar de "caccia alle streghe".

Per la cronaca, rispettar una persona non vol dir darghe ragion.

[arska]

Eh bon, ciapo atto che esisti una passion diffusa per la cacia a le streghe.

No me coinvolzi nè appasiona, ma el mondo xe bel perchè xe vario.

El fatto che a tuo modo de veder le streghe non esisti, non vol necessariamente dir che non le esisti veramente.

Sono state segnalate orde filotitine in tanga, in discesa dalle lande desolate del Carso. Massima prudenza!

(più se discuti de sta question, più la trovo tragicomica )

[666]

Sono state segnalate orde filotitine in tanga, in discesa dalle lande desolate del Carso. Massima prudenza!

(più se discuti de sta question, più la trovo tragicomica )

quoto

[chompo]

Qua no xe nessuna caccia alle streghe arlon.

Probabilmente no te ga inteso minimamente el senso de certi interventi.

Credo che nessun gabi paura de fantasmi filo-titini o ipotizzi scenari da tregenda con invasioni slovene o qualsivoglia altra fantasiosa e/o catastrofica immaginazion, totalmente fora dalla realtà.

Qua xe solo chi come mi e Renè ad esempio, ga fatto notar come i "furbastri" del playboy slo gabi usado a mio parer

volutamente quella frase per crearse un poco de interesse attorno. Savendo ben che la frase xe provocatoria e pol urtar la sensibilità de molti.

E mi chi utilizza appositamente per proprio tornaconto, modi e metodi che tocca o pol toccar "nervi scoperti" de altri, me sta za sule bale (a prescinder dai contesti)

E questo mi penso che gabi fatto el playboy slo.

E no xe miga che no se pol scherzarghe sora (stemo parlando de un Playboy...), solo che mi penso che data l'importanze e la delicatezza de quei momenti storici, che ga provocado molto dolor per tante persone ed oltretutto (mia interpretazion) ga giogado un ruolo fondamentale sulla Trieste che ne xe uscida poi dal '54 in avanti, se podessi anche far un sforzetto per capir che xe sempre tante facce de una medaia, che quasi tutto xe relativo e che a volte la visuale cambia anche solo con il cambiar della prospettiva.

Quindi nessuna caccia alle streghe, ma punti de vista de chi ritien che el playboy slo gabi fatto una "porcada pubblicitaria", fregandosene de andar a urtar alcune sensibilità.

Questo per esprimer un'opinion, senza perder de vista el fatto che de mezzo ghe xe un playboy...quindi no proprio questioni de stracciarse le vesti (quel semmai lo fa le loro modelle... )

[arska]

Qua xe solo chi come mi e Renè ad esempio, ga fatto notar come i "furbastri" del playboy slo gabi usado a mio parer

volutamente quella frase per crearse un poco de interesse attorno. Savendo ben che la frase xe provocatoria e pol urtar la sensibilità de molti.

Go piazer che te la pensi in sto modo.

Con ste premesse, che senso ga no solo scandalizarse e asociarlo a le foibe come ga fato in modo ridicolo el giornal.. ma anche discuterghene come una roba seria?

No se fa forsi el giogo de "furbastri" de qua e de là del confin, ognidun pronto a zercar vantaggi da le pulsioni istintive de la gente?

No xe de darghe minimamente gusto, IMHO.

Ghe xe tuta una schiera de personagi e "professionalità" che vivi de sto tipo de robe; per fortuna coi anni i ga sempre meno seguito.. me preocupo più che sta tendenza no se inverti, piutosto che de un titolo x de un giornal y.

In sintesi, xe el 2011 = per favor, vardemo avanti, inveze che indrio!

(una abitudine che peraltro la Slovenia ga – con risultati alterni, ma bon.. – al contrario de Trieste)

[Stefano79]

La maggior parte degli utenti in sta discussion no me par che se sia scandalizzada per quela frase. Mi per primo, che come primo commento go scritto che la mula me par Paris Hilton, senza aggiunger altro

Sostanzialmente la maggior parte disi che far polemiche fin sul Piccolo xe esagerato, pur sottolineando che l'uscita xe stada poco delicata.

Dopo però te rivi ti a far del sarcasmo sulle orde titine, disprezzando (e dandoghe del mona e del retrogrado tra le righe - come spesso te son solito far) a tutti quei che no ga la tua stessa gerarchia de sensibilità. Perchè se mi e ti gavemo la fortuna de esser sempre vissudi in periodo de pace, per uno nato nel '40 a Pola e costretto a scampar de notte pei boschi o via mar fin qua, forsi se pol anche capir se nol vol mai più sentir quela frase in vita sua.

Quindi, considerando l'età media dei triestini, bona parte della popolazion ga vissudo direttamente o per parentela diretta quel tipo de situazion. Ora, la bona volontà per meterghe una piera sora ghe xe tutta e la maggior parte della gente lo dimostra ogni giorno, però saria cosa gradita evitar un certo tipo de battude, per una question de semplice rispetto.

Ma mi digo, con tutti i boni spunti che gavemo per far dell'umorismo, proprio su ste robe xe de scherzar? Sfottemo Berlusconi in eterno se te vol, ma quele frasi, almeno in ste zone, lasemole ai libri de storia

In sintesi, xe el 2011 = per favor, vardemo avanti, inveze che indrio!

(una abitudine che peraltro la Slovenia ga – con risultati alterni, ma bon.. – al contrario de Trieste)

Ecco, te vedi. Anche in una situazion in cui xe chiaro lampante che ad aver sbaglià xe stadi lori, te continui a dir che lori xe meio de noi. Se questo xe el tuo modo de vardar avanti no so cosa dirte.

No posso nianche dirte de ciaparte e trasferirte là, perchè te ghe son za Xe chiaro che la tua scelta te la ga fatta, ma a sto punto no te pol più elevarte sora i altri per criticar el loro modo de ragionar.

Modificato 17 Febbraio 2011 da Stefano79

[arska]

Perchè se mi e ti gavemo la fortuna de esser sempre vissudi in periodo de pace, per uno nato nel '40 a Pola e costretto a scampar de notte pei boschi o via mar fin qua, forsi se pol anche capir se nol vol mai più sentir quela frase in vita sua.

Questo no riguarda sto forum; se sento dei anziani per strada o li dago per "persi" (persi, perchè restar bloccai sul passato no ga mai portà de nisuna parte) o ghe provo a dir che i tempi xe cambiai.. se vedo sto tipo de considerazioni da gente sui circa 30 e istruida, un poco de più me preoccupo.

Quel che me scandalizza xe la perdita de energie su sti argomenti, come go dito più volte, che no porta a NISUN risultato. Zero. Nichts. Nic'. Nada.

Oviamente, come che ghe fa comodisssimo a politica, giornai e co, xe sai meio star "anestetizai" su sti argomenti, piutosto che ragionar de robe reali.

Ben, mi (per mi!) go deciso che no xe el caso, e agisso de conseguenza, anche parlando ciaro e tondo.

Se le sensibilità xe cussì delicate per robe che no pol cambiar, ma totalmente anestetizade per questioni reali che riguarda la cità, andar a toccarle un minimo no xe un problema, per quanto me riguarda, ma un dover. In modo magari de smoverse un fià.

In sintesi, xe el 2011 = per favor, vardemo avanti, inveze che indrio!

(una abitudine che peraltro la Slovenia ga – con risultati alterni, ma bon.. – al contrario de Trieste)

Ecco, te vedi. Anche in una situazion in cui xe chiaro lampante che ad aver sbaglià xe stadi lori, te continui a dir che lori xe meio de noi. Se questo xe el tuo modo de vardar avanti no so cosa dirte.

No go dito che lori i xe meio de noi, go dito che lori varda al futuro più de noi.

Xe possibile negar questo?

Porto de KP pien de investimenti e lavor. Trieste, no.

Lubiana in ri-organizazion da 15 anni, con piani innovativi per i prossimi 20. Trieste, no.

Paese con PIL e industria in pien sviluppo. Trieste, no.

No xe che sia sacrilego ameter ste tendenze del tutto evidenti, però forsi saria apunto de andar avanti, puntando anche noi al futuro, inveze de star tacai drio Pola nel '40, e le fantomatiche orde de titini

Se no altro perchè starghe tacai per decenni no ga portado niente de bon – ma ANZI tante ciolte pel fiocco prima de tuto a chi ghe credeva – per 70 anni!

Vedo solo un modo per rivar a questo: minimizar le storie personali (che no porta de nisuna parte) e darse una sveiada in modo "proattivo" su quel che gavemo intorno. El che passa anche pel farse una ridada se playboy sloven scrivi Trst je nas'.

Comunque sia, mi no go sai intenzion de spetar al infinito che se cambi modo de pensar, no so voi;

al caso, valige in man, e via.

Come tantissimi ga fato proprio in sti 70 anni (e chiedemose el perchè!).

Modificato 17 Febbraio 2011 da arlon

[gimmi]

Oltre a quotar stefano, aggiungo solo che solo negli ultimi due ani conto:

1) la scitta tito che riappari sul confin e no xe verso de farla tirar via che la riappari

2) numerosi atti vandalici su monumenti, scuole ecc. italiane in istria

3) manifestazion pericolosa con cori innegianti a tito e infoibatori in risposta ad un pulmann de veci e tranquillissimi istriani per una commemorazion

Aggiungo inoltre una certa intolleranza da parte della nostra minoranza, intolleranza che assumi mille sfaccettature nel sociale e nel quotidiano delle quali xe un po' difficile parlar qua su un forum, ma che esisti aldilà de ogni ragionevole dubbio.

Mi quella frase de playboy, solo a sentirla, me fa girar profondamente le balle; se pol far finta de niente e dir che xe una semplice trovata pubblicitaria per un giornalucolo de niente, per l'amor del cielo, ma star anche a dir che lori xe avanti e i arretradi semo noi, me sembra francamente un pel esagerado.

[arska]

Oltre a quotar stefano, aggiungo solo che solo negli ultimi due ani conto:

1) la scitta tito che riappari sul confin e no xe verso de farla tirar via che la riappari

2) numerosi atti vandalici su monumenti, scuole ecc. italiane in istria

3) manifestazion pericolosa con cori innegianti a tito e infoibatori in risposta ad un pulmann de veci e tranquillissimi istriani per una commemorazion

1) no xe el top, semo d'acordo. Ma resta sempre sul piano del "witz" senza conseguenze!

2) questa xe proprio gravissima, e come tale (= reato) va tratada e denunciada

3) storia strana, su cui no go una opinion precisa, in cui sicuramente i "difensori della patria" tendi a degenerar in tute e 2 le direzioni.

Aggiungo inoltre una certa intolleranza da parte della nostra minoranza, intolleranza che assumi mille sfaccettature nel sociale e nel quotidiano delle quali xe un po' difficile parlar qua su un forum, ma che esisti aldilà de ogni ragionevole dubbio.

Questa no la go mai riscontrada (in Slovenia), in Croazia no posso dir.

Comunque son oviamente per la tutela completa de qualsiasi minoranza storica, mancassi altro.

A tale pro: perchè inveze de zigar "foibe, fascisti, etc" o de farse vignir l'urticaria per 3 parole su Playboy no insistemo per un tavolo trilateral che sancissi e aumenti una volta per tutte i diritti dele minoranze nel litoral?

E, se volemo i diritti de le minoranze, perchè no insistimo per el bilinguismo sia a Trieste che a Fiume (dar-ricever), per esempio?

Perché nisun partito tocca minimamente sti argomenti per la paura de perder voti?

Se fazendolo i perdi voti, de chi xe la colpa, alla fine?

Questi xe discorsi propositivi, reali. No i unici possibili, oviamente: altri ancora se pol far.. mentre i articoli de giornal se ga lasado scriver per decenni, senza el minimo risultato.

Ne interessa otignir risultati, o qualcossa altro?

Questa xe la domanda a cui ognidun se pol dar una (legitima) risposta.

star anche a dir che lori xe avanti e i arretradi semo noi, me sembra francamente un pel esagerado.

Femo che val solo i risultati, e no i titoli de giornal.

Che paese xe in forte sviluppo, e che cità xe in declino continuo, pur no gavendo più el confin e varie scuse, etc.?

Chi sta dimostrando nei fatti che ge interessa vardar avanti, e chi no?

Qual paese investi in sta zona, e qual no?

No me interessa in sto caso niente de lingue, folklor e eventi una tantum più o meno importanti.. ma i risultati reali, quai xe?

(la Croazia xe tuta una altra storia, oviamente..)

Modificato 17 Febbraio 2011 da arlon

[chipoldir]

Solite polemiche inutili de giornai che preferisi parlar de monade piutosto che de robe serie.

La pagina de PB la trovo divertente e le polemiche – per no parlar del acostamento con le scrite la de la foiba – particolamente costruide.

no so, no me sembra sai costruido dato che el titolo xe sta partorido proprio nel periodo del giorno della memoria... se questo no xe provocatorio e de cattivissimo gusto...

Modificato 17 Febbraio 2011 da chipoldir

[dido76]

se pol ciamarlo provocatorio,de cativo gusto,de un modo per far publicità,per far parlar...ma parlemose ciaro: xè marketing me par.

e no xè e no sarà nè el primo nè l'ultimo caso de frasi che fa discuter quà a ts o in giro per el mondo.

se se le ignora no se ghe da peso, el giornal no ga publicità e "l'evento" resta rinchiuso nel breve periodo che passa tra un'uscita e l'altra della rivista.

se inveze se ghe ne parla per giorni-settimana chi ga fato sto articolo con sto titolo ga ragiunto el suo scopo: far parlar,far parlar adiritura almeno un giornal e far parlar la gente. che sia ben o mal no ga importanza, se ghe ne parla. questo ghe interessa.

se no iera la scrita tanto discussa, chissà se el piccolo gavesi parlado dela mula triestina su playboy? xkè una volta penso saria stade pagine e pagine.deso la notizia iera la scritta...cambia i tempi in meo o in pezo?

[arska]

Solite polemiche inutili de giornai che preferisi parlar de monade piutosto che de robe serie.

La pagina de PB la trovo divertente e le polemiche – per no parlar del acostamento con le scrite la de la foiba – particolamente costruide.

no so, no me sembra sai costruido dato che el titolo xe sta partorido proprio nel periodo del giorno della memoria... se questo no xe provocatorio e de cattivissimo gusto...

Per cascar ne le provocazioni ghe vol eser in due.

[romanowar]

Sono state segnalate orde filotitine in tanga, in discesa dalle lande desolate del Carso. Massima prudenza!

Ah ah ah, troppa roba!

Za me vedo i titini travestidi de conigliette a vignir zo de Scala Santa coi taccazzi de '12!

Ciapo atto che te son una persona spiritosa e che davanti alle parole rispetto e sensibilità te se sbizarissi nel dar el massimo con delle barzellette (come, purtroppo per noi, in Italia sta za fazendo un altro). Forsi per ti el rispetto per chi la pensa in modo diverso dal tuo ga el stesso valor de una barzelletta. Se per ti va ben, mi non go problemi, ma spero solo che non te me vegni a contar barzellette anche sulla "storiella" del lavoro che rendi liberi. In fondo anche la xe passadi già 60 anni, giusto?

Non so se Stefano ga fatto delle osservazioni su de ti perché te conosi de persona, ma me par che el te ga perfettamente "pitturado".

te rivi ti a far del sarcasmo sulle orde titine, disprezzando (e dandoghe del mona e del retrogrado tra le righe - come spesso te son solito far) a tutti quei che no ga la tua stessa gerarchia de sensibilità.

Te volevi forsi darme del "mona"? A mi o ai altri che non la pensa come ti? Penso proprio de no, perché te son troppo oltre le sterili polemiche. Anche perché, alla fine, la pensemo allo stesso modo tutti quanti. Xe assolutamente inutile tornar su questi discorsi. Come te disi ti non porta a niente! L'unico, minimo, distinguo sta nel fatto che tutti conosemo el passato, visto che xe passadi 60 anni, e l'intelligenza doveria consigliar de non riesumar certi argomenti, tanto meno tra un paio de babe seminude. Ti te ghe ridi sora, mi penso che invece che el titolo de quel numero de PB xe stado un infelice titolo del c@zzo. Punto e a capo! Senza andar a scomodar orde titine o persone che ti, con enorme sensibilità, te da per "perse" solo perché soffri nel pensar a un certo periodo della sua vita.

Bisogna andar avanti e tanto se ga fatto nei ultimi anni, ma mi penso fortemente che finché non ghe sarà la capacità de provar rispetto per chi non la pensa come noi, non sarà sufficiente andar a zercar la verità altrove.

[arska]

Ciapo ulteriormente atto che a parlar diretti se passa per mostri senza cuor eh bon, sopraviveremo.

Però no steme vignir a dir che far do witz su un titolo de playboy equivali a no rispetar tragedie personali, familiari, etc. No taca! (e, per inciso, no gavè alba da che storia familiar incasinada rivo)

Go pien rispetto per le idee dele persone (quindi NO penso che se mone), un poco meno per le reazioni che ste idee ogni tanto provoca (quindi sì, penso che tanti sia retrogradi, e lo go dito apertamente, me par).

A tale pro, xe "curioso" che come fazo un witz xe tuti a far tragedie – o butarla sul personal, che ogni tanto capita ma no xe el top, su un forum – mentre come fazo una domanda serissima, silenzio.

No rendendose conto che, forsi, scegliendo se focalizarse su de un argomento o su un altro, se finisi quasi automaticamente col darme ragion a mi e ai tanti altri che xe stufi de argomenti montai a arte – e no semo proprio pochissimi, de quel che sento.

[chompo]

Con ste premesse, che senso ga no solo scandalizarse e asociarlo a le foibe come ga fato in modo ridicolo el giornal.. ma anche discuterghene come una roba seria?

No se fa forsi el giogo de "furbastri" de qua e de là del confin, ognidun pronto a zercar vantaggi da le pulsioni istintive de la gente?

Ma no speta un attimo, go l'impression che te mescoli, confondendole un po', le robe.

No xe scandalizzarse, quel che xe sta fatto xe dir in una discussion in un forum, dove semo tra l'altro in non più de una 10ina a parlarne, che la trovata in oggetto, per mì xe una porcada pubblicitaria, costruida ad arte, in modo volontariamente provocatorio.

Xe marketing come ribadisi anche dido76, mi digo marketing spazzatura ,de infimo livel e noncurante de ferite dolorose per queste parti. Dopodichè nessun casca nella provocazion o quel che xe del giornaletto, no xe che xe stada indetta una raccolta de firme o una protesta ufficiale da inoltrare a sti qua. Ma chi li ga pel cul.

Posso però gaver per cul el fatto de sottolinear che secondo mi i se ga comportado da c@zzoni.

Sul fatto de associarlo alle foibe, abbi pazienza ma el senso xe che quella frase, quel slogan, riconduci purtroppo a quella occupazion ed alle foibe. Xe quel, no volerlo veder xe come creder a Babbo Natale, andrà ben per i fioi, per mì ghe go 43 anche no.

Guardar avanti xe giusto. E mì diria anche doveroso e credo che la gran parte delle persone xe d'accordo su questo.

Per andar e guardar avanti meio però, occori guardarse indrio. No per nostalgia o per pianzerse addosso, ma perchè capir quel che xe successo ieri, aiuta a viver meio domani!

Il passato servi come insegnamento, come esperienza. In molte culture (nella nostra probabilmente xe una roba che se va sempre più perdendose), chi ga più anni, xe quei che ne sa de più. Perchè ne ga viste de più, ne ga provade de più etc.

(Questo no togli che naturalmente questa no xe regola, per delle persone, col passar dei anni ad aumentar xe solo el dato anagrafico e non saggezza e/o consapevolezza)

[arska]

Ma sicuro, l'ignoranza no xe mai un ben – anche se ogni tanto pensar liberamente fa veder le robe con più lucidità – tanto più se riferida al passado.

Come disevo el problema no xe el "dolor" o el "ricordo" in sè, ma semplicemente come che noi reagimo.

Se el "ricordo" no lo podemo modificar consciamente, podemo ben che decider se parlarghene, in che modo, e con che acezioni.

Tornando a parlar del passato, penso anche mi che sia fondamental.

El problema però che vedo – purtropo – instilado in tanti triestini, al quale associo diretamente decenni de propaganda, de più de un tipo, xe quel de fermarse là.

No doprar sta conoscenza per evolver imparando dai erori, ma fermarse su argomenti che no influenza in nisun modo la realtà.

E me par energie sprecade, oltre che sai pecà, come go za dito, per el semplice fatto che, come no ga portado risultati fin deso, no li porterà in futuro. Tuto qua.

[zalzi]

signori, finchè se continuerà a guardar ai avvenimenti del secolo scorso in sta maniera univoca, me dispiasi, me no se se s'cioderà dal 1 maggio 1945.

vado sul personale e digo che tra le "orde titine" che ve ga occupado in quela data ghe iera anche uno dei miei nonni. forsi che per questo son meno triestina de voi? son meno triestina de quel che xe scampado de notte da pola caminando do giorni pei boschi? no. son triestina quanto voi e altrettanto lo iera i miei nonni e lo xe i miei fioi.

gavemo storie famigliari e personali diverse, ma semo tutti cittadini de questa città e tutti la amemo (e allo stesso tempo odiemo) in egual misura. saria ora de iniziar a conosserse e de accettar el punto de vista l'uno dell'altro. no cori condivider, che quel xe un'utopia, ma conosser sì.

e dopo, forsi, la finiremo una bona volta de far recriminazioni e de misurar la sofferenza degli uni e degli altri come se fussi una gara a chi pissa più lontan.

Modificato 17 Febbraio 2011 da zalzi

[zalzi]

noto solo ora che in sta discussion me go ingrumado due punti negativi de reputazion.

speto el terzo.

[arska]

Sul fatto de associarlo alle foibe, abbi pazienza ma el senso xe che quella frase, quel slogan, riconduci purtroppo a quella occupazion ed alle foibe. Xe quel, no volerlo veder xe come creder a Babbo Natale, andrà ben per i fioi, per mì ghe go 43 anche no.

Ciapo questo come punto a parte, perché me va de precisar.

Parlar con varia gente me ga fato capir come el "Trst je nas'" ga significati completamente diversi, per italiani e sloveni!

(e anche qua conta decenni de propaganda – de tute e 2 le parti)

Per i sloveni, escludendo forsi qualche filotitin imborezado (nettissima minoranza), xe un semplice semi-witz, come pol eser "avanti savoia!" per un italian. Per i sloveni de TS e dintorni, xe un semplice modo per dir "ghe semo anche noi". No ga niente a che veder con le foibe. Zero.

Dal altro lato go la impresion che la propaganda sia stada più "roboante" e meno "casa per casa", quindi decenni de articoloni ga contribuido a crear una paura del altro, anche tramite sta frase, che se ga rivelado quasi totalmente ingiustificada, principalmente col scopo de controlar pulsioni – e voti.

E se ga scelto sta frase a effetto come simbolo e monito, con le conseguenze del caso.

In sto contesto qua, esendo un giornal sloven per sloveni, son sicuro quasi al 100% che chi che la ga scrita no ga alba de che giorno che xe el giorno del ricordo, nè tantomeno associava – come stemo convenindo – risvolti panslavisti a la question.

E proprio in sto contesto trovo "disonesto" el modo in cui el piccolo ga tratado la question – quasi più de playboy in sè.

[Stefano79]

E comunque Arlon me par alquanto infantile affibbiar "bad reputation" a raffica ogni volta che uno se permetti de contraddirte.....

Anche el mio primo post su Paris Hilton te urtava? O iera solo uno scatto d'ira?

Modificato 18 Febbraio 2011 da Stefano79

[Stefano79]

Però no steme vignir a dir che far do witz su un titolo de playboy equivali a no rispetar tragedie personali, familiari, etc. No taca!

Witz sul titolo, "gente persa" i veci che ga vissudo quela tragedia, "preoccuparse" se muli de 30 anni ga ancora rispetto per quei fatti...no Arlon, ti no te rispetti per niente le tragedie personali. E anche se te ne ga avude anche ti in famiglia (e me dispiasi) no xe sufficiente per no rispettar quele atrui, anzi, a maggior ragione...

A tale pro, xe "curioso" che come fazo un witz xe tuti a far tragedie – o butarla sul personal, che ogni tanto capita ma no xe el top, su un forum – mentre come fazo una domanda serissima, silenzio.

Perchè le tue domande no c'entra un'ostia col tema trattato. Parlemo de frasi sconvenienti apparse su un giornal e ti te me tiri fora el porto e i soliti problemi stranoti de questa città. Quela de cambiar argomento quando no se sa più cosa risponder xe una tecnica che no taca...

Che poi, anche volendo risponder rapidamente ai tuoi quesiti

1.Porto de KP pien de investimenti e lavor. Trieste, no.

2.Lubiana in ri-organizazion da 15 anni, con piani innovativi per i prossimi 20. Trieste, no.

3.Paese con PIL e industria in pien sviluppo. Trieste, no.

1. Koper xe l'unico porto della Slovenia, quindi xe un'interesse nazionale a farlo funzionar ben, senò i xe a remengo. In Italia quanti porti ghe xe? Trieste a livel nazionale no conta un piffero, vegnerà sempre prima Venezia. Quindi con alle spalle uno stato assente poco se pol far.

2. Lubiana xe una capitale, Trieste no. Quindi anche là ghe xe un'interesse nazionale a sviluppar più la capitale che non una "Kranj", per dir. El paragon giusto saria con Roma, dove lavor ed opportunità xe ovviamente superiori ad una cittadina de confin.

3. Te paragoni uno stato con una città? Stesso discorso dei punti sora.

Ma per parlar de questo ghe xe infinite altre discussioni sul forum.

Modificato 18 Febbraio 2011 da Stefano79

[666]

[

Parlemo de frasi sconvenienti apparse su un giornal

stemo scrivendo da giorni su un titolo apparso su un giornal che fora dalla slovenia forse vendi una coppia ( adesso grazie al piccolo qualche coppia in piu' gavera' vendu') , un giornal che con la politica non centra niente e che non scrivi niente sul tema,

in cui l'unico "sbaglio" per certi , se stado scriver un titolo che disi che trieste xe nostra perche' dentro xe un servizio su una triestina .......

se per voi xe scandaloso.........