Autisti TT no rispetta i orari de partenza?

[SandroWeb]

Xe un paio de giorni che noto che, sulla linea 28, i autisti della TT no rispetta i orari de partenza:

LUNEDI 16/5, ora de partenza teorica da piazza della Borsa-> 12.50

ora de partenza reale -> 12.45 (5 minuti in anticipo)

GIOVEDI 19/5, ora de partenza teorica da piazza della Borsa -> 12.40

ora de partenza reale -> 12.36 (4 minuti in anticipo)

No pretendo che i spacchi el secondo, ma me sembra poco professional che i fazi sti lavori...cossa i ga, furia?

[Starlite]

Iera sempre el steso autista?

Tra l'altro qualche giorno fa go notado che la 17 no gaveva la classica frequenza (tra 17 e 17/ una ogni 5 minuti) e iera evidente che mancava uno o più treni.

Sul Piccolo de l'altro ieri xe un trafiletto in cui la TT comunicava che a seguito de agitazioni del personal da alcuni giorni salta delle corse su varie linee.

[SandroWeb]

Iera sempre el steso autista?

A dir el vero no go fatto caso...cmq me par abbastanza scandaloso che sti qua se ciapa e i va via all'ora che vol lori (vedi anche el discorso che se fazeva in separata sede con iaga)

Mah...bel servizio de

[trert]

mi a suo tempo ciapavo la 4 delle 0.15 l'ultima per andar a casa.. e no savè quante volte la partiva 5min prima e dovevo farme fin la del università a pie da piaza oberdan..

[Stefano79]

Xe un paio de giorni che noto che, sulla linea 28, i autisti della TT no rispetta i orari de partenza

Perchè sulle altre linee forsi li rispetta?

[saretta]

Desso ve conto quel che me succedi mi quelle poche volte che vado in bus. Qua demi passa la 34 e gavemo el capolinea della 19.

La 19 linea unica de un tragitto molto lungo e con tanti utenti.... Orari non rispettadi quasi mai!!!! Se le parti le parti 2 minuti prima o 5 dopo. Se te la speti non la riva mai giusta, i scrivi tempo max di attesa 20 minuti... mi un giorno gaverò speta anche 40!!! La xè ogni 20 minuti e tante volte i salta un turno....

Gavemo richiesto de aggiunger un mezzo in più così che la gente non ocori che stia ore a spetar.... i ne ga dito che 3 xè più che sufficienti... pecà che in realta non xè così!!

....podessi andar avanti all'infinito

[SandroWeb]

E scriver alle segnalazioni del bugiardel? No saria un'idea malvagia...visto che i disservizi no me par che sia limitati...

[Stefano79]

Sandro, se me xè concessa una piccola rima:

"Anche se te scrivi sul bugiardel

No i te ga nianche pel..."

[SandroWeb]

No xe dito Stefano...de solito alcuni responsabili rispondi sempre alle segnalazioni de una certa importanza...no xe possibile che taluni conducenti se sbatti i baloni dei orari. Za se tendi a "snobbar" el servizio pubblico per utilizzar l'auto, se dopo i autobus no riva o i parti NON in orario la gente se stufa presto

[Stefano79]

...e so xè vero. Infatti mi el servizio pubblico lo go za "snobbado" anche troppo. Attualmente el mio autobus se ciama "42bis"

[trert]

mi pero co go scrito sul bugiardel e su incitta una segnalazion che i me gaveva da 25euri de multa a gratìs sul treno.. i me ga ciamado a casa.. (magari i me ga risposto mandandome a xo i me ga risp!) quindi no xe del tutto inutile dei..

[cenerentola82]

Secondo un recente studio de Legambiente su tuto el teritorio nazionale, Trieste xe la prima cità in Italia per utilizzo del trasporto pubblico con oltre 300 viaggi pro-capite ogni anno.

[Matt]

secondo mi, e come qualcun ga za dito, i autobus i passa co no devi..se te son poco prima i passa tanto dopo, se te son poco dopo i passa prima...mi ogni mattina, per andar a lavorar go sto dubbio!

anca se mi ciogo la corriera, però fin che andavo a scola, iero con la TT (no l'auto...), anca se al mattino, per i studenti gh eiera un bus ogni dieci minuti...sui orari urbani comunque in sti anni no me son mai lamentado..insomma, i xe quasi sempre puntuali.

poi, se i autisti che ga de renderse conto de quel che i fa!

[iaga]

Se dovesi scriver qua tutto quel che no me va ben coi bus che ciapo mi de solito me ciapo una denuncia..

..meio che stago zita..

[AquilaBiancoRossa]

Desso ve conto quel che me succedi mi quelle poche volte che vado in bus. Qua demi passa la 34 e gavemo el capolinea della 19.

La 19 linea unica de un tragitto molto lungo e con tanti utenti.... Orari non rispettadi quasi mai!!!! Se le parti le parti 2 minuti prima o 5 dopo. Se te la speti non la riva mai giusta, i scrivi tempo max di attesa 20 minuti... mi un giorno gaverò speta anche 40!!! La xè ogni 20 minuti e tante volte i salta un turno....

Gavemo richiesto de aggiunger un mezzo in più così che la gente non ocori che stia ore a spetar.... i ne ga dito che 3 xè più che sufficienti... pecà che in realta non xè così!!

....podessi andar avanti all'infinito

anche da mi passa la 19 e 34 (se vedi che abitemo taccadi) e posso confermar!

[Tirabaralla]

A Firenze gli orari un li si guarda nemmeno

E la mattina in orario scuole/uffici il mio bus salta sisematicamente una su 3

Fate vobis!

[trert]

e noi che se lamentemo x 5min de anticipo.. firenze xe pezo..

[iaga]

Beh..Firenze pol esser pezo o mejo.. onestamente non me interessa.. perchè i spaccia el servizio come el migliore e in realtà de migliore ga sai poco..

[Tirabaralla]

Una cosa è certa...almeno sui vostri bus si può stare in piedi su tutti e due i piedi E il biglietto costa meno 'Cidenti.

[Tonn(ellott)o Nostromo]

be, xe vero che la TT ga i suoi disservizi...ma vardando le altre città podemo anche ritenerse fortunadi!

E per quanto riguarda la mancanza de "treni" (autobus in gergo)...beh qua dove' parlar alla dirigenza della TT...che xe MOOOLTO restia ad assumer...

[SandroWeb]

Go notado in sti giorni che i ga scombussolado un pochi i orari: per la 28 no esisti 2 partenze distinte alle 12.30 e alle 12.40 ma i ga fatto una partenza sola alle 12.35...ecco spiegado el motivo del perchè ogni tanto no rivavo a ciaparla

[iaga]

Volemo parlar della riduzion de corse della 17?!?!?! proprio intorno alle 9 de matina co nisun ga de andar su.. ma questo xè un'altro discorso.. no centra con i autisti che fa quel che i vol.