Tramway... co i iera ancora

[Starlite]

Foto da Il Piccolo del 01.04.1970

Scattada el 31 marzo 1970

Ultima corsa del 9, l'ultima corsa de un tram per le vie dela città.

Doveva eser le no ve de sera pasade.

La gente se sburtava per montar.

Oltre 300 persone. I gaveva dovudo meter 3 veture

(che le se vedi tute e tre nela foto qua soto).

[Forum_Bot]

4 Utenti hanno già detto GRAZIE!

Matt, AquilaBiancoRossa, Stefano79, dcobau

[SandroWeb]

Queste xe immagini che me commuovi Ara che bel che iera una volta...

[Starlite]

Foto da Il Piccolo del 12 maggio 2003

La linea 31 iera una linea notturna dal San Giovanni a San Saba,

pasando per piaza Goldoni.

[iaga]

Che bele robe.. grazie Starlite

[Starlite]

Che bel casin

Sette filovie, due tram e due bus.

[SandroWeb]

Coi lavori che i sta fazendo in piaza Goldoni in sti ultimi tempi, i mezzi sulla destra gavessi podudo gaver qualche difficoltà a passar

[trert]

che figada.. e scommetto che iera anche piu efficaci de i trasporti de adesso

[Beck's]

Bei tempi, meno traffico, meno inquinamento, anche dei mezzi pubblici.

[dcobau]

Cosa? i ga cava i tram?

Scherzo dei, pero su sto topic poso dir un per de robete.

Co iero muleto davo in giro con la parentela, mama, zii/e, nona, cugini piu veci etc (parlo dei ani 55 fin 62/3). Mi me ricordo che, la magioranza del tempo, se caminava. Go za dito che mi stavo in via Sette Fontane (mia mama, separada da mio papa, stava in via Giulia - mi stavo con mia zia). Mi nona (veramente bis nona) la stava con noi anche ela. La gaveva un 70 ani co, ogni tanto, la me portava a far un gireto. Se andava fin in Ponziana. El nostro circolo normale de caminar andava fin in marina, S Giusto, fiera campionaria, etc. Se ciapava la filovia o el tram per posti piu distanti (Barcola, cimitero S Anna, etc) o co iera fredo. Son sorpreso che la foto qua sora (che credo sia stada fata nei ani 50 basado sul casoto dei tubi che non esisteva piu nei ani 60) mostra piu trafico che gente.

Nei ani 60 el trafico ga comincia a creser ma, almeno fin che iero la mi, non iera chissa che problema. Inquinazion iera pochissima ma i mezzi de trasporto iera sempre pienissimi. Roba de viagiar in pie tuto el viagio o de veder giovanoti che se tiniva tacai sula manilia esterna dei tram. Devo ameter che sul tram viagiavo solo che d'estate per andar al bagno o a Barcola o ala lanterna.

I tram fazeva un casin de mati. Al sabato de solito andavo a sta de mama in via Giulia (la stava proprio de fronte al'entrata central del giardin publico) e i tram de pasava de soto fin a tardi de note. Naturalmente, non esendo usa al rumor, el me rompeva le scinche....

Bei ricordi, me ga spiasu co go inteso che non xe piu i tram e gnanche le filovie. Iera un modo de viver.

Scuse se la go fata un poco lunga.

Dave

[Starlite]

Grazie Dave per l'intervento

Eh imagino el rumor de feraza che rodola. Xe ancora el tram de Opcina per sentirlo quel rumor

[Maurizio72Ts]

che bele robe (mi x motivi anagrafici no go podudo veder...) che iera una volta.

Me piasessi veder anche ogi una roba compagna.

[Matt]

che bel!

fa commuover...nelle foto, se respira...la storia :ok: mitico Star...saria troppo bel poder ripercorrer anca per una volta sola ste linee dismesse e inesistenti oggi. Fortuna che el nostro Tram resisti ancora!

[Starlite]

Ogni tanto sucedeva anche incidenti.

Questo credo sia uno dei piu' gravi. Marzo del '68.

Campo Marzio. I tram taiava la strada uscindo dalla sede propria

(lungo el passeggio - dove che adeso de sera xe quei due camper

con le lucete verde e rossa - la pasava i tram de fianco dela strada)

e sto tram se ga tirado con un camion che no lo gaveva visto rivar.

El tranvier se gaveva fato bastanza mal:

"fratura esposta del polso destro, fratura del femore sinistro e contusioni escoriate multiple al ginocchio e cgamba sinistri, oltre a escoriazioni al volto" dseva el Picolo.

In compenso al camion che ghe ga da dentro ghe se gaveva roto l'albero de trasmision.

[Stefano79]

Orca che sc'ioca! Bel documento comunque.

Te son un'enciclopedia vivente

[AquilaBiancoRossa]

Belle foto, me piasi tanto quella de piazza goldoni .

Me piaseria far un giretto x la città come la iera a qui tempi.

Bravo star :ok:

[dcobau]

ancora una picola noto su sto topic, se viagiava abastanza scomodi. Iera i sedili de legno, e, se te ieri in pie, i scassoni iera laterali (voio dir in bus i scassoni se avainti e in drio dipendi dal'uso dei freni/acelerator - sui tram iera laterali come in treno + avanti/indrio come i bus). Le finestre iera quele che se tirava zo, abastanza grandi anche. De iera un spifero che non ve digo. El rimurcio, co i lo gaveva d'estate (e solo d'estate me par) iera addiritura senza lastre, tuto verto. Alora, se iera tanto mal a viagiar con sti benedeti tram, perche se li usava? Boh, iera una bona idea al momento...

ciao

Dave

[trert]

beh.. mi adesso li riutilizzassi volentieri.. credo anche che ogi i sarà più silenziosi e più accuradi nella diminuzion dele vibrazioni.. sa che bel.. xe che no credo tuti sia d'acordo a utilizarli xke la machina xe sai sai comoda.. aihmè!

[dcobau]

ma come piu comoda? Spieghime per favor, non vivo la da tantissimi ani. Ma, legendo qua e la, me par de capir che:

1) El trafico xe spaventoso

2) I parchegi xe rari

3) La benzina costa un patrimonio

4) L'inquinazion xe sai alta

O go sbaglia de capir? E forsi go lasa fora ancora qualcosa.

ciao

Dave

[trert]

ma come piu comoda? Spieghime per favor, non vivo la da tantissimi ani. Ma, legendo qua e la, me par de capir che:

1) El trafico xe spaventoso

2) I parchegi xe rari

3) La benzina costa un patrimonio

4) L'inquinazion xe sai alta

O go sbaglia de capir? E forsi go lasa fora ancora qualcosa.

ciao

Dave

dio.. mi l'auto me xe comoda xke vegno a trieste da staranzan ogni giorno..

però lavoro a san giacomo e xe posteggio

traffico xe e xe sempre stado cussi

la benzina gavemo ancora la zona franca

l'inquinamento te ga ragion.. questo xe altissimo!

cmq son sicuro che se vivessi a ts (come fazevo za ma no gavevo ancora l'auto) usasi solamente el scooter x moverme.. sai sai piu comodo, ma purtroppo far su e zo la costiera ogni giorno no me ispira piu tanto.. te se senti sporco sempre dopo..

[dcobau]

oviamente non gavevo ciolto in considerazion quei che viaggia distanti (anche mi son uno che fa sui 450 km ala setimana per andar a lavorar).

Pero son sicuro che ghe xe gente che usa la machina per andar a lavorar drio el canton, e xe de quei che parlavo.

ciao

Dave

[Stefano79]

1) El trafico xe spaventoso

2) I parchegi xe rari

3) La benzina costa un patrimonio

4) L'inquinazion xe sai alta

Infatti mi me movo a pìe e bonanotte.

Se devo andar dall'altra parte della città ciapo l'autobus.....dover star ore in colonna e girar due ore per trovar parcheggio xè improponibile.

Comunque xè veramente pecà che i ne gabi cavà i tram e i filobus.

[ELVIS]

concordo! me piasessi scassarme un poco su un tram girando per el centro della città!

[dcobau]

Qua in Australia, Melbourne xe l'unica cita che ga el tram e proprio in mezo dela city. E, sicome che Melbourne xe una cita piutosto veciota, me ricorda sai the Trieste, tipo in via Batisti - drita e longa.

Pero non go mai viagiado col tram a Melbourne, peca perche adeso non de vado piiu la.

ciao

Dave

[trert]

mi ogni volta che vado sul mitico tram che ne xe rimasto, pur scasandome e con un casin disumano, me piasi un fracco.. me ga de antico e mi le robe antiche me piasi un casin!