Camper a Trieste

[tommy781]

premetto subito che son un camperista,go el mezzo e quando rivo lo uso per andar in giro.

dito questo parlemo de Trieste e dei camper,el spazio xe quel che xe qua de noi,volesimo eser una città turistica ma manca le strutture per accoglier quel che xe un novo tipo de turismo rappresentà dai camperisti. digo subito che son pienamente in linea con chi non vol i camper a barcola,a grignan o in marina perchè "ruba" posti alle auto,bisogneria decider allora dove mandar sti turisti. gavemo un solo punto per el rimessaggio dei camper e nessun posteggio vicin città per accoglierli. ve digo subito che i cartei de divieto per i camper i xe illegittimi e chi fa ricorso non paga le multe,mi me xe capità a Lignan e non go pagà un solo centesimo perchè per el codice della strada un camper xe equiparà a una automobile.

possibile che sta gente che poi scrivi sui siti dedicai i ne denigri e i ne fazi una pessima pubblicità? non semo capaci de trovar una soluzion?

[Starlite]

Mi so solo che una sera qualche anno fa, verso le 2 de note, iero a Barcola,

piazzale Kennedy, con amici, se ciacolava, se rideva, a vose normale.

Vien fora un mato tuto incavolado da un camper...

el iera triestin, quindi no turista...

e taca "xe gente che vol dormir qua, no xe piu' ora de far casin! andè a casa"

Ma che piffero el vol cio'? Che'l vadi lui a dormir a casa sua!

[tommy781]

dovevi mandarlo a cagar,xe chi sta in camper che se ga de adatar. gavè becà el peggior tipo de camperista...quel del posto mai capida quella gente.

[trert]

mi una volta stavo litigando con una mula sempre la a barcola e scendi zo quel del camper tuto imbufalido.. mi iero incazzado za de mio e lo go mandado a .. dopo xo el se ga messo sulla finestrella del camper a vardarne e scoltarne..

anche la della torre del lloyd xe stracarig de gente col camperin che ghe dormi de notte.. me inquieta!

[Stefano79]

Go notà anche mi che certe vie della città xè diventade dei veri e propri parcheggi per camper, tipo in via Cantù ghe ne xè tantissimi.

Mi no son un camperista, però penso che finchè uno parcheggia el camper in strada no xè un problema, in fin dei conti xè un veicolo come i altri e xè giusto che gabi gli stessi diritti dei altri, inoltre penso che i parcheggi appositi sia pochi e piuttosto cari. Diverso xè el discorso se uno ghe dormi dentro, forsi a rigor de legge xè addirittura considerà campeggio abusivo e quindi multabile. Volendo dar un giudizio morale, mi no ghe darìa la multa finchè uno sta dentro nel suo camper a dormir senza sporcar la strada, però sta gente devi renderse conto che se trova sul suolo pubblico, quindi xè inammissibile che uno vegni fora a zigarme de tutto se son fermo là vizin a ciacolar coi amici.....

[tommy781]

in camper se pol viver per strada senza problemi e senza rischio de multe, el camper ga el divieto de metter le zeppe livellatrici e de verzer le finestre che da verso l'esterno del mezzo e le verande, solo in questi casi el pol venir multà. per dir mi poderia piazzarme in via giulia tanto per dir e star là tutta l'estate a magnar e dormir senza che i me possi dir niente. diverso xe el discorso sul bon senso, non me salteria mai in testa de lamentarme o robe cusì, la gente tendi sempre ad esagerar purtroppo.

[tommy781]

per quel che riguarda la torre del lloyd xe l'unica area che el comun ga attrezà per i camper quindi xe logico che i ghe sia...solo là se pol scarigar le acque nere e grige e riempir le taniche de acqua potabile, solo che xe poco segnalada e spesso quei che vien de fora i se trova in dificoltà. altre città,specialmente quelle turistiche, ga aree apposta per i camper e i ghe porta soldi, bisogneria iniziar a sfruttar le potenzialità de sto turismo che come gaverè notà per numero de mezzi novi in giro xe in aumento.

[cenerentola82]

PRIMO RADUNO INTERNAZIONALE CAMPERISTI “CITTA’ DI TRIESTEâ€.

SABATO 3 SETTEMBRE AL MOLO QUARTO CONFERENZA STAMPA E INCONTRO CON APPROFONDIMENTI SULLE PROBLEMATICHE E LE PROSPETTIVE DEL COMPARTO TURISTICO

Avrà luogo sabato 3 settembre, alle ore 18, alla base del Molo IV, la conferenza stampa e l’incontro ufficiale per il primo raduno internazionale camperisti città di Trieste. Promosso da Comune e Aiat, in collaborazione con PromoTrieste, Autorità Portuale e organizzato dal Comitato triestino turismo itinerante, l’appuntamento vedrà nella nostra città un centinaio di camperisti provenienti da tutt’Italia, ma anche da Germania, Austria e Slovenia.

[martybunny]

no so se xe un parcheggio apposito per camper, ma so che ghe ne xe parecchi nei novi parcheggi che xe la del quadrivio a opicina... solo che xe camper de stabili, oltre che de pu ne... (de brave ragazze)

[martybunny]

per quel che riguarda la torre del lloyd xe l'unica area che el comun ga attrezà per i camper quindi xe logico che i ghe sia...solo là se pol scarigar le acque nere e grige e riempir le taniche de acqua potabile

quando vado in città in autobus, sulla strada nova per opicina prima del bivio per basovizza e dopo in via valerio ghe xe dei cartei che segnala che su quela strada xe un posto per scarigar le acque nere dei camper...

[ciano de giarizole]

no voio camper, voio solo eurosandrini

[martybunny]

ciano, varda che se te mandi mesagi a svodo sandro te bloca...

[ciano de giarizole]

Ciò, ma savè che se tropo seri?

Comunque i camper a Trieste li vedo fora posto. Xe una cità che ofri le sua beleza proprio nel colpo d'ocio, nei scorci, e i camper (me ricordo quando i'era sule rive), xe come un pugno nel'ocio.

Quel che me domando, ma xe un comitato camperisti, un'asociazion camperisti che pol far proposte serie al comun o devo sempre leger le segnalazioni del tipo: "el camper lo cazo dove voio perché pago el bollo"?

[cenerentola82]

Ciò, ma savè che se tropo seri?

Quel che me domando, ma xe un comitato camperisti, un'asociazion camperisti che pol far proposte serie al comun

Caravan Club Trieste, Via Fernetti 23, 34016 Monrupino (TS)

Adriaclub Italia Gruppo Camper, P.O. BOX 1379, 34121 Trieste 3, email adriaclubitalia@tiscalinet.it

Domandighe a lori

[Stefano79]

Come xè za sta dito all'inizio della discussion, secondo el codice della strada el camper xè un veivcolo come un altro, quindi ga lo stesso diritto de parcheggiar che ga un auto. Se dopo el camper non piasi per ragioni estetiche...ognidun ga i sui gusti. Secondo mi xè certi auti che xè sai più brutti de veder de un camper

[tommy781]

Quel che me domando, ma xe un comitato camperisti, un'asociazion camperisti che pol far proposte serie al comun o devo sempre leger le segnalazioni del tipo: "el camper lo cazo dove voio perché pago el bollo"?

varda, mi de camperista posso dirte una roba, appena adesso el comun ga iniziado a moverse un poco anche perchè molte associazioni de camperisti italiane ga espresso rammarico perchè i loro affiliadi passando per de qua diretti in Croazia i gaveria voludo fermarse un pochi de giorni ma non ghe iera le condizioni per farlo.

i camper che se vedi in giro xe per il 90% de triestini, chi riva de fora o fa le alte e ne baipassa oppur fa la costiera e allora o se ferma a barcola oppur ghe tocca saltar oltre la città per aver un buso visto che in sacchetta ghe xe i camper dei nostri concittadini parcheggiadi.

il cartel in via valerio xe una mezza cioltà per il c...., el se riferisi al scarigo sotto la superstrada ma non dà indicazioni per raggiungerlo.