Ferriera...

[clyde]

Teoricamente dovrebbero aver preso le misure necessarie per evitare l'inquinamento almeno secondo quanto chiesto e detto nel documento allegato......

decreto_28_03_00_4683.pdf

[tinuviel]

visto che alcuni no me credi quando digo che la situazion no xè tanto rosea, ve posto tre fotine appena sfornade...iero in terrazza a metter a sugar (roba che no go fato) co go sentido un piccolo allarme e go visto sta "nuvoletta" (me son chiusa in casa, gavevo pena lavado epr terra, stago per morir de caldo!)

commenti?

[assist]

Che nero nero che xe!

[tinuviel]

pensa che finisi nei nostri polmoni...pazienza che go dovudo rilavar la terrazza, ma purtroppo le mie vie respiratorie no xè tanto facili da pulir!

[Stefano79]

Ma no, te se sbagli...no xe fumo inquinante quel...xe solo un'illusion ottica....i se sta fazendo 4 civa all'aperto, la fabbrica non inquina

[Malto]

mi me rendo conto de una roba, quando IN MACCHINA me avvicino alla ferriera, respiro pezzo.......

[diego]

Evviva el qualunquismo. X Stefano. Se no te vedevi le fotografie no te savevi nianche che esisti quelle sbrufade dell'Altoforno.Per la cronaca ,xe de 30 anni che quei fumi quando xe dei problemi al Forno i vien fora.X Malto,però....te poderia ciapar el posto delle Centraline antinquinamento.Sarà un caso ma ogni volta che el nostro Meraviglioso sindaco parla in television el problema Ferriera, esplodi l'indignazion popolare.

[tinuviel]

Sarà un caso ma ogni volta che el nostro Meraviglioso sindaco parla in television el problema Ferriera, esplodi l'indignazion popolare.

scusa, mi no go visto el sindaco in TV, son solo uscida in terrazza a metter fora a sugar e me son trovada sta roba. E no xè vero ceh succedi sempre, el fumo che vien fora dell'altoforno xè quotidiano (giorni più giorni meno), questo iera un caso eccezionale che succedi ogni tanto (a meno che no succedi de notte co dormo)...lo dimostra anche el fatto che iera el tipo agli altoparlanti che zigava per un per de minuti..

la mia no xè indegnazion, xè rassegnazion, ieri, dopo sto fumo,go dovudo rilavar la terrazza e me son chiusa per mezz'ora in casa (con sto calmo) perchè gavevo pena finido de lavar i pavimenti...Scusime se me da fastidio respirar sta, roba, scusime se me rompi le dover rifar el doppio del lavor, scusime se devo chiuderme in casa, almeno co vedo che vien fora "el grosso"...

Mi go sempre dito, no voio che i la chiudi, me bastassi che i la rimodernassi... bisogna vegnirse un poco in contro, fabbrica e cittadini... mi no fumo, ma penso che i miei polmoni, tra smog e ferriera sarà pezzo de uno che fuma 20 sigarette al giorno da 40 anni...Te ripeto, me bastassi solo che i la sistemassi un poco! Co iero picia me ricordo i brillantini e un poco de nero, no sta roba!

PS Le foto xè fatte col zoom, stago comunque a 300-400 metri de distanza

PPS No ricomincemo con la storia "te podessi viver da un'altra parte": la mia famiglia paterna sta a Servola almeno da metà 1800 (fin quando xè i registri della chiesa...)

PPPS el mio "contributo" iera solo per far veder a chi no ga mai visto da vicin cossa vol dir star qua. No go visto el sindaco in TV (e, te assicuro, che no me pol fregar de meno de quel che disi DiPiazza, no lo tegno sai in considerazion!), xè stado un caso...gavevo la macchina a portata de man e go fato la foto.

[Stefano79]

Per la cronaca ,xe de 30 anni che quei fumi quando xe dei problemi al Forno i vien fora.

E allora per questo i ga de venir fora in eterno!?

Se quando i ga costruì la ferriera no i saveva nianche dell'esistenza del cancro, allora per questo doveremo subirne le conseguenze in eterno?

A difesa della ferriera accetto e capiso le motivazioni sociali dei posti de lavoro, su quel no digo niente. Ma sul piano ecologico sanitario xe indifendibile...no capiso l'ostinazion nel voler negar l'evidenza.....el paragon con l'inquinamento delle automobili xe ridicolo...

Quando me capita de andar a Servola in qualche local all'aperto, sento proprio l'aria pesante, me manca el fia....De inverno, dopo un'oretta all'aperto, vedo luccicar l'impermeabile de pulviscolo metallico.....i tetti delle case xe neri come el carbon.....per no parlar de tutti i veleni che i svoda nel mio amato golfo.....E questo sarìa qualunquismo?? Xe come negar che la pianura padana sia soggetta a nebbia!

[diego]

Ma quando i ga costruido le case la Ferriera iera za de tanti anni.Podemo ciamarli tempi non sospetti?No voio entrar in polemica con niente e con nissun, anche perchè doveria entrar nel discorso Politica che no voio assolutamente far.Go premesso che go lavorado in Ferriera dal 1971 al 2002, vivendo i vari cicli disastrosi de quella fabbrica.El tracollo xe vignudo, come per tante altre fabbriche Triestine ,penso che non occorri far nomi, in un particolare momento storico-politico de questa città.El discorso saria troppo lungo e articolado, quel che voio dir xe che ,mancando la volontà politico-industriale a livel nazionale de far rinaser e ammodernizzar queste realtà, non dandoghe più fondi statali ga portà sopratutto la Ferriera a subir un crollo verticale . Considerado che le leggi attuali antinquinamento prevedi tecnologie costosissime, beh ,credo no servi esser scienziati per rivar a capir el perchè della situazion..El discorso de tutti i novi paroni o le famose cordate subentrade dopo ,resta paliativi (politici) usadi per no lasar in strada i 1000 peones che lavorava dentro con relative famiglie.Mi contesto e contesterò sempre el Sindaco perchè fino ad oggi, el ga savù diagnosticar la malattia (difficile eh?) ma per la cura semo ancora in alto mar, salvo chiuder, con tutto quel che ne popderia conseguir... Spero de esser stado esaustivo nella piccola disamina che go fatto. E xe la punta dell'Iceberg.

[tinuviel]

mi son d'accordo con ti su vari punti, se sa che quanto no xè soldi no se pol far sai, am credo che comun, provincia, region, stato, Unione Europea, DEVI far in modo che qualsiasi industria no sia pericolosa per la saluta pubblica, senza per questo amdnar a casa 1000 de lori...So che se parla de tanti soldi, ma vien buttadi tanti per cavolade, no saria più giusto che l'amministrazion pubblica dessi una man per ristrutturar ste aziende? Tipo dir: ti, proprietario, te metti el 50%, noi mettemo l'altro. Oppure, te fazemo qualche abbuono sulle tasse, su iva, o robe simili...

PS Se la mia casa no ghe iera prima del 70, no vol dir che altre no ghe iera...La casa della mia famiglia stava in centro a Servola za dall'800, guarda caso la xè stada rasa al suolo da una bomba, molto probabilmente destinada alla Ferriera (la Storia me disi che la iera un obiettivo bellico). Al massimo, gavessi guadagnado 100 metri...

come ga dito Stefano, se 100 anni fa no se saveva del cancro, oggi no se ga molte scusanti (ben o mal, no so se se usava la diossina alla nascita della Ferriera)

[gufo805]

Ma quando i ga costruido le case la Ferriera iera za de tanti anni.Podemo ciamarli tempi non sospetti?No voio entrar in polemica con niente e con nissun, anche perchè doveria .....

Buondì Diego!!! La storia della ferriera me ga sempre incuriosì e dopo aver letto della tua esperienza te chiedo xe la possibilità ke ancora adesso con adeguati finanziamenti renderla non inquinante lasciandola sempre in quella posizion? ciau

[diego]

X Tinuviel, xe vero, Servola esisteva prima della Ferriera ma el problema inquinamento naturalmente quella volta no esisteva in nessuna realtà.La ferriera vigniva bombardada perchè risultava un obiettivo militare.Militare perchè all'interno, iera un'acciaieria che teoricamente podeva servira alla costruzion de armi o altro. Infatti tutti i operai che lavorava all'ILVA de quella volta iera esonerai dal militar .L'acciaieria xe stada eliminada nei anni 60.Sul discorso soldi pubblici per ammortizzar l'inquinamento.....discorso senza fine.No lo digo come battuda ma come realtà Italiana, purtroppo.Te porto un solo esempio ,no voio dilungarme:Quando l'Italia ga deciso de chiuder i Cantieri navali, compreso el San Marco, l'industria navale cominciava a tirar alla grande.Conclusio: de 5 cantieri in Italia che i doveva chiuder , prova a indovinar qual che i ga serà, el San Marco.L'UNICO.Ecco perchè go parla de Politica-Industriale Italiana.Lasemo perder, altrimenti me incavolo.

X Gufo 805, Si, xe possibile , mi go anche visitado stabilimenti Siderurgici in Germania ,Francia, in Austria e Olanda dove questi xe quasi in centro città e non esisti un fil de Inquinamento. Ma in quei Paesi che xe seri, xe stada fatta una Politica Industriale mirada al mantenimento dei posti de lavor ma che no rendi la vita dei Cittadini un Inferno.

[tinuviel]

ormai mi son a livello de rassegnazion totale...ma, ogni tanto, go de sfogarme

PS mio papà lavorava al Cantier San Marco, quindi capiso la situazion. Ma una roba xè capirla, una roba xè accettarla, no?

[diego]

X Tinuviel. Te ga Ragion de vender a sfogarte e no solo. Guarda che mi no go mai dito che no gave ragion mi parlavo dei tempi, in questo caso sospetti, a buon intenditor e ti te lo son .Proprio perchè go vissudo Sindacalmente le questioni che te digo che mi e tanti altri le gavevimo capide molto prima e molto ben, de conseguenza no le gavevimo neanche accettade. Go Dovudo ,forza maggiore,Alla fin fine renderme conto che Davide no sempre riva sconfigger Golia.

[tinuviel]

te rispondo come go risposto nel thread del basket poco fa...co' xè politici in mezzo, no se pol spetar niente de bon, a meno che no sia soto elezioni....

[Nona Picia]

te rispondo come go risposto nel thread del basket poco fa...co' xè politici in mezzo, no se pol spetar niente de bon, a meno che no sia soto elezioni....

E quele parole dite soto le elezioni, xe solo parole al vento!

ciao ciao

[Malto]

X Malto,però....te poderia ciapar el posto delle Centraline antinquinamento

Stago fazendo un corso avanzato.... comunque se non te se rendi conto de questo problema vol dir che i anni che te ga passado là dentro te ga ridotto i polmoni proooooprio ben!

mi ribadisso, la Ferriera xe un patrimonio della città che però andava (e va) valorizzado meio. Non xe possibile ad esempio che i me chiudi l'acciaieria quando el punto di forza dello stabilimento iera proprio el poder produrr acciai molto puri a partir dalla ghisa (che i continua a far) e non dal rottame come fa i vari Pittini, Danieli, ecc... Produrr solo ghisa xe proprio un controsenso.

E poi xe el problema delle emissioni che, xe inutile scoderse drio un dito come che fa tanti, xe un problema grosso ma RISOLVIBILE se la società investi in sistemi de abbattimento. Esisti cappucci per carri cokeria con aspiratori e filtri con abbattimenti al 95% o superiori, inoltre esisti tettoie con sprinkler ad acqua per bagnar le polveri e evitar che col vento vadi in giro... eccetera eccetera.... ma costa, costa, costa, costa!

chi ghe dà i soldi ai vari Lucchini, Severstal....? mi no de sicuro, e el comun gnanche. Però el comun o più in generale la comunità pol far sequestrar l'impianto e al limite farlo chiuder, se no i investi per l'abbattimento emissioni. Allora ecco che a lori ghe convien andar avanti cussì come adesso o chiuder e portar tutto lontan. La ferriera xe destinada a morir, a meno che qualchidun no decidi de svenarse per metterla a posto, possibilità che la vedo sai dura visto che costeria de meno andar a comprar i acciai in Cina.

[giuli]

Che vergogna!

[diego]

X la Servolana tinuviel e per tutti, la vendo come la go comprada. Pareria che in Ottobre i chiudi l'Altoforno perchè el xe troppo malandà e l'inquina troppo con le sbrufade.

[Stefano79]

Veramente? Sul Piccolo no go visto niente.....

[giuli]

Lo spero...

[diego]

Quando go dito che "la vendo..."vol dir che per adesso xe una roba ufficiosa, se saverò qualcosa de più preciso no mancherò de scriver.

[tinuviel]

spetemo allora! Ma la chiusura dell'altoforno no xè preambolo dela chiusura totale? Per chi che sa: la ferriera lavora anche senza altoforno? (almeno in parte?)

[diego]

Teoricamente SI, ma probabilmente i continuerà a far agglomerato per spedirlo a Piombino per l'Altoforno e vendendo Carbon a Piombino e altri