Vecia Ferovia - Pista Ciclabile

[cenerentola82]

I lavori prosegui soto a Catinara in corsispondenza al ponte per oltrepassar l'autostrada...

[arska]

ma.. xe la stesa che va su per la val Rosandra?

[Ospite John Grimes]

La linea ferroviaria Trieste-Erpelle la nassi nel 1887, in alternativa alla linea ferroviaria "Meridionale" de proprietà privata (Suedbahn) per consentir trasporti feroviari dal porto de Trieste verso Vienna a costi più contenudi. La Trieste - Erpelle se congiungeva a Erpelle appunto (ogi Hrpelje-Kosina) sulla linea Divaccia-Pola e dunque verso Nord. Attiva fina al 1958, anche se con traffico ferroviario ridotto solo nela sezion italiana (e dunque tra Trieste Campo Marzio- Draga-S.Elia) la passava - sommariamente - sotto via Orlandini, la sovrapassava via Battera (visibili el zoccolo del ponte in piera ancora ogi), la passava soto i Salesiani (visibili ogi in mezo all'erba un dò traversine) e con un retilineo in salita, rente el Burlo, la rivava sora via dell'Istria (davanti el Burlo se vedi un zoccolo del ponte de sovrappasso de via dell'Istria). Poco oltra la raggiungeva la stazion de S.Anna, ogi demolida, dopo le passaggio a livel de via d'Alessio (ancora se vedi un tocheto dela tipica recinzion FS). La proseguiva lungo via Costalunga e rente Campanelle, con la quale se incrosava in più punti, fina al famoso viadoto,ogi visibilissimo, e dopo via Cesare dell'Acqua, la se butava sora via Raute e pian pian la riva ad Altura (altro viadoto)....la grande viabilità gà fato sparir un trecento-quatrocento metri de linea, ma el drenaggio dela superstrada in quel punto xè quel fato soto l'Austria nel 1887.

Tajada la superstrada se sali pian pianin fina a S.Giuseppe della Chiusa (qua rivava i treni, fina ai anni '50, per la festa de S.Giuseppe), dopo la più lunga galeria dela linea e ben due viadoti. da là, oltra la vecia strada per Prebenico-Moccò, te cominci a entrar in zona val Rosandra.

Attualmentela xè percoribile a piedi da via Cesare dell'Acqua dove, butando l'ocio a sx andando in zò, te la vedi come un sentiero accessibile (secondo i cartei) solo come le biciclete. Ma la xè "seguibile" fin da via Orlandini.

Se vedi ancora picchi etometrici, chilometrici, delimitazioni de proprietà St.B., ma sopratuto una prospetiva dela zità decisamente inusuale.

Dopo Draga S.Elia e el famoso tornante fatto per superar el dislivello, se entra in Slovenia e, dopo un coston de piera in trincea e un retilineo, se riva a Mihele e dopo el viadoto del Sangue (Krvavi Potok, danneggià da un atentato partigiano nela seconda guera) vizin el ponte là dela strada per Klanec. A quel punto la linea no xè più intuibile.

Nel '58 i 'taliani la sera come "ramo secco"; i jughi gaveva tirà via i binari anche prima. Smantellada nel 1966.

Ocio a andar oltra senza documenti, la pol andar ben, ma anche mal, perchè xè espatrio clandestino.

La linea feroviaria nel 1886-1887 la xè stada fatta in 18 mesi, con viadotti, ponti, massicciate, stazioni, binari, un epidemia de colera e un crollo in una dele galerie dela Valle con diversi morti.

De quanti anni i sta fazendo la pista ciclabile? ..che pajazi....

Viva

[arska]

si, xe ridicolo, considerado che i ga de far solo do pontisei e sgomberar un do carozerie (abusive, me par)

solito.. pecà perchè sopratuto de estate la faria ogni secondo giorno..

[cenerentola82]

Ocio a andar oltra senza documenti, la pol andar ben, ma anche mal, perchè xè espatrio clandestino.

Però sul confin no xe gnanche un cartel. Un che no sa, gnanche no se acorzi che xe el confin. Go visto tanta gente passar oltre, e anche mi un per de volte, e no go mai sentì che xe nati casini.

La linea feroviaria nel 1886-1887 la xè stada fatta in 18 mesi, con viadotti, ponti, massicciate, stazioni, binari, un epidemia de colera e un crollo in una dele galerie dela Valle con diversi morti. De quanti anni i sta fazendo la pista ciclabile?   ..che pajazi....

... eh ma l'Austria iera un paese ordinato.

[arska]

me domandavo.. ivando dala slovenia, da pesek, una volta rivado in italia dove go de andar per imboccar esatamente la pista ciclabile?

[cenerentola82]

El punto più vizin xe Draga Sant'Elia... locanda Mario te ga presente?

Go trova sto sito con tante foto de prima che cominci i lavori.

[Ospite John Grimes]

Cenerentola82

Però sul confin no xe gnanche un cartel. Un che no sa, gnanche no se acorzi che xe el confin. Go visto tanta gente passar oltre, e anche mi un per de volte, e no go mai sentì che xe nati casini.

Mah...una volta cartei i jera. Se no xè cartei, se buta l'ocio per tera, dove xè i cippi de confin (facilmente capibile che xè cippi de confin). Andar oltra pol andàr ben: fina a che no te trovi la cubia de puglioti sloveni inflessibili che te porta, a seconda del caso, o a Koper o a Sesana (e so de zente in bici che ghe xè successo). Dopo xè processo e multa. Convien?

Purtropo, quela pista xè anche accesso per i clandestini. E per questo la vien controlada.

Arlon:me domandavo.. ivando dala slovenia, da pesek, una volta rivado in italia dove go de andar per imboccar esatamente la pista ciclabile?

Se te son sula pista, e no te vol "espatriar", da Mihele te risali sula strada alta e te passi el confin de Cosina. In italia, poco dopo sula dx xè una specie de locanda-ristorante. Da là te se buti sul lato oposto verso la val Rosandra. Xè pien de sentieri e sentierini, ma ocio: xè una zona con tante "jazere", quei busi in muratura che fina all'inizio del secolo scorso i vigniva usadi per far el jazo apunto.

Gnente de pericoloso, anzi xè interesante, ma xè ben saver che i xè. Andando in zò, inevitabilmente te incappi nela linea, solitamente vizin l'ultimo viadoto prima dela stazion de Draga-S.Elia.

Viva

[arska]

ok grazie.. pena che xe calduz zerco

[cenerentola82]

Sul fato de poder atraversar el confin ghe go mandà un e-mail a Scoccimarro, e questa xe la sua risposta:

Gentile Signora Cristina,

posso solo dirLe che questa primavera verrà finalmente inaugurata per

intero la pista ciclopedonale. Fin qui le mie competenze. Per quel che

concerne il fatto di attraversare il confine, fino alla definitiva

caduta delle barriere, che avverrà il 1° gennaio 2007, occorrerà esibire

i documenti ai valichi.

Cordiali saluti,

Fabio Scoccimarro

Presidente della Provincia di Trieste

[cucciolina]

Mah...una volta cartei i jera. Se no xè cartei, se buta l'ocio per tera, dove xè i cippi de confin (facilmente capibile che xè cippi de confin). Andar oltra pol andàr ben: fina a che no te trovi la cubia de puglioti sloveni inflessibili che te porta, a seconda del caso, o a Koper o a Sesana (e so de zente in bici che ghe xè successo). Dopo xè processo e multa. Convien?

I cippi a Draga, dopo la stazion della ferrovia, xe ma no i xe tenudi tanto ben e se no te sta attento te sconfini senza accorzerte.

Per el fatto della polizia...un giorno su quel sentier un habituè de sconfinamento ne ga dito che no i te fa problemi. I te chiedi el documento ma tutto finissi là. Dopo no so....te pol trovar quel che rompi e te porta a Sesana... Mi son tornada indrio quella volta, no se sa mai

(OT)

@cenerentola

Finalmente so come te se ciami :s'ciopado:

[Stefano79]

@cenerentola

Finalmente so come te se ciami :s'ciopado:

La lo gaveva za scritto nella discussion sui veri nomi che se nascondi drio al nick

[cucciolina]

La lo gaveva za scritto nella discussion sui veri nomi che se nascondi drio al nick

Non gavevo visto

Anche ti però.....subito a far la punta eh...

[arska]

questa primavera? savè per caso se va ancora avanti la costruzion nela zona cittadina (pontili, ecc) ??

[arska]

cmq go trovado due pagine interesanti per saver a che punto xe realmente i lavori..

http://xoomer.virgilio.it/venerdibike/cicl...ews_quattro.htm

http://xoomer.virgilio.it/venerdibike/cicl...news_cinque.htm

No vedo l'ora de far "su-zo" ogni secondo giorno, sta estate sempre se i la gaverà finida cmq efetivamente par che i lavori, anche se pian...

[cenerentola82]

Go fato foto per veder come sta procedendo nel tratto Campanelle - Burlo.

Le foto xe de domenica 12/2/06

[Ospite John Grimes]

Ah, vedo che i gà comincià a lavorar nel trato subito drìo l'accesso de via Orlandini fina in via Battera....ottimo...

[arska]

ma.. o son mi che no capiso dove che pasa sta ciclabile o i ga quasi fini un toco senza njanca gaver iniziado i lavori piu longhi, tipo pontili e co..??

se xe cusi xe semplicemente ridicolo!

cmq a mi me bastasi un poca de giarina e un percorso el piu posibile regolare (e magari con qualchidun che lo mantegni e - purtropo - lo neti senza che el vadi in rovina in 2 mesi).. vojo veder se sta estate xe finido

[cenerentola82]

Comunque i sta lavorando.

In sto periodo sopratuto nel trato Altura - Campanelle.

No credo propio che i riverà finir per April come disi Scocimaro, almeno no per l'April de sto ano, però xe bon che i lavora.

[diego]

Adesso che i ga finido i lavori de via Orlandini ,sotto la casa del Sinter,in Marzo doveria iniziar i lavori nella zona Burlo e xe un problemin con el ponte vecio sotto i Salesiani.Per quel che so mi (fonti de chi sta costruindo) penso che ghe volerà ancora tempi biblici per el collegamento totale C.Marzio-Draga. Comunque i soldi xe stanziai anche se i comincia a esser curti.

[arska]

[Ospite John Grimes]

Cenerentola, te ghe scrivi ti a Scoccimarro se la pista no xè pronta in primavera (come probabile?)

Viva

[arska]

No trovo piu el topic vecio, quindi fazo sto qua..

onlain se trova qualche nius con foto sula pista ciclabile

No volesi dir, ma i me par saaai indrio.. clasico modo de far ala taliana: un toco xe praticamente finido e intanto no xe i ponti, e xe discariche in mezo al percorso. Digo mi: e INIZIAR con quei lavori?

Bahh forsi son mi che me lamento sempre, no so..

http://xoomer.virgilio.it/venerdibike/cicl...la_news_sei.htm

http://xoomer.virgilio.it/venerdibike/cicl..._news_sette.htm

[cenerentola82]

qua

[diego]

El tratto che va dal Ponte de Ponziana a dopo el Burlo i lo comincia la prossima settimana