Mi là no ghe vado più!!

[SandroWeb]

Apro sta discussion perchè volessi saver da parte dei miei fedeli utenti se i se ga mai trovado mal in qualche negozio, local o quant'altro della nostra città.

Questa no vol esser pubblicità occulta in negativo, semplicemente saria interessante veder i loghi de Trieste dove se semo trovadi particolarmente a disagio

Deghe zo

[yko]

...ma se pol far nomi e cognomi? ...no' volessi che i te spranghi el sito...

saria pecà Sandroweb senza web!

[SandroWeb]

Solo l'esperienza vissuda senza metter nome e cognome Ripeto, no devi esser un post diffamante (perchè i se podessi incazzar sul serio )

[Starlite]

Insomma solo l'indicazion del negozio/local e l'evento... senza nomi e cognomi aggiunti?

Cmq ottima idea

[Golfoblu]

mia cugina gá un negozio de aredamento in via di Cologna, se ve capita de trovarghe qualche peca, me avisé, corro subito a dirghe che la devi coreger.....

:D

[SandroWeb]

Grazie per l'indicazion Fabio

[Golfoblu]

se te vol qualche altra indicazion te me disi, magari in "privato", zá che voi gavé sta storia dela "privacy", ma se te vol poso far reclam qua

[SandroWeb]

In realtà sta discussion xe nata per viz e anche per provocazion: no me interessa gaver nome e cognome dei gestori de negozi dove la gente se ga trovado mal, semplicemente volevo veder l'effetto che podeva far un post del genere

[Starlite]

Ste tenti ai prezzi della PAM del Giulia.

1 volta su 2, e no scherzo, i prezzi esposti non corrispondi al prezzo che i te fa pagar in cassa.... e guarda caso in cassa i te domanda sempre de più de quel che xe el prezzo esposto....

Me raccomando, se ve capita no ste far finta de niente, anche se xe 5 centesimi de differenza, feghelo notar e feve tornar i soldi de cui i se appropria INDEBITAMENTE.

[Starlite]

Oh... xe Nadal, dovesimo eser più boni... mmmm

Andeghelo a spiegar ai comesi e ai paroni/gestori de MediaWorld...

za tululù gaveva avù i sui problemi.. ben...

Ogi dopopranzo vado la per cior un per de regali...

un scanner, un mouse ottico wireless e una pen drive...

iera boni prezi (a dir el vero iera i prezi standard... come che go visto in mile altri negozi, pero' per comodità son anda' la)..

Non una parola a proposito della garanzia... e za qua no va ben...

ghe go domandado in cassa e me ga dito "eh devi chiedere in reparto"

Ma col cavolo! Ghe vol ssai per istruir le cassiere a dir "2 anni di garanzia, può venire da noi in qualsiasi momento, manderemo in assistenza o la indirizzeremo presso il centro assistenza più vicino, inoltre per i primi due mesi dall'acquisto faremo comunque tutto noi"

Questo xe quanto i dovessi dir... ma su sta storia dela garanzia no xe un negoziante che sia onesto... anzi per fortuna un per ghe ne xe... ma xe piu' facile che sia un negozieto piutosto che una grande catena...

Ma questo xe niente... quel che piu' me ga fato

Xe che, alla cassa, dopo gaver pagado 170 Euro (!!!!) ghe go chiesto

"La me da una borsa un poco più grande per piacer?"

E la cassiera:

"Le borse grandi sono 20 centesimi"

Ma sto piffero che te darò 20 centesimi per gaver una borsa, che me par el minimo che te me la daghi, con la tua publicità sora!

Ma no ise vergogna domandarte 20 centesimi per una borsa dopo che te ghe molado 170 Euro?

Morti de fame, pezzenti.. che i seri el negozio se no i ghe la fa a darte una borsa!

[*Chiara]

...hihihi.... come sei carino quando ti arrabbi ... hihihihi....

[SandroWeb]

.. ma xe piu' facile che sia un negozieto piutosto che una grande catena...   

El dilemma xe sempre quel: per gli acquisti scelgo un negozio della grande distribuzion oppur un negozieto piccolo dove magari pago un poco de più ma almeno go un servizio più affidabile e forse un poca de cortesia in più?

Al contrario de Starlite, mi alcuni anni fa go avudo una terribile delusion in un piccolo negozio de telefonia dalle parti de via coroneo che adesso ga chiuso: premetto che gavevo za comprado roba là, non posso dir che conossevo la tipa ben ma che fossi una faccia conossuda questo sì.

Vado per curiosità a chieder se i gaveva un toco de ricambio per un mio vecio telefonin...la commessa la go vista za per le sue prima de chiederghe sta roba, ma me son dito "la gavarà i caSSi suoi e bon". Ok, ghe domando sta roba, ela la tira su la testa, la me varda e con tono austero la me fa:

"DIMENTICA"

Come dir, son rimasto de

Talvolta me sorprendo de come in certe boteghe, grandi o picie che sia, ghe possi esser drio a un banco o a una cassa gente compagna...mah

[ciano]

Ciau muloni, son mi ciano...

l'altro giorno son anda' a cior un do damigiane in quel buso delle coop alle torri e save' cossa che go scoperto????

I xe seradi x nadal! Ma ve par? dopo che i fà la reclame che i xe sempre verti...vardè non go parole!

[SandroWeb]

Ciau muloni, son mi ciano...

l'altro giorno son anda' a cior un do damigiane in quel buso delle coop alle torri e save' cossa che go scoperto????

I xe seradi x nadal! Ma ve par? dopo che i fà la reclame che i xe sempre verti...vardè non go parole!

A sto punto te convien far scorta prima, almeno per nadal e s.stefano no te son a corto de petes

[ciano]

Cio' miga che te me da del petesson spero

mi me piasi el vin de damigiana che sia fresco non roba vecia...

e po' xe lori che i disi 365 giorni....

[Juliet]

reclame che i xe sempre verti

infatti le torri xe verto...xe i negozi ke xe seradi...mi ghe son cascada el ferragosto dell'altro anno

[iaga]

Stamattina verso le 4 son capitada in un bar a Trieste.. e me xè capità de veder alcune robe che me ga fato dir "mi qua no ghe vegno più!".

Mi e i miei amici semo entradi in sto bar (che preferiso no scriver el nome) sai picio e pien de gente che ballava.. entremo.. se struchemo e andemo in fondo che iera un tavolin libero.. proprio vicin alla porta dei bagni. Stemo un poco là (più che altro per ciapar la calda e bever ancora qualcosa) e mi e una mia amica se cominciavimo a vardar intorno. Veramente da babe lo gavemo fatto dall'inizio.. e infatti volevimo za andar fora ma gavemo seguido i altri.. all'ingresso iera una baba sui 40 anni che se strusciava imbriaga in reggiseno su un mulo del bar.. dopo persone dai 15 ai 60 anni che beveva e ballava. Ad un certo punto mi e sta mia amica fissemo un gruppetto de persone sulla 40ina e notemo che tutti i omini va con tutte le donne de sto gruppetto.. (per mi xè tutti liberi de far quel che i vol.. ma se i lo fa via dei miei oci xè meio!)

Ma no finisi qua.. stemo circa un'oretta in quel bar.. e dalla porta del bagno vien fora gente che noi no gavemo mai visto entrar.. e xè un viavai de persone incredibile..iera come se in sto bagno ghe fossi stada una 20 de persone tra omini e donne (alcune coppie entrava felicemente per manina.. )..solo che el bagno delle donne iera stranamente svodo.. quei dei muli iera occupado.. ma più de 2 persone no ghe stava dentro.. iera ancora una porta difronte quela dei bagni..

E giusto per finir.. dal "bagno" xè uscido uno con la macchina fotografica (de quele ingombranti/professionali difficili da non veder)prima in man.. dopo el xè rientrado con la macchina nella custodia.. e dopo una 15ina de minuti el xè uscido.. senza macchina!

No so voi.. ma mi in quel posto no ghe vado più.

[Starlite]

<- iaga... glu glu glu glu....

anche mi dopo un per de biceri de tropo vedo robe strane

[iaga]

[Giulia]

Cari muli, c'è un negozio famoso de computer, che xe mejo perderlo che trovarlo.

Per sistemare uno mio pc dai virus..i me gaveva incasinà anche il mio portatile (ghe gavevo portà pure quel perchè visto che i iera collegadi ghe gavessi servì pure quel)..Morale della favola..torno a casa con due pc che no se riconossi, prima i iera collegadi con scheda di rete..Il fisso no se collegava a internet..Telefono al negozio e i me disi che la telecom xe incasinada, che xe per quel l'adsl no va. Telefono alla telecom, che come sempre la xe de un veloce unico, parlo poi ogni volta con altri operatori, finchè i me fa un controllo e i disi che non go problemi e che xe colpa de chi me lo ga riparado e configurato mal. Ritelefono al negozio e al lunedì ( perchè il pc lo ho portà a casa el sabato) me vien a casa el tecnico chiesto da mi. anche un poco scazzado, non el guarda neanche el pc, el telefona lui alla telecom da casa mia..el disi due cazzade, quelle che savevo..che devo attender che i controlli ancora. (nel frattempo altro operador della telecom) Pago quel tipo 60€ per il disturbo e le monade dite. Poche ore dopo riciamo la telecom e trovo un operador gentile che prendi il mio caso in considerazion e me da l'appuntamento con il tecnico el giorno dopo. Martedì mattina son stada un'ora al tel, il tecnico gentilissimo el me aiuta a configurar el pc fisso de novo all'adsl..el trova 4 errori sulla configurazion fatta. Dopo la sudada con questo tecnico (el me fa pur controllare la velocità della connessione scaricamento e altro) Il pc se connetti.

Per il portatile incasinà pure quel da quei idioti devo ciamar a casa il tecnico che me gaveva fatta anni prima la condivision dei due pc. Altre 70 €

Riciamo il negozio per dirghe dei errori che i ga fatto, come che me ha dito el tecnico della telecom..e me sento pure il tipo incazzado che disi che l'errore xe della telecom...a quel punto ghe go dito che i xe dei imbroioni incompetenti e è finì là. Spero che nissun de voi capiti in quel negozio...

Smackkk a tutti!!!! BUON ANNO ancora a TUTTI VOI!!!!

P.S Questo è successo 3 anni fa

[Juliet]

mi go de ciorme un pc...nn xe ke te me diria el negozio o almeno la via? za nn go fortuna con la tecnologia de mio...

[Ale#11]

Oddio iaga... ma in che bar te son finida?? Aiutoooooooooooo Hihihi

Ghe pensavo ad un negozio in cui me son trovada mal... beh,mi de solito... stento a tornar in un negozio dove chi che lavora xè stronsssetto... e che cavolo?! No ghe dago soldi eh...

BUON SABATO

[Livius]

Puoi andare al negozio ESSEDI' SHOP in via Valdirivo, là mi sono trovato bene e mi ha fatto uno sconto come tifoso dell'Unione visto che il matto è un supertifoso dell'Unione anche se oggi avrà le palle che girano come eliche come tutti noi...

[Giada]

Mi xe un local che da novembre no ghe meto più pie... e premetto che prima ghe andavo anche due tre volte a settimana!!!! Parlo della Lowenbrau sulle Rive... certo, no se pol dir che sia el local più conveniente de tutta Trieste, però i ga una vastissima scelta de roba de magnar e soprattutto xe quasi sempre posto, e quando te ga una compagnia de 15 persone el sabato sera...

Tutto questo fin a metà novembre. Un sabato sera, due muli della compagnia decidi de far là la festa de compleanno . tra un e l'altro, i gaveva qualcossa come 35 invitadi, perciò un dei due el martedì prima ga telefona e el mato con cui el ga parla el ghe ga dito che no iera problemi per el sabato dopo alle 21.30.

El sabato rivemo... e i tipi ne disi che xe un attimo de spetar. Nel frattempo riva tutti i invitadi... fora xe freddo... in andito no stemo, quindi se fichemo dentro (davanti al bancon per capirse) a spetar che se liberi sto tavolo. Alle 21.45 niente, alle 22 niente, alle 22.15 niente... i festeggiadi chiedeva ogni cinque minuti informazioni ma niente. Inoltre, tutti i simpaticissimi camerieri che passava de là coi vassoi ne fulminava perchè intrigavimo. 22.30 niente, 22.45 niente.... ormai comincemo a incazzarse!!! Intanto i ne disi in malo modo che là no podemo star perchè intrighemo e che dovemo spetar fora (ancora?!!!) e poi i tira fora che se ga libera un tavolo per 10 in sala non fumatori, e che se sta liberando un altro dall'altra parte. MA I XE RINCRETINIDI???? xe una festa de compleanno e semo dieci de qua e i altri de là?????? A sto punto i festeggiadi comincia a dar de matto e salta fora Mastro Lindo, el gestor (quel che te smista ai tavoli). E el ne chiedi con chi gavemo parla al telefono, perchè no xe nessuna prenotazion ecc ecc (e dirne alle 21.30 no????). A sto punto i due festeggiadi fa la vose grossa e pretendi un tavolo per tutti. Da sottolinear che intanto che spetavimo iera rivadi mille gruppetti più piccoli senza prenotazion che i gaveva sistema.E noi a spetar!!!! Tra l'altro el posto iera, bastava spostar uno o due gruppi da un tavolo all'altro.... ma no, lori a insister che dovemo spetar. A sto punto i festeggiadi se stufa e ghe disi che o i ne da el tavolo o andemo via... e mastro Lindo incazza ne ziga che per lui podemo anche andar de un'altra parte, a sto punto i toni se alza e mastro lindo e un camerier che metti le man addosso a un mulo della compagnia che se gaveva messo a zigar che i xe un local de me**a che no rispetta i clienti etc etc!!!!! giuro no scherzo!!!!! SCENE TURCHE!!! ma ve rende conto, spetemo per do ore e ancora lori vol aver ragion??????? Morale della favola, semo finidi alla Taverna dell'Orso a Servola che el posto ne lo ga trova subito. E là no i ne ga visto più!!!!

[SandroWeb]

(STRAMEGACUT) SCENE TURCHE!!! ma ve rende conto, spetemo per do ore e ancora lori vol aver ragion???????

che mal ara, Giada...