Piaza Venezia

[arska]

e ghe zonto che una fontana in stile neoclassico o jugendstijl saria un dei obrobri, un vero e proprio *falso storico*, che no ga mai, ma veramente mai, funzionado.

La architetura xe e devi eser un prodoto dela società.

Se i risultati da 50 anni xe quei che xe, chiedemose perchè. (e le responsabilità dela politica no xe secondarie, oviamente)

[Ikeya]

si gavemo dei bellissimi rioni in cemento armato che xè un bijou

tanti xè ancora più bei perchè xè in cemento ricoperti de muffa

me domando perchè ogni tanto i taia le edere che xè meio quele de quel che xè sotto...

Modificato 16 Dicembre 2008 da Ikeya

[arska]

no steve far fregar dai esempi locali

dai lavori assurdi che se gavemo trovado a trieste no pararia, però esisti lavori dal gusto contemporaneo che in un contesto storico no stona, anzi completa.

Le cità austriache de deso xe dei otimi esempi, in questo.

si però basta veder i centri storici de Lubiana e Capodistria, e dopo vardar el contorno...

anche a Milano, passar da Brera o dal Sempione al Pirellone xè bastanza vomitevole

poi ovvio che tutto el novo no fa schifo, anzi... ma ghe xè novo e novo

Sia L'Italia del dopoguera, che xe partida da solide basi post-fasciste e razionaliste butade in vacca per specular, che i paesi socialisti, dove però ghe xe el problema dela mancanza de manutenzion, che pegiora el look - de tanto! - e se ga zercado de romper completamente col passato, e se vedi benisimo desso quanto sia stada forzada come scelta.. no xe proprio esempi positivi

Vardemo Germania setentrional, Olanda, Austria, Norvegia se xe de scelzerse esempi, scelzemo i meio, no?

[Ikeya]

si gavevo visto a München che i gaveva costruì un monte con le macerie della seconda guerra mondiale e dopo i ga ricostruì sora in stile se pol dir quasi alpin... o comunque casette de massimo 2-3 piani, infatti cò te rivi no sembra nianca una metropoli... e poi gaveva verde e giardineti ben curadi ovunque!

[TonyRoy]

ma far una fontana nova in stile austriaco ghe vol sai?

basta che no i buti una cagada in stile inizio viale XX settembre

ahahah...piazza sbrumo te intendi?!?

xe proprio orrenda...e non centra un clinz con i palazzi intorno...o forsi si?!?

ma bon dei xe un modo per cambiar...son ottimista

[arska]

ahahah...piazza sbrumo te intendi?!?

[Ikeya]

http://www.prezzibenzina.it/

come xè che a Trieste in tanti posti la xè fra 1,15 e 1,20 se non oltre?

comunque guardè anche i distributori più cari...

a Bari ghe xè un con la verde a 1,38

Modificato 17 Dicembre 2008 da Ikeya

[arska]

qua la xe circa al 1.1

Quindi, sì, a Trieste (strano!) i ghe fa la cresta.

[Ikeya]

qua la xe circa al 1.1

Quindi, sì, a Trieste (strano!) i ghe fa la cresta.

ecco, te podessi trovarme un distributor a bon prezzo a Milano che venerdi son la e cussì risparmio sul ritorno

[arska]

a Milan più i xe imbusai, meno i costa. Xe la regola..

[arska]

(questo a parte quei vizin i centri comerciali de nova costruzion, che xe particolarmente a bon prezo)

[Stefano79]

e ghe zonto che una fontana in stile neoclassico o jugendstijl saria un dei obrobri, un vero e proprio *falso storico*, che no ga mai, ma veramente mai, funzionado.

La architetura xe e devi eser un prodoto dela società.

Questo xe quel che disi tutti i architetti. Però mi digo, se el nostro tempo no ga NIENTE de lasar nè de dir (artisticamente), allora piuttosto de un obrobrio contemporaneo no xe meio tornar al classico?

No go mai visto un palazzo contemporaneo che me lasi quela sensazion de eleganza e de calor che ga le case vecie come le nostre austriache, poco de far. E no parlo solo dei esempi de palazzi moderni triestini.

Acciaio e cemento no ga anima.

Modificato 17 Dicembre 2008 da Stefano79

[arska]

e ghe zonto che una fontana in stile neoclassico o jugendstijl saria un dei obrobri, un vero e proprio *falso storico*, che no ga mai, ma veramente mai, funzionado.

La architetura xe e devi eser un prodoto dela società.

Questo xe quel che disi tutti i architetti. Però mi digo, se el nostro tempo no ga NIENTE de lasar nè de dir (artisticamente), allora piuttosto de un obrobrio contemporaneo no xe meio tornar al classico?

Ocio che la parola classico xe una fregadura.

Capisso quel che te vol dir, ma ghe vol capir che la storia xe piena, piena de circoli chiusi. E nel architetura se li nota, sai.

Tecnicamente xe considerabile classica tanto de più una architetura post-fasista (degenerada nel dopoguera, savemo) come per esempio la questura, che la larga magioranza dei edifici asburgici che se ritrovemo.

Anche a mi i me piasi, eh.. ma a parte San Antonio e pochi altri, sai classici no i xe. Basti pensar a quel simpatico misiot che xe el municipio

I xe stai fati per altri tempi, con funzioni diverse de quele che gavemo bisogno noi deso.

Questo no vol dir che no se posi ripropor soluzioni visive, cromatiche e (parzialmente) de materiali, simili.

Anzi, per mi de sicuro quando saremo boni de serar sto ciclo de cementificazion (più violenta che in altri paesi, l'italia xe la capitale mondial dela produzion de cemento pro capite..), in un certo senso ghe riveremo.

Ma saremo in grado de esprimer le stese robe, una forma mentis simile, con declinazioni diverse.

No go mai visto un palazzo contemporaneo che me lasi quela sensazion de eleganza e de calor che ga le case vecie come le nostre austriache, poco de far. E no parlo solo dei esempi de palazzi moderni triestini.

Acciaio e cemento no ga anima.

Un matierial no pol no gaver o gaver un'anima, dipendi dai usi che se ghe ne fa

Ghe vol pianificazion urbanistica seria. Iero a Londra sta estate e me pareva de tocar con man tute le robe progetade dai urbanisti, se le vedeva istantaneamente e le gaveva senso de esister.

De noi, causa disorganizazion politica e social, se va a rattoppi.. per cui te pol gaver la strada bela nova, e girando l'angolo i busi pei marciapie, per esempio.

Se la stesa logica xe aplicada al architetura (come, go paura, speso la xe), bona note.

Xe un specio dela società anche quel, e el fatto che le case austriache per noi le gabi senso come che le xe fate, no xe casuale.

Xe un segno dela mentalità dei tempi. Deso la mentalità dei tempi xe palazi de 7,5 metri massimo e vasche in pescheria La mia e tua opinion purtropo conta sai poco, se quela de chi decidi xe, fora Trieste "demoghe in man ai soliti che incementi tuto" e a Trieste "no tochemo niente che no se sa mai, tanto el status quo ne va ben".

Nè una nè l'altra funziona.. però a eser sincero nel dubio la seconda xe meio, almeno no la fa danni irimediabili (dopo pecà che bei danni ghe ne gavemo avudi anche noi, verso la periferia..)

Modificato 17 Dicembre 2008 da arlon

[Ikeya]

però secondo mi un bel pò de speculazion ediliza a Trieste ghe xè stada...

su Wikipedia i disi che nei anni '10 (quindi ancora sotto l'Austria) Trieste gaveva circa 230.000 abitanti...

el picco xè sta nei anni '70 con 275.000 abitanti...

ora, xè mai possibile che tutti i casermoni de cemento, case dei profughi, eccetera, sia stadi costruidi per solo 45.000 abitanti in più?

[arska]

sisi xe stada de sicuro (basti veder come che i ga tirado su melara...).

Però intanto la se ga fermada perchè za deso xe pien de apartamenti svodi.. in italia in sti ultimi anni i ga tirado su de tuto.

Basti veder la periferia de milan! Xe tuta un condominio, anche in zone dove 5 anni fa iera campi! O le case de Caltagirone, a Roma.. Però quel che i ga costruido.. come dir, no xe un granchè, xe fato giusto per vender, e quel che dura dura.

Con sta crisi, per fortuna i se ferma un poco de tirar su robe a caso. El problema no xe la mancanza de case, ma i costi e i mutui. Ormai lo sa anche i muri

Al masimo, se proprio i vol eser utili, che i se converti ale ristruturazioni che, quel sì, xe tante zone che gavesi bisogno (basta uscir de Trieste via viale d'anunzio, galeria, stadio, ecc per renderse conto)

[Starlite]

Son passà per piazza Venezia e devo dir che me piasi sai come che la xe venuda

[giuli]

Anche a me piace..pensavo peggio

[Starlite]

Dal Piccolo de oggi:

La nuova piazza Venezia è il lavoro che più divide gli animi: a fare da pomo della discordia la statua di Massimiliano d’Austria e le nuove panchine. «Secondo me l’intervento è molto azzeccato – dice il signor Bruno – hanno trasformato la piazza senza voler strafare, restando nel solco della tradizione. Massimiliano, pur non essendo triestino di nascita, è uno dei più importanti personaggi storici che Trieste abbia avuto e meritava questo omaggio. Al suo livello abbiamo solo papa Pio II Piccolomini che fu vescovo qui nel ‘400. Anche l’idea di riportare la fontana in piazza della Borsa mi piace».

«In tempi di crisi mi pare un modo di sprecare soldi – dice al contrario una passante – non discuto l’importanza della storia, ma Massimiliano poteva restare dov’era ancora per un po’. Più grave è che le panchine siano state sostituite con questi cubi di pietra, sono scomodi e freddi». C’è anche chi non prende una posizione netta: «La piazza è più carina – dice una signora – e anche se adesso pare un po’ fredda, quando arriverà la bella stagione e fioriranno le aiuole sarà molto bella. Confesso però che la preferivo quando c’era la fontana al centro».

[Gianburrasca]

Essendo passada de là ieri sera posso dir che i lavori fati no ga cambià la piassa de nissuna maniera, e el aspeto desolado xe intato. No so se co i metarà el monumento de masimiliàno poderà eser meio ma no credo tanto. I alberi xe orendi, ma bruti bruti, platani  spernaciadi mesi in do file co in mezo la fontanela...

... forsi che ogi che no xe più i scavadori, le piere sui pallet e le redi del cantier - come che iera el 9 de otobre - se pol giudicar meio... o l'importante xe sempre criticar e dir che no va ben prima ancora de veder finidi i lavori?

[assist]

Ghe son pasado poco fa con el motorin e dando una scorsa veloce me par bel come lavor...sicuramente una risistemada quella piazza gaveva proprio bisogno de una risistemada.....me da come l'anda che sia + ampio deso....prima la piazza la vedevo sai sofigada.

[danielita]

Ma dopo i pianterà qualcossa la dove che i ga messo tuta quela tera rossa? O i lassa cussì?

[TonyRoy]

Ieri sera son passado davanti in auto, e devo dir k la me piasi proprio...el monumento ghe sta ben, e quelle illuminazioni ghe da quel qualcosa de straniero...bel bel...invece quele file de cubi devo dir k nn me piasi, ma almeno ora non ghe dormirà più nissun de sora...tranne qualke gattin

[_titti_]

Son passada ieri pomeriggio...bella..me piasi come la xè venuda, dà un maggior senso de spazio secondo mi. Speremo che i la tegni ben e che la gente incivile no la devasti nel giro de 10 minuti...

[Stefano79]

Mi no go ancora rivà a passar

[Starlite]

Ma dopo i pianterà qualcossa la dove che i ga messo tuta quela tera rossa? O i lassa cussì?

Mi no me dispiasi nianche cusì a dir el vero

el monumento ghe sta ben, e quelle illuminazioni ghe da quel qualcosa de straniero...bel bel...

Effettivamente adesso la ga sai più de asburgico

dà un maggior senso de spazio secondo mi

Tra che la statua occupa meno spazio dela fontana e che i ga portà tuto a livel rubando anche uno o due metri ala strada la par più grande si.

E co sarà anche via Diaz, via Torino e largo Mario ripavimentadi sarà proprio bel. Spero che i recuperi anche là bona parte delle piere originali, almeno in largo Mario.