La venderigola

[dcobau]

LA VENDERIGOLA

I.

Son de mestier venderigola in piazza,

son triestina, matona, sincera,

mi trato tuti con bela maniera,

solo un scartozzo no posso sofrir.

El vien, el palpa, el sbècola,

el resta là impalà

a dirme stupidezi

che proprio no me va.

Se ancora, el guardi, el stùziga,

ghe tiro drìo un limon;

go brazzi stagni e forti,

che nova? Sior paron!

II.

No cambiarìa la mia bula baràca,

nè istà, nè inverno, con qualche palazzo,

là sfido l' sol, co' la bora me iazzo,

ma no bazilo, san fata cussì.

Pecà che vien quel tàngaro

in guanti profumai;

per spender la flicheta

el tira su i ociai.

E po' 'l me disi «strucolo»

el tenta un pizigon...

go brazi stagni e forti,

che nova? Sior paron!

III.

Se qualche volta i me tira in barufa,

la cavelada va in aria, no nego,

e zigo forte che proprio me sbrego,

za chi che ziga ga sempre ragion!

E a quel ghe zigo: "bacoli!"

se 'l credi 'sto pivèl

de rimurciarme in casa

coi fruti in tun zestèl.

Son nata venderigola

a l'ombra del Melon,

go brazzi stagni e forti

che nova? Sior paron!

Modificato 23 Luglio 2004 da Starlite