Le renne del presepe vivente in piaza S.Antonio

[cenerentola82]

Dal sito del Comun:

"Molto attesa anche per il Presepio Vivente, che troverà posto all’interno di una struttura riscaldata posta al centro di piazza Sant’Antonio, dove i bambini potranno ammirare ancora tanti animali, a cominciare dalla novità di due renne molto care e utili per a Babbo Natale."

Ma naturalmente xe nate polemiche da parte dei ambientalisti.

El Sindaco replica che le xe stade comprade da un privato in Olanda tra quele destinade al macelo, e prestade per el presepe vivente.

[Stefano79]

Voto 2 secco. Me par un'idea cocola, no vedo cosa sia de lamentarse anche sta volta.....savè za cosa cosa penso dei ambientalisti

le xe stade comprade da un privato in Olanda tra quele destinade al macelo

Beh, bisogna veder cosa ne farà dopo de lore, ma intanto meio là che in farsora

Ben fatta

[cucciolina]

Voto 1! Assolutamente! Utilizzar gli animali per ste stupidaggini me fa proprio rabiar.

Però aggiungo....meio qua che al macello

[Jazz]

Meio qua che al macello, ma aggiungo che a monte saria sta bel che le fossi rimaste nel loro habitat naturale.

[trert]

meio casa mia.. sempre bone.. anche se no so cusinarle, ma google me iutassi in merito penso!

[ciano de giarizole]

Penso che xe bestie abituade al fredo, i podeva risparmiar sul riscaldamento e con quei soldi far altre robe socialmente utili (tipo pagar le rate dela mia machina).

A parte i scherzi, xe una roba bela, almeno lore no bati broche come mi, i fioi pici pol veder bestie diverse dai cani e dai gati (ogi no'i vedi una bestia che sia una), no le xe stade macelade e se le restava libere le ritrovavimo a Trieste in Via S. Caterina dove iera una bancarela finlandexe che vendi peli de renna.

Però un bel spezatin con le patate... quasi quasi.....

Ciano de Giarizole

[SandroWeb]

Se le bestie vien curade e coccolade e non maltrattade, no vedo el motivo de incazzarse tanto come ga fatto certa gente (e tante lettere de protesta pararia sia rivade da fora città, che strano...)

[tuxav]

per mi iera mejo se le stava in Laponia cmq mejo che el macello...

e cmq che senso ga protestar per do renne in un recinto quando xe tanti musi che gira liberi x cita' ?? :s'ciopado: :s'ciopado:

[tommy781]

ben venga un presepe vivente, gli ambientalisti alle volte farebbero bene a starsene zitti, ne conosco diversi che sono esattamente il contrario di ciò che dovrebbero essere. le renne? meglio lì che morte, mica sono andati a prenderne 2 che vivevano in libertà, queste sono d'allevamento e in cattività morirebbero come qualsiasi animale d'allevamento.

[diego]

Premessa:no son un ambientalista, ma son uno qualunque che ghe vol ben alle bestie.Forsi ancora una volta sarò uno che va fora del coro, ma sinceramente sta storia delle renne che doveria alietar la gente fazendo el presepe no me convinzi.Primo perchè le renne non esisteva nel Presepe originale , onestamente no iera el clima e nianche el territorio naturale. Secondo mi questo xe un altro paliativo per la solita megalomania dei politici dell'apparire e del non essere.Gavemo fatto decenni de Nadai senza renne e bestie viventi, per quel che mi so, obbligar qualsiasi essere, animal o persona a viver in condizioni restrittive xe e resterà sempre una malvagità. Lasa el tempo che trova el buonismo del genere ,meio qua che in macello,e dopo?Tutto dimenticato, qualchedun vol adottarle?No xe una question de animalisti xe una question de buonsenso.Proveghe a dir ai fioi che le va a guardar che dopo le feste natalizie le vegniera copade, come pensè che i reagisi?Provemo a domandarghe a Scocimarro de metter su fio a far de bambin Gesù,saria una grandissima attrattiva . Stemo andando fora del seminato, Nadal xe una festa ,no una FIERA.

Speto con ansia e curiosità le vostre osservazioni (no tocar la mamma).

[cenerentola82]

Proveghe a dir ai fioi che le va a guardar che dopo le feste natalizie le vegniera copade, come pensè che i reagisi?

Nissun ga dito che dopo le vien copade.

Chi le ga salvade dal macelo, le ga prestade per sta roba e dopo se le ciol indrio... e se le tignirà in sogiorno o in giardin.

[Starlite]

Come disi Sandro,

fin che no le xe maltratade no vedo motivi de protestar.

Meio qua che al macello (ma preferiria lo disesi un veterinario e/o un etologo)

Tanto selvadighe no le iera me par de capir nianche prima, quindi libere in Laponia no le gavesi vita facile...

In Laponia i le magna, i le usa per varie robe, come qua de noi i cavai e le altre bestie...

No vedo motivi de brontolar ah

[Matt]

no savevo gnaca del presepe vivente, figuremose delle renne...

Comunque , go votado 4, meio qua che al macello...

una mia aggiunta:

ma cossa centra le renne col presepe?

[cenerentola82]

ma cossa centra le renne col presepe?

Xe le renne de Babbo Natale.

[ciano de giarizole]

Stemo andando fora del seminato, Nadal xe una festa ,no una FIERA.

Forsi che te fraintendi. Le fiere xe sempre stade momenti de festa, e xe proprio per questo motivo che le feste e le fiere va in giro a brazeto.

Una volta la gente iera povera e le fiere iera un momento de svago, una festa per i muleti che i podeva magnar un dolceto comprado con le poche fliche che mama e papà meteva via per quel'ocasion. Se vedeva robe che no se gavesi gnanche mai imaginà che esisteva, robe spetacolari, e tropo care. Dopo se tornava a casa poveri come prima, a dormir in venti in una casa fata de una camera (o poco più) insieme ale bestie, e per bestie intendo anche le vache, el mus, el can e anche el gato.

Adeso semo più "benestanti", ma la fiera xe la stesa roba de una volta. Adeso i soldi per el dolceto xe, ma ghe compremo un che no se vizi e nostro fio torna a casa con i'oci lustri per i giogatoli che ga visto, per le robe stupende, per robe che no gavesi mai pensà de trovar (come le renne).

No xe cambià sai rispeto una volta, semo più richi, più sensibili ala natura, più amanti dele bestie, del'ambiente, del prosimo. Ma nel cuor restemo sempre dei povereti, perché l'omo xe nato nudo, e povero.

Godemose le fiere e le feste fin che podemo. Quando 'ndaremo a sburtar radicio gaveremo de render conto (per chi credi, per chi no credi no) de cusì tante robe che le renne sarà el minimo.

Ciano de Giarizole

[saretta]

Gavevo senti ieri della storia delle renne... mai viste e non vedo l'ora de andarle a veder! A dir el vero anche mi enso che con el Presepe le centri poco, ma vabbè..

Ma perchèsempre protestar per tutto?! Se i le ga salvade dal macello ancora meio che le stai un poco la, a farse le foto con i bimbetti!

[Matt]

ma cossa centra le renne col presepe? 

Xe le renne de Babbo Natale.

o saria meio dir:

le renne xe de babbo natale ???

Le renne col presepe no centra gnente

[ciano de giarizole]

Le renne col presepe no centra, ma gnanche l'albero col presepe no centra.

Xe iconografia, tegnimola bona e basta.

Ma a Pasqua ve lamentè anche del fato che ghe xe in giro cesti con dentro conigli (finti oviamente) e ovi? Quando mai i conigli ga covado i'ovi dele galine? Xe un'icona del periodo del'ano, xe cusì.

Ciano de Giarizole

[arska]

sinceramente, a mi me xe indiferente..

..anca se no meto in dubio che le stava mejo in Laponia..

[ciano de giarizole]

sinceramente, a mi me xe indiferente..

..anca se no meto in dubio che le stava mejo in Laponia..

Che le stasi mejo in Lapponia xe tuto de veder.

- Fa fredo più che de noi

- Le devi magnar muschi e licheni in mezo ala neve e al jazo

- i Lapponi le aleva per magnarle, per usar la pele, per farghe tirar la slita (ma quel anche Babbo Natale, no vol dir)

- ghe xe altre bestie selvadighe che zerca de magnarle

- in Lapponia xe sai scuro, e per tanti giorni de fila!

Forsi in P.za S. Antonio no xe el masimo, ma se le sta ben in Lapponia le sta ben dapertuto! :s'ciopado: :s'ciopado: :s'ciopado:

Ciano de Giarizole

[iaga]

Go meso la 2 anche se non le go viste..

Inutile dir dove le staria meio o pezo.. sicuramente se non le vien trattade mal, qua le sta ben come da altre parti (visto che le xè stade ciolte da un privato)

[dido76]

mi go votà che le stava meo a casa sua.

cossa ve poso dir?

son anda anche sto anno a veder sto presepe...e son usci sinceramente pensando che per quele beste xè una tristezza tuto questo...i le ga mese in spazi ridicoli...co son anda all'ingresso sulla sx iera 2cavai e i gaveva forse el spazio de girarse...

insoma...demoghe almeno un fià de spazio visto che cmq el presepe con le bestie i continuerà a farlo xkè fa immagine!!!

domanda extra:

perchè i ga messo giustamente i re magi lontani dalla grotta ma i ga messo gesù bambin za nella culla???che mi sapio no el xè nato prematuro

[Maurice]

Go votà per el sì ma meio che el macello.....

Anca se se le restava in lapponia no se ponevimo sto problema

[Ghost]

...renne nel Presepe?

Non son ferrato in geografia ma non mi pare che la Lapponia sia un paesino vicin Gerusalemme.

Non ha molto senso.

Ste robe commerciali, per di più con animali non me interessa un gran che.

Potevano lasciarle in lapponia o mettere uno stand che vende prosciutti e salami di renna

[SandroWeb]

Potevano lasciarle in lapponia o mettere uno stand che vende prosciutti e salami di renna

Qualchedun te dirà che te son insensibile dopo sta frase