El rion più rapresentativo de Trieste

[Starlite]

No xe stado facile condensar in 10 possibili scelte i rioni de Treiste, go dovudo lassar fora qualchedun, ma go tignù conto dela storicità e centralità (su incarico del paron dela baraca).

In ogni caso mi go votado per San Giacomo. Anche se nei ultimi anni xe cambiado (in pezo) credo cmq che sia un esempio de quel che xe la città nella sua integrità .

Bona discusion

E votè che se no el paron ne !

[SandroWeb]

Anche mi digo S.Giacomo perchè ricopri una posizion abbastanza centrale (geograficamente parlando) all'interno della città e perchè xe sempre un continuo remitur de gente che se misia e ciacola in piazza

Bel sondaggio Starlite complimenti per el lavor :ok:

Bye

P.S. : SON RIVADO A QUOTA 500 MESSAGGI, ANDARO' A FESTEGGIAR

[Jazz]

Voto Roian perchè... forsi là ghe xe ancora qualche triestin..

[saretta]

Anche mi go messo S.Giacomo, ma son alqualnto propensa anche verso città vecia! I altri rioni ...non xè che me ispira sai

Quindi per far conto giusto, mi meto 50% S.Giacomo e 50% Cità vecia!

[polpetta]

Mi go votà per el Borgo Teresian e dintorni.. [gavessi votà anche Città vecia ma no se pol ]

secondo mi Trieste xe partida da sti due rioni per diventar quel che la xe desso.Chi studia arte sa che la prima roba che i te spiega xe che la se ga espanso dal centro e che quindi quel iera el centro.. la rappresentanza.. el resto iera solo "intorno".

forsi son andada fora tema.. non so.. ma per mi xe cusi

[yko]

La triestinità, quela dei patochi e dei matarani,

penso che la sia de casa( o la iera!?) a San Giacomo

e in Rena(cità vecia), ma anche i altri rioni no' scherza...

A Servola son nato ma a San Giovanni son cressù,

e alora no' posso che votar per quel che i triestini

ciama el "rion dei mati".

Bona aria, trafico 'ncora nei limiti(almeno la parte alta),

e per chi stava intorno al manicomio, prima che rivi

Basaglia, i zighi dei condanai.

[Starlite]

A proposito de San Giacomo:

l'altra setimana se ga festegiado i 150 ani dela ciesa

(costruida tra el 1849 e el 1854)

el primo nome del rion no iera San Giacomo ma Rena Nova,

per distinguer de Rena Vecia.

[Starlite]

gavessi votà anche Città vecia ma no se pol

perché te disi che no se pol?

[SandroWeb]

gavessi votà anche Città vecia ma no se pol 

perché te disi che no se pol?

Polpetta probabilmente voleva intender che col sondaggio se pol dar solo un voto e che quindi no la ga podudo dar la sua preferenza anche a Città Vecia

[polpetta]

gavessi votà anche Città vecia ma no se pol 

perché te disi che no se pol?

Polpetta probabilmente voleva intender che col sondaggio se pol dar solo un voto e che quindi no la ga podudo dar la sua preferenza anche a Città Vecia

[iaga]

Città vecia xè Città vecia..

[SandroWeb]

Interessante veder come la stragrande maggioranza dei voti fin qua espressi indichi S.Giacomo come rion più rapresentativo, anche se un'eventuale seconda opzion de scelta podessi indicar Città Vecia come luogo più gettonado del sondaggio....

Effettivamente xe due posti ricchi de significato...de s.giacomo se ga za parlado all'interno de questa discussion, Città Vecia forsi rievoca quel lato de Trieste che, tra ammodernamento da una parte e degrado dall'altra, forsi no gavarà più el fascino (ciamemolo cussì) de una volta.

[Golfoblu]

go votá Borgo Teresiano, nel senso de vederlo come l'avanzo de Trieste verso el novo, un avanzo al "moderno" per quela epoca. Peró me par che l'esenza de Trieste xé Rena Vecia, con le sue stradete e "quartieri" veci, te mostra cossa iera la citá...fazo per dir...nel medioevo. La citá, mi la vedo dal mar, a sinistra e a destra del cole de S.Giusto, e come in tuti i loghi del mondo ogni dun 'pica' sempre per el posto dove el xé nato o cressú. B) B) B) B) B) B) B) B)

Fabio

[yko]

scuseme ma xe "l'efeto caldo".

la domanda de Starlite xe: "el rion che più rapresenta Trieste",

no' so perchè ma mi son partì con l'idea de "rion preferì" e go fato

confusion.

Scontà(almeno per mi) che cità vecia, l'antico borgo rampigà intorno al

cole de S. Giusto xe la parte che più dele altre significa Trieste,

'po basta vardar le antiche stampe...dala zima del cole zo verso

el mar e intorno " le vecchie mura".

Ogi a ricordo de quei tempi xe restada la Portiza(piaza dela Borsa).

Per quel che riguarda i pochi veri triestini restai...questa xe

'n'altra storia.

[Livius]

Ho votato Città vecia perchè io abito a due passi dalle origini della nostra bella città...

[Missilina]

S.Giovanni.....

[Ale#11]

S. Giacomo!!

Me son corta, girando in motorin, che tutte le strade porta la'...

[Maurizio72Ts]

Mi voto x S.Giacomo se non altro perchè ghe vivo , ma anche perchè, come disi iaga, tute le strade porta in sto rion e nella sua piazza te pol incontrar tanta gente che riva da quasi ogni rion de Trieste (sarà anche per quel che no te trovi parchegio neanche a pagarlo?!?! )

[Maurizio72Ts]

azzzzz....me par mi o me go confuso i nomi????? go scrito iaga inveze de ale#11.....

sarà che xe s.valentin...

SCUSA ALEEEEEEEEEEEEEEEEEE

[iaga]

azzzzz....me par mi o me go confuso i nomi?????    go scrito iaga inveze de ale#11.....

sarà che xe s.valentin...

SCUSA ALEEEEEEEEEEEEEEEEEE

Ehm..me go perso qualcosa?!?!

[Matt]

CITTà VECIA...go vota sei mesi dopo de la magiorparte... puntuale come sempre!!!

comunque, ricordemose che trieste ga anca la provincia!!!bisognassi metter un sondaggio del tipo:

quale xe el comun piu rappresentativo?

... e li si che non gavessi dubbi!!

[Tirabaralla]

Volevo votare sia Città Vecchia che San Giacomo...

Ma c'è una scelta sola...

E non mi ricordo più quale dei due ho votato... che cotta!

Comunque... se potessi secgliere dove viere a Trietse, vorrei che fosse San Giacomo o Opicina...ma non mi dispiace nemmeno Melara, non so perchè...e so che suona strano!

[Beck's]

Go votà Cità Vecia, per mi Trieste xè ancora là, anche se la magari la "vita" se ga spostado da altre parti.

L'atmosfera che se respira in quele viuzze xè unica (come anche un po' l'odor!).