Vai al contenuto

miti, leggende, misteri e fatti curiosi di Trieste


Juliet

Messaggi raccomandati

  • 2 settimane dopo...
  • Risposte 57
  • Creato
  • Ultima Risposta

Miglior contributo in questa discussione

Miglior contributo in questa discussione

la casa de via Valerio 78...

(la strada ke passa intorno all'università centrale più o meno all'altezza dell'entrata dell'ex opp)

...xe una vecia casamatta con tanto tanto de scarpa ke fazeva parte de una serie de fortificazioni volude nel 1859 dall'Impero in prevision de una guera col Piemonte; rientrava mel complesso ciamado Batteria della Girata.

Link al commento
Condividi su altri siti

  • 4 anni dopo...

Dopo tempo imemore, rispolvero ripulindolo con un strafanic, sto topic che me par ssai interesante vista la moltitudine de fati e misfati più o meno misteriosi che la nostra cara e bela Trieste la ga vudo nel corso de tuta la sua longa storia e tutora la continua a gaver.

Poderia citar ad esempio Vila Revoltela..pareria secondo la legenda che de note (sopratuto nele noti d'estate de luna piena) el fantasma del baron omonimo el torni a girar per el parco asieme ale statue che le ciol magicamente vita, compresa quela del leon!!

El malcapitado che se dovessi trovar visavì con le statue o col fantasma del baron, el vegnaria sicuramente portado via nel picio cottage ciamado "casa del sindaco" per eser sotoposto a strane pratiche de strana natura. Se inveze el malcapitado dovessi incontrar el leon, saria sicuramente sbranado vivo, col baron Revoltela intento a oservar sta teribile scena, dalla gloriette la vizin, ridendo come un mato col el suo tipico sguardo sadico ed arcigno!!!

Se inveze ad incontrar el fantasma del baron dovessi eser una mula, alora sta povereta la saria sogeta a sgradevoli atenzioni da parte del baron che in vita el fu un gran mecenate del marpionismo..

Concludendo..no saria tanto bel per nisun pasarghe la note in sta vila, su questo no ghe piovi come disse el col. Giuliacci..

Qui soto alcune foto (ciolte de babatriestina de un altro forum che spero no se rabi..ma no go trovado altre foto) el cottage ciamado "casa del sindaco" indove che el spetro del baron Revoltela sera le sue vitime per far non se sa cossa:

09bt6ml8.jpg

Questo qua soto inveze xè el leon de piera che de note ciapa vita e incazado come una belva el cori drio al primo che ghe capita soto tiro per sbranarlo (oservelo ben..sembra che el disi "davero qualcun xè sta copà de un leon? Vara ti che brute robe..e chi pol eser stado? Mi no savessi sinceramente"):

leonincazadocomeunabelvtp3.jpg

Link al commento
Condividi su altri siti

go el sospetto che le foto, più che mie, sai quele de SumCulex, che ghe ne ga fate de più

magari se te ne davi el link iera più ciaro, come che mi, co legio una roba qua, e la riporto in altro forum , meto el link o almeno el nome del forum dove che la go trovada. Cussì se tegnimo i forum triestini un poco in rede :)

Link al commento
Condividi su altri siti

Ma el cottage xe in stile prussian? bel, mai visto :)
mi no go alba de cossa che possi esser un stile prussian, xe una specie de chalet de montagna e el xe là de sempre, come che te ga fatto a no averlo mai visto no so.. ghe ne dovessi esser anche un simile ma più modesto in Parco de Miramar, drio del laghetto dei cigni, ma xe in zona serada al pubblico. Xe più o meno el stile dela stazion feroviaria de Miramar
Link al commento
Condividi su altri siti

mi me ricordo, co iero sai picio, che de sera se ndava de sconto, a giogar a nasonderse in vila revoltella, chiaramente col scuro;

quela volta la iera ancora col custode, ghè iera ancora i useleti nela gabia vizin ala giostra...... e parte la legenda, pav mi sai discutibile, l'unico fantasma che te podevi veder, iera la persona del custode rauco, che te coreva drio per ciaparte.....

....l'unico leon che gò visto in zona, iera el gato rosso dela siora mariucci, che la gaveva la campagneta soto el muro, che te se lo trovavi là a cacia de pantigane!;

si....si... el podeva sembrar un leon, col scuro el ciar del luna, anca perchè el iera bastanza sgionfo.... me par che el iera stà castra a causa de un notevole aumento del apopolazion felina nei dintorni con tratti somatici di evidente paternità ( se premeti che in quei ani no ghè iera el test de dna). per quanto riguarda le statue che se animava, ogni tanto ghe iera donzelle che caminava, ma drio de lore ghè iera sempre tacà un moroso.... a voi pensar perchè.

:offtopic:

Link al commento
Condividi su altri siti

Ma una ricetta la podemo consideràr leggenda? Perchè mi conossevo la storia de come che xè nato el presnitz:

I disi che cò xè vegnuda Sissi qua a Trieste, i gabi fato sai festegiamenti e che i gabi organizà anche una gara gastronomica. El primo premio lo ga vinto un dolce a forma de bissa rodolàda con su scrito "Se giri il mondo ritorna qui". El premio se ciamava "Preis Prinzessin" e da questo xè diventà "Presnitz". :king:

Link al commento
Condividi su altri siti

e de drio el cottage par sai una casa dei fantasmi biggrin.gif de sera soprattutto.. o almeno a mi me ga sempre dà sta impression biggrin.gif

Mollyyyyyy..i disi che de note mentre le statue del parco le ciapa vida..al contrario, i pesi rossi e le carpe dela fontanela stagno de fronte al'ingreso, i se tramuta in piera..robe che un se ciol via tranquilamente metendo in scarsela e po' li fica in un acquaio a casa e speta che vegni la matina, cussì che i torna normali..

un no fa nianca la fatica de ndar a ciorli zò de natura viva in acquedoto (vial XX setembre pe' i moderni :D )

:bye::bandieraalabarda:

Link al commento
Condividi su altri siti

....l'unico leon che gò visto in zona, iera el gato rosso dela siora mariucci, che la gaveva la campagneta soto el muro, che te se lo trovavi là a cacia de pantigane!;

si....si... el podeva sembrar un leon, col scuro el ciar del luna, anca perchè el iera bastanza sgionfo.... me par che el iera stà castra a causa de un notevole aumento del apopolazion felina nei dintorni con tratti somatici di evidente paternità ( se premeti che in quei ani no ghè iera el test de dna). per quanto riguarda le statue che se animava, ogni tanto ghe iera donzelle che caminava, ma drio de lore ghè iera sempre tacà un moroso.... a voi pensar perchè.

:offtopic:

El compianto Eduardo De Filippo el diria: "questi fantasmi!"

Alè Alga!!! (intendo Marina Alga, la mia amica studentesa del nautico) :aaaaaatttillla:

Link al commento
Condividi su altri siti

A breve..forsi zà più tardi..posterò una storia de l'800..un fantasma tuto triestin, descrito anca nei antichi libri de Trieste..ve la conterò oviamente "ala mia maniera" :D prosimamente su questi schermi..oops pardon, su questo topico!! :)

:bye::bandieraalabarda:

Link al commento
Condividi su altri siti

A breve..forsi zà più tardi..posterò una storia de l'800..un fantasma tuto triestin, descrito anca nei antichi libri de Trieste..ve la conterò oviamente "ala mia maniera" :D prosimamente su questi schermi..oops pardon, su questo topico!! :)

:bye::bandieraalabarda:

GRANDEEEE! RENE'........ :bandieraalabarda::foracolcul:

..se el gato de siora mariucci, fosi ncora vivo, nò esisterìa topic de ste parti :ihihihhi::mescondo:

cmq.... Alè Olga! e w Alga! (l'amica del Nautico) :aaaaaatttillla:

Link al commento
Condividi su altri siti

A breve..forsi zà più tardi..posterò una storia de l'800..un fantasma tuto triestin, descrito anca nei antichi libri de Trieste..ve la conterò oviamente "ala mia maniera" :D prosimamente su questi schermi..oops pardon, su questo topico!! :)

:bye::bandieraalabarda:

Renè, quando te posti la storia?! Mi stago spetando trepidante!!!

Link al commento
Condividi su altri siti

Renè, quando te posti la storia?! Mi stago spetando trepidante!!!

Echime.. :)

LA MULA BIANCA

Se narava molto tempo fa de un fantasma de una mula dala beleza sconvolgente, coverta de un lungo velo bianco. Sta mula usava aparir con un sguardo più morto che vivo (e te credo) nel bel mezo dela cità..talvolta anca in piaza granda, per poi incaminarse sempre su per la riva de zitavecia, fin suso a San Giusto indove che la scompariva in tel logo a ela più usual, overo el vecio zimitero che iera là vizin. El tuto sucese nel lontan ano de grazia (e anca de Grazino, Graziela e Graziano) 1833 e in qualche antico tomo de storia triestina se dovessi trovar qualcossa a proposito de sta legenda.

Sta mula la iera alta e imponente, dal far aristocratico. Vestida sempre de bianco..la mula bianca per l'apunto (se no la se gavessi ciamado la mula nera e la gavessi fato la reclame dele Morositas sculetando a tempo de musica!!) Tuti i gaveva paura de ela anca se no i podeva far a men de restar meravigliai dala sua beleza..ed esendo un fantasma difati la iera bela de morir!! Nisun gaveva el coragio de fermarla..nianca per chiederghe se la gavessi un cichin o comunque la cartina Modiano per farse un spagnoleto.

Un giorno sta storia fu udida de un celebre (alora) cantante d'opera del Teatro Verdi, un zerto Cesare Lopersi, alto, moro, oci azuri, de bon portamento e pare a volte anca bona forcheta. El mato el se gaveva meso in testa l'osesion de becar la mula e magari fermarla e magari chiederghe de far un dueto asieme a lui sule note de "Finanziere" de Pilat, davanti un bon bicer al'osteria de Libero Laganis (che tra l'altro la xè vizin a S. Giusto indove che la mula la 'ndava a riposar sototera asieme al radicio e ai sui vermi adomesticai)..

Una note de inizio novembre, dopo che el gaveva zenado magnando de tuto (anche un bel capron abruzese ala griglia, con contorno de cavial e fileti de coscia de Paolo Pichierri..i cantanti de opera i xè sempre stai bone forchete) e dopo gaver fato pissin e saludado i amici, se gaveva involtizado nel suo groso mantel indove el tigniva sconto un pugnal..un kriss malese per la precision che ghe gaveva regalà tempo indrio un suo amico indian (un zerto Sandokan che un per de anni dopo el ga ispirado un libro scrito de Emilio Salgari.). Così conzà el gaveva iniziado a girar per le vie de Trieste, de solo e de note come un povero mona.

Dopo gaver passado per varie vie e quartieri e el corpo de guardia de piaza grande, el se gaveva incaminado rente i scalini vizin al convento de San Ciprian e ala via del castel che la sali fin suso a S. Giusto! In lontananza in quel momento Micheze e Jacheze tra una ciacolada e l'altra in stile Carpinteri e Faraguna, i gaveva batudo le ore (tute le ore de questa zità) ale undese e tre quarti esate!! La luna iluminava le strete e scure stradine de zitavecia, mal iluminade de pochi ferai. Cesare ogni tanto el incrosava solo qualche imbriago de pasagio che lo vardava de storto disendo fra de sé: "Ma chi xè sto mona che gira a sta ora per zitavecia? N'altro alcolizado come mi?"

Ogni tanto pasava anca qualche guardia de patuglia che vedendo el nostro Cesare la diseva fra de sé: "Ara sto mona che camina da solo col fredo, per zitavecia a sta ora!!"..e po' la continuava per el suo giro de ronda..

Finalmente vizin piaza Barbacan, più o men fra l'Arco de Riccardo e el negozio Nonsololibri de Darius Fontanaschulz (ex libraio de Colonia, emigrado in Triest vrbs fidelissima durante l'ocupazion napoleonica), Cesare el se gaveva trovado visavì con sta mula fantasma!! Alta, belisima, un model 103 con un cumulo de curve come al mondo no ghe xè, la tigniva in man un mazo de fiori (crisantemi apassidi per la precision). "Caz*o!!" esclamò Cesare. E la mula fantasma subito ghe gaveva risposto co' un timbro gutural e teribile che el sembrava un incroso tra la vose de Sandro Ciotti e quela de Paolo Conte apena sveio: "Mortal, no sta dir parolaze che chi disi parolaze mori!!"

"Se te lo disi ti te credo sula parola.." ghe gaveva ribatudo Cesare. Alora la mula la se gaveva voltà e la gaveva continuado drita a salir suso per via del castel. Cesare estasiado del suo belisimo sguardo che el gaveva intravisto soto el suo velo (che po' no iera un velo..ma un sudario!), iniziò a seguirla sù per la riva, con la bora che sufiava pena pena, come un vecio asmatico in coma etilico ireversibile el sufia le candeline dela torta del suo centoventiseiesimo complean. Tuto in t'un trato su a S. Giusto nel piazal de fronte ala catedral, la mula ghe intimò a Cesare: "Mortal, vatene..perché te va in giro a sta ora de solo come un povero mona, seguindome?..Torna indrio al'osteria de Franzeless de dove te son vignudo, altrimenti domani i legerà el tuo nome sui necrologi del bugiardel!". El baldo giovine Cesare (baldo giovine insoma..el gaveva zà 56 anni) el iera restà aterido de sta minacia proferida in maniera cussì minaciosa..ma poi el ga continuado a seguirla fin apreso alcune mura dirocade drio la cesa. Ma no el gaveva più trovado nula, solo una rosa bianca apasida e na spuza de cadavere con contorno de pantigane in salmì (anca la mula fantasma la iera una bona forcheta!!). Cesare spetò tuta la note, fin quando semi indormenzado el iera sta sveià de un scovazin comunal che ghe ga zigado incazado nero: "Va a casa a dormir stupido, coss te se dismissi qua per tera in sto ludame come un povero mona?"

La note seguente Cesare el iera ritornado imperterito in piaza Barbacan..ale undese e tre quarti eco che la mula aparve de novo. Subito el nostro Cesare zercò de fermarla..e la mula: "Ancora qua te son che te scassi los marronaros de Sevilla..ma va a dormir mona!!" Ma Cesare la gaveva ciolto per un brazo.. "Mortal, lassime el brazo e metite le mani in tel daur!!"

"No" disse Cesare.."dopo gaver visto el tuo bel volto de sfugida, go capì che te amo e te bramo..ti cussì bela no te pol eser una morta, anca se te ga una vose de morta..ma xè tante cussì per colpa dele ciche..el fumo fa mal e no xè una novità"

"Mortal, te son duro come un scalin..va a smaltir la piomba al'osteria al'istrian de dove che te son vignudo, altrimenti te mazzo qui sul posto, te ga capì?"

"No" disse Cesare Ragazzi..ehm voio dir Cesare Maldini, no..ehm come se ciamava? Ah sì, Cesare Lopersi. "No ghe credo ai fantasmi formagini..voio veder per ben el tuo viso, anca perché de drio no go visto ben e te sa come che se disi..de drio liceo e davanti museo e alora no volessi.."

"Mortal.." ghe gaveva intimà ancora na volta la mula bianca "te me son simpatico in fondo, anca se no te son altro che un povero mona e pure un po' maniaco sesual e agiungeria a ragion, un fià necrofilo..te acontenterò..ma a tre sole condizioni"

"tuto quel che te vol belisima, cocolisima, simpaticissima, pien de vita..ehm cioè voio dir pien de morte però sempre vital" ghe gaveva risposto de rimando Cesare Cadeo..ehm voio dir Cesare Lopersi.

Alora la mula disse: "Prima te me dirà el tuo nome, poi te me lasserà la man che te tien streta fazendome mal e de fato rompendome teribilmente i c*ioni, e infin te me prometerà, che pena te me gaverà visto in facia, te girerà la testa de quela parte, fin al momento che baterò una man sul'altra..."

"Bon..alora mi me ciamo Cesare Lopersi e canto al Verdi che ancora no el se ciama cussì, ma sicome sto topic i lo legerà sul sito de Sandro nel 2008, per comodità de lori lo ciamo zà Teatro Verdi!!"

"Ah..ti te son el famos tenor bonculovich Cesare L. ? Sa che fin desso te gavevo scambiado per Umberto Lupi?"

Subito dopo Cesare ghe gaveva lassà la man ormai cricada de sta povera mula bianca ed ela la se gaveva alzà el sudario, scoprindo un volto angelico e celestial. Cesare del stupor ghe ga zigado: "Caz*o!!!!!" E ela: "Ancora parolaze? Ma te son proprio malà in testa alora..te ga el zervel lobotomizado oramai a furia de gorghegiar opare..comunque doman te me rivedrà in piaza Barbacan, sul incrocio de via del Fontanon (via Felice Venezian per le mule e i i muli del sito de Sandro)..desso lasime ndar e varemengo ti e tu mar!"

La sera dopo Cesare el iera ritornà, spetando a lungo soto la seranda sbasada de Nonsololibri, ma la mula no comparve mai più. In compenso el iera passada giusto un'ora più tardi, una guardia civica che el ghe gaveva dito: "Coss' te fa a sta ora de note qui de solo, distirado per tera tra le scovaze come un mona? Va a dormir, tandul de mato.."

********************************************************

Link al commento
Condividi su altri siti

Cesare per onorare il suo cognome rimosse con un'apposita operazione chirurgica ad hoc, l'apparato sottostante e divenne così un celebre soprano modello Farinelli.

La così detta "mula bianca" si dice che aleggi ancora oggi nelle notti di luna piena lungo la via del castello che da S.Giusto si dipana nell'intricato ed alquanto vetusto tessuto di cittavecchia. Se doveste aver la fortuna di incontrarla durante una di queste notti e di fermarla, ella vi risponderà dolcemente: "Ciò ma la gavè finida sì o no de romperme i bisi? Vara ti, iera meo che ndavo in castel de Miramar a far el clasico fantasma linziol che strassina cadene e ziga tuta la note come un mona AAAUUUUUUUUUU!!"

Link al commento
Condividi su altri siti

  • 2 settimane dopo...
  • 6 mesi dopo...

Partecipa alla conversazione

Puoi pubblicare ora e registrarti più tardi. Se hai un account, accedi ora per pubblicarlo con il tuo account.

Ospite
Rispondi a questa discussione...

×   Hai incollato il contenuto con la formattazione.   Rimuovere la formattazione

  Sono consentiti solo 75 emoticon max.

×   Il tuo collegamento è stato incorporato automaticamente.   Mostra come un collegamento

×   Il tuo contenuto precedente è stato ripristinato.   Pulisci editor

×   Non puoi incollare le immagini direttamente. Carica o inserisci immagini dall'URL.

Caricamento...
  • Chi sta navigando   0 utenti

    Nessun utente registrato visualizza questa pagina.


×
×
  • Crea Nuovo...
×
Il Forum di Elsitodesandro
Indice
Attività
Accedi

Accedi



Cerca
Altro
×