Scanner Nikon

[babatriestina]

Dopo un bon mese del ordine, el scanner Nikon5000 ed xe finalmente arivado, lo gi disballato, insallado e go cominciado a prova a far qualche lavoretto. Naturalmente go cominicado subito a lavorar, senza legerme tuto el manual, per cui go fato solo che le prime prove, per capire come che el funziona, solo dopo lette le istruzioni base.

Me par che vadi assai ben e cole corezioni che el fa de solo se ottien za boni risultati. per adesso ghe fazzo far a lu, al massimo croppo, sbisigo col istogramma, modifico le dimensioni.. e adesso ve posto un per de foto, per l'occasion go ciolto un per de un viaggio in Birmania fatto circa 10 anni fa: un paese bellissimo!

Xe i templi de Pagan ( Bagan), tante pagode buddiste.

per la polvere, no problem che el scancella de solo! e me par che xe anche in omaggio un Photoshop Elements che forsi me deciderò astudiar. Ma el bel xe che queste regolazioni vien fate prima dela scansion! mi però no salvo in TIFF ma in JPEG per no sprecar tanto spazio

[tuxav]

diria un otimo inizio ! te ga scaneriza da negativo giusto? se ricordo ben.... a quanti bit lavora el scanner ? e a quanti dpi te ga acquisi' le immagini?

unica roba che provasi xe aumentar i detagli e zogar con curve e livei.. e cmq se xe foto a cui ghe tegno scegliesi sempre de salvar in tiff per poderghe lavorar ben sora senza perder informazioni nela conversion in jpg....

photoshop elements xe poveretto, se te ga la posibiltia prova cs2 o, mejo cs3... !

e cmq, bele foto ! in particolare la seconda....!

[dolby]

sembra un gran bel zogatolo. complimenti per el tuo acquisto!!!

[babatriestina]

a quanti bit lavora el scanner ? e a quanti dpi te ga acquisi' le immagini?

el acquisissi a 4000 dpi, la prima domanda no so risponderte, mi go usado una risoluzion no eccessiva e ala fin le imagini vegniva sui 2000 x 3000, volendo podessi arivar fin 5000

unica roba che provasi xe aumentar i detagli e zogar con curve e livei.. e cmq se xe foto a cui ghe tegno scegliesi sempre de salvar in tiff per poderghe lavorar ben sora senza perder informazioni nela conversion in jpg....

photoshop elements xe poveretto, se te ga la posibiltia prova cs2 o, mejo cs3... !

e cmq, bele foto ! in particolare la seconda....!

finora con curve ( livei no go visto) go provado qualcossa, va ben sul bianconero, ma le corezioni automatiche me par meo, per adesso: xe principalmente 3:

quela che scondi i sgraffi, ma no la funzia sul B/N ( le foto de papà) che inveze xe spesso le più vece e sporche.

quela che evidenzia le parti in ombra, e la xe bona

quela che ripristina i colori scoloridi, che a volte la xe ottima e a volte la dà risultati assurdi

po xe una che cava la grana che mi no dopro che me par che vegni come leccado.. mi salvo in jpeg, se voio de meo poso rifar del negativo

per photoshop, mi no go alba, diria che almeno con elements forsi capirò come che el funziona

la seconda ga fato tuto lu! e me par che el gabi fato ben

( xe de dir che el foto iera stade fate con una automatica ricoh, machina dei m perchè no se podeva regolar propio gnente, punta e scatta e basta!)

adesso che go fatto altre, ve zonto: una che in origine iera nmolto contrastada e che el la ga refada ben, e un bianconero de papà, un stadio antico de qualche parte in Grecia ( Delos, Mikonos?)

papà iera un purista e lavorava in b/n con una zeiss ikon che gavevo ereditado- anni 60-70

[trert]

cazzighela gran belle foto ed ottime scansioni..

pecà la data!!! xe de cavar IMMEDIATAMENTE

in efeti sul b/n se vedi i sgrafoni.. ma xe robe che te rimedi tranquilamente co te saverà usar meio ps

[babatriestina]

pecà la data!!! xe de cavar IMMEDIATAMENTE

te sa quanto che le me fa comodo, ste date, per ricordarme quando che le go scattade!! se propio le xe assai bele, poderò far una version netada!!

( son tuta la sera che me zogo cole vece foto.. co el le elabora lu, a volte le vien un poco come dir, lecade, ma co se vedi la negativa original, xe de pianzer!!

adesso ve mostro due vece: ghe son afezionada, le go fate mi nel 1981, a Mosca, sula Piazza Rossa, de sera, cola mia Retina, senza cavalletto, pozando la machina su un muretto, tempo sul B e via a ocio un per de secondi.. quela volta no se zogava con ISO e stabilizzatori! le xe vegnude un fià mosse, le go scanerizzade, netate drizzade, cambiade curve, colori, luminosità... no le sarà perfette ma mi le trovo sugestive:

Modificato 2 Ottobre 2007 da babatriestina

[arska]

cio, che bele!

[babatriestina]

adesso son andada ale vece de viaggio, son come una sempia tacada a sto computer e sto scaner, e go trovado quele de Palmira al alba: in Siria, i ne ga fato alzar quasi de notte- vederè no la data, ma l'ora , le 5 de mattina e iera estate per veder l'alba sula città del deserto: mi gavevo dele stampe, ma tocando solo che luci e ombre- giuro che no go sbrodigado coi colori, fra alte luci, curve, corezioni dele ombre, go arivado a aver foto come questa: se iera propio cussì, no me ricordo ( iera nel 1988) ma la trovo sugestiva:

Alba a Palmira:

[giuli]

Veramente un bel lavoro..brava Betta!