El Triestin come lingua minore tutelada

[arska]

http://en.wikipedia.org/wiki/A_language_is...n_army_and_navy

A Language is a dialect with an army and a navy.

E questo disi perfetamente come la penso. Mi parlo triestin? Lo parla la magioranza? Volesi vederlo uficializado.

Vien dada priorità al furlan, che se sta perdendo sai velocemente? Xe qualcossa che no va...

(e credo che i furlani gabi tuto el dirito de tutelarse le sue lingue.. ma el bilinguismo no ga scopo. I gavesi IMHO semplicemente de cambiar i nomi dei posti in furlan, ecc)

[@aigorin]

Visto che iera za sto sondaggio e la discussion in questa sezion, go unido qua la discussion verta da @aigorin

Ricordo sempre ai nuovi venuti de cucar con la funzion de ricerca che no sia za discussioni esistenti

Ve domando scusa: xe l'inesperienza dei prinzipianti!!! No se ripeterà mai più ...Iera comunque la foga de scriver e de farve saver, in mezo a tuto sto remitur, che qualcossa se sta movendo, sopratuto a livel dele compagnie dialetali de Trieste che le sta pagando 'l scoto de tute ste legi a tutela dele varie "minoranze" che le gravita nel'area triestin-giuliana!!!

Come go scrito in tel mio intervento, l'amatoriale ga bisogno dele flike publiche, ma ste qua le xe dirotade altrove e noi se trovemo in tel... ploc', in tuti i sensi... Tanto per far n'esempio: recitar in via Ananian, per sei spetacoli, ne costa 4.500 euri!!! Se tuto va ben co'l spetacolo, rivemo ad andar a acqua... Alora xe le repliche in region e fora region: xe da un ano che rivemo a mala pena a ingrumar 10 repliche in Istria e in tel Triveneto (nonostante i premi e riconoscimenti ricevudi)...

Alora, qua no se trata de discuter se el triestin vadi tutelado come lingua o come dialeto, se trata de far capir ai siori che ne governa che devi eser tutelada la "triestinità" co'l suo patrimonio culturale (scrito e parlado), le sue tradizioni e 'l suo dialeto!!!

Eser triestin no vol dir soltanto viva là e po' bon.... 'ndemo tuti in osmiza a farse un spritz!!!

Scuseme 'l sfogo e 'l mio triestin scrito: come go dito quando me son presentado son padano d.o.c., triestin d'adozione e in casa gavemo sempre parlado in 'taljan e lora me xe più fazile scriver in lingua nazionale che in vernacolo...ma me son sforzà!!!

Grazie a tuti...

[Starlite]

ma me son sforzà!!!

Grazie a tuti...

Bravo

Iera poco tempo fa sul piccolo de una iniziativa, a cui partecipa anche, se non erro, Lino Carpinteri, proprio per la salvaguardia e la riscoperta della triestinità, dal dialetto alla cultura piu' in generale.

Se ritrovo su che giornal iera posterò qua

[@aigorin]

ma me son sforzà!!!

Grazie a tuti...

Bravo

Iera poco tempo fa sul piccolo de una iniziativa, a cui partecipa anche, se non erro, Lino Carpinteri, proprio per la salvaguardia e la riscoperta della triestinità, dal dialetto alla cultura piu' in generale.

Se ritrovo su che giornal iera posterò qua

Grazie ma ve dirò de più: pochi giorni fa se ga riunido le compagnie dialetali teatrali de Trieste e alcuni circoli culturali dela zità; se ga deciso, in apogio ala racolta de firme sotoscrita da "l'Armonia", de indir "La Giornata dela Triestinità" evento spetacolo proprio per sensibilizar la citadinanza sul problema del dialeto. Xe in embrion, ma ve farò saver!!!

[arska]

no sona mal.. me racomando, puntè sui giovani!

[Starlite]

no sona mal.. me racomando, puntè sui giovani!

che tristeza sentir in bus sti muleti che parla

"ma dai non fare monate"

"oh ma è così coccolo"

"eh ma lui è proprio una nagana"

[arska]

si. El fato xe che pel triestin o vien DESO voia de salvarlo, o vedo za quei 3/4 anni più giovani de mi che praticamente no i lo sa parlar.. el pèericolo xe cheresti una roba de bobe > destinada a scomparir

[Indigeno Triestin]

sn pel si!

[babatriestina]

go votado no, no perchè no penso che se gabi de no parlarlo, anzi, el va doprado, salvado, ripetudo de generazion in generazion, ma perchè ghe ne go bastanza de leggi de tutela, perchè trovo che el sia vivo senza bisogno de ossigeno come se le fussi moribondo, perchè el fato che el sia un dialetto e no una lingua no vol dir che nol sia bel... e con sta storia dele lingue tutelade stemo fazendo babele e butemo via un sacco de bori che se podessi spender in robe più importanti: la salute, l'educazion, la tutela dei lavoratori, l'assistenza social... la coverta xe una e se perdemo con sti bibiezzi "la mia xe più lingua dela tua"... scuseme, se son un poco seccada, ma me par che se stemo perdendo in beghe de paese

[b-chris]

Più o meno penso le stesse robe de babatriestina, me fà de rider quele soluzioni tipo insegnar el furlan a scola.

Me par che sia più la lingua che el dialetto meno usada.

Una volta finì scola la maggior parte della gente parla in dialetto anche con sconosciuti e dandoghe del lei.

Più che altro el dialetto col tempo perdi vocaboli, quante volte sentimo parole , disemo, de una volta pronunciade de qualche veceto?

[arska]

Cio, per caso go ritrovado sto vecio post.

Ogi, nel 2015, che el triestin sta DE FATTO vignindo parlado sempre de meno, e xe netamente a ris'cio de vignir perso (sto post xe de più de 10 anni fa...!) se ancora convinti che no sia el caso de studiar un modo de uficializarlo?
Per mi xe asolutamente fondamental, no se scampa.

Modificato 15 Maggio 2015 da arska