FOTO SELEZIONATE dalla 1a giuria

[tuxav]

mi digo solo una roba senza entrar nel merito de perche' percome xe stade fate le scelte....

punto primo ricordemose che el scopo de questa iniziativa xe far un calendario con dele bele foto con l'unico obietivo racoglier soldi per la fondazion e per i fioi meno fortunadi de noi ...

punto secondo la giuria ga scelto senza favorir/sfaforir nesun e lo ga fato in bona fede

oviamente tuti ghe ga meso el proprio impegno e spera de veder la propria foto stampada pero' in ogni concorso, piu o meno grande piu o meno serio, le discusioni con la giuria xe 'de casa'

inoltre niente xe ancora deciso xche xe ancora una giuria da sentir e quindi no stemo fasarse la testa prima de esersela rota

mi trovo che l'iniziativa sia riuscida sia per la paretcipazion de tuti sia perche' tanti magari ga scoperto che uscindo de casa con una machina fotografica se pol far bele robe..

[mula alabardata]

si lo so..

ma appunto xkè tutti vol far meio.. e tutti partecipa x esser scelti.. dà fastidio che la giuria te dà meno possibilità in partenza..

mi adesso prego solo che i me scegli una.. ma podevo giogar fin in fondo con due..

[tinuviel]

xè anche chi ga partecipà solo per partecipar

e ceh ga anche capelado de brutto... chiedo scusa a tutti, ma ieri sera, che son andada per spedir le foto, me son accorta che una delle due scelte xè del formato sbaglià (1 M inveze che 3), indi me la autoescludo e me auto fustigo epr la disattenzion (la foto in question xè quella della Chiesa Serbo Ortossa).

X mula: no capiso, trovo che i gabbi scelto belle foto, ma forse mi non son in grado de dar un giudizio tecnico

Comunque, quoto completamente:

punto primo ricordemose che el scopo de questa iniziativa xe far un calendario con dele bele foto con l'unico obietivo racoglier soldi per la fondazion e per i fioi meno fortunadi de noi ...

e poi i xè stadi tutta la sera a bazilar per far el lavor prima e meio possibile!

[molly]

mi inveze me ga sorpreso che gavè scelto due foto de quelle che go manda mi

[tinuviel]

mi inveze me ga sorpreso che gavè scelto due foto de quelle che go manda mi

gavemo avudo lo stesso spirito del aprtecipar...soprattutto vedendo la bellezza delle altre!

[trert]

molly.. iera obbligatorio sceglier 2 per persona

[molly]

penso de gaver capi però perchè se ga incavola mula... perchè praticamente i ga messo due foto sue sai belle ma comunque che rappresenta lo stesso soggetto...giusto?

[mula alabardata]

esatto!

quindi mi x partenza, partecipo con una foto sola! [a meno che non i metti i alberi de nadal in luglio!!]

so che xe x beneficienza.. che gave lavora sai.. ecc.. ecc..

però se un partecipa credo che vol partecipar fin in fondo..

e visto che iera un concorso de foto de gente comune (e non solo professionisti) xe ovvio che speravo de aver qualche possibilità in più..

x altri sto concorso xe un dei tanti. altri non se aspettava niente e xe oro colato.

mi la go presa in quel posto xkè ghe tenivo.. cicce..

[tinuviel]

eheh... no gavevo notado la storia dello stesso soggetto...però le xè tutte e due bellissime!

[Bonovox767]

arrivate le foto di arlon e bonovox!

Come hai visto, ti ho mandato la versione originale, e quella "raddrizzata". Spero di aver fatto bene

[molly]

trert: non gavevo capi che iera 2 foto per persona.. gavevo letto mal

[trert]

si, hai fatto benissimo manderò alla 2a giuria la raddrizzata, mentre userò la storta (se eventualmente verrà scelta) per il calendario e la ruoterò io.. così mantengo i dettagli

[mula alabardata]

eheh... no gavevo notado la storia dello stesso soggetto...però le xè tutte e due bellissime!

grazie cara...

[giuli]

Bravi a tutti quanti, organizzatori, giuria e fotografi!

Le foto selezionate xe molto belle

Mi aggiungo ai complimenti!

[uzzy]

mula : la piazza illuminada de notte de nadal xe l'unica de quel tipo.. xe un evento che racconta trieste...magari te ga anche + possibilità de altri de eser scelta, non buttarte subito zo (ora no go tempo de riguardarme tutte le foto anche de altri, per veder se anche secondo el mio gusto xe stade scelte le migliori de ognun), ma xe come in tutti i concorsi, a meno che non vegni favorido qualchedun in maniera palese e dimostrabile, no se pol dir niente. ma son convinta che i gabbi fatto un bon lavor.

e poi...appunto : beneficienza mode on, se podessi metter alla fine una pagina de ringraziamenti, con i nomi de tutti, anche de quei che non ga vinto, per far capir che tuti insieme gavemo prodotto questo calendario con la voia de far qualcossa de bon.

[mula alabardata]

si infatti.. caratteristica.. ma non 2 foto su due con lo stesso argomento..

x i nomi invece son d'accordo!

bell'idea..

mi gavevo anche proposto la copertina con tutte le foto.. ma i ga deciso de no..

[cucciolina]

Martina,

neanche te se immagini quanto me ferissi e me amareggia le tue parole Te assicuro che nessun ga voludo penalizzar nessun. El metodo utilizzado per sceglier le foto xe stado questo: separatamente ghe gavemo dado un voto ad ogni foto. Poi i voti xe stadi sommadi e la scelta xe venuda da sé. Le foto con el maggior punteggio xe passade.

Personalmente te posso dir che altre tue foto me piaseva de più rispetto a quelle scelte ma questo xe stado el risultato. La somma dei gusti de tutti e tre.

El metodo se ga applicado a tutti partecipanti in modo uguale e me dispiasi che te se senti penalizzada. Non esisti MALAFEDE! Per quanto me riguarda go dado i voti in maniera più obiettiva possibile senza farme influenzar da amicizia o affetto.

Altro no so cossa dir…se non che me sento molto amareggiada

[davidin]

..tra quelle scelte xe certe che secondo mi non centra...el tema iera (me par) trieste nelle varie stagioni...per esempio el gabbian sul mar no me ga tanto de trieste...

diciamo che alcune sono fuori tema...

[mula alabardata]

Altro no so cossa dir…se non che me sento molto amareggiada

anche mi.. x questo.. me sento incavolada e delusa..

forsi più delusa e incavolada de conseguenza..

xe ovvio che sotto sotto tutti ghe sperava.. mi non fazo foto professionistiche, non fazo concorsi..

questo xe el primo che fazevo.. con gente del mio stesso livello..

x questo ghe speravo.. speravo che SE le mie foto gaveva davvero qualche valor, questo saria podudo venir fora.. e ripagarme con un poca de soddisfazion..

forsi non la go presa tanto come un "gioco" come me ga fatto notar qualchidun..

mi go partecipa e xe ovvio che un che partecipa a un concorso vol rivar più in alto possibile..

ma questo non sarà possibile, e non x colpa mia..

x questo me dà fastidio...

[molly]

con tutto che la foto la go mandada mi me stavo chiedendo la stessa roba...anche se el mar e i cocai xe caratteristici de Trieste forse xe fora tema...

[trert]

quelle fuori tema vegnerà scartade dalla seconda giuria..

@marti: la copertina no xe stada ancora scelta, gavevimo l'idea de una più grafica, anche xke far una copertina con 140 foto o quante xe diventa un poco impegnativo, e mi no me la sento de sceglier certe si e certe no..

@uzzy: per i nomi dei partecipanti, de chi che ga aiutado a far questo progetto e tutto el resto (anche i fondi che ga reso possibile attuarlo) stemo fazendo.. spero che vegnerà un bel lavoro finale che piaserà a tutti

[tuxav]

[MOD]

giudicar una foto, una canzon, un disegno o qualsiasi altra roba xe totalmente sogetiva.

No se pol pensar che esisti el 'bel' in assoluto.

Le stese foto portade con el steso tema ma con giurie diferenti gavera oviamente valutazioni diverse... qua no se trata de far un esame de analisi matematica.

Invito tuti a ritornar al spirito con cui se ga inizia el concorso, perche' l'idea nostra iera solo de far del ben, ne amareggia molto i casini e le polemiche.

Confido nela maturita' de tute le persone e son sicuro che no restero deluso.

[/MOD]

[mula alabardata]

evidentemente xe sta fatto qualche error prima.. nel regolamento..

oppur me xe solo che anda mal e cicce...

mi non critico l'idea che xe sicuramente bella, non critico i gusti della giuria.. mah.. forsi non me gave capì..

cmq tutto questo servi anche x le prossime volte... in modo da far sempre meio..

[trert]

ottime parole av.. no posso aggiunger altro se no el sperar che le persone rivi a capir..

mi go fatto za un pochi de concorsi e me son visto scartar le foto per problemi tecnici, per incomprensioni della giuria, per metodi de voto che mi go reputado inappropriati.

ma nella mia testa me son dito: ga vinto una foto che non merita (o che merita anche) ma la mia no iera de scartar secondo mi.. e me consolo disendome dentro de mi: go vinto, se no iera quei problemi probabilmente vinzevo..

quindi la ciapo con filosofia e penso che la volta dopo andarà meio..

inoltre aggiungo che manca ancora una giuria.. e le foto fora tema xe una delle prime robe che vien scartade..

[mula alabardata]

ottime parole av.. no posso aggiunger altro se no el sperar che le persone rivi a capir..

mi anche lo capiso..

xò ti se i te scarta te ragioni così..

mi no.. de carattere..

e poi xe el mio primo concorso che fazevo..