Corso base di fotografia

[dido76]

oleeee...ogi go scoperto come se regola el tempo e el diaframa in manuale sula mia machineta...so,xè una monada...ma cosa volè...mi son rivado al corso e me ga chiesto...come se meti?ehm...go tirà fora el manuale e go zercado ...e dopo me ga spiegado cosa go de far ...son contento..deso so come se meti la machineta in manuale completamente...go ciolto za el rolin per diapo a 100asa per domenica 9...e quindi go anche fato fora el rolin che gavevo dentro prima...i risultati me ga deluso però...pazienza...

[trert]

grande dido

mi go giovedi meno mal che nel mio grupo xe tuto digitalisti..

@giada: vederò giovedi de farve entrar anche a voi magari con un cambio.. anche se con la vostra capogruppo sarà dificile

[trert]

piccolo sfogo: uff.. giovedi i me gaveva anche ciamado per far una riunion per meter su una casa de produzion de film (mi diretor fotografo ) ma go el circolo.. uff.. me fazo mandar via mail el resoconto

[Giada]

@giada: vederò giovedi de farve entrar anche a voi magari con un cambio.. anche se con la vostra capogruppo sarà dificile

Saria figon... ma la xe cussi str...a sta baba????

[giuli]

(ot)

Giadina vuota gli MP please

(/ot)

[trert]

@giada: no so mi quel poco che la go vista no la me ga fato una buona impresion

[dido76]

@trert: ma ti cosa te spieghi nela tua lezion del corso?

mi in realtà la mia lezion xè durada poco meno de 1ora...anche perchè no savendo che domande far co ben me ga spiega come regolar l'esposizion e el diaframma per mi iera fini tuto...

o meo: go anche fato una domanda che ga fato anche altri: in base a cosa scelgo tempi e diaframmi...ma me ga dito che ne parleremo con calma + in là, ne ga da una risposta in generale logico,ma nel dettaglio no semo entrai.

da bon principiante avendo esaurì la mia """"scorta""" de domande go saludado e go dito: a domenica

ps: go anche scoperto de gaver el 50 anche mi..averlo e no saverlo...che gnorante

[trert]

in sostanza i me ga dito de spiegar come regolar i tempi e diaframi.. anche se no go capido ben fin che punto devo spiegar..

mi gavesi anche spiegado quando se scegli un o l'altro ma no so la gente quanto principiante sarà.. spero che oltre a nankepel sia qualchedun altro che sa fotografar

[Giada]

x Giuli: messaggi svuotati ;-)

x Trert: a parte che mi no go ancora zerca nè el manuale della macchina mia nè de quella de mio moroso, anche mi go difficoltà a capir con che criterio regolar tempi e diaframmi.... go prova a smanettar un poco questo weekend con la D80 ma no go capì un piffero :-)

[trert]

beh dai.. ti giada che te ga una nikon no servi el manuale nel grupo dove te son.. la tipa ga anche nikon..

povera..

anzi

povere

poveri noi.. poor ass

[Giada]

Almeno che la fossi mia... inveze la xe in prestito della suocera!!!!

[dido76]

ehm...domenica se avvicina...se neviga xè pupoli ma me pol anche andar, ma se piovi me urtasi sai...logicamente se xè sto ventisel sarà comprensivo el dopo uscita con le mie foto legermente mosse vero?

[trert]

fa mossi artistici

mi prossima settimana me riva el canon 15mm fisheye in prova speravo che le me rivi za domenica per l'uscita ma dubito fortemente

[trert]

allora come ve xe sembrado?

giada me dispiasi ma no se pol spostar.. anzi, i ga mandado via altre tre persone del nostro grupo xke semo in tropi!! sorry

[nankepel]

si! in effetti non ierimo proprio pochini

cmq bel cusi! me ga piasso!

boh, mi son andà via subito in realtà,

ma cmq bella impression, bel clima!

[Giada]

Nessun problema, anche perchè in definitiva no iera cussì mal! Ierimo solo in 5 quindi atmosfera molto intima, e le due tipe no me par malaccio... ma quella un poco problematica che te me disevi iera la bionda o la mora? perchè la mora no me par malaccio!

Cmq no le ne ga spiega niente... se gavemo scambià numeri de telefono, impressioni etc etc, e poi gavemo analizzado nel dettaglio el menu della compattina de mio moroso che ga un mucio de regolazioni possibili.

No gavemo parlà de tempi, diaframmi, esposimetri etc perchè le ne ga dito che vederemo tutto durante l'uscita. Dovemo studiarse el nostro manuale e pensar molto intensamente a Miramar per rivar un minimo preparadi :-)

Insomma, domani me tocca metterme a studiar!!!

[giuli]

Buono studio Giadina!

[trert]

noi tutto diverso se gavemo scambiado i numeri de telefono si.. però anche spiegado diaframi tempi e tute le robe dele machine fotografiche..

mi son in grupo con altre 4 persone, nankepel, altri due muli e una mula.. ma sta ultima prox setimana la parti per cuba e no la fa piu el corso..

cmq no iera la mora la problematica

[Giada]

Immaginavo che iera la bionda, ma la gaveva mal de gola e la ze stada sempre zitta :-)

Cmq beati voi... mi de tempi e diaframmi no go capì un piffero...

Innanzitutto go zerca de capir qualcosa dell'esposimetro sul manuale della mia Nikon D80 ma no go trova niente, dove lo trovo????

E dopo come decido che tempi e diaframmi impostar???? A caso????

Aiuto...

[dido76]

E dopo come decido che tempi e diaframmi impostar???? A caso????

Aiuto...

iera la domanda che ghe gavemo posto credo tuti nel nostro grupo e la risposta no xè rivada...ne ga dito che se ne parlerà in pratica e + in là in lezioni aposite...me par che restemo tuti col dubio

noi però no se gavemo scambiado i numeri del telefono...credo che nisun lo ga pensado

[tinuviel]

se prova scuseme... no go resistido ovviamente, digo la mia da semi-profana... con le digitali xè bastanza intuitivo, nel momento che te ga capì come cambiar i valori. Almeno mi con la compatta me giogo vedendo come vien, magari sbaglio

Bon, fotografi, insulteme pur

[dido76]

infati no vedo l'ora che sia domenica :D ...

ps: dopo una vita che non fazevo foto su pellicola go finido el rolin e lo go za svilupado da un per de giorni...savè che sul momento son rimasto delusissimo dalle foto???...ogi le go scanerizade e...e la fregadura sta nel fato che me go abituado ale foto digitali viste diretamente su pc...no va niente ben sta roba...le foto in sè no le xè niente de che,ma no le me dispiasi dopo averle viste su pc...ah...me stago digitalizando :doh: ...speremo che buti sol !!!

[trert]

@tinuviel: no te pol dirghe de sperimentar prima che i ghe spieghi.. adesso xe importante che i capissi la luce.. per i diaframi e i tempi xe tempo o xe diaframa o xe tempodiaframa.com [ok me copo , cit.]

cmq se la bionda ne lassai n pase, podesimo far minigrupeto sds e far un do foto..

sempre che no volevi ndar soli in giro.. anche se "soli" con 90 persone in giro per el parco sarà dura

[tinuviel]

ultimo post prima de sparir per una settimana...

penso che una vaga idea de cosa sia tempi e diaframmi i la gabbi, per quel go dito de sperimentar... come se disi? mejo la pratica che la grammatica

Bon, mi me iero letta (leggiucchiada ) un libro che spiegava ste robe, quindi qualcosa de teoria un po' savevo prima de far tutto a caso :D

[poi savevo che te me redarguivi, per quel me son intromessa ]

ciau, tornerò fra una decina de giorni con almeno un migliaio de foto dalla città più amada da Giadina

[tuxav]

co gavere' fini' de far casoto qua dentro saria sempre ora ! :D

cmq no xe de preocuparse su come sceglier tempo/diaframma... l'idea in se xe banale, sta dopo a voi aplicarla x i vostri usi e x quel che vole' far e cosa vole' dir

cmq co torno se vederemo tuti quanti al cft !