Chiusura centro per smog

[tuxav]

Mi volesi saver se chi che ga avu' l'idea brillante de serar el centro fin le 19 a tutte le macchine immatricolade prima del 2001 ga mai fato qualcosa de utile in vita sua.. evidentemente no ...

I ga roto troppo... prima cominciemo a far posteggi, a far un servizio de autobus decente con corsie preferenziali in modo che x far 2 fermate de via batisti che meto magari meno de 10 minuti, dopo podemo parlar de tute le m****e de serar el centro che secondo lori riva fin el bivio opicina/basoviza.

E basta per favor con dir che TS xe inquinada xche alora Milano, Roma Bologna Torino cossa dovesi far? noi gaveo 2 vie inquinade, lori ga un centro che xe grando come tuta trieste e provincia... ma probabilmente in quele cita' chi che fa certe scelte ga un poco de sal in zuca.

[Starlite]

Intanto go messo un titolo comprensibile alla discusion

Dopo... stemo 'tenti al linguaggio

Infine... cossa xe sta novità del centro chiuso a tuti i auti imatricoladi prima del 2001?

No so niente.. illustra per favor

[tuxav]

intanto el titolo iera complimenti proprio xche volevo complimentarme col genio de turno

i vol (anzi i ga za deciso) che se vien superadi i limiti de inquinamento dal giorno dopo podera' circolar solo le auto EURO3 ovvero immatricolade dopo el 2001. Questo dalle 09.30 alle 12.30 e dalle 16 alle 19.

Mi volesi saver se sta gente pensa prima de parlar o ghe da solo fia' ala boca e vien fora idee a caso.

e questi li paghemo noi.... che tristezza....

[Starlite]

Boh alora... mi son d'acordo... se se sfora bisogna blocar le auto. Ma tute!!!!!

No che quel pol, sto altro pol perche' si, quel terzo pol anche perche' cossa pol quel alora devi poder anche sto altro.

Inoltre, el servizio publico a Trieste secondo mi funziona ben, solo che con tuto el trafico che xe per via de tanti che xe tandul che mola auti in dopia tripla cantoni striche semafori ecc ecc (e i vigili sta a vardar senza far niente!!!!!!!!) eco che alora i bus ga mile dificoltà de girar de fermarse ecc ecc

Questo me fa a mi.. l'incivilità dela gente!

Che dopo el problema del trafico vadi risolto quel xe un altro per de manighe, certo va fato un piano particolaregiado e che funzioni. Ma prima de tuto devi colaborar anche la gente.

[tuxav]

eh si certo blochemole tute e lasemo girar solo i autobus come no

1) mi capiso che se snervante guidar 4 ore un autobus in citta' ma i autisti dela TT xe in gran parte prepotenti e ghe par de eser paroni dela strada che se ciapa le precedenze quando no i le ga e i pasa col rosso (tipo via mazzini)

2) per aiutar a eliminar el problema del trafico mi cominciasi col eliminar i vigli urbani. anche lori in gran parte prepotenti e maleducati, oltreche' inutili visto che dove che xe i vigli regolarmente xe casin.. anche xche i devi girar in 2 per ciacolar mejo.. quando i girava soli i se lamentava xche no i gaveva con chi ciacolar.. poveri...

3) i devi potenziar el serv publico. mi digo perche' inveze de far 2 auobus (51 e 39) che nel ultimo trato fa quasi la stesa strada no se fa una bela navetta che parti dal quadrivio e va verso area/basoviza e una verso el carso cusi la gente lasasi l'auto in quel bel postegio inutiliza' che i ga pena fato? o andasi su e zo col tram/ o la 4 ? e perche' no utilizar el postegio del rocco e potenziar i servizi verso el centro?

... dopo poderemo pensar de chiuder el centro, adeso saria solo de chiuder la boca a sti fenonmeni

[Starlite]

eh si certo blochemole tute e lasemo girar solo i autobus come no

Eh mi saria per sta soluzion per bon in centro.

Comunque. Certo el servizio se pol migliorar tanto ancora, ma no se pol dir che sia schifoso di per se'.

1) secondo mi i autobus dovessi aver la precedenza da codice della strada (come che lo ga i tram, ma per motivi diversi) e cmq i guida per 6 ore e no 4

2) mi me fa i vigili che passeggia e no fa multe! Quel xe omissione di atti d'ufficio secondo mi. NO DEVI ESISTER CHE UN VIGILE TIRA AVANTI DRITTO SE XE AUTO IN DIVIETO E CHE INTRIGA. LO VEDO FAR TROPE VOLTE, ANZI QUASI SEMPRE. Mi capisso che i ga i "ordini dal alto" ma.... NO ESISTI!

3) Lo go dito piu' su e inoltre xe el circolo vizioso che go za spiegado QUA in "Corso Italia Pedonale"

[tuxav]

1) i autobus no ga de aver la precedenza ... semplicemente i ga de rispetar el codice come che dovesi farlo tuti. I tram ga la precedenza per altri motivi (prova a far un controsterzo col tram de opcina ) Ga de eser corsie preferenziali. punto. Mi non invido el lavor che i fa ma questo no giustifica el suo comportamento strafotente... se no alora un polizioto xche xe stresa' dovesei 'ndar in giro a mitragliar tuti!!!

2) mancasi altro che i daghi le multe sempre!!! Ou ma stemo scherzando? che i le daghi speso inutilmente son d'acordo, che i sia ingiusti xche i ghe la da a chi no intriga e chi intriga i lo lasa la anche.. ma per favor.. no i pol dar le multe xche no xe postegi. quando sara' postegi, anche a pagamento, i podera anche portarte via la patente. son d'acordo. adeso no!!!

[Starlite]

1) No stemo generalizar, xe autisti memele e autisti no memele. So che i tram ga la precendenza per altri motivi. Ma, per mi, el serivizio pubblico, proprio perché tale, dovessi gaver la precedenza, da codice dela strada. Certo che el codice attuale xe quel che xe e va rispetado.

2) Gavemo apena dito che el codice va rispetado, quindi xe giustisimo darghe la multa a tuti quei che no lo rispeta. Che dopo se fazi multe quando no iera violazion de codice quel xe un altro per de manighe.

Ma se xe un divieto de sosta, o un divieto de fermata, la multa DEVI eser fata. No xe che la mancanza de postegi xe una scusa.

I postegi xe quei che xe. Trieste xe picia e no xe ssai spazio purtropo.

Inoltre i posti xe ancora de meno perche' la gente che podesi benissimo far a meno de l'auto non lo fa. E tornemo al circolo vizioso.....

Basta per ogi vado spavar

[tuxav]

1) de nisuna parte i autobus ga la preceenza, xche a ts dovesi gaverla? nononono asolutamente no. xe un servizio pubblico ma su strade apunto publiche ... se i autobus gavesi sempre la precedenza saria pezo xche tuti coreria come mati x no darghela e saria solo che scioke.

2) teoricamente te ga ragion ti, praticamente no x tuta una serie de motivi. bisogna trovar la soluzion de mezo che vadi ben a tuti. Se i urbani rompi tropo la gente no va in centro e va a comprar fora trieste, i negozi se lamenta, sera, casin. Nisun disi che va ben la soluzion de no dar le multe ma xe el minor tra i mali. Fin che no i fa postegi

uf

[Golfoblu]

cari tuti.....no centro...ma entro...solo per far un poco de polemica e far do ridade.........se fussi mi seravo tuto el centro ( dopo podemo definir sto quadrilatero ) ale machine e lassavo solo mezi publici...senza dover domandarghe niente a nissun. Me fa de rider, za dito altre volte....che ve scalmane' per una cita' con quatro vie (fazo per modo de dir e senza pegiorativo), dove se pol caminar in diversi loghi a pie, in bici o in motorin.......machine....no, nicht, non, não........!!!!! Se i vigili no multa come devi...in canon chi li comanda...!!!

Fabio

.........che abita in una cità dove ogni giorno xe' el trafico intasa' per 80 / 160 km..

[tuxav]

... ciao!

se nela tua grande cita' te gavesi queste amministrazioni comunali penso che te saria za scampa' de la :D

ciau ciauU!

[yko]

Quel de serar el centro ale machine che più

inquina xe 'n vecio trucheto zà usado dale

passade aministrazioni ( ve ricordè la storia

dela marmita catalitica e dela cità divisa per

zone? (giunta Illy)

Nissun politico in carica va più in là de questi

finti provedimenti..."finti" perchè xe solo fumo

nei oci ...i devi pur far veder " che qualcossa i fa"(??)

Me dispiasi per tuxav, ma Trieste xe 'na camera a gas,

se rispira smir, se vivi mal e se crepa presto.

Lassè casa la machina, do passi e anche el vostro culeto

ve ringrazierà,... do eti in meno...buta via!?

[tuxav]

bah inutile... mi no go dito de usar la machina e no serar el centro ma prima fe dei autobus che funzioni. Che ts sia una camera a gas xe una cavolada se confontada con altre cita' xche se i misura el gas fora dela galeria de p.za goldoni o davanti la feriera....

e cmq, ripeto, serar fin le 19 vol dir parlar a vanvera. tuti quei che ogni giorni va fora ts o lavora non in centro dove no riva autobus, cosa dovesi far? girar come trottole 2 ore? o dirghe al tuo dator de lavor che te paghi 2 ore de straordinario xche el comun no te lasa 'ndar casa? ma per favor..

[Starlite]

Alora... a parte che sta discusion sta diventando un dopion de quela sula chiusura de Corso Italia, in cui anche la gavemo parlade dela tematica de inquinamento, trafico, chiusura, pedonalizzazion ecc ecc

No semo in due che gavemo dito proprio la stesa roba, ga tuti un poco ragion per diverse robe.

Ma esisti la soluzion, almeno secondo mi, per tuti i problemi che xe vignudi fora.

Tuto sta nele man dei aministratori de far el loro lavor ben.

Pero' xe alcuni punti che xe, secondo mi, imperativi.

El codice dela strada esisti e va fato rispetar, e per farlo rispetar, sicome tuti quei che ga la patente, e non solo (dal momento che xe legge dello Stato), devi conoserlo, xe giusto che se lo infrangi i paghi le conseguenze previste. Ma tutti e sempre!

La circolazion in centro città devi esser ridotta el minimo indispensabile, come?

Crear postegi in centro per i residenti prima de tuto, crear postegi periferici che possi eser usadi da chi riva dala periferia e ga de andar in centro cusì che posi lasar l'auto la e andar in centro col mezo publico. No steme dir che chi lavora in centro devi per forza andarghe co l'auto no? Nel bon 80% dei casi credo che no sia necesario (a partir dal sindaco!)

Se te ga de comprar qualcosa de ingombrante, tipo che so, el televisor i negozi te lo podesi mandar casa, cusi' no ocori che te vadi con l'auto davanti el negozio, o perlomeno prima te decidi de compralo e dopo te passi de la con l'auto esclusivamente per carigartelo (no penso che ghe vol piu' de due minuti) postegiando per 5 minuti in un pochi de posti che sia riservadi per carigo-scarigo anche dei privati clienti dei negozi.

Ma un che sta in città e ga de andar in città, che so... da San Giovanni a Campo Marzio.... CHE CIAPI EL BUS (la 9 )! (A meno de problemi de salute).

Infine... no steme piu' dir che el bus no funziona....

xe sempre quel circolo vizioso.... che lo ripeto qua....

Se meno machine gira in cità

i bus va piu' veloci

se va piu' veloci completa el giro piu' rapidi

e riva far piu' corse senza dover aumentar el numero de bus in circolazion

Limitarse a far corsie preferenziali non xe una soluzion. Se te fa corsie preferenziali te porti via spazio ale auto private che no diminuisi in numero e le se intasa de piu' perche' le ga meno spazio.

Che dopo xe anche de modificar percorsi quel xe un altro per de manighe.

E ancora una roba...

A Trieste l'inquinamento xe! No me interessa cos che xe nasi a Milan o Roma.. quel che se rangi lori... me interessa al momento quel che xe qua a Trieste.

Semo cità picia e l'inquinamento, in proporzion oviamente, mi credo che sia el steso che xe nele grandi cità o se no de piu' in certi casi.

Oviamente de mezo xe le aministrazioni, cioè la politica.. e alora tuto el discorso fato savè che va a farse benedir....

No resta altro che

[iaga]

..bisogna trovar la soluzion de mezo che vadi ben a tuti. Se i urbani rompi tropo la gente no va in centro e va a comprar fora trieste, i negozi se lamenta, sera, casin. Nisun disi che va ben la soluzion de no dar le multe ma xe el minor tra i mali...

Ma scusa.. stemo scherzando? e dopo se se lamenta quando un copa 100 persone e dopo 2 anni el xè fora. (forsi qua el discorso pol esser diverso.. )

Le regole va rispettade in quanto tali. Te son in divieto de sosta? te ciapi la multa. no devi esser scusanti de nessun tipo. (se ciama infatti REGOLE, NORME)

[tuxav]

alora.. MI no go dito che se son in torno no devo pagar!!! No go dito che le regole non va rispetade!!!! Mi go ciapa' due multe x divieto de sosta, le go pagade e po bon. no go ne protesta ne niente. i vigili ga fato el suo lavor. Ma da qua a dir che ogni infrazion che i vedi i devi multarla e che i devi eser come falchi sui automobilisti no!!!!

Digo solo che secondo mi vista la mancanza de postegi xe noramle e giusto che i vigili non daghi la multa a tutti ma gabi una certa 'tolleranza' che guarda caso aumenta proprio soto le feste. Basta discorsi ipocriti .... chi no ga mai meso un auto in divieto, no ga mai supera' un limite o no ga fato altre infrazioni?

E po ancora (ultima prometo ) .. l'inquinamento a TS xe ma niente confrontto le altre grandi citta'... va sicuramente fato qualcosa ma questo qualcosa no xe serar el centro alla bona inventandose regole strane solo xche chi le ga pensade magari la sera prima se ga impetesa' uff

E po + corsie per i autobus, postegi per residenti e non in centro e anche in periferia..

basta

ecchecavolo

[saretta]

Mi digo la mia..... per mi xè tanot fumo e niente arrosto! L'inquinamanto xè e xè sempre sta dapetuto, ma me chiedo se dopo che i chiudi el centro per due giorni, dopo cosa i ga capi? che per due gg se respira e dopo se torna come prima!

I vigili x mi xè ..come dir inutili in parecchie sistuazioni, per non dir ingombranti anche..... gave mai nota che dove non funzia un semaforo, se xè el vigile xè più casin che altro?! Non per niente....DOVE Xè URBAN Xè INGOR! (dove xè el vigile xè l'ingorgo)

Bon cmq.....traffico inquinamento..ppupoli..bus...precedenze o no, lasemoli che i parli, tanto non xè mai cambia niente

[Tirabaralla]

Salve...mi vivo in una cità dove ormai tuto el centro (che xè più grande de quel de Trieste) xè sempre chiuso ai non residenti e dove de autunno o de inverno, a seconda de le alerte, gavemo giorni de chiusura al trafico non catalizado o giorni de targhe alterne.

Premeto che go patente ma non guido e quindi son probabilmente de parte...ma par mi xè sacrosanto chiuder al trafico quando l'aria divien irespirabile. Xè questione de salude..e davanti alla salude dei polmoni no me frega niente se i automobilisti ga disagi.

Tra l'altro el centro xè moltomolto più bel senza auti e motorini, naturalmente.

Quel che inveze xè un problema che "stranamente" l'aministrazion no risolvi nianka qua xè quel dei mezi publici...pochi, solo fin le 23/24, afoladi, poche corsie apposite, quasi sempre una corsa sì e una no...col rsultado che la gente usa la machina fin dove che la riva e se crea trafico enorme sui viali di circonvallazione. No ve digo, inoltre, cosa costa i parcheggi (no steve a lamentar de Trieste, i costa la metà).

Insomma chiuder va ben, ztl va ben...ma ghe volessi mooooooolti più bus (magari tram), un biglietto che no costi 1 euro ( ), parcheggi gratuiti o a poco ai confini del centro e de la cità. Inveze...xè sta chiuso el centro senza fare "bonifiche" in tal senso...E gavemo un GRAN casin, per i automobilisti, per i veceti che no riva a moverse, per i pedoni...per tuti.

[Starlite]

(magari tram)

[OT] Ma la de ti el tram sta per tornar poi si va alle hascine 'n tram [fine OT]

[Tirabaralla]

Sì, ma sarà una linea pituttosto periferica. E siamo ancora in alto mare...ed è un discorso un po' lunghino e diverso...Ecco, in quel caso è proprio una cavolata metterci un tram, secondo me. Ma è un discorso lungo e OT

[Starlite]

Semo ale solite... i fa piani, pianini, pianoni, pianettini e dopo....

i ciol accordi, i firma protocolli...

tuti bei soridenti, se strenzi la man...

i scrivi sul Picolo,

e ala fine... no i fa un tubo, e i ne ciol in giro... e i se fa cior in giro...

dal momento che xe lori i primi a non rispettar le stesse regole che i se da lori...

VERGOGNOSO....

e perché pò? Perché ogi xe cominciadi i saldi... e alora... i botegheri comanda...

Insoma... ieri e ogi xe ben che sforadi i limiti de inquinamento, e i gavesi dovudo serar el centro doman pomerigio... ma inveze no...

[SandroWeb]

Tanto per cambiar i xe coerenti con quel che i disi...

(OT)In compenso Roby ga deciso de tenir la pista de patinagio fino a Martedi grasso (so che no centra un clinz col discorso, però lo go pena sentido )

(/OT)

[yko]

Insoma... ieri e ogi xe ben che sforadi i limiti de inquinamento, e i gavesi dovudo serar el centro doman pomerigio... ma inveze no...

La mia sorpresa xe sentirte sorpreso.

Te se 'spetavi coerenza?

[Starlite]

yko come sempre le tue risposte xe grandiose

purtropo te ga ragion... niente de novo

[SandroWeb]

El sindaco, andando contro el suo assessor comunale all'ambiente, ga deciso che el Centro non verrà chiuso, visto che a suo modo de veder xe tutta colpa della ferriera de servola e non del traffico dei ultimi giorni.....

.....se lo disi lui