Sotto la gonna niente?

[basketteam]

Mi sempre... no ve digo cossa però

ovviamente no posso che quotar el mio cavalier... che ben sa che anche mi sempre... :lol: indovinè :P

[Bonovox767]

Non mi sembra una buona idea non mettere nulla sotto i pantaloni...non solo per l'igiene...

[Stefano79]

Mamma mia, no voio nianche pensar all'eventualità de questo filmato

[danielita]

El filmato xè agghiacciante...

Un mio amico che zogava balòn ghe xè capità de tornàr in spogliatoio dopo l'alenamento e de no trovàr più le mudande che gavèva impicà sul ganzètto del apendìn. Vardandose intorno el se ga acorto che se le gavèva messe per sbaglio (me auguro) un suo compagno de squadra, noto per esser leggermente refrattario all'acqua. No ga avù el coragio de domandarghele indrìo, cussì el xè tornà a casa senza. Solo che iera pièn genaio, verso le dieci de sera, temperatura che se avvicinava ai -5°C e lui iera in braghe de tuta, senza mudande e... in motorìn! Cò el xè rivà a casa, sul gioielo gavèva la scrita "Findus".

Nianca dir che el se ga fato anche lui dò setimane de antiinfiamatori!

Andè, andè in giro a far i omini sexy senza mudande, e vedè cossa che ve càpita!

[cassoggi.npc]

nò gò vota, però ... a proposito dell'indumento me xe vignu in nà mente sta storiela:

.. la moglie, porta dal dotor, el marì che nol iera mai 'ndado anca perchè i stava in campagna.. lontan dala cità;

lo porta perchè el gà ciapà un tiro in testa lavorando in campagna e nol senti più tanto ben:

- bongiorno Dotor, semo vignudi quà, perche mio marì nol stà tanto ben-

el dotor, li varda e .. el ghe disi ala baba:

- siora, quanto tempo che nò la vedo, quando iera l'ultima volta chè là iera de mi?-

la baba ghe disi:

-sior dotor, me ricordo che stavo per sposarme, cò iero vegnuda da lei-

dot: - orpo, xe pasadi ani 'lora, come la stà?

la baba: -ma..... mi bastanza ben, però mio marì nò tanto; ultimamente el tira numeri, e desso che el gà ciapà sto tiro in testa sul sarieser, no senti più un klinz!-.

dot: -bon, siora, altre robe tuto ben spero, gavè fioi, magnè ben spero stando in campagna..... (solite domande)

la baba: -no dotor, no gavemo fioi purtropo, xe ani che provemo ma no xe vegnudo nisun fio! (sig!), per magnar, la sà, no ghe manca niente; gavemo l'orto, le bestie.... tuto quel che volemo-.

dot: -l'ora, siora, desso visiterò suo marì, pero la me devi iutar, me par che el sia sai difidente; se nol capisi qualcosa, la ghe fazi capir lei-.

...a stò punto el dotor el và dal marì e lo guarda fazendoghe segno che el se spòi; lui se spoia e el se meti sul letin.

dot: zigando el ghè disi - la me conti dove ghè fa mal -

el mato, varda la moglie e ghe disi: - cosa el me gà domandà?-.

la moglie lo varda e ghe ziga: -dove tè diol Toni? mostrighe dove te diol!-.

el mato, vardando el dotor ghe fa segno co la man.... -me fa mal quà, quà, quà .... dopo quà....

a stò punto el dotor ghe urla: -basta cussì, gò capì. dovemo far un poche de analisi, cominciando con quele del sangue, delle urine, dele feci e za che semo femo anche quele del liquido seminale-.

el mato, non sentindo niente, el varda la moglie el ghè domanda: -cosa el gà dito el dotor?-

la moglie, la ghe vicina ale recie e la ghè urla: -EL GA' DITO CHE TE DEVI LASSAR QUA LE MUDANDE!-

[arska]

hahaha

[dido76]

no gavendo el kilt,ahimè, go votado nela parte baba che no son baba

nela parte omo, go vota che me xè capita per caso