Incendio De Longhi

[Malto]

Mi no voleria far l'avvocato del diavolo però me ga colpido parecchio sta storia dell'incendio della De Longhi in cui xe andado COMPLETAMENTE distrutto lo stabilimento de Treviso, che dava lavor a 800 dipendenti.

Allora, immagino saverè che la De Longhi ga spostado gran parte della sua produzion in Cina...

e adesso riva sto incendio. Mi piuttosto semplicisticamente posso concluder che el signor De Longhi ga pensado:

1) Sposto la produzion in Cina che me costa meno

2) Distruggo el mio stabilimento de Treviso cussì posso incassar l'assicurazion e continuar a produrre (tanto go i stabilimenti in Cina), e me sbarazzo de 800 dipendenti italiani (che costa un casin) che go sul groppone...

fossi vero, saria roba da carcere a vita...

cossa ne pensè??

[davidin]

eh eh...mi no savevo che i gaveva sposta la produzion in cina...però go senti che i dipendenti xe messi in cassa integrazion per momento...e che per momemto non i ga ancora accertado le cause dell'incendio...

deso collegando le robe penso proprio che el signor de longhi gabbi avudo una bella trovada...

col rischio de inquinar con gas strani de climatizzatori/frigoriferi la zona...che genio il signor de longhi...

[_titti_]

cossa ne pensè??

Che il signor de longhi podessi denunciarte per diffamazion...

Bu, non so..vedemo cossa i disi sulle cause..

[Codax]

Disemo che se vignissi fora che xe stado tt voludo, non saria la prima volta che succedi robe del genere. Anche se el xe sta verametne sgajo, non i troverà la vera causa, i la reputera un incidente e po bon

[polpetta]

per dir una... i ga appena dito ai tg che xe successo un altro incidente in un'altra fabbrica..

[Stefano79]

Mamma mia che sospetti cattivi che te ga, Malto

No so cosa dir, podesi anche esser, ma el rischio de farse becar xe grande...

[trert]

disemo che se lo ga fato come ter disi ti xe un criminale de prim'ordine con tuta quela diossina che xe ndada per le sue.. per no parlar dei posti de lavoro e el pericolo del fogo..

cmq no so. pol esser, ma bisogna spetar un poco..

[tuxav]

me par de gaver senti che i ga intenzion de rimeter a posto e riaprir nel piu breve tempo posibile.....

boh!

[Codax]

me par de gaver senti che i ga intenzion de rimeter a posto e riaprir nel piu breve tempo posibile.....

boh!

E allora vol dir che gaveva gli impianti veci e voleva rifarse tt novo con i soldi dell'assicurazion

Ovviamente spero propio non sia questo el caso, altrimenti xe de preoccuparse...

[Ghost]

Sarebbe una truffa molto comune.

Ma non mi pare ci siano prove che sostengano il dolo dell'incendio.

[arska]

sona sospetto el fato che sia stado completamente distruto. Fa pensar sicuro al dolo.. ma penso che sior De Longhi dovessi eser sai poco furbo a darse fogo al azienda, anche perchè xe ovio che i primi sospeti caschi proprio là, vista la situazion.

vedaremo se xe sviluppi, ah

[merlodegraia]

io avevo un attività assicurata e prima di risarcire devi dimostrare con fatture e documenti alla mano tutto ciò che conteneva il capannone,credo che nessuno riesca ad ottenere il risarcimento giusto in casi come questo.

l incendio è anche un ottimo modo per rimettere le cose sbagliate a posto....dichiarare perdite ecc ecc....

certo che vien da pensar male,ma fino a prova contraria nessuno è colpevole.

vedremo se e quando riapre.....

800 dipendenti sono tanti...speriamo ben per loro

[_titti_]

Una riflession che me xè vegnuda..! Se qualchedun lo ga fatto apposta de brusar la fabbrica..no iera meio farlo de notte? Rischiar de far vittime de giorno no xè una roba sai furba...