Hohe Tauern

[tinuviel]

Eh sì... stavolta ghe go messo ben una settimana per far el resoconto dell'ultima gita della premiata coppia Tuxav Tinuviel

Data la miseria delle mie ferie se gavemo dovudo accontentar de tre giorni e mezzo, pochi, ma utilissimi per ricaricar le batterie

Partenza al giovedì pomeriggio... arrivo a Mallnitz, Parco Nazionale degli Alti Tauri, nel tardo pomeriggio.

Giusto in tempo per portar la roba in pension (sai cocola e con una stanza bella grande) e far una piccola passeggiata al lago Stappitzer, valle del Seebach.

Shot with Canon PowerShot A710 IS at 2007-08-12

Posto molto tranquillo, anche vista l'ora... oltre noi... una vecetta sentada su una panchina, le mucchine che pascolava su un pendio e un per de germani nel lago

Pecà per el tempo che ga peggiorà, dopo un'ottima cena voleimo far una passeggiata ma xè vegnudo un temporal e se gavemo rintanado

El giorno dopo, dato el tempo inclemente, gavemo messo l'auto sul treno e semo andadi a Zell am See, una piacevole cittadina a Nord Ovest, bella ma piuttosto turistica (stemo ancora cercando de capir perchè xè la meta preferida dai mussulmani... xè pien là ).

No ve meto foto perchè go preferido far shopping

Pomeriggio semo andai sulla strada del Grossglockner. Pecà per el tempo, dopo poche centinaia de metri de salita (attenzion: la strada xè a pagamento, ma deghe un'ociada al link e capirè perchè!) semo incorsi in un bel nebbion che no se vedeva niente

pecà!

questo xè el minimo... ma ierimo za in discesa dall'altra parte...

però semo rivadi là della Quota Imperatore Franz Josef (el giovine imperatore se ga fatto una bella scaladina a 24 anni... ovviamente... no iera sta strada che i la ga cominciada a costruir nei anni 30) e da là qualcosa se vedeva...

questo xè el Pasterzee, el ghiacciaio sotto el Grossglockner (in alto, se lo intravedi tra le nuvole).

El triste xè veder quanto el xè diminuido in un solo secolo decine de metri

[tinuviel]

Finalmente el giorno dopo el tempo ga migliorà, cussì gavemo rivado far una bella camminada

devo dir che no iero molto in forma e una mezz'oretta in più delle tre ore previste ghe gavemo messo colpa mia

Partindo nella valle del Doesen (a 1448 m), sempre vicina a Mallnitz, gevemo ciapà un sentier, che per un'oretta andava su piuttosto tranquillamente... tanto che ai bordi se trovava questi amici...

xè el periodo del pascolo, e te trovi mucche dappertutto in Carinzia

Poi el sentiero comincia a inerpicarse in mezzo al bosco, nel prender fià go fatto sta foto qua...

dopo un'altra oretta se arriva in un'altra valle, sempre in alto, però...

la roba più cocola xè che el sentier xè pien de mirtilli

e mentre qualchedun se scadenava con le foto a cascate e ruscelli mi me son messa a magnarli

qua xè Tuxav prima dell'arrivo nella valle, el porton xè per le pecore (o le mucche )

poi el sentier se inerpica de novo, stavolta tra le rocce (adoro le mie racchette e anche el mio zaino novo dove posso metter tre majoni che lassù fa freddo ).

questo xè el tratto finale...

e questo xè el rifugio "arthur von Schmid" (2270 m)dove se magna benissimo, no i ga patatine ("perchè no xè mica McDonald" , la birra xè solo grande e la porzion de dolce xè doppia )

ma el personaggio più cocolo xè sta cavallina, la gente ghe porta su dall'altra valle borse de erba... che ela scova e svoda

[tinuviel]

la roba bella della strada del Grossglockner xè che te pol tornar un'altra volta durante l'anno e spender solo 4 euro

cussì dopo la camminada semo tornadi sul Grossglockner, finalmente podendo veder el panorama

Una nota: la temperatura iera sui 5 gradi, mi iero in:

manighe corte, felpa, maja de lana, pile de Tuxav... e dopo aver fatto la foto che volevo scampavo in auto

Tuxav iera in manighe corte e kway e fazeva tranquillamente quel che el doveva .... giudichè voi chi xè el meno normale :D

lasso al Maestro el compito de metter altre... mi gavevo troppo freddo per sforzarme :D

ah, ottima cena in un rifugio... l'unica roba che me ga lassà perplessa xè che i vendi latte de marmotta a 7 euro alla bottiglietta de 200 cc... se qualchedun me spiega come cavolo i fa a ottegnirlo... xè el benvenuto

domenica gavemo fatto un'altra camminada, meno impegnativa come percorso ma non tanto meno lunga.

Partindo da 1700 se segui la vecchia strada romana (ah, nota storica: i romani iera i soliti sgai, i xè andai nei Tauri perchè iera carighi de oro ), che sali abbastanza dolcemente nella valle del Tauern... pecà solo l'ultima oretta che iera parecchio ripida, altrochè sentier

el rifugio iera oltre el monte alla destra del nevaio.

se intravedi el sentier...

e qua un per de panorami dal rifugio, son rivada con la lingua a penzoloni (iera sai più caldo del giorno prima... ma comunque in felpa, almeno all'andata )

al ritorno gavemo taiado un po' per i campi e gavemo incontrado un per de marmottine... ma no son rivada a fotografarle

ancora un immagine del sentier...

PS me scuso se un per de foto xè... ehm... un po' strane ... ma qualchedun me ga convinto a pastrocciarghe con photoshop e mi no gavevo voja de rifar tutto da capo (le altre xè originali )

Quasi quasi me trasferiso in un rifugio...

[SandroWeb]

Acciderboli, per certi tratti assomiglia al Simplon Pass...figo

[babatriestina]

che bel, muli, me gavè fato vegnir voia de andar in montagna! anche se mi me piasi de più co xe bele rocce bianche vizin

[trert]

grande marina :D

quela del caval xe tropa roba!!!!

però el ciel shoppado no se pol veder

me piasi anche tanto quela della strada per el grossknokler de 5°C

[mula alabardata]

mi la gran parte delle foto non le rivo veder...

ora si! .. belle, bel giretto! ma mi no gavesi camina cusi tanto!

e po manca la neve x far valangaaaa!!

Edited August 12, 2007 by mula alabardata

[tinuviel]

ora si! .. belle, bel giretto! ma mi no gavesi camina cusi tanto!

e po manca la neve x far valangaaaa!!

immagino

te gavemo pensado... e te go ripensado de più a 5 °C sul Grossglockner

@Piero: lo so ma no xè colpa mia! Mi go dito che no se pol insegnar ps via msn e dopo due ore sulla stessa foto son scapotada

[tuxav]

Grande TInuviel!!!!!!!!!!!!!!! :D :D

sai sai bele ! quela del Grossglockner con le nuvole me piasi una cifra veramente e anche quela coi riflesi de luce, come quele de Doesental e de Hagenerhuette

peca' solo x i ciei ritocai con ps, ma son sicuro che te riprovera' e po vedendo le diapositive.. eh.. la zata xe quindi merita perderghe tempo con ps

Devo proprio dir che Tinuviel xe stada proprio brava xche in due gg se gavemo fato due caminade de 800m de dislivel l'una in tempi ottimi che no xe afato mal ! fermandose anche qche minuto a far foto o bever acqua ...

e po cosa xe de piu bel dopo una caminada, rivar in un posto fresco, gaver fame e sede e butarse in rifugio a bever una birra (che i te porta subito come bevanda de soccorso apena i te vedi) e magnar un kaiserschmarren ?!?!?! :D :D e po dopo un grappin se torna zo piu velocemente :D

Devo dir che sul Grossglockner un poco de frescheto iera, forsi anche perche iero in braghe curte e fermarse a far foto col cavaleto un poca de arieta rivava pero meritava asolutamente

Presto rivera anche le mie

[tinuviel]

peca' solo x i ciei ritocai con ps, ma son sicuro che te riprovera' e po vedendo le diapositive.. eh.. la zata xe quindi merita perderghe tempo con ps

uffa!!!! Me dispiasi, perchè le diapo veramente xè figone, ma scannerizzade perdi tantissimo ma no go nè zata nè pazienza per giogarme con ps

[arska]

al solito, beei posti. E un due/tre foto xe si sai cocole (pecä per l+ultimo controluce, che ga un poca tropa luce )

cmq no go capido perchå che la strada xe a pagamento...

[tuxav]

@tinuviel: uff se saveremo dir.. qcosa spero se rivera far

@arlon: la strada del Grossglockner xe una strada panoramica, turistica de collegamento tra carinzia e salisburghese, riva fin a 2500 metri de altezza e per liberarla xe un lavoron (anche se adeso coi tritaghiaccio e spazza neve xe piu facile de una volta che i fazeva con la pala...) .. pensa che sto inverno che no iera neve a Kitzbuhel per la Streif i ga porta la neve da questa strada, coi elicoteri (no vojo imaginar quanto ga costa, ma cmq sicuro meno che anular la piu bella discesa libera dela coppa ) El biglietto costa tanto, 24 o 26 euro e val la pena farlo se te ghe sta tuto el giorno, te fa una escursion, caminada, e te se fermi la... noi gavemo anche magna ( una wienerschnitzel oviamente ) nel punto piu alto dove te rivi con l'auto e ale 7 de sera el spettacolo iera unico !!! e tornando indrio al tramonto iera altretanto bel... la strada xe verta dalle 5 alle 21.30 ma, i me ga conferma, se te se fermi su te pol tornar zo quando che te vol anche dopo le 2130 ve asicuro che merita farlo !!

el motivo x cui costa tanto credo sia perche cmq xe al interno de un parco nazionale e va tutelada la flora/fauna e evita che sia troppo traffico e rumor.. no xe l'unica strada quindi se no te vol spender te fa altre strade, o te va a pie

Per info: Grossglockner Hochalpenstrasse

[Malto]

Che figo!!! Bellissime foto anche se quele ritocade ga un sapor particolare... mi son scappottado per le amiche mucchine però! Le xe troppo cocole aaaaah che belle le Alpiiiiiiiiiiii :D

@AV: meno mal che i te vien a soccorrer con la birra, che xe un alimento completo che te ristabilissi l'equilibrio de sali minerali e proteine dopo la longa caminada

[arska]

El triste xè veder quanto el xè diminuido in un solo secolo

E mi che te fazevo piu' giovane... :D

Comunque, 24euro me par un tantin troppo, dai..!

[giuli]

e po cosa xe de piu bel dopo una caminada, rivar in un posto fresco, gaver fame e sede e butarse in rifugio a bever una birra (che i te porta subito come bevanda de soccorso apena i te vedi) e magnar un kaiserschmarren ?!?!?! :D :D e po dopo un grappin se torna zo piu velocemente :D

Fenomenale come sempre

-------

Complimenti per la gita,

Brava Marina per le foto

[Stefano79]

Sai bei posti! L'unica roba che no me piasi xe i 24 euro de tangente per andar su

Ma se un va a pìe i te lasa andar gratis o i te fa pagar lo stesso perchè te ghe consumi le striche bianche del margine con le pedule?

[tinuviel]

chissà perchè no capì i soldi per la strada

cioè... no xè una vera strada de collegamento, xè una strada panoramica fatta sopraattutto per un turismo "ecologico"... xè come entrar in un parco, solo che, invece che andar a pie, te va in auto...

dovè anche tegnir conto che NO la xè statale, la zona xè stada comprada da un privato e poi lasada per mantegnirla un'area protetta. E cussì xè fatto... se evita file de gnete che porteria solo inquinamento, per de là va le persone che ghe interessa, che ama la natura... e in quelle condizioni no xè facile mantegnirla cussì ben.

[MONTAG]

Bella passeggiata e belle foto. Complimenti muli!

Edited August 14, 2007 by MONTAG

[_titti_]

Che belle foto...e che bei posti...beati voiiiiiiiiiiii

[Stefano79]

chissà perchè no capì i soldi per la strada [...]

Disemo che me spaventa l'idea che vegni privatizzade anche le strade...e soprattutto che ghe vegni vendude a privati intere aree del demanio e che dopo i ghe lucri sora. Deso no go ben presente la strada, ma penso che se un ga de andar dall'altra parte gabi ben poche scelte, se non aggirar el monte fazendo no so quanti chilometri. No xe come privatizzar...che ne so...via Carducci, che se no voio pagar per ammirar la luminosa e piazza Oberdan, fazo el giro per le rive e rivo comunque Qua se tratta de ciapar un poco la gente per la gola imho.

Se prendi strada sto modo de far xe drammatico.....metti che voio farme una bella vacanza panoramica de un 10 giorni con 3-4 passi andar e altrettanti tornar.....cossa, go de lasarghe quasi 200 euro solo per le strade? Per mi semo fora completamente, spero che no prendi piede anche in Italia, senò me sa che rinuncerò alla montagna, a malincuor

[Renè]

[tuxav]

Disemo che me spaventa l'idea che vegni privatizzade anche le strade...e soprattutto che

...

no prendi piede anche in Italia, senò me sa che rinuncerò alla montagna, a malincuor

alora, no go ancora leto el libro dela strada ma da quel che me par go capi, la strada iera originariamente privata e poi xe stada ceduda al governo che la ga inserida al interno del parco nazionale dei alti tauri (magari tinuviel che ga leto pol coregerme )

Xe giustisimo far pagar i passi perche' la montagna va tutelada e no trasformada in "corso Italia". La montagna va vissuda a piedi e nisun te fara pagar per scalar el Grossglockner. Pero se te vol goderte i panorami senza far fadiga, inquinando e disturbando la fauna xe giusto che te paghi, diveresamente su quela strada saria una procesion de auto e no te gavesi spazio dove fermarte per goderte in silenzio el spettacolo.

Per atraversar i Tauri l'unica strada non a pagamento xe far Obertauern quindi se no te vol pagar te va de la

Edited August 23, 2007 by tuxav

[tinuviel]

assolutamente esatto [bellissimo el libretto che i te vendi all'entrata ]

el terren xè stado comprado da un privato me par nei anni 20, poi lui ga deciso de costruir la strada. Ovviamente, xè stadi anche degli investimenti statali, e questi xè stadi fatti soprattutto perchè se iera nei anni 30, dopo la crisi del '29 e dopo che l'Austria iera rimasta a un quinto (me par) del suo territorio anteguerra. Xè stado importante perchè ga creà tantissimi posti de lavor... el tipo che iera el proprietario, poi, ga deciso de lassar sta strada e i suoi terreni come eredità... ma ga voludo che restassi a pagamento proprio per evitar lo sfruttamento dell'area. Sa quanti alberghi naseria se te vendessi el terren difronte al Grossglockner?

e poi... xè un parco naturalistico... in tutti i zoo/parchi/aree protette te paghi per entrar... qua xè un "caso" che ghe sia una strada percorribile.

[Stefano79]

Pero se te vol goderte i panorami senza far fadiga, inquinando e disturbando la fauna xe giusto che te paghi, diveresamente su quela strada saria una procesion de auto e no te gavesi spazio dove fermarte per goderte in silenzio el spettacolo.

No condivido sto principio, anche se capiso el tuo punto de vista da amante della montagna

No condivido per 2 motivi principali. Prima de tutto xe el fatto che non tutti ghe interessa stazionar a lungo sul passo, ma magari i vol solo passar oltre perchè quela xe la strada più breve per raggiunger un parente/amico che magari abita a valle dall'altra parte. Quindi costringerli a farse magari 70 km in più no lo trovo giusto.

Secondo perchè el discorso "inquino, fazo casin=devo pagar", xe un'equazion che no sta in piedi No xe l'ecosistema a trar beneficio dai tui 25 euro, ma solo le tasche del paron de casa. I caprioli e le marmotte no xe interessade all'euro

No xe che el fatto de pagar rendi meno dannoso lo smog che vien fora dalla tua auto

Xe per questo che son contrario al fatto de dover pagar i permessi in generale, cusi come i permessi de pesca in Croazia...cosa, se pago allora le cernie e i dentai che ciapo (magari ) le se rigenera e no ghe fazo danni all'ambiente?

L'auto danneggia quel particolare ambiente? Ok, allora tutti a piedi (come le riserve marine dove no se pol navigar), ma dir che se pago son a posto con la coscienza lo trovo assurdo

[tinuviel]

i 25 euro aiuta tanto a mantegnir quel posto pulito e controllado... e soprattutto fa si che quella strada vien fatta da amanti della natura che se ferma a vardar/camminar/goder delle bellezze naturali del luogo.

sicuramente saria molto più traffico se no ghe fossi el pedaggio, quel xè un deterrente.

altra roba: l'Austria te fa pagar 7.40 euro per andar in tutta la sua autostrada per una settimana... xè solo certi tochi de strada che te li fa a pagamento specifico, qualche passo e qualche tunnel che ga bisogno de particolare manutenzion... quindi, no me par una cifra eccessiva, ribadendo che quella xè una strada per entrar in un parco naturale, no una strada de passaggio.