Cosa pensè dei Audiolibri ?

[polpetta]

penso che podessi esser una valida alternativa solo e digo SOLO in casi particolari.. cioe in cui non te ga la possibilita de tignir un libro in man..magari durante lavori manuali...

insomma .. se pol provar

ps. per chi pensa che sia una sostituzion completa al libro cartaceo digo che secondo mi non lo sostituira mai.. xe soltanto un alternativa.

che poi..anche mi conservo i libri che leggo e me piasi legger i libri cartacei..

Edited August 22, 2007 by polpetta

[tinuviel]

nuuuuu!!! non podessi pensar de scoltar un libro! secondo mi, l'unica utilità xè per i non vedenti che non ga alternative... no xè come scoltar musica, co te leggi te ga de esser concentrà, se no, te se perdi tutto el libro no dovessi esser bel solo per cosa racconta, ma per come lo racconta, per le scelte stilistiche e de linguaggio.

Almeno mi no rivassi esser concentrada scoltando come lo son leggendo.

[babatriestina]

anche mi lo vedo solo che un aiuto per quei che no pol legger per motovi de vista. Un libro se leggi, magari se salta un per de righe, se se distrai, se torna indrio un paragrafo, se se concentra su un punto, a volte se se sottolinea un passo o se se segna la pagina.. e vedevo su Amazon che molti audiolibri ga version scurtade del testo, perchè , almeno parlo per mi, la lettura va molto più svelta della recita a vose, e i deventassi tropo longhi de scoltar rispetto al leger.

E vederè che magari vegnerà fora un suo genere, magari cola musica de sottofondo..

[arska]

noooo in auto viagiando de notte xe t r o p a r o b a imho, oviamente.

ovio che no xe come un libro.. disemo che xe come una "fiaba". Comunque xe incredibile come che in italia rivi pena desso, quando nel resto del mondo esisti za da almeno 10anni... in realtá, bastassi che la RAI producesi i migliori serial dei ultimi änni, e saria za una quantitá de material immenso.

Cmq,per eser piacevoli i ga de eser decisamente de qualitä.

[Stefano79]

Penso de no averne mai ascoltado uno

Cusì su 2 piedi diria che pol esser comodo in certe situazioni, ma no gaverà mai el fascino del libro. El libro xe bel anche come oggetto, la carta...el profumo...insostituibile!

[cucciolina]

Penso de no averne mai ascoltado uno

Cusì su 2 piedi diria che pol esser comodo in certe situazioni, ma no gaverà mai el fascino del libro. El libro xe bel anche come oggetto, la carta...el profumo...insostituibile!

Come no quotar?

Ieri parlavo con la Polpetta de questo. No go mai ascoltado uno, ma credo che in certe situazioni possi far comodo. Chi che no vedi, chi che no ga tempo e che ga de far altro o magari in macchina come disi Arlon. Effettivamente la question della concentrazion ga el suo peso, ma secondo mi dipendi dall'audiolibro che te intendi scoltar

Volessi provar e veder che sensazioni me dà prima de giudicar

[Jazz]

Mi son favorevole: xe due robe diverse nel senso che leggendo, la storia te se la immagini ti...cussì te son più passivo. Però se i xe ben fatti xe carino...diventa come la storiella dei fioi, divertente

[tifone]

A prescindere che il libro e la sua lettura in genere xe insostituibile perchè te fa immaginar posti e situazioni che credo un audiolibro no te daghi,cmq penso sia utile per chi xe impegnado a far altro o come gavè dito tutti voi xe utilissimo per i non vedenti.L'audiolibro lo vedo molto meno impegnativo

[saretta]

a dir el vero non me piasi.... el libro ga de esser libro... xè bel leggerlo non scoltarlo!

[molly]

Come ga dito ialtri.... per non vedenti xe una bonissima idea... ma personalmente me piasi de più legger un libro che sentirmelo legger (come da bimba )... me piasi immaginarme el paesaggio, i personaggi, le scene ecc ecc... roba che co un leggi non rivo far

[Renè]

Quando legio una roba che me apasiona ssai, la sento in modo particolar..

..ma sti qua i me ga ciapà tropo ala letera!!

[Ghost]

Non può sostituire il libro, ma non penso sia una cosa così priva di valore.

Al di la del ovvio, non che originario scopo di far godere un libro anche a chi non vede in un modo più semplice del Brail o dei lettori OCR.

E del riduttivo "ascolto un libro mentre faccio altro".

Può anche avere un notevole valore aggiunto.

Per esempio si può ascoltare il libro in due, o più. La lettura collettiva intervallata da discussioni e una cosa molto stimolante.

Poi se viene letto da un buon lettore può avere un valore artistico, per esempio andare a letto e rilassarsi con Gassman che ti legge la divina commedia.

Oppure un valore di immedesimazione notevole nel caso siano recitati, con diversi lettori per le parti, ed i rumori di sottofondo (il clagore della battaglia, i passi dell assassino, il frusciare delle foglie) come se fosse un teatro. Magari potendo rallentare accelerare fermare la narrazione e lasciare solo il rumore di sottofondo.

Edited August 24, 2007 by Ghost

[polpetta]

go prova recentemente e xe veramente una bella cosa! perfin la mia collega ghe ga piasso sta idea

[ghigo1972]

mi de muleto go scoltado l'audiolibro "Il mastino dei Baskerville". el iera de mio nono che iera cieco (orbo, no boemo).

xe stado l'unica mia esperienza de audiolibri e devo dir che me ga sai piasso, l'ator che legeva iera bravissimo e gaveva una bela vose.

i audiolibri xe comodi x chi no vedi, ma xe cocoli per chiunque: se fa partir la storia e se se ficca soto le coverte, se distuda la luce e via.. se parti

[b-chris]

Go sentì un per de brani per radio e no xe mal.

No ga niente a che far con un libro, se te piasi legger no te ciolerà mai un audiolibro.

Però magari in macchina guidando , strada lunga, anzichè scoltar stazioni radio che no trasmetti niente de decente, ...

[trixie]

devo dir che per mio papà che non vedi

i xe una roba bellissima, lui che viveva

solo per legger con i audiolibri el xe rinato

l'unione ciechi ga una ricchissima biblioteca

e se riva trovar de tutto, per dir mia mamma

che non ga mai avù la passion de legger

adesso la scolta anche ela e la disi che ghe par

de tornar indrio quando la scoltava i sceneggiati

per radio co la iera giovine

mi avendo la fortuna de rivar a legger

apprezzo molto de più el libro