Jump to content

Concerto KISS 13/05 Arena Verona


molly

Recommended Posts

Seguirà foto per cui intanto apro il topic anche perchè son talmente entusiasta per el concerto de ieri che ve devo assolutamente render partecipi :D

xe sta davvero spettacolare... ga merita tutti i soldi che go speso.. e ne go speso tanti dato che go praticamente butta via due biglietti (che nessun ga accetta neanche in regalo e me ga pianto il cuor perchè el concerto meritava davvero)perchè me ga tocca prima comprar quei causa esauriti poltronissime ecc e poi all'ultimo momento inveze iera ancora un paio de disponibilità e me go fionda al ticket point :D

non solo per le canzoni belle e lori super bravi malgrado l'età ma anche perchè i xe capaci de coinvolger el pubblico con le loro gag, con il loro "far teatro", fazendo partecipar i fans in ogni momento alle canzoni, rivolgendose a noi in ogni stacco, per non parlar dei foghi d'artificio drio man (ma quanti i ne ga fatti???), dei foghi veri e propri, dei foghi d'artificio che usciva dalla chitarra, del momento in cui Paul Stanley ga distrutto la chitarra e il pubblico in delirio, degli effetti de luce e fumo, della miriade de carte che xe uscide dal palco e che ne ga letteralmente coverto, tantovero che per boni cinque minuti co go alza la testa el ciel non se vedeva più tanto iera coverto da ste cartine, che con l'effetto delle luci iera davvero bel

oltre lori che già con i loro costumi (ste zeppe altissime iera fantastiche :D) e make up i xe spettacolari, in più i se alterna sia per cantar che per sonar e a volte un e l'altro insieme.

Paul Stanley con i suoi acuti e il suo far sensuale, con i suoi continui atteggiamenti inerenti al sesso sempre ironici e spiritosi e le sue battude, el xe un grande

e Gene Simmons, l'uomo pippistrello co ga iniziar a spudar sangue finto (e fazeva impression de morir co le luci verdi lo ga illumina e se vedeva tutto sul super schermo) e poi co ga inizia a volar :D per poi rivar sul palco innalza dove ga inizia cantar - anche qua pubblico in delirio..

o poi co il palco dove iera la batteria ga inizia ad innalzarse, e illumina de luce verde, troppa roba.

e co i ga canta Rock & Roll All Night, con improvvisi foghi, fumo, effetto de luci e cartine che ne ga invaso, il pubblico ga inizia ballar e moverse a ritmo e cantar a squarciagola, fantastico :D

e verso la fine i ga fatto le canzoni vecie dell'album Dinasty, Love Gun e I was made loving you e anche qua pubblico in delirio che cantava a squarciagola, batteva le man a ritmo, ballava, troppo bel veder tanti fan come mi :D

per non parlar de quanti iera truccai de kiss e de un che se ga fatto el costume che gaveva Ace Frehley, quel tutto argentado, troppa roba

poi iero in 23A fila e se vedeva benissimo. i ga anche messo due schermi più pici sul fondo palco e due più grandi laterali e se vedeva davvero ben. vederè presto le foto per farve capir quanto nitide iera le immagini.

andasi rivederli anche a milano ma za la fadiga de tornar alle tre e sveiarme alle sette oggi me ga basta :D

i ga promesso ai loro fan che i tornerà presto in Italia, spero tanto i mantegni la promessa :D :D

un grazie particolare al mio sergione che xe sempre cussi cocolo de portarme veder i concerti dei gruppi a cui tegno, malgrado la fadiga che el fa ogni volta visto che ghe toca guidar lui.. però almeno ga ammesso che ga merita e ghe ga piasso :D:bacini:

ah si... ga dura 2 ore e 10 e ininterrotte, non i ga fatto pausa tranne quei soliti stacchi che i fa per lasar riposar i cantanti in cui i sona da soli prima il chitarrista e poi il batterista :D

L'Arena xe molto bella, veder da zo xe mille volte meio che veder da su in alto (gradinata non numerata), xe fatta anche ben perchè essendo in discesa se riva veder ben gli artisti.(anche se preferiso poder moverme senza gaver l'intrigo delle sedie ma non se pol gaver tutto :D) L'organizzazion tutta ben tranne el fatto che secondo mi non i dovesi vender alcolici prima dei concerti (e neanche dopo per evitar incidenti) perchè infatti ieri una ragazza evidentemente sotto l'effetto dell'alcool e stizzida perchè il bodyguard non la lasava andar più avanti ghe ga lancia la birra in schiena a sergione povero :(

Edited by molly
Link to comment
Share on other sites

Cosa se pol aggiunger?

Sull'emozion de veder un gruppo storico in un scenario maestoso come quel dell'Arena credo che no se posi dir altro. Disemo che no son proprio un "novellin" de concerti rock, ma quando se ga verto le luci e i ga tacà "Deuce" go provà un'emozion enorme!

Vederli ancora pimpanti, saltellanti e in gran forma me fa SAI piazer!

No credo de sbaiarme disendo che i ga passà la 60ina, per cui vederli fisicamente cusì alla grande ... BENE!

No rivo a capir come che i fa a star in equilibrio su quei tacchi da 15 cm! Mi me gaveria za spaccado 75 volte le caviglie (ma son sai sfigà ....).

Visto che de ste robe qua ga za parlà Molly in modo + che esaustivo, zonteremo 2 paroline sull'aspetto musicale! Iera la terza volta che vedevo i Kiss dopo el Monster of Rock de Modena 1988 (quando i ga sonà senza maschera!) e Milano 1999 (tour de Psycho Circus). Pur essendo totalmente soddisfatto della serata, devo sinceramente dir che la scaletta no me ga entusiasmado. La scelta xe stada quella de "promuover" l'album dal vivo Alive 1, per cui i ga fatto quasi tutti i tochi de quel album. Per intenderse tochi tratti dai primi 3 album in studio. Me par che iero l'unico a pensarla cusì, visto che fin dall'inizio ghe iera 10.000 pazzi nell'Arena che cantava tutte le canzoni.

Poi, nella seconda parte, i xe partidi con tutti i classici + famosi e la me son impizà de cagarse anche mi!

Nota stonata (e mai aggettivo xe stado usado meio) alcune cappelline del Signor Stanley che verso la fine xe sembrado parecchio in difficoltà .... ma KISSENEFREGA!!

Comunque complessivamente giudizio SUPER positivo! A rischio de ripeterme la forma fisica de sti mati xe stupefacente! Ancora + stupefacente veder un sessantenne che val svariate centinaia de migliaia de dollari (se non milionate) appollaiado sull'impianto luci a più de 20 metri de altezza a sonar el basso e cantar sputando sangue (finto) sulle prime file..... Gene Simmons xe unico!

Se tutto va ben doveria vederli anche in Spagna a un festival a Bilbao el 21 Giugno ... in quell'occasion doveria anche gaver i crediti per le foto .... quindi .....

Stavolta go un po' de foto fatte con la macchinetta de "ovo de Pasqua" perché gavevo paura che senza pass i me fazesi problemi per el canon. Poi me son reso conto che podevo portar dentro anche un bazooka ... fa niente.

El pubblico? Tantissimi col "face painting", tutti con le maiete e .... tante TANTISSIME famiglie!! Papà e Mamma, brizzolato e stempiato lui, sovrappeso lei, accompagnati dai figli che all'epoca de "Dynasty" no saltava neanche nei °° dei sui nonni. Bellissimo!!!

Un ultimo plauso all'organizazion. El fatto de no vener alcolici xe un'utopia! No i riva a bloccar la vendita prima delle partide, figuremose prima de un concerto rock. El servizio d'ordine iera gentilissimo, tutti te dava informazioni sui posti con un sorriso. Provè a confrontar con altri eventi organizadi dal "competitor italiano" della Barley Arts ..... Chi ha detto "Live"?

I xe addirittura rivadi a far allontanar da piazza Brà i venditori del fake merchandising (o maiete false, come se disi ....) che xe ormai una PIAGA dei concerti in Italia visto che i gruppi perdi un sacco de soldi a favore de sti falsari che vol magnar su una roba che no ghe appartien!

Se ve piasi sonorità un po' + metal ve consiglio questo festival, sempre organizzado dalla Barley Arts

http://www.rockinfield.com/

Edited by romanowar
Link to comment
Share on other sites

ah si me go dimentica de dir che per mi iera il primo concerto dei KISS che son nda veder... dopo anni de intrepida attesa.. iero arrivada a disperarme e pensar de dover ndar in America invece finalmente i xe tornai. grandi e spero che i torni presto per sentir altre canzoni cantade da lori.

mi essendo la prima volta me ga entusiasma anche la scaletta delle canzoni... tutte stupende ... seppur quelle dell'album Dinasty in cima a tutte :D... nb anche mi go nota che Paul ga stona un tantin.. ma come disi Romanowar KISS... ENEFREGA :p

riguardo l'alcool se proprio non i riva a bloccar le vendite fora almeno all'interno i dovesi distribuir solo analcolici :)

ah si oggi go riva scarigar le foto sul pc... a breve le metto qua... gavè però pazienza.. stago dormindo in pie.. se non rivo oggi doman le metto sicuro :D

Edited by molly
Link to comment
Share on other sites

  • 4 months later...

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Loading...
  • Recently Browsing   0 members

    No registered users viewing this page.

×
×
  • Create New...
×
Il Forum di Elsitodesandro
Home
Activities
Sign In

Sign In



Search
More
×