Fiori e piante a Trieste

[molly]

Dopo la question del verde a Trieste che xe vegnu fora sul topic de Piaza Venezia go pensa de verzer una discussion apposita per veder quanti del sito ga piante a casa o sul lavor .. o se semo tra tutti i triestini che odia el verde

mi go sia casa che sul lavor, no me piasi curarle più che altro per mancanza de tempo) ma fazo lo stesso però d'inverno me mori quasi tutto perchè dentro non posso tenir perchè per alcune piante xe tropo caldo (go riscaldamento centraliza) e fora xe sempre in batuda de bora :S e xe tropo freddo.. d'estate co xe bora se non le sposto le svola zo :S

infatti d'inverno ghe regalo sempre piante a mia zia che ga fatto del giardin condominiale una specie de vivaio, e d'inverno la proteggi le piante con una plastica trasparente.. tipo effetto serra però xe de dir che là de ela no batti el vento perchè xe ripara

sul lavor gavemo tante piante, alcune davvero belle e grandi (le cura per fortuna la donna delle pulizie ) (però devo dir che l'unica che curo mi che go sul davanzal.. un'azalea..me xe appena fiorida.. e me go stupido perchè in sti giorni iera freddo (no oggi che xe anche tropo caldo per esser ottobre :S)

voi cosa me disè?

ehm.. moderatori heeelp.. iera anche la prima domanda con le risposte si, no, altro .. perchè no xe vegnu?

Edited October 10, 2008 by SDS Staff

[SDS Staff]

ehm.. moderatori heeelp.. iera anche la prima domanda con le risposte si, no, altro .. perchè no xe vegnu?

Detto fatto

[babatriestina]

Casa e terrazza piena de piante!!

lavoro ormai son pensionata , comuqnque no me occupavo co lavoravo, perchè no arivavo a seguirle ben

Pollice verde? tanta passion, tanta attenzion e tanto studio de giardinaggio.. e e l pollice deventa verde.

l'importante xe no aver el.. pollice fermo!

sula terazza co xe bora la suffia assai forte, e me tocca ancorar tutto, però goi fatto cresse aposta dei cespugli per filtrar la bora. Po co el sol xe basso in inverno no xe più sol de novembre a febbraio, el che me cava le fioriture precoci de gennaio. Ma de febraio in avanti, xe sempre fiori! in casa le tegno el meno possibile, perchè vedo che le soffri un poco, anche perchè no go una serra fredda: o freddo fora ( la masimo una serretta de plastica che co iazza assai poco proteggi, o caldo dentro drio le lastre! anche la mia collezion de succulente, fora le soffri e dentro le fila un poco..

[molly]

grazie starlite.. però el mio voto xe vegnu sbaia me sa :S

e non posso rivotar :S

[zalzi]

rispondo no a tutto.

a malincuor devo ameter che son una de quei de cui parlava zithara.

in casa go solo un mazzo de rose de seda, tanto bele che le par vere. e le me dura da ben 8 anni!

[picia_tata]

Mi go le piante in corte e una che iera de mia mamma ma adesso la cura mio papà sul balcon .. e le cura mia nonna ( quel che la riva ) mi son proprio senza pollice verde.. e za che un posto de lavor non go .. rispondo che a scola mia non ge ne se piante ..

comunque non me piasi le piante in generale apparte i cactus !!

Edited October 10, 2008 by picia_tata

[danielita]

Me piasi de mati gavèr piante per casa, sopratuto se le xè bele cespugliose. Pecà che a mi personalmente me mori anca le piante de plastica... Per fortuna mio marì ga zata bruta e el se ocupa lui de tuto. Ogni tanto anca la gata la zerca de far el suo, sopratuto cò la se rabia con mi: la zapa cole onge dentro in tei vasi e la me fa veder che la ga fato giardinagio portando la tera per tuto el quartièr!

Però sul lavòr el mio capo ne ga messo una pianta per tirarne su de moràl e per darne speranza nel futuro: la pianta dela miseria! Oltre a gavèr un bruto nome, la xè proprio bruta ela! Un steco viola con dò foie in crose. I mii colèghi ga tentà de coparla in tute le maniere, ma 'sta qua la xè sempre in pièna!

Edited October 11, 2008 by danielita

[cucciolina]

grazie starlite.. però el mio voto xe vegnu sbaia me sa :S

e non posso rivotar :S

No Starlite...Cucc xe stada a modificar Cmq no so perchè el tuo voto sia venudo sballado

Mi me dimentico de curar le piante sia a casa che in ufficio quindi le me mori tutte de solito

[trixie]

me piasi tantissimo veder balconi fioriti (tipo in Austria con i geranei che coverzi tutta la ringhiera)

ma con tutto l'impegno che ghe metto me capita gerani stitici una disperazion

[Damia]

alora...in casa no, perchè co' i miei gati...restasi solo che la terra....

E le piante in vaso...onestamente mi me dimentico de lore...

[arska]

no go piante, che no go voia de ciaparme la responsabilità de farle viver :-S

[b-chris]

Go alcune piante, anche seminade da zero , ma me ne xe morte anche parecchie.Dovunque le metessi le se seccava o marziva, no go sai pollice verde

[dez]

Me piasi fiori e piante anche se el problema xè che le gà bisogno de tante cure ... gò a casa, non ancora in ufficio ma conto de portarle a breve

[fra_fre]

mi si me piasi tantissimo le piante e i fiori. a casa ne go un bel pò...e me ciapo cura solo che mi, fossi x mia sorella...... e ciaparme cura no me costa nessun tipo de fadiga!

[Renè]

Ricordo che ala visita de leva, sul test psicologico ala domanda "Ti piacciono i fiori?", mi gavevo risposto "No!"..

..poco più vanti sempre in tel stesso test, ala domanda "Quale di questi mestieri vorresti imparare?", tra le varie opzioni gavevo scelto "Fioraio!!"

Sucesivamente i me ga ciamà in stanza del psicologo militar e el mato me fa: "Ma scusi, lei prima scrive sul test che non le piacciono i fiori..e poi poco più avanti dice che vorrebbe imparare il mestiere del fioraio..mi spieghi."

Alora mi go risposto senza esitazioni: "Xè vero.. no me piasi i fiori..però in mancanza de lavor, anca el fioraio pol tornar utile..se i zerca un fioraio, se no xè altro fazo quel!! Ciamime mona.."

Dopo sta mia risposta, el psicologo militar xè ndà soto analisi per dò giorni!

[arska]

mi ghe vedo una logica inopugnabile

[zalzi]

anche un mio conoscente ga risposto nela stesa identica maniera. solo che lui gaveva anche una camisa a fiori bei grandi. nianche dir: manda' dal psicologo anche lui.

[Starlite]

Dirò solo che a mi me mori anche le piante grasse

[basketteam]

go 4 piante a casa da circa 1 anno e le sopravvivi ancora nonostante le mie scarse attenzioni...

sul lavor gavemo una pianta che dopo che i veci capiturno a uno a uno xe andai in pension la xe stada abbandonada a sè stessa... povera...

[molly]

per el momento (contando el mio voto che non xe ) semo in maggioranza quei che ga piante e fiori (solo de un purtroppo).. vedemo se rispondi altri..

comunque dove abito mi devo dir che xe un casin de balconi con piante ancora belle fiorite alle finestre (merito anche del caldo de sti giorni) e de piante in terrazza e in giardin.

[_titti_]

gò piante a casa, ma no me piasi curarle...infatti le compre e cura tutte mia mamma

[dido76]

gò piante a casa, ma no me piasi curarle...infatti le compre e cura tutte mia mamma

e quindi no te ga piante :P