Grazie. Per mi xe robe indimenticabili, co' mio papà me portava al Grezar, el programma de la partida sul foglieto lucido col disegno del campo bel verde e le formazioni stampade sora, i annunci publicitari de cui me ricordo sempre "La sveglia che ti sveglia è la sveglia Cavallar", el campo un poco lontan per via de la pista de atletica, e ovviamente i zogadori con la nostra mitica maia rossa e braghete bianche (a proposito spero che no'i li metti ancora co la divisa tutta rossa, per mi la Triestina ga de esser rosso-bianco-rossa, o al limite calzettoni neri, che xe un poco strani ma comunque saria divisa storica). La mia prima formazion xe stada: Bartolini Cei Prevedini Fontana Schiraldi Mascheroni Quadrelli Politti Panozzo Franca Lenarduzzi, allenador Tagliavini (e chi se la dimentica), bonissimo campionato senza promozion, che comunque riverà qualche anno dopo.
Ma 'desso basta amarcord, che gavemo un bel presente, con possibilità de far qualcosa de grande. No digo altro... a parte Forza Unione