forazogo

se narra comunque che Preziosi el vol regalarghe al fio Fabrizio una squadra come zogatolo.I gaveva messo i oci su Padova e Verona,e sicuro i fa un pensierin anche qua,come che disi qualche spiffero. Parlemose ciaro,semo un pubblico inamora'folle che no speta altro che esser liberadi dal vinaio,gavemo el stadio che xe un gioiel,semo citta'de confin,gavemo un zoccolo duro che non tradissi mai,(molti ga segui'la squadra anche in eccellenza),societa'gloriosa e con visibilita'.No ghe xe debiti, che xe l'unica roba bona che el furlan ga'combina'. Perche'dovemo accettar de esser ostaggi ,legadi alle botti del vinaio ? 'Deso no so che rapporti ghe sia oggicomeoggi fra Dal Cin e Preziosi dopo i famosi fatti drio Genoa-Venezia, se sa che el pare e el fio in una ipotetica societa'che i dovessi sceglier i vol comunque metter Capozucca come ds che iera comunque intortado nel fatto de quella famosa partida. Poi una spruzzatina de Pastorello,che xe amico de famiglia.E se fa la rimpatriada. Mi no me dispiasessi de gaver tutti prestiti del Genoa..

guarde'che quando el mato ga'ciolto la societa',el gavera' sborsa'anche meno dei 3 milioni che se diseva e che serviva post-macerie toneloto,infatti iera interveniuda anche la Region per ammorbidir Friuladria, banca che improvvisamente la gaveva chiesto assai meno del previsto per "sdoganarghe"al furlan el pacheto azionario in ostaggio dai puff che ghe iera,compresi la soluzion dei guazzabugli tonelotiani dell'hotel de malchina e della presunta foresteria de via Foscolo. Iera interveniudo qualcossa,evidentemente.(un grande vecchio che tessi i fili del balon,chissa')a favor dell'entrata in scena del vinaio furlan ,chissa'che smanizamenti. Forsi che Sandro,Guiz,Capitano o Pinot sa, riguardo l'improvviso ammorbidimento de la banca. Per cui el mato iera stado assai ma assai aiutado nel suo ingresso, no se'ghe gavessi fatto miracoli de santificarlo. Se poi penso che l'Ancona i la ga fatta sparir per una mancata fideiussion de 800.000 nonostante i milioni fermi in lega me vien i brividi. Visto che iera una fideiussion che se rivaleva sul patrimonio personale dell'azionista societario, meno male ghe sta nova regola sulla fideiussion no la iera quando la societa'immobiliar che gaveva in man el pacheto azionario dell'alabarda gaveva un buso de 58 milioni..dubito che i gavessi consentido un cambio de proprieta' che resettassi magicamente el puff precedente ,peraltro favorido da una banca che inveze ad Ancona le ga agido addirittura contro,prima promettendo e poi levandoghe la fideiusson.

ma che cul che ga'el fanty, gave'visto l'Ascoli : squalificadi Giorgi e Moretti, cedudi Bonvissuto e Giallombardo, fora per infortunio Lupoli e Romeo. Sei tochi boni (Giorgi in primis,el pezzo pregiado) de formazion tipo. Piu'altri acciaccadi come Marino che i sta in pie col scotch. E no i ga' riva' a metter fra i convocati neanche el novo terzin Calderoni dal Piacenza. 'bastanza disastradi, i xe partidi per questi lidi con 4 muleti della primavera per arrivar a 18 omini. A proposito, anche Salvioni ghe tocca star in tribuna per la vecia squalifica al Rocco de l'ano scorso alla penultima, el far west dopo il rigor scandaloso.

intanto tuttolegapro da'per definido lo scambio Miramontes-Toledo con la Cremonese,gavemo brusa'Grosseto e Frosinone che iera sul zogador

..quindi te disi che a livel de passo no xe le pedine adatte per el zogo a 100 all'ora che vol far Salvioni per tutta la partida, ai novi ritmi che vol el mister i va in colorito rosso pompeiano con le visioni de qualche baretto vizin stadio ,dopo le prime sgroppade che el tecnico ghe ziga de far..

boh, ieri sui siti grossetani el gaveva dito che Consonni sta sempre mal e che Allegretti el ga' sai deluso le aspettative e che el pol partir. Comunque pensavo, che "el Fante de non denari" el xe fortuna'a star in questi lidi. Vedevo el forum dei tifosi del Modena, ghe xe continui e pesantissimi insulti infamanti a Ghirlandina dalla mattina alla sera. Poveri,i mati ga'ciolto le quote de Amadei, i ga'eredita'ingaggi pesantissimi,i fa quel che se pol,'i gaveva ciolto Bellucci,'deso arriva Ciaramitaro dal Palermo e forsi Martinelli del Sassuolo, i ga'Pasquato. Eppur, fango dalla mattina alla sera. Ma ingiurie forti,da codice penal. No so cossa i gavessi fatto quei tifosi se i gavessi el nostro,i lo gavessi gira'allo spiedo con la carota a centrocampo, per la gioia de fashionkeeper che lo vol rosolar per ben.

mah, se l'affar xe'gia' fatto, no rivo a capir perche'zogar fra i titolari la partidella contro la primavera del Grosseto, tra l'altro impegnandose parecchio e dimostrandose un dei piu'in forma,come giungi notizia dai forum de quelle parti. De solito in sti casi se svoda l'armadietto, no se suda in campo.. Pper esempio, Ronaldinho a Dubai mica che el gia'giogado,savendo za'de non centrar piu'niente col Milan.Nol xe neanche passa'in albergo a prenderse el spazzolin,figurarse metterse maietta e calzoncini

pero'no xe ssai cocolo telefonarghe (e non solo una volta)direttamente al giogador, e intavolar una trattativa, senza prima chieder a Imborgia e Camilli che xe i attuali datori de lavoro de Allegretti. Semo squadre con i stessi obiettivi,anche se adesso el Grosseto con Papa Waigo,Defendi e el cilen se ga'attrezza'non malvagio. Oggi Allegretti ga' zoga'l'amichevole del Grosseto coi primavera, tuto bel e pimpante,ispiradissimo ga'detta'zogo e sforna'assist. Se no dovessi venir, forsi dovessi 'rivar Gennaro Esposito dal Verona.

sempre tuttomercato delle 11, ne da'in corsa con Portogruaro,Coton e Ascoli per el difenso Rinaldo Lispi, del Chievo, appena rincasa'dal Barletta. Gira e rigira,salta fora sempre gli amici de Fanty come zio Campedelli e il ds Sartori che ne ga dado za'un paio de elementi e ghe gaveva regala'anche Antonazzo se lui no gavessi voludo andar a Taranto,e che el voleva darghe anche DePaula a fine agosto se el brasilian no se gavessi impunta'. Un altro amico a cui domandarghe prestiti gratuiti xe Gherardi del Parma

Fanty:"Priscia,movite,ghe se'de 'ndar a cior un mucio de sterline sonanti in England". Enzo :"Speta Priscia,a cuccia,za che son vado mi',cussi'provo anche a esportar el vin de Fanty, el baron rosso lo ciamemo Red Baron che sona ben e intanto vado in avanscoperta a farme un'ideuzza dei pub inglesi,se sa mai....

e ch xe questo Andrea Ferrato che tuttomercatoweb oggi prima notizia disi che xe i club inglesi tuti mati per lui,poderoso difensore. I club inglesi ga'pila, ghe xe un'asta col Chelsea in prima fila. Ara che il mato riva a farse un mucio de schei anche quando no xe piu'de munger i vari Agazzi,Granoche,Ardemagni,Hottor e compagnia. No me gave'mai parla'de lui

mi go trova'anche su www.otgtv.it, vado in liste e scelgo la region e poi la citta'e xe elencati i mux,e la composizion dei bouquet come i li ciama lori, e anche le postazioni del ripetitor tipo Chiampore o via Vivoda per Muggia. I lo aggiorna,deghe un ociada.. No ghe xe ancora clamorosamente traccia de 7gold su Muggia,a giudicar da sta lista,che inveze ga'messo la frequenza 32 a Conconel (telepadova)

leggevo che all'Ascoli ghe riva un altro punto de penalizzazion,me par el sesto in collezion,solita irpef pagada in ritardo. El nostro xe sta'geniale l'altra volta con la trovada dei stipendi rinunciadi,el ga'messo in sacco tutti 'sti uffici federali che ghe fa la punta a un minimo ritardo nei stipendi, figuremose quei non pagadi ! Ga'basta'fuffignar con l'ok del'ufficio del lavoro local, mettendose in una botte de ferro,nissun ga podu'dir niente una volta vidimado. Nissun altro ga'usado sto stratagemma"made in Fanty", se no i poza schei ghe xe la penalizazion automatica Come che el nostro stavolta el riva sempre a pagar,pero'...No xe che no ga schei,allora. A proposito,qualchedun sa quanto ga chiesto el novo mister per venir da 'ste parti da Nizza dove el passeggiava col can ? El giorno prima che spariva l'Ancona el se gaveva messo d'accordo con Petocchi boss de l'Ancona per 110.000 piu'i buoni pasto e benzina,visto che el Petocio no ghe dava i 120.000 richiesti. A occhio e crose,per un giron (sempreche'no dovessi tornar el bon Ivo) el gavera'domanda' un sessantin

Salvioni torna sul luogo del delitto,i ghe gaveva inflitto 3 giornate dopo Triestina-Ancona,el mato iera fora de se',ma obiettivamente el gaveva razon de vender,el rigor ciapa'al 92'iera un dei piu'scandalosi che gavevo visto,se ga'nota' ben in tele, l'ariete che da fermo stramazza a terra fora dalla traiettoria della bala,nissun che lo toca,tutti allibidi..El gaveva parla'de scorrettezza assoluta dell'alabarda,de roba mai vista neanche alle giovanili col Parma, 'desso inveze el fa cice proprio in quella panca,mah. Dopo per salvarse ga dovudo pareggiar con 'ssai patemi all'ultima col derelitto Mantova. La Triestina inveze gaveva si'ottenudo i 3 punti,ma cussi'se presentava a casa de un Frosinon con i ciociari non ancora salvi,che infatti ga ottenudo el punto che ghe serviva,gentilmente concesso peraltro dalla difesa frusinate,senza troppa arcigna marcatura,in tempo de recupero,che noi ne serviva almeno per la posizion ai playout. Chiaro che l'alabarda zerchera'de sicuro el rigorin con l'Ascoli,ma se i ghe da'un come quel ,de sicuro Castori el entra in campo e ghe rosiga i parastinchi a tutti.

no savevo che esisti anche siti de statistiche a pagamento,nel mondo del balon.Mi no pago,vado a spulciar i siti che le riproponi..Comunque,la squadra xe drio alla lavagna in parecchi "primati negativi",come i li ciama su 'sti siti. Meno punti totali,meno vittorie come el Piacenza (3),meno vittorie in casa come el Piacenza(2),piu'sconfitte in casa come Cittadella,Piacenza e Sassuolo (4), pezor attacco assoluto(14) ,pezor attacco assoluto in casa (5,de cui 3 balini su 3 tiri al povero Croton che no gaveva zoga'mal,ma el becava sempre Colombo come l'orso del tiro a segno,me ricordo Ginestra) e in differenza reti solo el Porto col suo -14 ne salva el nostro -13.

in effetti anche lo stesso Salvioni ghe devi molto a Larini,attuale ds dell'Udinese,che ad Ancona ga'lavora'ben fornindoghe bon material da plasmar. L'unico mistero del duo Larini-Salvioni rimani l'acquisto, fatto da Larini ,de Maurizio Anastasi che gaveva fato ben a Cesena,costado un mucion de bori con ingaggio de superlusso,e che Salvioni non ga'mai fatto zogar neanche per lontana combinazion,lassando 300.000 euro de ingaggio sempre in tribuna per un'intera stagion.Forsi no iera adatto al suo zogo,comunque un capitale della societa'se poteva provar a meterlo in campo. Se Salvioni nol mettessi in campo qua un zogador de 300.000 euro de ingaggio,mi digo che Fantinel gavessi de ridir... Poi inveze ghe xe anche i casi tipo Castori,che bisogna ammetter ga'completamente ribalta'l'ambiente depresso de Ascoli,sotterrado dai continui punti de penalizazion e dalle difficolta'societarie.El mato xe arriva',dopo 1 secondo xe ga'messo in tuta , el fischietto in bocca, ga'fatto allenar tutti el primo giorno zigando e gesticolando fin alle diese de sera con i zogadori allibidi che con Gustinetti vagava senza voia come fantasmi in campo,fazendo verzer ogni luce che iera nei dintorni che se vedessi anche al buio e i cani che abbaiava in sottofondo.Come se fazeva in oratorio quando se voleva divertirse ancora un poco prima de zena. Perfin un come Agostinelli a Porto el ziga, el sbraita,el zerca de farse capir rispetto a Viviani che no fazeva niente de niente. Mi allora ve domando se save'se Iaconi gaveva forsi qualchedun che remava contro ? nonostante le interviste de rito dove i diseva che i lo amava tanto e che iera tutti dalla sua parte. Perche'me iero accorto in stadio che alle volte quando che un veniva sostituido no iera el classico buffetto dell'allenador al giogador che l'essi dal campo,ma forse iera solo mia impression o magari xe un modo de far de Iaconi de concentrarse sula partida. Mi comunque me torna in mente alle volte la perfezion che Iaconi gaveva ottenudo nel metter la squadra in campo in casa col Siena. Sara'stado l'anticipo in atmosfera festaiola barcolana, ma el Siena iera stado messo sotto, a parte gli ultimi dieci minuti quando iera entradi due giogadori freschi de Conte sulla fascia tipo Brienza. E poi xe l'omo della vittoria 3-1 a Livorno,guidando una formazion tecnicamente assai piu'scarsa dei labronici, ghe xe pochi che vinzera'in terra toscana

..oltretutto Miramontes iera nel Venezia de Dal Cin, che quindi lo conossi ben,anzi forsi ghe lo ciol lui a Salvioni,forsi l'ex direttore generale dell'Udinese e Inter el spolvera le doti manageriali dei veci tempi "alla Zico"

intanto in esclusiva notturna de mezanotte su tuttomercato, i disi che Miramontes xe 'ssai alletado dall'offerta della Triestina. Lo vol Salvioni,che lo ga'avudo ad Ancona l'anno scorso. Lo ga ciolto la Cremonese a luglio,dopo la sparizion dell'Ancona ,considerado el colpo de mercato estivo in legapro,el iera a parametro zero. El mister vol aver piu'discepoli possibile dall'esperienza de Ancona, Intanto xe gia' Gerbo che i xe conossi de l'anno scorso.Oggi ga diretto el primo allenamento a Malta, Lunardini ga svolto tutto el lavor (no xe che Iaconi no lo fazeva zogar? me par strano che sia pronto appena silura'Iaconi)e xe anche Mustafa'Nukic attacante sloven.

peca'pero'che non se ga mai creado un pool de soci,sul tipo de Ghirlandina a Modena per dir un esempio. A inizio anno la situazion delicada dell'Ascoli forsi verra'ossigenada da un gruppo novo de 4 o 5 soci che affianchera'l'attuale dirigenza. Qua ghe xe sempre sta el paron del vapore pressoche'unico,me vien in mente prima de Fantinel l'epoca de Berti,Tonellotto,De Riu',Del Sabato,Belrosso. Forsi che effettivamente pol non esser facile piazzarghe in toto un intero pacchetto azionario a un imprenditor che subentri,e come giustamente sottolineado nei post de alcune precedenti discussioni xe anche interessi legadi agli introiti che se incassa a fine stagion, e logicamente xe una scelta imprenditoriale ineccepibile voler magnar el frutto senza spartirlo con nessun, Mi no so l'interesse che ga Fantinel verso la sua societa',ma magari un disimpegno podessi esser anche progressivo. A Modena a giugno i tifosi xe andadi addirittura sulla soglia de casa del presidente Amadei con le bombe carta,e lui gradatamente se ga defila'dalla societa',tanto che solo a inizio gennaio el se disfa del 51 % ancora in suo possesso,girandolo a Ghirlandinasport. Oltretutto el vecio ga'dovudo assicurar (el xe sta costretto a farlo per contratto,lui iera'ssai riluttante) la sponsorizzazione piuttosto cospicua sulle maie della squadra e all'interno dello stadio ,e per un biennio, della sua societa'de caldaie. Un po'come, se Fantinel andassi via, el sponsorizzassi societa'e stadio col marchio del suo vin..

quindi fin desso un cocktail con un po'de ingredienti de B e de C. Poi xe decisioni che spetta anche ai zogadori, Un come Cellini preferira'un posto praticamente certo ma zogar per la salvezza, o lottar per el posto in squadra in un Varese da playoff ? In estate,Vitale del Napoli iera gia'praticamente della Triestina, ma all'ultimo momento Mazzarri lo ga blocca'e anzi lo ga fatto giogar in Europa,el ga gioga'anche ben e i disi che xe un delle grandi promesse del calcio azzurro,sia Napoli che Italia... Antonazzo iera sai bon,gia'promesso ufficialmente da Campedelli del Chievo,ma poi ga'voludo lui avvicinarse a Taranto,scendendo de categoria, e adesso el dovessi andar a Siena. Esisti tanti fattori sull'esito delle trattative. Bisogna veder come se integra chi che vien dalla legapro,proiettadi in campionato superiore. Sull'interesse per i giocatori altoatesini, Marco Martin ,lateral sinistro de difesa, ga'debutta'a 19 anni nel 2006 a Treviso,poi quando el Treviso xe falli'el xe ga svincola'andando all'Alto adige dal 2009,dove ga gioga'ben,oltretutto el xe de Pordenon quindi se avvicinassi a casa. A livello de zogo,cossa ghe piasi far a Salvioni ? me sembra che gave'scritto che prediligi el zogo sulle fasce,Comunque,al di la'della societa',l'Ancona gaveva tochi boni in avanti l'anno scorso, Mastronunzio,Catinali,De Falco,Surraco,Miramontes. Comunque quando un giogador no ghe piasi,lo metti fora rosa,come Anastasi (no so se parente del vecio Anastasi de bianconera e nerazzurra memoria..)che pur gaveva un ingaggio alto ad Ancona,ma nol iera adatto al suo giogo el diseva, o sbaruffoni come con Schiattarella sempre ad Ancona l'anno scorso

su padovasport.tv ,l'attaccante del Padova Toto' Di Nardo intervistato proprio oggi tiene ancora calda la pista Triestina assieme al Frosinone. Dalla B non si muove,quindi niente Spal e Spezia che offrivano forse di piu'. Poi Cestaro presidente del Padova e'amico di Fantinel..

mi de Salvioni son rimasto un po'sorpreso. Va ben che tanta acqua xe passada sotto i ponti,pero' in estate el gaveva concesso al corriereAdriatico un'intervista al velen su Triestina e Fantinel, disendo che de tutto el dramma de Ancona sportiva precipitada in eccellenza quel che in sostanza lo feriva de piu'iera stado el comportamento de Fantinel che a suo dir el gaveva "sburtado" la situazion, inveze de aiutarli come alto dirigente della lega de serieb. Mors tua,vita mea. come xe disi..Adesso che l'omo vadi proprio in quella squadra con quel presidente,me ga un po'stupi',ecco. Comunque,un'offerta de lavoro no se pol certo spudar via per valori etici e morali. Pol anche esser che le robe che a Salvioni ghe contava Petocchi,(el boss de l'Ancona,che el gaveva addirittura preparado un dossier sulle "malefatte"concertade per screditare l'Ancona da parte della Triestina) el mister xe ga'stufa'de sentirle,chissa'. Ancona che tra parentesi gaveva gia'trovado l'accordo con Salvioni per disputar il campionato de sto anno,proprio un paio de giorni prima de non esser iscritto alla B. A proposito,AC Ancona che esisti ancora come ectoplasma,no la fa neanche la terza categoria ma no la se fallida e finora neanche in liquidazion, la esisti e basta. Infatti l'Ancona 1905 che xe in eccellenza xe tutta un'altra squadra, la ex Piano S.Lazzaro. Nisun fa fallir la vecia Ancona in tribunal perche' tutti(anche Salvioni)i speta i soldi che Petocchi vanza dalla lega e dai tornelli installadi a spese de Petocchi allo stadio Conero...

e no scordemose che el mitico Nick Salerno iera qua per le feste, el mato ga'de sbolognar i 4 ribelli "senatori"della Salernitana de legapro che Breda no vol piu'veder neanche dipinti, Polito,Montervino,Pestrin,Peccarisi. El portier no servi,Montervino e Pestrin ga'mercato (e pero'Pestrin che xe stado schiaffeggiado dai tifosi ,ga dito che vol raggiunger ad Ascoli Castori suo ex-maestro ) Sui siti de Salerno (citta', non Nicola..) i narra che el ds el portassi stravolentieri la vecia conoscenza Peccarisi a Trieste, ma che el giogador ga firmado da poco una spalmatura del suo contratto fin al 2013, e questo rallenta la trattativa visto che insomma ga 3 anni de contratto garantidi. E anche de Fava no i se convintissimi zo a Salerno ,dopo le prime prove piuttosto convincenti el Dino xe fini'in parabola discendente

lezevo adesso su tuttoalbinoleffe.com (!!) i disi che la Triestina ga' chiesto De Maio e Taddei al Brescia, Laurito all'Udinese e Martin all'Altoadige. E fatto un sondaggio per Baclet del Vicenza. Xe validi ? Comunque el fatto che se parla de gente come Allegretti e Cellini ,che sicuro no i ciapa solo pochi bori adesso a Grosseto e Varese,forse vol significar che un mucio de soldi xe saltadi fora. Forse che i presidenti de Grosseto e Varese ghe pagassi parte dell'ingaggio,ma me sembra strano conossendo el carattere de Camilli del Grosseto. Cellini poi iera considerado uno dei colpi dell'estate, i ghe ga offerto un ottimo ingaggio visto che i lo ga ciolto a parametro zero dall'Albin. Un'altra cosa che no me xe chiara xe che i diseva che Iaconi fossi anda'via perche' no i ghe cioleva rinforzi, quindi se veramente arriva gente de 'sto livel e calibro e ingaggio vol dir che no iera questa la causa dell'allontanamento