dcobau

Salve, son membro del committato dei Giuliani nel Mondo de Canberra, Australia. Son sta incarica de zercar un libro che non xe piu in commercio ma che speremo de trovar in qualche altra maniera. Zerchemo sto libro perche ga fotografie fate dal papa de una membra della nostra organisazion. Volessimo ottener una copia (anche de seconda man) e donarghelo a sta signora, ormai settantenne (saria una sorpresa). Semo preparadi a pagar tuti le spese relative. I dettagli del libro xe: 'Trieste a stelle e striscie' Vita quotidiana ai tempi del Governo Militare Alleato Scritto da Pietro Spirito con prefazione di Tullio Kezich, MGS Press editrice. In caso che qualchedun sa come trovar sto libro o xe disposto a vender una copia + spese, se prega de mandarme una email con informazioni. El mio indirizo xe: dcobau chiocciola pc punto gov punto au. Grazie in anticipo Dave

el libro "Sotterranei della citta di Trieste" parla de molte localita sotterranee de Ts e includi descrizioni de quei trovai sotto S Maria Maggiore (pp. 110). Ve meto un link dove pode scarigar a gratis la version 'e-book' in formato pdf http://www.sastrieste.it/sas/speleourb/ebook.htm saluti Dave

scuseme l'ignoranza ma dove xe sta gelateria e de che molo se parla? Dave

ciao, in Australia, al giorno de ogi, se vivi come che se vivi in tuto el mondo - se tira avanti. Una volta, ani 50, l'Italia e tantissimi altri paese gaveva disocupazion, inflazion, ecc che impediva un tenor de vita confortevole. Cusi la gente emigrava altrove, Germania, America, Australia, ecc. Oggidi, me par, el tenor de vita xe quel che xe da per tuto. Pero me par de capir che a Ts xe un poco piu dificile de trovar lavor. Vero? Al momento, specialmente in Canberra dove che vivo, xe un boom edilizio che durera ancora un pochi de ani. Specifico che Canberra xe una cita costruida specialmente per el governo, tipo Washington in America, cusi el boom prima o dopo finira. stame ben Dave

yep, xe za sta discusso. http://www.elsitodesandro.it/invboard/inde...?showtopic=1164 ciao Dave

Questo xe un sito de mappe ciapade dal satellite. http://maps.google.com/ Clicke su Satellite (in alto a destra) Mete Trieste, Italy ne search field e frache sul boton "Search" Se pol ingrandir (zoomar?) e navigar per la magioranza della mappa. It's a beauty! ciao Dave

pleased to meet you all, belle le foto e, me par, anche la birra non iera mal. saluti Dave

Non go vota perche non stago a Ts e robe del genere dovessi esser decise dai abitanti locali. Voio solo far un osservazion. Qua in Australia xe 3 tipi de gente che va in giro col tiro. La polizia (che i va adiritua a ciorse el cafe o el spunti armadi), le guardie de sicurezza e quei che porta i soldi in giro col furgon (anche un tipo de guardia de sicurezza). Devo dir che xe sai, ma sai incidenti dove che la gente de lasa le pene e, che mi so, non xe sta mai innocenti involti. Credo che se tratta sopratutto de training ciao Dave

Tuto el mondo xe paese. Mi go 'na teoria: Tepismo e criminalita xe sempre esistidi ma, per esempio, 50/60 ani fa non se sentiva/vedeva/legeva tanto come ogidi. In piu, nei tempi pasai i membri de ste 'classi' iera una picola percentuale del resto dela popolazion. Con el tempo come che ga cresu la popolazion cusi ga cresu la percentuale de sta tepa. E ancora una roba, la percentual xe piu alta al giorno de ogi perche la muleria se ga impara dai genitori. Imbriaghi/drogai e disocupai cronici ga avu anche lori fioi. Che razza de influenza i ghe da a sti fioi? Non tanto bona mi credo. Ancora una roba, per mi la legge de ogi xe tropo leniente. Xe i reintroduci la pena capitale de novo scometo che el numero de delitti etc saria sai piu baso de adeso. Forsi sbagliero ma per mi i ga sbaglia a fermar la pena capitale. Deto questo devo anche dir che xe giovani che, oviamente, vien su ben nonostante l'ambiente in cui i cresi ma credo che sti qua i sia l'ecezion ala regola. Per esempio, gavevo un amico che in 30 ani de conosenza non el ga lavora piu de un mese - el gaveva 4 fioi, tuti masci, e tuti e 4 i lavora e i ga famiglia. E bisogna dir che xe vero anche ala roversa dove che giovani de bonissima famiglia i diventa tepa. Soluzioni? Forsi son tropo semplice ma una bona piada in tel daur o una per el muso de sicuro non copa (e qua devo confesar che ne go ciapade parecchie de muleto perche iero un poco, come dir, birichino). saluti Dave

stando alla foto non capiso coss che xe de mal. me pode spiegar per favor? grazie Dave

tipico esempio in pza Barbacan, soto el triangolo de cemento fra la vespa in primo pian e la casa, i ga trova un per de robe romane. Me par anche che go visto una foto de coss che se tratava ma, come al solito, non rivo trovarla piu. bon week end Dave

grazie per le risposte, specialmente a ti Tirabaralla, per le spiegazioni. Infatti me ricordavo che el numero 8 de centrava a qualcossa ma non me ricordavo cossa. Mi pensavo che iera la ferriera che causava tanto inquinamento ma, ovviamente, xe tuti e due che contribuisi. In fine, me rendo conto che nela vita tuto devi finir (fina sto sito un giorno, speremo fra tantissimo anni) percio el mio messagio originale non xe sta scritto per/con tristezza. Iera solo per contarve de ......co ierimo putei..... bon weekend a tutti Dave

Ani 50/60. In cima al cucuz de monte Pantalone, mia santolo Mario, che lavorava in porto, gaveva una caseta con el vigneto sul de drio dela casa. Non iera chissa che grande toco de tera ma, oviamente, iera abastanza e de bastava anche per vender co le osmize podeva verser (me par che sia solo che un pochi de giorni al'anno, xe vero?). El se fazeva el vin a casa, infati sul davanti el gaveva una pergola che iera enorme (almeno per un muleto sembrava enorme) e, co veniva verta la porta della baracca dove che el fazeva e imbottava el vin, veniva fora quel bon odor de mosto/vin che me ricordo ancora adeso. Come go dito, ogni tanto el iera verto per business e de iera parecchie persone che se fermava la a comprar vin e porcina. Ma sto particolar non me lo ricordo tanto ben. Sul de drio del vigneto se podeva veder el stadio, iera bel co i giogava ala domenica guardar sti mati che giogava e sentir la follo che zigava. Sul davanti de iera un'enorme pra che dava su un'insenatura del golfo e se vedeva la fiama dela rafineria (me par che iera la rafinieria). La xe ancora verta? El piu bruto iera rivarghe su, bisagnova rucarse su per sto clinz pien de grembani (triestin patoco sto qua!). Me par che se andava su per una riva che iera de drio de le case del domus a SSabba. L'ultima volta che iero la su gavero avu un 14/15 ani. Go visto sua moglie e su mama, ma lui, vivo, non lo go visto piu. Son anda a darghe un cuc nel 82 co son torna. Mio santolo iera za morto (che tristeza, gran parte dei mii parenti/amici xe che sburta radicio adeso), la casa iera stada butada zo, e el vigneto tuto el resto del teren iera abandona. Peca, certa gente gavesi paga un milion de dolari solo per la vista che se vedi da la suso. Dave

La foto xe ciapada la de la ciesa de S Giacomo? ciao Dave

Qua in Australia, Melbourne xe l'unica cita che ga el tram e proprio in mezo dela city. E, sicome che Melbourne xe una cita piutosto veciota, me ricorda sai the Trieste, tipo in via Batisti - drita e longa. Pero non go mai viagiado col tram a Melbourne, peca perche adeso non de vado piiu la. ciao Dave