carlo

ciao a tuti da Blantyre (Malawi), ve mando un per de imagini de sti giorni (son qua per refarghe un fia' internet al'universita', almeno un poco la doprero' anche mi no?) ciau, carlo (al caldo) e anche una foto dela serie "no stemo eser originali", coi putei del posto che saluda el foresto (che saria mi, e forsi i ridi perche' i me cioleva un fiatin pel fioco pervia che vado in giro pieno de strafanici e me rampigo sui tralici per veder dove instalar ponti radio ah...) eco la seconda foto, la me iera scampada nel msg precedente c. eco la seconda foto, la me iera scampada nel msg precedente c.

Per mi questa xe una belisima iniziativa, che anche se no par la pol dar invece sai benefici a chi che xe solo, e sai piu' utile de tante ciacole che se fa. Un abrazo fa sempre ben e dado cusi' no me par che posi proprio eser ipocrita. Complimenti alora e auguri per la prosima volta, fane saver quando la fe' che vegneremo a farse strucar un poco anche noi, ah carlo

1. el primo posto senza dubio ghe lo dago a Raffaele a barcola 2. quasi a pari merito xe el Copacabana de fianco al teatro romano (i ga el steso menu de rafaele, imagino che i gabi una gestion unica) 3. al terzo meteria quela dei "fradei la Bufala" in via Roma, proprio bone cola mozarela de bufala carlo (pizza lover!)

Peca' pero' che i lo fa in una dele poche zone naturali bele che la resta(va) vicin de Trieste... una montagna su flysch con vegetazion e animai bastanza bei e carateristici, del tuto diversa dal'altopian carsico e dala val rosandra, con anche endemismi rari... Come sempre purtropo a nisun ghe frega sai de ste robe e i pensa al soldo, speremo almeno che sta area no la se estendi a tuto el monte, che za' i lo ga ben rovinado piantandoghe ulivi a nastro solo per ciaprse i contributi europei. Bun, vedaremo ah, ciau, carlo

Digo anche mi la mia ah... per mi gavessi podu' anche eser cocolo se no fusi che noi ga indovina' gnanche una pianta che sia una... a parte i lecci "che i par abeti", tuto el resto spero che i lo rubi perbon sai presto le vecete, xe un oror veder fiori e piante che no centra gnente con la nostra natura, piantadi la' in un gran remitur solo perche' le ghe vanzava a qualche vivaio... e po' le palme xe veramente la ciliegina sula torta... manca solo i banani e dopo podemo andar in giro cola gonelina de paia come tululu' Anzi, me vien quasi inamente quela storia dele maldobrie sula palma de datoli che po' no la iera de datoli... Ciau e bone vasche sule rive a tuti! carlo

ma se 1.5 galine le fa 1.5 ovi in 1.5 giorni, no xe come dir che 1 galina fa 1 ovo in 1.5 giorni ? quindi, 3 galine le fa 3 ovi in 1.5 giorni, quindi in 8 giorni le dovesi far 3x8 diviso 1.5 , che saria 16 ovi... mi con tuti 'sti ovi me faria una bona fritaia ciau, carlo

Si, me ga dito mia mama, mi no me son ancora acorto del cambio orari (co la ciogo de solito xe matina presto opure za' sera 'sai inoltrada, quindi xe za' sai se me ricordo come che me ciamo mi ), pero' sintindo che le vecete sul bus le stava scrivendoghe ala ACT in masa per protestar, gavevo imaginado che i saria tornai presto sui loro pasi... carlo

Buh, a mi de casa me funziona tuto perfetamente (go una ADSL telecozz, che una volta la se ciamava BBB e deso la xe diventada alice, ma per fortuna no la spuza de pese ). No so cosa dovesi "no funzionar" secondo lori, ma vista l'anda sara' problemi con internet exploder, come al solito. Per fortuna dopro altro software, e altri sistemi operativi ciau, carlo

belisimo!!! Me lo ricordo anche mi, e lo zercavo per portarmelo drio stampado su un toco de carta 'co vado a far spese, cusi' co i me rispondi in ste maniere me segno e dopo fazo statistiche carlo

e alora, visto che a tuti ve piasi i kifel (o kipfel in cruco? ), ve dago una bona notizia che ve fara' contenti: a trieste i li vendi a un bonisimo prezo (5 tochi per un euro) in un local giusto dirimpeto de ricordi (dove che i vendi musica), el posto se ciama "Soledoro" me par, o qualcosa de simile, insoma i vendi pizete, ma anche primi, e i ga sempre gnochi e imancabili i kifel de patate (cui no rivo a resister co paso de la') !!! carlo

no poso dir che li "conoso" perche' no go memoria e me dismentigo sempre le robe che go fato, comunque i me ga parso bastanza facili 'sto giro, e 'lora non me son impegna' sai se te meti altri zerchero' de far un sforzo ;P , anche se no go sai tempo in sti giorni purtropo (el lavor fa mal, come che se disi!) carlo

bel bel bel! belisima!!! Co giravo coi muli de un coro el cui organista iera apasiona' de ste robe, la cantavimo anche noi (in privato, no in publico ai concerti pero' ) Peca' che no go resistrazioni Bravo a gaverla postada qua, che chi che no la conosi deso se la pol imparar ciao, carlo

xe fusi' el giovedi' (26) poderia viginir, ma per el 27 e 28 purtropo devo za' dir che no poso, dovesi eser in partenza. Comunque prima o dopo se vederemo ah carlo

Me ripeto, ma le tue foto le xe sempre sai sai sai bele Complimenti! carlo

ahhh, che bele foto, devi eser sta' un spetacolo, me dispiasi proprio sai de esermelo perso... carlo

evening the darks => sera i scuri carlo

ciau diego, benvegnu'... P.S. fazemo una picia sfida a chi porta via prima un record ala iaga? :P carlo

no stemo ofender deso, ah! che a mi omo sagio noi me lo ga mai dito :P vara ti 'sta mularia de ogi che no la ga piu' rispeto de noi poveri veci insempiai... ...e comunque anche volendo no podesi dir gnente in merito, no gavendo piu' la tivu' in casa da quasi diese ani... son resta' indrio al paleolitico cosa vole'... carlo (homo radiofonicus)

e mi invece son al lavor, ve pensero' e dopo me vardero' le vostre foto rosigandome elo fegato ciau e bona sfilata!! carlo

si, pero' de quei fazo colezion anche mi, pero' te poso dar volentieri i dopioni se me capita :P carlo.

anche sul giornal gratuito "InCitta'" de oggi iera un articoleto cola storia dele cosidete "fave triestine", piu' o meno i diseva che le xe un surogato dele fave vere (el legume insoma) che se doprava fin dal'antichita' per celebrar i morti. Se me ricordo ben le fave le vigniva dade come oferta votiva ala dea Proserpina dei romani, o qualcosa del genere. Comunque i tre colori i corispondi ai tre gusti (de vanilia, de ciculata e de rosa), noi dava altre spigazioni (che no vol dir che no ghe sia ) ciau, e bone fave! carlo

...me spiasi, ma mi go la tesera. Comunque diverse volte in bus vedo gente co sti blocheti de bilieti e le figurine de drio, magari se capita che sia bele putele ghe domandero' se le me da' le figurine per un caro amico che fa colezion... ah cosa no se fa pei amici... :P carlo

ma anche no! Go piu' panza che zervel, se disesi qua... ciau e comunque grazie, me piasi far foto carlo

5 2 9 8 4 6 7 3 1 0 sono in ordine alfabetico: c-inque d-ue n-ove o-tto q-uattro sei set-te t-re u-no z-ero carlo

scherzavo sa, Sandro, te fa za' tantissimo qua me par!!! e po', co te parli de impegni, lavor, etc... beh te capiso benisimo, xe isteso per mi in sti ultimi tempi... no xe tempo per far altro e co se riva a casa no xe la minima voia de meterse a lavorar ancora sul computer... ciau e bone robe, carlo