granzo

No go mai avudo problemi a farme fotografar....salvo dopo brontolar per come che son vignuda in foto . Magari cerco le pose migliori.....o scondo le foto oride . Pero` no me piasi vignir fotografada senza domandar permesso, da estranei se intendi

Za che son zonto anche che detesto el zuchero a velo e tute le farcie dei pandori e panetoni, che 'po xe una roba 'bastanza moderna...no esisteva nei ani "70. Dopo i se ga inventa' tute 'ste diavolerie moderne . W LE ZIBIBE!

El pandoro me piaseva de picia perche` detestavo i canditi. Adesso detesto i canditi ma anche el pandoro, quindi me 'contento del paneton se no se pol gaver una bona putiza o presnitz fati in casa e senza canditi.....

me fazo una corezion da sola. No se disi al cine, ma in cine

A parte le fato che in triestin no esisti la parola cinema, ma se disi cine, e 'po mi la conossevo in un altro modo: Es. Dove andemo stasera? Al cine Bianchini tra linzioi e cussini. El significato comunque xe sempre quel.

Mi go leto qualche libro de Dickens in inglese...dolcemente coinvolgente, no me ricordo che titoli al momento (doveria andar a ripescarli) perche` li go leti anche in italian quasi tuti .

Iera due/tre ani che no andavo piu` a vardar la fiera de San Nicolo`. No savevo che i gaveva messo le bancherele al centro del viale XX Setembre...che idea balorda che me par... Ma se proprio i devi spostarle, mi diria che in piaza Unita` vegnissi ben...come certi mercatini de Nadal in Germania....la piaza me par un posto giusto per fiere e mercati.

....no xe problemi tanto el sta cascando zo solo e anche rapidamente ormai. Ogni volta che passo per de la` vedo che xe pezo dela volta precedente.

Molto pittoresco... Mi digo: meio fora che dentro, ma in certi casi bisogna saver tignirsele. Voi rive`? 'Po no gave` parla' der quele sibilanti e de quele a ripetizion, de quele a singhiozo, de quele da sforzo, quele che va in copia con tosse o rafredor Per l'aroma ve consiglio de abusar de certi alimenti: tuto zivola, tuto fasoi, tuto pistaci. Per cominciar a esplorar questo novo mondo, xe otimi. Magari la seconda lezion de teoria un'altra volta... e me racomando faze` anche pratica .

Dificile, dificile....perche` xe tanto dificile risponder? La storia la xe tropo lunga per contarvela, percio` dovero` tirar fora l'essenza. Disemo che dele persone me ga fato odiar la religion, Dio, Gesu`,la cesa, i riti...e no me son piu` ripresa da quando tuto questo xe iniziado. Me son fata tuti i mii pensieri e son rivada ala conclusion che Dio xe la proiezion de noi stessi, ma sicome l'essere umano xe tanto debole e ga bisogno de conferme e rassicurazioni e solo (in tanti casi) no 'riva a farghela, alora el ga bisogno de pozarse su qualchedun altro, e dato che contemporaneamente se pol contar solo su se stessi (nel'arco de una vita intiera, no per episodi sporadici dove anche l'aiuto de altri pol servir), el ga trova' el truco per sentirse sempre capido, amado e consolado de qualchedun che no sparira` mai dato che xe un parto de fantasia. Gnanche a farlo aposta ieri sera tardi vardavo television cambiando canai e me son fermada su RAI...no so quala, che i parlava proprio de questo, anche se al'inizio no pareva perche` i parlava de filosofia e come che questa intendeva l'esistenza de Dio e le varie scole de pensier a seconda dei filosofi antichi......ala fine i ga dito che Dio xe fantasia, un'invenzion de l'essere umano. No voio dir, con questo, che mi o altri gabi la verita` in scarsela, posso solo dir che CREDO in questa mia vision dele robe. Ma tornando ala domanda, se me trovassi davanti un tipo e questo el me disessi de esser Dio (e mi saria sicura de esser morta), no ghe credessi. D'altra parte chiunque poderia dirlo, come fazo a saver se xe vero o no? Comunque, anche non credendoghe, penseria de domandarghe qualche informazion utile sul novo posto in cui me trovassi e se ghe fossi la possibilita`de farse veder dei vivi, de poder parlarghe, de poder tornar indrio....robe de 'sto genere.

Ho provato a cliccare sul sito ma non viene fuori niente. Sei sicuro dell'indirizzo? Grazie.

No go le conoscenze per dir se xe lecito ritener irecuperabile una persona e autorizar l'espianto, ma penso che nissun ga 'sto genere de conoscenze. Nel senso che xe sempre per circa che vien dadi i giudizi, no xe mai sicura al 100%100 nissuna risposta. Esisti casi de gente che iera dada per morta, ma morta no la iera per niente, altra che iera in coma che a sentir i dotori no iera piu` niente cossa far e inveze chi presto e chi tardi tanti se ga ripreso, anche dai coma cosideti "irreversibili". Me par che nissun possi permeterse de esser giudice dela vita e dela morte de un altro essere umano. Scusa se son brusca nel espor le mie idee, sapi che no la go con ti, xe solo che voleria che sia ben ciaro el mio dubio, che a dir la verita` no xe po' tanto un dubio, nel senso che no go dubi che i maza la povera gente per espiantarghe i organi. E anche se no xe tuti dei assassini, cossa so mi in che man che se capita co' se va in ospedal? El comercio dei organi xe tropo reditizio percio` che el sia "pulito". Per questo penso che bisogni puntar su qualcossa de altro. Per quanto riguarda la donazion del sangue e del midollo osseo, son d'acordo.

spieghite meio...che conoscenze e per dir cossa?

Organi morti no servi A parte i scherzi... questo xe el problema che intendevo... Bisogna decider ben quando xe possibile dir che un essere umano xe "irrecuperabile". Xe un concetto brutto ma no so come dir altrimenti. E xe dificile anche dir quando. Xe questo, fondamentalmente. So che i organi morti no servi perche` col sangue no circola piu` la carne comincia a marzir. Anche se fossi facile stabilir quando uno xe morto, mi no me fido che i la conti giusta co' riva el momento! E savendo quanto imbroia l'essere umano, preferisso no ris'ciar.

El problema xe che no i te tira via i organi da morto ma da vivo!

In un mondo de onesti donar organi fossi una bela roba...utile per i altri. Pero` mi vivo in questo mondo e no in quel'altro, cussi` me toca pensar che i me vol cavar via i organi per metergheli a un altro per el semplice motivo che i ghe guadagna co' le operazioni. Alora preferisso morir in pase con tuti i tochi che mama e papa` me ga fato! Mi no go ricevudo nissun cartoncin, pero` prima de quel i gaveva fato circolar qualcossa de simile e mi lo go taca' co' la tessera sanitaria, dove xe scrito che no intendo donar i mii organi. Comunque amiro quei che lo fa, magari co' ghe mori un fio. Mi no poderia viver col dubio che go dado l'ok ai dotori per copar mio fio per poderghe tirar fora i organi!!! Xe meio che i continui a studiar le celule staminali e la possibilita` de ricostruir i organi con quele.

No me piasi quando se comincia un discorso atribuindo tute le colpe ala societa`: come saria dir che no xe responsabilita` dei adulti? Xe lori per primi a dar el cativo esempio o a esser lacunosi nela magior parte dei casi. Tante volte i xe completamente assenti e dopo i ga el coragio de lamentarse se "i altri" no ghe tira su ben el fio!!! Purtropo xe una grande quantita` de gente no propriamente inteligente in circolazion e questi xe i risultati. Gavendo 39 ani e due fioi, go avudo modo de conosser altri genitori e fioi e veder i rispetivi ategiamenti. Tali genitori...tali figli. Certe volte par un miracolo che uno rivi vignir su san e drito! Pero` solo el tempo pol confermar 'sta grazia ricevuda, nel senso che fioi che par a posto 'desso, i pol scapotar a 15 ani. Parlo per esperienze de conoscenti. E a proposito dei scapeloti: no i servi a gnente nianche a 8 ani me par! A 15, bisogna far ragionamenti inveze. Me par che la limitazion dela liberta`, come 2 noti in galera, poderia andar ben, se no i vignissi servidi e riveridi, con tv in cella e robe simili pero`. Due noti de lavor fadigoso poderia andar ben.

Co' iero picia gavero` fato un per de mesi de nuoto in piscina ma dopo piu` niente . Go provado a frequentar palestre e corsi de ginastica ma no fa per mi . Comunque so nudar, so sciar, so andar in bicicleta, in patini sia con riodele che sul jazo...ma odio corer o caminar per el viz de caminar (lo go fato tanto che me xe vignuda la nausea), no me piasi rampigarme in posti alti (sofro de vertigini). Una roba che me gavessi piasso far xe Judo o Karate, insoma qualche disciplina per autodifesa o per tirarghe un bel pugno in t'el muso a qualchedun! Ah, si` nei ultimi tempi, assalida da crisi de meza eta`, go pensado che voleria provar la danza del ventre . Bon, me par de gaverve contado anche tropo .

Fino ai 30 ani e anche qualcossa de piu` no savevo cossa volevo dala vita, adesso volessi tante robe diverse ma go poco tempo per farle. I mii sogni xe sempre vivi pero`. E anche se no dovessi rivar a far piu` de quel che go fato fin 'desso, saro` comunque contenta dele mie scelte...fate sempre per amor. Dal punto de vista pratico, prima de tuto volessi far el mio cd e....rivar anche a venderlo . La roba piu` "incredibile" che me xe capita' de pensar qualche mese fa xe che me piasessi vender robe de artigianato (fate de mi oviamente) pei mercatini. Magari cominciar con due l'ano e veder come che va. Penso che me daria grande sodisfazion rivar a vender le mie creazioni.

È dimostrato che i deja vu nascono nel momento in cui il cervello registra più velocemente del solito azioni che avvengono, ritrasmettendole quindi subito nella mente. Il risultato è che si ha l'impressione di aver già vissuto l'evento, ma in pratica è solo stato 'vissuto' troppo rapidamente dalla corteccia cerebrale. Wow, e chi sono? :s'ciopado: Cmq è vero, seriamente, non mi ricordo dove l'ho letto ma funzionano così d. Sara`...a mi me xe capitado, qualche volta, de ricordarme de una situazion za vissuda precedentemente (tale e quale fin a quel preciso momento) e de cambiarghe la fine inserindo novi elementi e otegnindo un'altro risultato. Cioe`: savendo za come andava a finir, go fato qualcossa per modificar la fine ( come tornar indrio con un film, per cambiarghe la fine). Me xe capita` solo un per de volte de rivar a far questo. Tute le altre volte go podudo solo che subirme 'sti de javu.

La Guinness che go trova' qua ,in botiglia...vari tipi....e no la xe gnanche cussi` scura...mi intendo proprio nera o quasi e no rossa...,la xe come acqua in confronto a quela bira scura de cui ve parlavo. Bire ala spina no bevo piu` perche` no vado piu` in giro per birerie & co. Save` indicarme qualcossa de meio? E si` che iero anche a Dublin e son passada rente la fabrica dela Guinness (che xe visitabile), ma no go pensa` de provar a veder se in Irlanda la fossi stada diversa!

Go sempre pensado che i nani de meter in giardin xe una roba orenda (scusa martybunny, no ofenderte), quindi nel futuro giardin niente nani

Grazie a tuti per i auguri , scrivo canzoni in inglese e xe musica pop con influenze rock e country (no western). Diria che xe dificile descriver. No che sia 'sta roba cussi` strampalada ,de sicuro no xe rap o hip hop (me son informada solo de recente cossa xe 'sto genere de musica e no son sicura de gaver capido ben ), no xe musica de discoteca tuta bateria, eco. Xe "ballate pop". Cio` che discorso ingropado che go fato solo per dir che xe pop!!!

Xe tornà el granzeto Iero in smoio tuta l'estate! 'Desso toca i mesi de tera!

Provadi vari tipi de Guinness...no go trova' niente de bon. Le xe tute come anacquade!