De sicuro no son un storico del basket, a sensazion diria che i ruoli classici se gaveva formado per esigenze fisiche, più che pregiudizi: te son longo? Te ciapi rimbalzi, te la frachi dentro e te stoppi, xe inutile che te perdi tempo a imparar a tirar de 3 o a portar su bala che tanto no te servirà, impara una roba e falla ben. Te son una sgnesola? E cossa te vol, andar in area e farte stoppar? Te resti fora e te ghe passi ai altri, contentite. Coi anni i sistemi de allenamento specifici xe cambiadi in linea con le necessità e alcune visioni (ciò, se da 3 i me stoppa i pici, metto i longhi a tirar de 3, per far un esempio) e adesso se vedi zogadori che fa un poco de tutto, poi ovvio che no tutti i ghe riva, e a quel punto un che fa la squadra ga de far i conti col taccuin e veder in che modo spuntarghela, se cior mestieranti o zogadori universali.
Questa xe ovviamente una mia ipotesi, magari no go intivà gnanca la prima parola.