Syrio Forel

Jeri sera (sul tardi, ale 11) torno a TS per la Costiera. Trovo una fila, tuti bei lenti (anche meno de 50 l'ora, ma no xè questo el problema) drio...una specie de trator (inteso come quei per i TIR, no un trator agricolo ) targà polonia, con due (2) rimorchi e sora un ulteriore rimorchio e un..furgon. El tuto balava ala grande con scasade ecc. Rivo a Barcola, zona Topolini e vedo parchegiadi (sula strada eh...) 2 TIR slovacchi con tanto de cavi e caveti per l'ataco eletrico tra trator e rimorchio. Su l'altra corsia un poco più in zò altri due TIR, anche foresti. Cossa sucedi? Problemi de GPS? E chi che devi perchè no intervien? Ma la Costiera no jera una dele strade più pericolose in Region??

In effetti e più in generale, dopo i ultimi "sviluppi" della realtà triestina (vedi Evergreen con la crisi per la nova sede, Maddalena, lo scempio sora Grignano, el ponte inutile, el progeto de piaza Libbertà, i treni tajai, l'assenza dei colegamenti maritimi, la sporcizia, la maleducazion, el trafico incontrollato, le frustrazioni varie se uno zerca de far qalcossa del ben....) go perso le speranze per 'sta zità. Semre a spetar che la diventi "grande", sempre a dir che xè una zità "meravigliosa, dalle grandissime potenzialità...."..se no te fa parte de una certa "elite" (elite de cossa? Vara in che condizioni semo) che sia de dx o de sx, no i te ga gnanche pel cul....I continua a viver su una crosta de belletto, soto la quale xè el gnente e el baratro per el futuro de tuti. Nissun ga el coragio de decider veramente, no xè mai soldi per far gnente e no i ga voja de zercarli, i gà le "palle di velluto" come ga dito una ex-Onorevole. Apena che poso, zerco casa via, in qualche paese picio dell'entroterra...non necessariamente in Italia e a TS vegno solo per lavor....fin che dura.

Chissà dove i meti el plastico dopo la mostra. Resta in castel? El va al museo de storia patria?

No no...ara che xè vero...se chi xè extracomunitario lavora tranquilo e in regola, e rispeta la lege, no i ga nissun problema, anzi...verificado personalmente...questo in Provincia. A Treviso...beh, a Treviso xè Gentilini....

Me par in 18 mesi....con un epidemia de colera in mezzo. Ah...noi gavevimo tuo pronto.

Ve preocupè dei trasbordi? Vivemo in un paese - l'Italia - le cui ferovie sega el "Casanova" (diretto Lubiana-Venezia delle SZ) per motivi de "sicurezza"....i sloveni fa smontar la gente a Sesana, li cariga su un pulman fina a TS Centrale (no Opicina, più vizin) e la che i ciapi el regionale per Venezia.....vedè voi. Comunque...bus da Sesana? Requiem per la metro leggera..... no i ga capì gnente.

No. Stasera jera el cartel "TRAM GUASTO. CORSA SOSTITUTIVA CAPOLINEA DA VIA GALATTI 2" . Malamente.

El sito de TT parla de "prove di collaudo"...magari i fa i test per la quarta vettura....

Xè ripartì zà sabato...chissà se el Picio ga scrito....

Ma...me ricordo mal o... per Ponterosso jera prevista la ripavimentazion in piera..... ... ... ... e el riutilizzo dei banchi in marmo dela ex pescheria per i venditori de magnativa, verdura ecc. .... e tuto questo 'SSAI prima de voler far el ponte de Brooklin...... o mi me ricordo mal????

No resisto...dopo ciapela come la volè: PONTEROSSO (Carolus Cergoly) Trieste Un ponte piturà de rosso El Ponterosso Come due gambe storte Traverso del Canal Dessiné d'après nature Cassas e Lavallé Vietato il riprodurre Un sbatociar De barche e de battane "Ema" "Sgombro" "Rodolfo" E fora del Canal In mezo al golfo Un vapor in ancora per sempre "Stadium" el suo nome Con tanti oblò Dopiadi sora el mar Tutto e tutti Passa el Ponterosso Revoltella in carozza coi Asburgo Turbanti levantini Odori de havlà e de pesce fritto E greci e turchi E dalmati e croati E svevi de la Bieska Ebrei de Weimar A zavattar per metter banchi E passa una slovena de Kamnik No la trova el suo amor Fabbro de fin Ferro battù de Kropa Perso el se ga nel vardar onde Carri e cavai De Pinzgau Coi zoccoli a tamburo E lupolo per la Dreher E jazzo per sorbetti Che cala de Postojna Pianelle furlanute Cadorini e Ciarniei Regnicoli e Ungheresi Ponterosso Del mondo gran corona E mi son tuto fiamma De vento son vestì Dormo Coi nuvoli fumando E ciacolo con l'Angelo Come inciodà de sora dei camini Con l'elmo dei gendarmi Color giallo d'argilla Barba spartida Come l'Imperator E vedo ancora Angeli e lune Come nei quadri Di monsieur Chagall Un ponte piturà de rosso Il Ponterosso Su l'Adriatico estremo Sotto il crinal del Carso Con l'ultima sirena Che me smaga La bella Lau E digo strenzi el tuto E slarga el Ponterosso Ombelico del mondo O mia Trieste Stupida e cattiva Le parti in grassetto le go evidenziade mi. Per bele foto de Ponterosso: "Francesco Penco, fotografo a Trieste" Al Miela, ogni giorno dale 5 ale 9 e meza de sera.

Mi distingueria tra "problema treni internazionali" e "Problema Opcina". Per el primo ovviamete quoto, quanto scrito sora: scarsa volontà de Trenitalia, assoluto disinteresse dei Enti locali. Risultato: Trieste no gaverà presto (anche prima dela fine dell'anno per el Ve-Budapest) collegamenti internazionali. A promuover colegamenti transfrontalieri (tipo un colegamento fin Sesana, o Postumia) dovessi proveder la Region (o la Provincia). Staremo a veder, per ora tuto tace. Opicina: ormai non più valico, perdi la sua funzion de smistamento. I treni merci de la doverà passar veloci e no dover fermarse. Paradossalmente, l'attual problema dela linea de Opcina xè...la congestion, nel senso che un guasto in linea bloca el trafico fina a Latisana (ma no xè storia de ogi) perchè i binari xè quei e basta. El problema xè che i binari de sosta no vegni segai TOTALMENTE (xè questo el problema) visto l'ategiamento "talebano" de RFI in questo senso.. Perciò, in linea de massima, "comprensibile" un alegerimento a Opicina per rinforzar Campo Marzio (speremo anche con scambi novi...magari eletrici e no de dover spiombar), ma "sperabile" tignitr un fascetto de un cinque binari de servizio....tra l'altro, no i ga 'pena sostituido le marmotte ai scambi de Villa? E ancora...SPERABILE un ripristino de trafico feroviario merci (un minimo almeno) su Porto Vecio...basta coi TIR sule Rive, dai....

Nooo, voi pensè mal. Xè che i Sloveni entra nel segnal, e cussì i paga la tarifa internazionale.... :s'ciopado: Ridemo per no pianzer....

Mah...solitamente anche mi son critico sulla gestione del c.d. "sviluppo" de Trieste...ma faria distinzioni tra Porto Novo e Porto Vecio. Nel Porto Novo perfetamente d'acordo con Zithara: atribuiso personalmente la responsabilità dei non-investimenti de FS sul retroporto e le linee (Coreani e Cinesi xè andadi via per questo). Vedo mal inoltre l'entrata de FS in qualunque forma per la gestion de un terminal. Genova ghe ga dito de sì e, bongiorno, ga perso 300 mila TEU. Per Porto Vecio me par che Evergreen farà comunque la sede, e tra i altri pretendenti xè restadi, tra i grossi, i olandesi (con Generali drio?). De Fiera, Nautico ecetera jera zà previsto che i andassi là (me par diversi nel magazin grosso - no me ricordo el numero). Quel che xè vero xè che i ga perso un fraco de tempo. E con el ciclo economico in ralentamento (eufemismo) pol eser che perdemo de novo el tram... Ma coss'te vol, una volta in più una in meno (Off shore - Expo - Sincrotrone grosso... )

Comunque...... A Trieste xè stade devastade un congruo numero de scole e asili, più de qualche giardin (tra i quali uno carbonizzà nei aredi per i pici) vari parchi (villa Giulia tra l'altro). Chi xè sta? No se sa. La zità fa schifo per quel che xe sporca. Per colpa de chi? No se sa. Chi che sporca ciapa la multa? NO. Vien segà un giardin centenario, in Costiera i disintegra el bosco per far case. Pochi protesta, la magior parte no ghe frega gnente. Cambia qualcossa? No. E adesso....qualcherdùn se ga inacorto dela generica "inefficenza", della generica " indolenza" de Trieste. E ga alzà el tiro. Sarà un motivo se, in do anni, semo passai dal secondo al nono posto tra le zità più vivibili d'Italia. E pegiorerà. Intanto el sindaco ga dito "Tuto va ben, Madama la Marchesa, semo sempre tra i primi dieci". Rudolph Giuliani, evidentemente, no gaveva capido un ca..o, visto che qua de noi no gavemo sicuro recepido la sua lezion. E gavevimo la posibilità de farlo. Scuseme, ma a mi questa me par una picia spiegazion de quel che sta sucedendo in questa zità. E, tegno a ribadirlo, no xè una question de dx e sx.. Saluti

Una volta jera una discoteca "figa" tra Miramar e Lignano che no me ricordo el nome (no jera 'ssai discotecaro)...la ga ciapà fogo un tre volte, senza grande clamor, e anche quela marciava....

Perchè? Se ga roto de novo??

Forsi no tuti i tram xè (jera) provvisti dei ganzi estraibili per meter le bici....

A parte che certe robe el bugiardello se le pol risparmiar...el primo giorno de esercizio xè saltade tre corse e nissun ga scrito gnente, comunque.... Ma a parte questo ......mi jero sula 407 in salita. Ala partenza, visto che i mati i controla con scrupoli cossa sucedi, gò visto el tranvier che riferiva al supervisor, in Piaza Oberdan. Bon, go ciapà el tram, timbrà ale 11.04 e semo rivadi tranquili fina a Cologna. La son smontà (jero in tour...fotografico ) e gò spetà el tram de ritorno, che doveva passar ale 11.33. Quel dele 11.33 xè saltà, e go spetà quel delle 11.53 .. che jera la 401, che ga ancora la manizza. Probabilmente quela dele 11.33 doveva esser la 402, ma la mia domanda xè un'altra. Per evitar el salto de corse...no i podessi meter un tram a Scorcola, sul binario de servizio, da usar in caso che servi? In modo tale da continuar el servizio. In qualsiasi caso, el viagio me par lisso, el tram jera bel pieneto, cussì come el primo giorno. Me par che comunque 'sto mezzo servi, xè una vera figada, (jera tanti co le bici che el tranvier li ga lassai portar quele che no stava de fora in tram propio ) a parte quel che pensa certi zurli. Comunque, per mi...le machine pol spetàr tuta la vita...

...lo go visto a Scorcola e el me ga fato tanto, tanto piazèr anche el tranvier jera giovine..vol dir che i ga collaboratori che durerà.... (Bele foto, Babatriestina...)

Domani...domani forsi.....

Grazie..la gente là riverà come? In machina? In treno no, visto che l'idea xè de dispicar i binari drìo el silos...

Ah, la riqualificazion del Silos e piazza Libertà...el novo zogatolo de Dipiazza...... ...... ......mmmhhh.... Alberi novi bati alberi veci 52 a 7 ........forsi i se senti un poco in colpa dopo el giardin dela Madalena...... Ma al silos, esatamente......cossa i vol far?

Son perfetamente d'acordo. D'altronde bisogna pagar el carbon, i machinisti, el personale de Trenitalia a bordo, presumibilmentre chi xè a C.M. smistamento e le tracce orarie (la roba che costa de più) a RFI. Viva

A chi interessa, tignindo conto che i tratti che vignirà visti xè anche quei dela metropolitana leggera, a chi ghe interessa far una gita diversa senza doverse alzar de matina presto.....a chi che vol veder Trieste da un altro punto de vista.... .... ...treno speciale el 25 maggio sui "binari sconosciuti di Trieste". Per maggiori informazioni (link inserido con "placet" de SandroWeb... ) http://www.ferstoria.it/ Saluti