danielita

Grazie Cuci, xè zà un passo avanti!!!

Muli/e, go bisogno de un aiuto grandissimo: so che xè un argomento un fià de nicchia, ma qualchedùn de voi se intendi de storia dei cantieri de Trieste? Mi me servirìa savèr in che anno se ga comincià i lavori de costruziòn dela Raffaello. No me interessa savèr quando che i la ga varada, ma me servi savèr proprio quando i ga comincià i lavori de costruziòn del scafo! Me de una manina? Grazie de cuor!

Anche mi me piaserìa incontràr una persona per strada per farge un bel discorsetto... con un cric in man... Genio! Fa che me rivo trategnìr dal imbiavarlo!!!

Ma dopo i pianterà qualcossa la dove che i ga messo tuta quela tera rossa? O i lassa cussì?

Ah, a casa mia in 'sto periodo xè la sagra dei capuzi e luganighe: un giorno li fa mia nona e el giorno drio xè (oviamente) jota; dopo li fa mia zia, giorno dopo xè jota; li fa mia mama e dopo la fa jota... Praticamente andemo avanti diese giorni a magnàr sempre capuzi e jota! Rivo ala fine del'anno che go la testa a forma de crodighìn e prego per magnàr un piato de pastassuta! Comunque per la vigilia, caschi el mondo, fazzèmo tuto pape bone a base de pesse. No devi mancàr folpi in salata (magari cole patate, ala lussignana), sardoni in savòr o fileti de sardòn crudo col limòn e l'ojo de Cherso, capesante al gratin, canestrèi al gratin, salmòn fumigà, bacalà in bianco fato in casa (mama mia, cossa che no se devi bazilàr per far el bacalà in bianco a casa!), canocie, sfoje in forno... Insoma, me toca andàr in pescherìa e svodàrghe mezo bancòn!

Basta che tajandolo no te fazzi scalini: mio marì poderìa sofigàrme anca a mi se ghe rovino el tajo del persuto!!! Fine OT

Ciò, ala cativa te me acompagni e se te vedi che vado steca longa, te me grampi per i cavèi, giusto che no spaco qualche piastrèla col coco... A parte i scherzi, conosso Brenno de nomea e i me ga parlà ben de lui (per dir el vero lo go conossù anche de persona... ma in quel momento no iero proprio in forma smagliante e no me ricordo nianche de come che el xè fatto!). Senò anche la moglie de Alby de Monfalcòn me par che la fazzèva piercing... Ma adesso me diletto anche mi in questa nobile arte: ghe go 'pena fatto el piercing ala zata de un parsutìn crudo made in Istra, cussì posso impicàrlo in cantina... Per Nadàl proverò a farghe el branding!!!

Tiro de novo su 'sto argomento, visto quel che xè nato ultimamente al Burlo. E, con l'aprovaziòn del grande capo Sandro, ve segnalo questo link e ve invito a darghe un'ociada (e a intervenìr ala discussiòn, se gavè piazèr): http://www.ilportaleditrieste.it/blog/?p=243 Grazie!!!

GENIO GRAZIEEEE!!!! Al mio capo no ghe sarà passà l'ulcera, ma almeno oggi el me ga rivolto la parola in maniera civile! Genio, te vanzi una bevuda!

Didone, grazie per l'incoragiamento! Ma te assicuro che no xè el dolòr che me spaventa. Dopo gavèr partorì alla maniera del Burlo, i poderìa farme el piercing sula lingua anca con una zapa, che no me farìa niente e probabilmente me meterìa anca a rider! Me spaventa de più che me sucedi robe come al amico de Stefano79... Magnòna come che son, anderìa fora de testa dela disperaziòn!!!

Son praticamente in luto. Tappert me piaseva de mati per quel facciòn crucco sempre serio che pareva la versiòn gnoca de Walter Matthau e adoravo quel telefilm anche solo per el fato che i mostrava tochi dela mia adorata Monaco (me considero bavarese de adoziòn). Che pecà!

Ara ti, proprio domenica stavo pascolando per le Rive, e vardando el magazìn me son domandada cossa che i lo tièn a far ancora la inscatolà. I poderìa far tante de quele robe. Tipo un centro congressi o una sala per le esposizioni... Ma basta!!! Ma quanti centri congressi e sale per esposiziòn i vol far?!!!

Mi me xè indiferente che ai omini ghe piasi i omini, ale done le done, che i fazzi mis-mas in tre, in quatro o in cinque giocatori. Me xè tuto uguale: basta che se se voji ben. Per questo i unici che me xè antipatici veramente xè i eunuchi (no intendo quei che xè eunuchi "fisicamente", intendo quei che xè eunuchi per scelta)... no i xè boni de dar amòr!

Genietto, Genietto, fa che al mio capo ghe passi l'ulcera!!! Cò el sta mal el diventa de un catiiivo! Fa che cominci piòver pirole de Zantac e de Malox!

Me gaveva sempre ispirà el piercing sula lingua. Ma un tiro che iero a una Tattoo convention go visto dal vivo una mula che se fazzèva far el piercing al capezzolo... e me ga bastà per capìr che decisamente no fa per mi! I altri i se pol impiràr anca un cortèl fra le scapole, no me disturba e no me fa impressiòn come che ghe fa a tanti. Il mondo è bello perchè è vario...