Ciao, xe capità a una mia parente che la voleva andar al bagno in Croazia con le tre fie, non i la ga lassada passar perchè la se ga presentà al blocco con el lasciapassare (la propusnica).
E cussì ela, che in undici anni della prima fia non la gaveva mai fatto el documento personale, la xe andata in questura a far per tutte e tre el foglio con i dati e la foto.
Che xe quelche ga anche le mie nipotine e con cui semo sempre passadi.
La foto resta per cinque anni, come la validità del documento. A pensar xe assurdo perchè qua noi fazemo el documento subito per andar fora al bagno e i fioi piccoli cambia molto in cinque anni.
Una discussion che go fato recentemente con sua mamma riguardo a andar i Slovenia dopo la caduta dei confini: la xe convinta che i fioi se pol portarli come qua.
Invece, me son informada in questura, quando se va in Slovenia anche se nissun controlla più i confini i fioi devi aver questo documento con foto come prima e anche scritto chi li accompagna.
Sempre in un altro stato andemo, se se vien fermadi i fioi devi esser riconosciudi, senno cossa xe rapimento de minori?
Ciao