erlobo

Stupimo proprio con le grandi. Vinzemo, sicuro. Quindi 1 e forza Ivo!!

Colombo per mi incolpevole sul primo gol. Bombarda, pal sotto l'incrocio e gol. Buffon xè sotto contratto con la Juve e comunque no so se la gavessi ciapada. Se pol discuter sulla posizion, sull'error de valutazion, sul primo pal quanto che se vol, ma sostanzialmente el ga perso un millesimo de secondo, questa la sua colpa. Troppo poco per esser colpa sua. Diria un tiro della domenica, anche se de mercoledì.

2 Dovemo vinzer e lo faremo!!

Primo tempo 0-0 Secondo tempo 1-1 con noi che recrimenemo per l'occasione persa. X el mio pronostico

Ciao Massi, bentrovato. El tuo post ghe somiglia a uno che go messo ieri de commento nel topic SU e GIU' Triestina Crotone, passado un po'sotto silenzio, che incollo qua sotto (figada, me autoquoto!) [...]. Sintetizzo el mio pensiero: trovo tanti che scrivi: bon el 3-0, ma gavemo ballado, un poca de fortuna, mal questo e quest'altro. Giusto. Bravi. Lo gavemo visto noi e lo ga visto Ivetto. El correggerà anche questo, nol ga mai ditto: gavemo fatto un bon lavor e avanti cussì. El ga dito: ogi gavemo vinto, mi voio anche che convinzemo per 90 minuti. Anzi: lo ga ditto dopo el 3-0 e anche dopo tutte le altre partide. Quindi el sa. Questo xè l'aspetto più positivo. El sa lui. Me par che el suo mestier lo conossi. Poi: mal Testini, Marchi poco convincente, Matute in calo, Godeas cussì cussì. Perfetto, ghe sta tutto, condivisibilissime sensazioni. Ma sto giro no serviva. No ga servì Testini e Matute, Marchi e Godeas ga bastado quel che i ga fatto e anche Brosco, Scurto, Malagò e chi che volè metter dentro. A volte el partidon lo farà Toledo, D'Ambrosio, Antonelli e Colombo, come sabato, e vinzeremo. A volte lo farà Godeas, Marchi, Brosco e chi che volè, e vinzeremo magari anche quela volta là. L'importante xè comunque che ognidun se senti parte della squadra, e che el se tiri la sua parte de carretta. A volte essendo el remador principale, a volte essendo solo uno de quei che rema. Me par che i muli, mentalmente, ghe sia. Mi, personalmente, mettereia tra i SU de Modena e de sabato, le fatto de non esser, come che se pensava, Matute-dipendenti. E scuseme se xè poco.. Ultima roba: no dimentichemo MAI che semo la squadra dell'ultimo momento. Oltre alla preparazion, el tempo servi anche per capirse in campo e zogar assieme, per capir l'uno i movimenti dell'altro. Quindi, tecnicamente, dovessimo veder sempre maggior intesa tra Marchi e Godeas, o tra Brosco e Scurto, tra D'Ambrosio e la difesa etc. No pol esser un caso che man man che se gioga più partide questa intesa cressi, no?? Per me questo è uno dei motivi per cui non abbiamo ANCORA visto Longoni, Lionetti o D'Aiello dai primi minuti. La fiducia in primis e l'affiatamento tra giocatori. Continuo a maturar sempre de più l'idea che Ivetto la sa davvero lunga... Quindi non posso ceh quotar el tuo primo intervento...

Grande Montag, me piasi sai l'ultimo post. Sintetizzo el mio pensiero: trovo tanti che scrivi: bon el 3-0, ma gavemo ballado, un poca de fortuna, mal questo e quest'altro. Giusto. Bravi. Lo gavemo visto noi e lo ga visto Ivetto. El correggerà anche questo, nol ga mai ditto: gavemo fatto un bon lavor e avanti cussì. El ga dito: ogi gavemo vinto, mi voio anche che convinzemo per 90 minuti. Anzi: lo ga ditto dopo el 3-0 e anche dopo tutte le altre partide. Quindi el sa. Questo xè l'aspetto più positivo. El sa lui. Me par che el suo mestier lo conossi. Poi: mal Testini, Marchi poco convincente, Matute in calo, Godeas cussì cussì. Perfetto, ghe sta tutto, condivisibilissime sensazioni. Ma sto giro no serviva. No ga servì Testini e Matute, Marchi e Godeas ga bastado quel che i ga fatto e anche Brosco, Scurto, Malagò e chi che volè metter dentro. A volte el partidon lo farà Toledo, D'Ambrosio, Antonelli e Colombo, come sabato, e vinzeremo. A volte lo farà Godeas, Marchi, Brosco e chi che volè, e vinzeremo magari anche quela volta là. L'importante xè comunque che ognidun se senti parte della squadra, e che el se tiri la sua parte de carretta. A volte essendo el remador principale, a volte essendo solo uno de quei che rema. Me par che i muli, mentalmente, ghe sia. Mi, personalmente, mettereia tra i SU de Modena e de sabato, le fatto de non esser, come che se pensava, Matute-dipendenti. E scuseme se xè poco.. Ultima roba: no dimentichemo MAI che semo la squadra dell'ultimo momento. Oltre alla preparazion, el tempo servi anche per capirse in campo e zogar assieme, per capir l'uno i movimenti dell'altro. Quindi, tecnicamente, dovessimo veder sempre maggior intesa tra Marchi e Godeas, o tra Brosco e Scurto, tra D'Ambrosio e la difesa etc. No pol esser un caso che man man che se gioga più partide questa intesa cressi, no?? Per me questo è uno dei motivi per cui non abbiamo ANCORA visto Longoni, Lionetti o D'Aiello dai primi minuti. La fiducia in primis e l'affiatamento tra giocatori. Continuo a maturar sempre de più l'idea che Ivetto la sa davvero lunga...

Come ga ditto anche altri, metto UNO, ma xè più una speranza che una convinzion..

Nono, davvero, mi lo reputo un bon portier, ghe mancassi. El ga za dimostrado el suo valore nelle prime partide in cui el ne ga fatto far punti.Niente sentenze, giornataccia e basta. Capita a tutti. Iera solo per parlar de calcio giocato, no per sparlar del povero Colombo e metterlo tra i brocchi. Deso speremo che el se lassi la partida alle spalle e che el reagisi alla grande. Magari la prossima volta analizzemo un paradon miracoloso.. @Gus: Su Testini me sa che te ga ragion..Caspita, me iero dimenticado!!!

-edit- scuseme, go postado 2 volte

Eh, ghe piaseria che una volta tanto i ghe voltassi le spalle...Dopo che lui ghe le ga voltade a Mora...(chi che vol capir, capissi..)

Stimolado dal tuo post go guardado e riguardado la situazion. Ripeto:stemo parlando de un portier de serie B che stimo, finora ga giogado ben e la partitaccia capita, ma un che ga giogado serie A e B, quindi no un copa Trieste. Quando Pasquato tira el punta al secondo pal. Colombo fa due passi verso destra (pensando che ghe la metti a taio sul primo), mettendose in condizion de esser in ritardo rispetto al secondo pal. Poi nol recupera svelto (mi penso perchè la prima deviazion xè stada de brazo e el pensava che l'arbitro gavessi fermado el giogo, ma xè una mia presunzion) e sulla seconda deviazion (che comunque la avvien a 11 metri, all'altezza del rigor, no a 1 metro), trovandose LEGGERMENTE fora posizion el xè taiado fora. Per centimetri, forse millimetri, quei che basta perchè la bala, fortunosamente la ciapi el pal e la finissi dentro. Te ga ragion quando che te disi che saria stado un paradon, ma da un con questa esperienza un poco me lo spetto su una bala lenta. Ergo: colpa non sua al 100% ma un poca de colpa sì Poi: tutte le deviazioni xè imprevedibili, in fin dei conti. Sennò in porta stassi chiunque..(Testini: xè l'unico ruolo che te manca!!)

Mmmhh, no, decisamente no. Son portier, modesto ma portier. Prima punizion de Pasquato da posizion molto defilata, quasi dall'out alla sinistra de Colombo. Pasquato xè un destro, la taia de interno, la bala va verso la porta e Colombo la devia de pugni. Bon, parada, va ben, ma la bala iera abbastanza centrale. Portier sicuro, su quela traiettoria (facile, in area piccola) fazeva 2 passi avanti e se accortocciava in presa. Azione finida. Deviandola de pugni te pol incorrer sempre in un che la riprendi e la metti dentro. Campo fangoso, decision sua e parada. Disemo che se podeva far meio, volendo la perfezion. Sul primo gol carambolona e deviazioni. Pol anche starghe, per carità, a volte se ciapa gol scemi che tutti pensa che sia facile ciaparla e la bala fa de tuto per scampar, però un portier allenado, bala cusì lenta, no in controtempo perchè più o meno quela iera la sua traiettoria (la deviazion la ga mandada più in angolin, ma in quell'angolin là), colpo de reni e bala in angolo. Go guardado l'azion più volte, magari a volte te tenti el colpo de reni e te scivola la scarpa sul fango, ma no vedo sbrissade e la bala va veramente a uno all'ora. Bala rimbalzante e impazzida: disemo una parada fattibile ma non facile. 50%. El secondo gol no ga scuse: punizion da distanza siderale ben calciada, Pasquato xè bravo ma no xè Roberto Carlos e no iera una punizion a "tre ditos", per intenderse. La bala pol calarse all'improvviso quanto che te vol, ma Colombo xè là, no el xè sta sorpreso, el ga proprio fato una cazzada incartandose. Per dir no la iera nianche in angolin, la iera sotto la traversa ma no angolatissima. Colpa sua al 100%. La dimostrazion de questo xè el fatto che el portier xè andado in palla: co te se rendi conto che iera colpa tua te ga un picolo crollo psicologico e te cominci a inanellar una serie de cazzade..L'unica volta che el vien ciamado in causa el secondo tempo el fa una parada de pugni su un tiro da fuori (parada normale, tiro centrale), la bala se impenna e Bellucci xè in agguato e el fa un'uscita assurda e grottesca (mancando la bala e inseguindola..), segno de nervosismo e scarsa sicurezza. Mi la vedo cussì, ma in serie B no go mai zogado (nianche in C..)

Ma basta anche smetter de legger o de scoltar.In questo caso 100, 1000 o 10.000 no te fa differenza..La grandezza a volte se dimostra zigando, ma el più delle volte stando ziti quando tutti i altri urla.

El ga sempre sostenudo che per farse i soldi el se ga fatto un cul cussì....

Allora: mi son un che leggi tanto e scrivi poco. Scrivo solo nel caso in cui un mio intervento eventuale possi far crescer el dibattito o dar qualcosa de nuovo, altrimenti preferisso legger i altri e pensar per conto mio essendo ora d'accordo con l'uno, ora con l'altro, a seconda. Sulla diatriba Massi (e Gimmi) contro el mondo, effettivamente me son un pochettin smonado e no leggevo nianche i post; confesso che anche i continui riferimenti a qualchedun (perfin al sepolto Somma che, bon, gaverà combinado le sue ma oramai el xè andado via co la bora) i me smonava. Ma xè un forum, e ognidun scrivi cossa che vol e come che vol. Se no voio legger, passo avanti. Quindi el mio messaggio, in questo caso, xè: Massi se te se senti de scriver, scrivi. A volte sarò d'accordo, a volte meno, a volte passerò oltre senza quasi nianche legger. Ma fammelo decider a mi, dai. Se tutti se turba/scondi/scampa, qua no xè più niente de legger nè de discuter.. Questo iera el messaggio per Massi. El messaggio, inveze, per i foresti, quei che vien su questo forum solo per ribadir o per fomentar: scuseme, gavè i vostri forum. Ma perchè dovè vignir qua a romper le balle? Se gavè de scriver qualcossa de costruttivo, partecipar alla discussion va benissimo, benvenuti. Altrimenti, per cortesia, restè a casa vostra a romper le togne. Grazie. Erlobo/Lorenzo

2 fisso. Sto giro se sveiemo!

Sembra una gara de imbecilli, per television. Tutti che se pappagalleggia a vicenda per ciorne pel fioco, ma nissun che osserva. Anche ieri sera su Rai 2, dopo el servizio sulla B (scandaloso quanto poco spazio i ghe da per television, e dopo i parla de valorizzar i giovani..) quella def..nte della conduttrice a far battudine sui tifosi finti.. Peccà solo che i servizi appena mostradi sì che evidenziava i nostri BEI teloni, e no diseva un klintz su qual mega telon-sponsor in curva della Reggina (tutta la curva che se vedeva iera coverta) e de tutti i spalti svodi completamente (quei che se vedeva) della partida dell'Albinoleffe... Che signori giornalisti...Tanto de cappel.. Ah, ricordemo che noi gavemo un stadietto de 35.000 posti, che no xè proprio pochetti de riempir visto anche el poco spazio che i ghe da per TV e la scarsa importanza che i ghe attribuisi alla B...

Difesa amcora sotto torchio, bisogna convinzer el mister che D'Aiello devi zogar. Quindi ciapemo 2 pezzi, ma 2 anche li femo perchè gavemo el cuor grando. 2-2, e noi bastanza contenti ma a rugnar su Brosco e Sabato

D'accordo con tutto meno che col titolo del post. Gaveria messo "Unione in crescita anche di personalità, ma ancora non a regime". Recuperar un gol e attaccar, a Empoli, no iera facile. Son contanto per Attila, mezzo voto in più per no gaverse perso

Mi voio veder Attila in campo. Tanto, ragazzi, quasi tutti ne da per spacciai a Empoli. Magari gavemo un che se danna l'anima, provemolo, xè la partida giusta per veder se el ga personalità!! El nome xè quel! A come Atrocità, doppia T come Terremoto e Tragedia, I come Ira di Dio, L com Lago di sangue, A come ... adesso vengo e ti sfascio le corna!!

No semo ancora a bolla. Trovar l'Empoli o l'Inter adesso no da differenza. Me dispiasi, ma vedo uno

El problema delle linee internet xè proprio quel che segnala Stefano. El fatto che se ga "virtualmente" 20 Mega, ma in verità la linea veloce va e vien. A volte te viaggi come un razzo, a volte no la va un ..bon, la rima la fe voi. E poi ghe xè un altro problema: pol capitar che appena i te metti la linea (me se te ga fortuna anche per tutta la vita) i te collega ad un nodo dove ghe xè pochi utenti, ma poi su questo nodo i collega sempre più utenti e la velocità massima del nodo te la spartissi sempre con più gente. Per spiegar el concetto fazo un esempio (ve lo spiego come che i me lo ga spiegado a mi, scuseme se digo bestialità, no son del mestier): el "Nodo" xè l'uscita sul web. Noi da casa semo collegadi a queste uscite. Pensemo all'uscita de un porto..Fin che son da solo, co la mia barchetta, o ghe xè poche barche che esci, no speterò mai la fila..Ma se el porticciolo comincia a impinirse, xè possibile che quando mi voio uscir volli uscir anche i altri, de conseguenza devo spetar el mio turno. Per cui capita che per anni te sia soddisfatto del servizio internet, e d'improvviso questo cambia perchè i ga collegato altri 100 sul stesso nodo e te comincia ad andar lento. E xè possibile che uno sia super soddisfatto del suo provider e un altro, che ga lo stesso provider, sia completamente insoddisfatto. Un'altro discorso xè la linea FAST o la linea INTERLEAVED; no vado in tecnicismi, xè due tecnologie completamente diverse, la linea FAST te permetti de gaver tempi de latenza (PING) molto minori, la cosa xè estremamente utile per i gioghi on-line, ad esempio. Questi xè i motivi per cui go scelto la linea che go, anche se la xè più caretta dei altri; el 95% de banda garantita (cioè, se scendo sotto el 95% per un periodo superiore ad una settimana i me sposta de nodo) e ping bassissimi (per cui carigo le pagine web come se le fossi residenti sul pc). Ah, non da ultimo: se go un problema (successo una sola volta) rispondi un tecnico e no un call-center e lo risolvi entro 48 ore per contratto. Mi go scelto tutto questo, naturalmente, perchè me servi per lavor, anche..

Mah, mi tutto sommado no la vedo cussì mal. Ossia: che la cosa sia stada fatta malamente sì, ma l'operazion secondo mi xè giusta. Gavemo un stadio de 35.000 posti, saria difficile riempirlo in serie A coi tempi de adesso. Quindi secondo mi no xè sbagliado riempir de sponsor, che soldini porta e che magari, in futuro, ne pol garantir fondi per qualche bon acquisto o la tranquillità economica in serie B. Tutti quei che ne ciol pel fioco ga campetti de provincia assolutamente inadeguadi alla categoria. Mi ciodessi pel cul el Portogruaro che ga de giogar in casa a Udine, per esempio... Quel che xè de sbagliado xè come che xè stado fatto: per mi chi che gaveva l'abbonamento in gradinata l'altro anno, presentadolo ai botteghini, i ghe gavessi dovudo dar al stesso prezzo (se i stava tutti..)l'abbonamento in tribuna, cussì ghe guadagnava anche chi che ga perso el suo storico posto (e, insomma, la tribuna ga qualche pregio in più, no?) e no el rugnava.. Comunque, commercialmente, la mossa ghe sta. Quante volte andemo in un ristorante, per esempio, e se no xè gente ghe xè una sala chiusa? I ga fatto la stessa roba, alla fine

Bon, fatto alle 9 de mattina no xè mal.. Go una linea SOLO DATI (no telefono) con el 95% de banda garantito. Me costa circa 39 Euro al mese (digo circa perchè pago annualmente, de solito i me regala un mese)

Bon, volendo cambiar discorso.. Sto Lionetti che tipo de punta xè? Veloce? Una torre? Un sbrisighin? Scuseme ma mi questa estate no go avudo sai tempo de veder le partide...