Questo xe un altro argomento su cui non andemo d'accordo ma se sul "maestro" Boscia Tanjevic riconoso de esser de parte e quindi non obiettivo, su Stefanel dissento a voce alta. Qua tutti se ricorda dell'abbandono e de quella partida TS - MI in cui non so quante migliaia de persone ga voltà le spalle alla presentazion del squadron de Milano griffato Stefanel. MI iero tra quei, come iero tra quei che in una remota località basco - cantabra nell'estate del 94 ga brusà una maieta della Stefanel in segno de rottura col passato (e forsi a causa de qualche calimocho de troppo ).
In realtà l'abbandono xe stado causado dall'immobilismo politico che ga impedì alla Società de poder sfruttar un bacino de utenza che allora, come oggi, iera devastante se paragonà alla realtà basket degli anni 90.
Trieste non xe una piazza che conta perché ga vinto 7 scudetti o 4 Euroleghe.
Xe una piazza che conta perché basta che se se vedi un poco de sudor, qualche risultato e un due azioni spettacolari per riempir el palazzo (chiedeghe ai trevigiani amici del Chompo cosa i ga pensà quando i se ga trovà 5.000 e passa persone in palazzo!). Al'epoca de Bepi iera la stessa roba e lui zogava le partide che contava nel vetusto e inospitale palasport de Chiarbola. Semifinali scudetto, coppa Korac, robe de top assoluto, chiaro?
A CHIARBOLA!!!!!
E i ghe diseva: "non preoccuparte Bepi, el prossimo anno te gaverà el tuo palazzetto novo. Intanto poza pila che cusì se parla de Trieste e la gente xe contenta (già, panem et circenses ).
Lui ga pozà, ga pozà, ga pozà e alla fine se ga rotto los huevos quando el ga ricevù l'offerta Olimpia Milano. Mancava solo el sindaco de Milano alla pecorina, perché tutto el resto iera za pronto. Cusì el ga saludà, ringraziando per el palasport novo, che xe rivà troppo tardi.
Ovvio che un abbandono fa sangiunar el cuore.
Ovvio che un tradimento non xe facile da dimenticar.
Ma se una donna vol far ginnastica col partner e el partner ghe disi sempre che el ga mal de testa, ma che domani faremo 4 salti, prima o poi se cambia palestra!
El marchio Stefanel a Trieste. Again! Per completar l'opera! Perché non ghe sarà sempre un Carlton Myers de mezzo, cazzolina!