chompo

Che tristezza! Che roba! Eliminadi purtroppo ampiamente meritatamente in virtù de quel che se ga visto sul campo in 3 partide, con el picco negativo de quela de oggi. Un grande in bocca al lupo a Prandelli, che trova un panorama tecnico e de personalità molto basso. Per mi la grande delusion xe soprattutto i novi proposti, che no ga dimostrado de poder star a questi livelli dal punto de vista caratteriale, de spavalderia, de personalità. In primis Montolivo, zogador dalle grandi qualità, ma che no sboccia mai definitivamente. Eh bon e alora sempre alegri e mai passiòn...e vamos España!

Ciau gimmi, le considerazioni riportade de morodesede, le trovo logiche e le condivido anche mi per la gran parte Si in pratica se pol dir che ghe xe stado, ma no son d'accordo su come xe avvenudo che per mì xe stado piuttosto casuale e gestido malissimo. E questo contesto. Per mì la pecca xe la mancanza de un progetto tecnico, da portar avanti che ritengo indispensabile per una squadra de calcio de serie B. Se andemo a vardar come se ga mosso sui zogadori l'era Fantinel, i mejo disemo cussì tipo Agazzi, Allegretti i se li ga trovadi za in casa. Dopodichè ogni anno tanti prestiti (e neanche sempre con zogadori giovani), caccia ai svincoladi e caccia nei vari mercati a zogadori che per intrecci vari de mercato podeva rappresentar un discreto (anche buono a volte) rappporto prezzo-zogador. No parlo de denari eh sia chiaro, ma de mentalità, de modus operandi! Un progetto tecnico gavessi dovudo ad esempio evitar de ritrovarse senza neanche un zogador a centrocampo che sappi zogar la bala (roba impensabile a calcio in qualsiasi categoria)! Come de gaver un 6 esterni in rosa. Anche se xe modesto o de medio-basso profilo disemo, un progetto tecnico per el solo fatto de esser "attivo" lo rendi za migliore e potenzialmente più foriero de portar qualcossa de bòn, che non mercati fatti col cùl (licenza poetica ) e "de rimessa" quali secondo mì nella gran parte xe stadi quei gestidi nell'era Fantinel (e che secondo mì xe el motivo principe della squadra senza senso che se gavemo ritrovado sto anno e dunque de gran parte dei problemi conseguenti, unitamente al fatto che per bona parte del campionato nei secondi tempi caminavimo pel campo ) Qualche giovane in più da comprar, o in compartecipazion, qualche zogador in più da andar a trovar nelle serie minori, senza svenarse e spendendo nell'ottica de quel che se pol/vol permetterse. Per cercar de crear un qualche valor economico e/o de migliorarlo un poco, per la società stessa e per renderla più forte contrattualmente parlando e per non dover far ogni estate quintali de movimenti. Più operazioni tipo Ardemagni, Hottor per capirse (gestindole mejo magari dopo...) e meno operazioni suicide tipo Godeas (a prescinder dall'infortunio, trattavasi de zogador de 34 anni con un ingaggio alto e che per quanto pol darte el mejo lo ga za dado in ogni caso). Certo a volte andrà mal, ma qualche bon te lo troverà e questo compensasi ampiamente i tentativi a vuoto, che comunque no te va a pagar tantissimo. Rose meno ampie, impensabile per una società che vol gaver una gestion attenta e de profilo medio, gaver a stipendio tanti zogadori come sto anno. E varie ed eventuali che poi ognun pol ritener opportune o meno a seconda delle idee etc. Forza unione!

Go risposto si a entrambe. Dove el secondo si xe tale nel caso del voler de chi che se ne va.

Espongo il mio punto de vista. Non xe e non vol esser un commento disfattista o de sangue cattivo, bensì una critica molto dura e severa che a mio parer questa società merita. L'analisi della gestione Fantinel de questi anni la ritengo pessima! (Non enfatizzo maggiormente in virtù del fatto che i conti sembrassi esser a posto e quindi se xe così su quel fronte bene) Ma lo fazo per un motivo de fondo. Che questa società ga fatto semplicemente amministrazion. Non xe, non xe mai stado in sti anni un progetto alla base de come se moveva la società! E questo lo ritengo basilare e nello specifico, "grave". Qual xe stado el filo logico de questi anni? Quale la filosofia sportiva da applicare ogni anno a prescinder dai mezzi economici? I acquisti ga mai seguido un'idea de fondo? E non me riferiso a far le robe in grande, ma me riferiso al fatto che anche se no te ga tanti bori de meter e/o no te ga ambizioni ma te punti solo a galleggiar nella categoria, anche in sto caso come in tutte le robe del resto, gaver una base una traccia da seguir rendi le robe più semplici e porta risultati migliori. Ed allo stesso tempo seguir la regola delle 2 o, ovvero Ordine e Organizzazion, che paga sempre. Mi no go mai visto niente de tutto questo e dunque questo per mi significa bocciar in maniera inequivocabile l'operato nel suo insieme de questa società. Molto negativo il non esser riuscidi a metter una toppa a sta annata, dove comunque gavesi bastado giusto un cicinìn per evitar el tracollo e dove mi go avudo l'impression che soprattutto i vertici (leggi Presidente), fino a sai poco dalla fine no ga ben realizzado che se podeva andar zo e che comunque pensava che "tanto no succederà". Arrabattite ogi, arrabattite doman, prima o dopo te la paghi. Quoto questa considerazion finale de Pinot che val anche per mi, in relazion a quanto go appena espresso. O collima, nel caso l'interpretazion che ga portado Pinot a scriverla sia differente in parte o anche del tutto, rispetto alla mia. Poi podemo analizzar tutto quel che volemo, ma mi penso che tutto nassi da una gestion senza un perchè, senza idee o volontà de gaverle, oppur troppe e troppo ben confuse... E da un assetto societario mal congegnado. Per Ferrari go antipatia assoluta e non stima e non lo certo nascondo, a Totò penso che ghe volemo tuti ben, anche se questo come el fatto che el gabi dado tanto come zogador non implica che el sia bravo come direttor sportivo ovviamente (personalmente no son dell'idea che xe lui la madre dei mali maggiori). La campagna acquisti de l'estate scorsa xe stada letteralmente disastrosa secondo mi. La go criticada duramente e go avudo all'epoca ruvide discussioni per questo, visto che come disi gimmi girava la voce che ierimo una signora squadra, mì la pensavo molto diversamente (ma no credevo de retroceder!) ma non iero qua, xe passado un campionato e quindi saria inutile parlarne oltre che antipatico visto che non xe riscontri (no son el tipo da "eh te gavevo dito mì"). Ma torno sul mio pensiero de fondo, cioè che no xe mai stada un'impronta da seguir! Ecco alora che i rischi de far minxiade, de ritrovarte ad esempio in alcuni colli de bottiglia nel mercato, percentualmente aumenta. Ed altrettanto se non xe ben chiaro chi lo fa il mercato... E se non se evita quelle situazioni in cui xe in troppi a metter bocca. Tutte robe che me da l'anda che ne gabi riguardado... La confusiòn no da nessun bon frutto in nessun campo, situazion. Xe mejo una o due robe fatte ben o 10 fatte alla bona? Mi son tra quei che tra quantità e qualità sceglio sempre la qualità.

Questo però dipendi dal tipo de giornalisti e giornalismo. Se podessi anche far un giornalismo diverso (e magari penso mì, no se gavesi creado tutta una serie de eventi che porta poi a leggi per certi aspetti "strane"). Se vendessi meno giornai? No so, ma son più propenso per el no. Quoto!

Ma certo

Grazie delle info _titti_

Quoto in toto! Con particolare riferimento alle ultime 2 frasi. E su questo filòn rilancio anche un'altra osservazion che me par no gavemo ancora fatto. Al mercato de gennaio una squadra za visibilmente disperada, cossa fa ?? Agazzi al Cagliari perchè Marchetti saltava 3 o forse 4 partide...Te ghe lo davi a fine anno! Che i disperadi ierimo noi e non lori! Lori all'epoca sperava magari de poder rivar in uefa, cose loro. Qua lottavimo per la biga! Ma evidentemente come go avudo za modo de dir, no i se gaveva accorto...!??! E sbagliar se pol eccome, ma no gaverse accorto neanche durante l'anno dele condizioni disastrose in cui iera sta squadra, per mille motivi ed a prescinder dalle colpe de questo o de quel altro, xe qualcosa de inaccettabile. Che se spiega solo con la pochezza ed il mal assetto societario. Mi resto dell'idea (tra i pochi me par qua) che ai zogadori go proprio poco de rimproverar sto anno. E forza unione!

Go votà España, che se no vinzemo noi (e sto anno me par no molto probabile) xe chi spero che vinzi. Spero che Capello fazi poca strada e soprattutto che ne fazi el meno possibile i francesi e quel de monsieur Domenech. Se i li battezzasi nel giron no me dispiaseria

Bela ! Qual xe el "giogatolin" con cui te la ga fatta se no son troppo indiscreto ? (metadati go visto che no xe)

Ehehehe grazie boss

Mi una roba spero. Che la società se movi a decider cossa che la vol far, che no ghe sia dubbi, angosce e robe varie, perchè ghe xe (bon vaben ghe sarìa) un gran bisogno de chiarezza de intenti. Primo se i vol affrontar la prossima stagion o no... E nel caso che si, su come i lo vol far. Xe giusto quele 2-3 compartecipazioni che pol portar qualche soldìn el resto xe una valle de lagrime. Xe una squadra da ricomporr ex-novo in pratica e in quel giron xe almeno mezze squadre che sperasi o ambissi a salir de categoria. Sarìa determinante partir presto, con idee chiare e trovar un novo organigramma tecnico-dirigenziale competente, perchè bori in C no xe, ghe vol idee, progetti.

Eh ma che par de balotas! Ma un 3 mesi de estate proprio no eh

Per gli amanti de foto de animali, sito con foto ornitologiche spettacolari. Sezione link, con collegamenti ad altri siti similari http://www.birdfocus.nl/index.htm

Mah...no te ciapi soldi de 7 mesi e te sta zito ?? Alora oltre che scarsi in campo sti zogadori xe scarsi anche in altro... Ad ogni modo che no i ghe gavesi versado i stipendi, pol esser ininfluente a livello de sanità de bilancio, versamenti de legge e compagnia bela e no necesariamente celar difficoltà economiche. Mi sperasi comunque in una qualche svolta (positiva ovviamente)e no credo alla possibilità del ripescaggio, no per questioni etiche o meno, ma perchè chi se salva a meno che la situazion no sia disastrosissima ga modo de refar, vendendo ad esempio. E anche se no saria giusto magari, alla fine comunque no i te fa retroceder in sti casi. Almeno fin desso me par che sia andada cusì...

Per una s ciapo subito del bisiaco... Comunque no

Gnanche mi. Anzi. Quoto anche il resto dell'intervento, d'altronde mi go espresso un parer molto ruvido sulla società nel topic sulle considerazioni della partida de sabato, quindi. Quoto anche il post de tifosa che sottolineava certa vigliaccheria e situazioni de comodo. L'impression che go al momento xe che i cominci a zercar qualcossa a cui appigliarse per levar le tende. Di Piazza? Ma per favor dai, al di là de simpatie o meno verso il sindaco, savemo tutti che a caldo xe un estroso disemo, un impulsivo. E poi cosa te ne frega de cosa disi el sindaco... E poi te scoccia sentir critiche dopo un'annata del genere...? Se la società xe sana come che dovessi esser e spuntasi l'opportunità de trovar una proprietà decente, mi butasi un giro de birete

Offro i miei pensieri. Questa retrocession ga un colpevole principale e chiarissimo per quanto me riguarda (e quasi unico): la società! Una società non strutturada nel modo giusto, non competente nel modo giusto ma che pensa de esserlo! (la pezo roba...co'ciccio no xe per barca e inveze che no 'ndar per mar se compra el yacht) Una società che alla fine de la campagna acquisti scorsa se vantava de gaver costruido una squadra per puntar in alto e che desso la città doveva risponder. Mi go risposto a modo mio, non fazendo l'abbonamento. Ricordo una furibonda discussion con un conoscente innescada dal fatto che disevo che questa squadra se gavessi salvado a fadiga altro che piani alti! Scuseme no voio far el saccente ma bastava vardar i zogadori...un'infinità tanto per cominciar e senza qualche valor tecnico degno de tal nome. Pacchi de esterni e comunque in generale doppioni e triploni in alcuni ruoli e per esempio non uno che savesi zogar la bala a centrocampo! Difesa troppo "fisica", se gavemo poi tristemente accorto de come mancasi rapidità. Due prime punte "importanti" per la B (po' Dennis e la tendinite...forsi xe al capolinea ma queste xe za altre considerazioni) ma che no pol zogar insieme! Seconde punte ? Volpe no lo xe, quindi N.P. Insomma un generale, clamoroso, imbarazzante, mal assortimento! A chi vien dada la guida dela squadra? A nisùn! No son cativo, nè voio esser iper critico ma Gotti... Ma voio dir da Gotti in poi iera altro che el tempo per rimediar o no ? Analizzemo solo i fatti, cosa xe stado fatto??? Questa società no ga mai pensà e/o credudo de poder retroceder questa xe la mia impression! E questo sempre secondo mi xe el motivo principale per cui invece semo retrocessi! E purtroppo meritatamente, perchè questa de sto anno iera una squadra inguardabile, mossa solo da volontà ma che ga dimostrado in 44 partide che non gaveva i mezzi per tentar de "far la partida" come che se disi. No abito ssai lontan del stadio e cussì ieri sera go anche rivà scoltar per tele4 che l'unico della società che se ga visto, ripeteva "non ce l'aspettavamo". Beh mi stavo per spaccar el televisor bon che iera caldo e no gavevo voia de agitarme . Zero in comunicazione e no xe una novità (come go letto che anca qua za se sottolineava). Zero in organizzazion societaria. Cosa fa Enzo Ferrari? Chi me sa spiegar? Che per chi no xe de primissimo pèl ricordo che xe quel signor che se ga sempre dado un sacco de arie perchè iera andado un anno a allenar el Real Saragozza quando i allenadori no varcava le frontiere ancora come in tempi successivi. Personaggio de una spocchia insopportabile per quanto me riguarda e che ricordo xe quel che dopo che iera andado via de TS ga dito che oltre de l'Isonzo de calcio no se capissi. Riferindose palesemente a noi triestini. I xe bravi a tegnir i conti e de questo bisogna darghe atto e merito. Per tutto il resto mi ritengo che questa retrocession che gavevimo comunque mille modi per poder evitar, la xe tutta sulle spalle de una società calcisticamente incapace!!

Ehehe no dei cazzabale perdonime Me xe vignuda cusì de getto...forsi xe i primi caldi...chi pol dir ???

Ailo...ma cos' te son mato ciù Scuro alle 4 de dopopranzo, zima, robe...grazie no fumo! Mì son per el sol le bele zornade e tra caldo e fredo, caldo tutta la vita e se devo sceglier tra l'afa e i -7 con bora che gavevo una matina in terrazza sto inverno passà...afa forever

Mal comune Pippo Baudo ?!? Grassie a tuti del benvenudo muloni e mulone.

Grosso modo mi penso che questo xe. Comunque concordo che un minimo de piglio in più ghe volesi, la falsariga dela partida magari la stessa, ma l'atteggiamento un poco diverso spero. Comunque dovemo ricordarse che non dovemo ciapar el pero, perchè co' dovemo noi andar tutti in avanti savemo che sto anno xe sssssai dura... Claro! Desso solo forza unione!

Forse ne gavè zà parlado, nel qual caso scuseme se ritorno su qualcosa de za scrito (go letto le due ultime due pagine). Mi voio dir che tanta o poca gente, bela o bruta partida o qualsiasi altra situazion, andasi accantonada in sto momento e che spero che se salvemo. In qualsiasi modo! Perchè credo che retroceder sarìa calcisticamente parlando una tragedia! Gavemo un parco zogadori fatto de prestiti, qualche svincolato, qualche finido o semi-finido e qualche rarissimo zogador che comunque no scendessi in C. Una rosa tanto ampia quanto mal assortida come mai se gaveva visto in sti 8 anni che semo tornadi in B. Quel che voio dir, in B se pol far una squadra cercando de arrangiarse (magari mejo de come xe stado fatto sto anno ) per mantener la categoria, che in definitiva xe quel che le varie società succedutesi gà fatto (e in questo per mi Berti iera bravissimo) Se andassimo zo, sul piatto economicamente parlando se ritrovasimo solo mosche o quasi. E risalir xe dura, lo savemo ben... Allestir una squadra che punta a vinzer la C (mi lega Pro no rivo dir) costa molto molto de più, soprattutto se te parti da quasi zero, come secondo mì ne tocassi a noi. E la società no me par gabi tutta sta voia e/o possibilità de metter bori. Forza Unione!

Ciao a tuti mularia ! Son chompo alias gabriele...o forsi xe el contrario...bon insoma no staremo a vardar el cavèl no ?!? Tropo bel un forum dove poder scriver in triestìn e cusì dopo varie volte che gavevo zà pensà de iscriverme e po' gavevo lassà star, alla fine ecome qua ah.