Spionaggio...all'inglese

[Stefano79]

Ieri go sentì per telegiornale una notizia sai strana.

Sembrerìa che in Inghilterra qualche politico gabi proposto de cambiar el metodo de pagamento della tassa de circolazion per le macchine, a suo dir per ridur l'inquinamento. Inveze de pagar el bollo de circolazion uguale per tutti, i volesi crear un sistema de monitoraggio satellitare per controllar ogni singola macchina in circolazion e veder quanti chilometri che uno fa e che strade che el ciapa E dopo in teoria te dovesi rivar a casa el conto de pagar in base a quanto te ga "usado" le strade del regno, per così dir....e anche in base al tipo de strada (autostrada, extraurbana ecc). I ga dito che i prevedi de far questo in pochi anni.

Ma mi digo...a parte che no so se esisti za la tecnologia per controllar milioni de auti contemporaneamente e za me immagino quante capele che i farà nel calcolar i chilometri, ma per el discorso dela privacy come la metemo?

Sicuramente ghe sarìa el vantaggio de pagar quel che te usi effettivamente e son d'accordo, ma mi no sarìa sai contento de esser spiado costantemente da un Grande fratello satellitare.....

Ve immaginè cosa succederia se sta roba in Inghilterra gavesi successo? Sicuramente qualchedun la proporrìa anche in Italia.....

Cosa ne pensè voi?

[trert]

semplicemente tremendo.. za qua me fa impression le telecamere in città che ben o mal le pol esser utili.. ma cio.. dopo magari qua in italia no i le usassi solo x le tasse.. immagine spiar x altre robe le persone (tipo amanti o politici.. sa che longhi!!!)

[Matt]

Assolutamente improponibile!

Mai e poi mai una roba del genere...e se poi un sorpassa el limite? i ghe fa una multa con el velox satellitare?

[tommy781]

bè el discorso xe fatibile nella pratica e senza disturbar i sateliti, in certe capitali i ga già sperimentà il pedaggio automatico in certe zone del centro, in pratica sotto l'auto installa una scatola nera, per terra i meti dei sensori e ogni volta che l'auto li passa vien registrà il tutto. alla fine dell'anno i tira zò i dati e sulle tasse i fa pagar el dovuto per incentivar l'uso dei mezi publici.

[tommy781]

deso me xe venù in mente un'altra roba che i gaveva sperimentà,gavè presente il funzionamento delle antenne per cellulari, le funziona a zone, ogni volta che te pasi da una zona all'altra te se agganci ad un trasmetitor e d per questo i pol sempre saver dove che semo in base al celulare. in pratica i pensava de dotar le auto de un trasmetitor grande come una scatola de sigarete e veder cusì i spostamenti per poi far pagar el bolo in base ai dati. mi non me conveniria visto che fazo quasi 20.000 km all'anno, chi se movi poco invece risparmieria bastanza.

[Stefano79]

Mi no go l'auto, quindi per el momento no me cambia...

Certo che i parla tanto de leggi sulla privacy e dopo i proponi ste robe...Za cusì se sa tutto de noi, in particolare de quei che usa spesso la carta de credito. Xè facile risalir ai gusti e le abitudini de una persona in base a come spendi i soldi, in più cusì se saverà anche dove che andemo.....veramente roba de KGB!

[trert]

mi saria la mia fine cio.. fazo circa 90 km al giorno! da otobre ad adesso 20000km.. ofro x tuti me sa!

[Tirabaralla]