Un sportivo profesionista...

[tuxav]

Ohla...

vedendo quel che xe suceso sti giorni col doping me xe ritornada in mente sta roba, me domando se un sportivo profesionista, de qualsiasi sport (anche se probabilmente i piu interesai xe i sport magiori), pol pensar de far cariera, otegnir risultati, vinzer, puntando solo su alenamenti e alimentazion...

Mi credo de no perche' ormai la roba xe purtropo talmente difusa che probabilmente anche a livel giovanile se usa qualche 'aiuto' ...

Tornar a un sport 'puro' purtropo me sa che xe una utopia pero' vardando el sport adeso (calcio, basket, tennis, sci..) la forza fisica xe prevalente sul lato ateltico... vojo dir, una partida de NBA con M.Jordan de parecchi anni fa, iera molto piu atletica e bela de veder che le partide de adeso ... (IMHO), tennis uguale.. arriva missili a 130km/h.. i podesi meter un robot che spara balini e scopo del zogo xe risponder... sci idem.. basta vardar el mio idolo Herminator per capir che quel ga una forza che no xe 'normale'.. certo questi xe fenomeni in ogni caso.. pero'..

chisa se un giorno, se tornera' indrio e se podera' zercar de piu el lato atletico che quel fisico..?

e poi... la birra post partida pol eser considera' doping? :D

[saretta]

Mi penso che se possi far a meno, ma lo digo perchè non so tanto de ste robe. A dir el vero non me ga mai interessa approfondir questo argomento, ma credo che anche se te son a livello agonistico se possi far a meno

[trert]

volendo xe ovio che i podesi farne a meno, però xe anche vero che se tuti i altri ciol sostanze, i saria in svantagio e quindi no i pol competer contro sti robot!

[Maurizio72Ts]

Secondo el mio modestissimo parer (anche perchè anche mi, come saretta, no go mai aprofondido el tema ), se un professionista serio ga volontà pol farghela benissimo anche senza. Mi credo (e con questo no voio offender eventuali sportivi che frequenta el forum, ghe mancassi altro ) che chi fà uso de quele schifeze no ga sai forza (o la volontà de diventar forte senza far fadiga) o ga gente vizin che ghe imponi certe regole .

[iaga]

Secondo mi l'argomento xè complicado..

Da una parte se pol ragionar sulla forza de volontà de una persona e sulle caratteristiche che fa emerger la persona senza assumer determinate sostanze.

Dall'altra ghe xè l'ambiente che circonda un atleta.. dal basso della mia esperienza passada, posso dirve che za 7 anni fa (e prima) in un sport come el nuoto, a livello regionale e giovanile, qualcosa girava.. e non voio pensar adesso cosa possi esser..

Quindi in poche parole la forza de volontà non basta per poder continuar la propria carriera.. anche perchè chi assumi quelle sostanze ga delle prestazioni de molto superiori a chi non le assumi.. (IMHO )

[Stefano79]

Go votado 1. La prestazion de uno sportivo "natural" xè parecchio inferiore. Quindi se parlemo de professionisti, purtroppo non adeguarse vol dir rivar ultimi.

Questo xè lo "sport" de oggi

[polpetta]

concordo con Trert e Stefano79 ...purtroppo el sport de oggi [per quanto ne so e se ne parla alla tv...]

... no centra la volonta o meno del singolo sportivo.. perche se i altri sportivi diventa forti usando certi mezzucci .. automaticamente el buonista xe taià fora..

Triste la xe.....

[rix]

Se deve per forza farne a meno, se se ga un minimo de coscienza e spirito sportivo..personalmente, come amante dello sport, preferirei essere ultimo con i miei mezzi, che primo con l'aiuto di zozzerie farmaceutiche...